ئه‌ڤرۆ نيوز:
نووترين نووچه
- ب گرنگی دنێڕینە پێگەهێ هەرێما كوردستانێ
- مەسرور بارزانی و بەربژارێ ترەمپی بۆ شیرەتكارییا ئاسایشا نیشتمانییا ئەمریكی دووماهی پێشهاتان گەنگەشە دكەن
- ژ ناڤچوونا رژێما ئەسەدی و دەرئەنجامێن وێ دێ كارتێكرنێن ئەمنی و سیاسی ل سەر ئیراقێ هەبن
- دادگەهەكا بەغدا سكالایەكا وەزارەتا پەترۆلا ئیراقێ دژی هەرێمێ رەتكر
- سەرۆك بارزانی: ئێكەتییا ئافرەتێن كوردستانێ ئەزموونەكا سەركەفتییا پشكدارییا ئافرەتێ یە د ژیانا سیاسی و جڤاكییا كوردستانێ دا
- ئێكەتییا ئافرەتان هەڤپشكەكا سەرەكییە د گەشەپێدانا جڤاكەكێ مەدەنیدا
- ئێكەتییا ئافرەتان قوتابخانەیا پێگەهاندنا چەندین ئافرەتێن خودان شیان و سەركردە یە
- مەسرور بارزانی و وەزیرێ دەرڤەیێ بەحرەینێ پێشڤەبرنا پەیوەندییان د وارێن جۆرا و جۆر دا گەنگەشەكر
- میسال ئالۆسی: سەرۆك بارزانی دشێت هەموو ئالیێن سیاسی كۆمڤەكەت و چارەسەرییا كێشەیان بكەت
- سەرۆك بارزانی و شێخ عەبدوللا حمێدی عەجیل یاوەر رەوشا دەڤەرێن سنۆری یێن ئیراقێ و سووریێ گەنگەشەكر
سه‌ره‌كى Twitter
ڤيديو: گاڤا ته‌قينا سته‌نبۆلێ چێبووى
ژمارا قوربانيێن ته‌قينا ئه‌ڤ شه‌ڤه يا ئيسته‌نبولێ گه‌هشته 88 كه‌سان
ئه‌ڤرۆ نيوز:
پشتى كو ئه‌ڤ شه‌ڤه سێ ته‌قينێن ل دووڤ ئێك ل فرۆكخانا ئه‌تاتورك ل ئيسته‌نبولێ دورست بووين، واسپ شاهین پارێزگه‌رێ ئسته‌نبولێ راگه‌هاند كو د وێ هێرشێ دا 28 كه‌س هاتينه كوشتنن و 60 كه‌س ژى برينداربووينه.
واسپ شاهین پارێزگه‌رێ ئسته‌نبولێ دياركر كو ئه‌ڤ كرياره ، يا خوه‌كوژى بوويه كو سێ خوه‌كوژيا هێرش كرينه سه‌ر فرۆكخانێ و خوه په‌قاندى نه.
حكیم و باسم به‌ربژارێن پوستێ راهێنه‌ریا دو یانێن عیراقى نه
ئه‌ڤرۆ:
پشتى ل ماوێ بورى راهێنه‌رێن هه‌ردو یانێن ته‌له‌به و مینا داخوازا لێبورینێ ژ یانێن خوه كرین كو به‌رده‌وامى ب ده‌نه پوستێ راهێنه‌ریا یانێن خوه ل وه‌رزێ نوو یێ خولا عیراقێ سه‌راره‌ى وێ چه‌ندێ هه‌ڤبه‌ستێن خوه نووكرن بو ل گه‌ل یانێ كو یێ سورى حوسام سه‌ید ل گه‌ل مینا و یێ ته‌له‌به ئه‌یوب ئه‌دیشو .
