ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 26ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1263 |
| 1 يۆرۆيێ ئه‌ورۆپى | 1400 |
| 1 ليرێ توركى | 435 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
سپێده‌هيا ئه‌ڤرۆ تۆپخانێن وه‌لاتيێ ئيرانێ ب به‌هانا هه‌بوونا پێشمه‌رگێن پارتى ديموكراتى كوردستان- ئيران “حدكا” و حزبا يموكراتا كوردستانێ “حدك” ده‌ست ب بۆردۆمانكرنا دڤه‌رێن سيده‌كان و باژێركێ حاجى عۆمران كر و د ئه‌نجام دا پێنج وه‌لاتى بريندار بوون.
د. كه‌نعان كانه‌بى، رێڤه‌به‌رێ ساخله‌ميا چۆمان بۆ رووداو گۆت: “د بۆردۆمانا ئڤرۆ يا سۆپايێ ئيرانێ دا بۆ سنورێ سيده‌كان و حاجى عومران دا سێ زارۆ و ژن و زه‌لامه‌ك كو ئه‌ندامێن سێ خێزانانن بريندار بووينه، به‌لێ برينێن وان د سڤكن”.
كه‌نعان كانه‌بى گۆتژى: “چه‌ند ئومبۆلانسه‌ك ره‌وانه‌ى وى سنورى كرينه و تيمێن ساخله‌ميێ ژى د ئاماده‌باشيا ته‌مام دانه دا كو د هه‌وارا برينداران بچن”.
ئه‌ڤ بۆردۆمانا سۆپايێ ئيرانێ ل ده‌مژمێر 9:00ى سپێده‌هيا ئه‌ڤرۆ يا ده‌سپێكرى و هه‌تا نوكه ژى يا به‌رده‌وامه و ب ره‌نگه‌كێ گه‌له‌ك به‌رفره‌يه و ئاگره