ژێده‌رێن نێزیك ژ هه‌ردو یانا وه‌سا دانه دیاركرن یانا مینا یا به‌سراوى پشتى چه‌ندین بزاڤا بۆ رازیكرنا حوسام سید بۆ به‌رده‌وامى ب ده‌ته كارێ خوه لێ ناڤبرى ل سه‌ر حه‌زا خوه پوستێ راهێنه‌ریا مینا ب جه هێشت و ژێده‌ر وه‌سا دنه دیاركرن كارگێریا یانێ ده‌ست ب دانوستاندان ل گه‌ل چه‌ند راهێنه‌ران كریه كو یێ به‌سراوى عادل ناسر و راهێنه‌رێ یانا زه‌ورا باسم قاسم كو ئه‌و به‌ربژاره‌كێ ب هێزه بۆ راهێنه‌ریا یانا مینا وه‌ربگریت بۆ وه‌رزێ نوو یێ خولا عیراقێ ، ژلایه‌كێ دیڤه یانا ته‌له‌به ژى پشتى ئه‌یوب پوستێ راهێنه‌ریێ ب جه هێلاى و داخوازا لێبورینێ كرى ده‌نگوباس وه‌سا داینه دیاركرن حه‌كیم شاكر گه‌له‌ك نێزیكى ئیمزاكرنا هه‌ڤبه‌ستا ڤێ یانێ بوویه هه‌ر چه‌نده چه‌ند راهێنه‌رێن دى ژێ به‌ربژارن بۆ پوستێ راهێنه‌ریا ته‌له‌به لێ حه‌كیم شاكر ژ هه‌ر راهێنه‌ره‌كێ دى نێزیكتره .
خشتێ یاریێن قۆناغیا هەشتێ يێن یۆرۆ ٢٠١٦:
200 ساله گونده‌ك پێكڤه فتارێ دكه‌ن
رونالدو یێ بزاڤا رازیكرنا یاریزانه‌كێ به‌رشه‌لۆنا كه‌ت
ئه‌ڤرۆ:
ستێرا پرتوگالى و یانا ریال مه‌درید كریستانو رونالدو دخوازیت یانا وى ل ڤه‌گوهاستنێن هاڤینا ئه‌ڤ ساله هه‌ڤبه‌ستێ ل گه‌ل یاریزانێ به‌رشه‌لۆنا و هه‌لبژارتیێ به‌رازیل نیمار دا سێلڤا ئیمزابكه‌ت .
رۆژناما دیرو گول یا ئیسپانى دیاركریه رونالدو په‌یوه‌ندیێن گه‌له‌ك ب هێز هه‌نه ل گه‌ل ستێرا به‌رازیلى نیمار تایبه‌ت پشتى ئاهنگا ته‌پا زێرى یا 2015 په‌یوه‌ندیێن رونالدو نه‌یمارى باش بووینه چه‌ندین جاران هه‌ردو یاریزان ل رۆژنامه‌یێن به‌رنیاس ل جیهانێ دوپاتكریه ئه‌وان په‌یوه‌ندیه‌كا باش هه‌یه .
وێ رۆژنامێ ئه‌و چه‌نده ژى دیاركریه رونالدو به‌رده‌وام په‌یوه‌ندى ب یاریزانێ به‌رازیلى نه‌یمار كه‌ت ب رێیا نامه‌یا و داخوازى ژێ كریه یاریێ ل یانا ریال مه‌درید بكه‌ت و دێ یێ كه‌یفخوش بیت ئه‌گه‌ر ئه‌و یاریێ ل گه‌ل ئه‌وى بكه‌ت ل یانا مه‌له‌كى كو ئه‌ڤ چه‌نده نه‌یمارى دوپاتكریه و وى ژێ دیاركریه ئه‌و ژێ دێ یێ كه‌یفخوش بیت یاریێ ل گه‌ل رونالدوى بكه‌ت و دبینت باشترین یاریزانه.
هه‌ردیسان وێ رۆژنامێ دیاركریه ژى ژبلى رونالدوى نیمار په‌یوه‌ندێن ب هێز ل گه‌ل هه‌ڤالێ خوه مارسێلوى هه‌نه و ئه‌و ژى داخوازى ژ نه‌یمارى كریه بهێته یانا ریال مه‌درید ل ماوێ بهێت .
سوبه دێ چار وه‌زاره‌ت مووچه‌ى وه‌رگرن
ئه‌ڤرۆ نيوز:
وه‌زاره‌تا دارايى و ئابوورى يا حوكمه‌تا هه‌رێمێ راگه‌هاند كو رۆژا 4 شه‌مبى دێ مووچێ ڤان وه‌زاره‌تان هێته به‌لاڤكرن:
1-وەزارەتا كشتوكال و سەرچاوەكانی ئاو
2-وەزارەتا شارەوانی و گەشت و گوزار
3- مووچێ فەرمانبەرارێن وەزارەتا كارو كاروباری كۆمەڵایەتی
4- مووچەی فەرمانبەرێن وەزارەتا شەهیدان و ئەنفالكراوان
ئه‌ڤرۆ نيوز ئه‌گه‌رێن گيروبوونا موچێ ماموستايان ئاشكرا دكه‌ت
ئه‌ڤرۆ نيوز:
وه‌زاره‌تا دارايى ده‌ستكاريا خشتێ به‌لاڤكرنا مووچێ فه‌رمانبه‌ران كريه و ڤێ جارێ وه‌زاره‌تا په‌روه‌ردێ ئێخستيه درێزبه‌ندا دووماهيێ دا، عه‌بدولواحد محه‌مه‌د ئه‌ندامێ ئێكه‌تيا ماموستايان دياركر پشتى ڤێ ده‌ستكاريێ وان سه‌ره‌دانا جڤاتا وه‌زيران كريه و په‌يڤدارێ حكومه‌تێ ئه‌و پشت راستكرينه كو ده‌ستكاريا مووچێ وه‌زاره‌تا په‌روه‌ردێ ناهێته كرن، به‌لێ سوزێن خوه نه‌برينه سه‌ر.
ل دووڤ پێزانينێن ئه‌ڤرۆ نيوز، گيروبوونا موچێ ماموستايان هه‌تا هه‌يڤا ئه‌يلونێ دێ ب ڤى ره‌نگى بيت چونكه ده‌رگه‌هێن قوتابخانان ژبه‌ر بهێنڤه‌دانا سالێ هاتينه گرتن و ژبلى ستافێ كارگێرى، ماموستا ده‌وامێ ناكه‌ن و نوكه دبهێنڤه‌دانێ دانه.
ئه‌ڤرۆ نيوز ئه‌گه‌رێن تێكچوونا كاره‌با گشتى ئاشكرا دكه‌ت
ئه‌ڤرۆ نيوز:
محه‌مه‌د ئه‌مين هه‌ورامى په‌يڤدارێ وه‌زاره‌تا كاره‌بێ راگه‌هاند شڤێدى پتر ژ 5 ده‌مژمێران كاره‌با گشتى ل سه‌رانسه‌رى هه‌رێما كوردستانێ نه‌بوويه و ئه‌گه‌رێن وێ ئاشكرا دكه‌ت.
محه‌مه‌د ئه‌مين هه‌ورامى په‌يڤدارێ وه‌زاره‌تا كاره‌بێ دياركر: ژ به‌ر دروستبوونا شورته‌كێ بۆ هێلا 132 KV كو تورا سه‌ره‌كيا كاره‌بێ يه د ناڤبه‌را باژاروكێ دوكان و گوندێ چوارقورنه، بۆ ئه‌گه‌ر كو پتر ژ 5 ده‌مژمێران كاره‌ب شڤێدى نه‌بيت، به‌لێ ڤێ سپێدێ مه ده‌ست ب چاره‌كرنا وێ كر و نوكه ره‌وشا كاره‌با گشتى وه‌كو خوه ڤه‌گه‌رياڤه.
نيشاندان
WP Facebook Auto Publish Powered By : XYZScripts.com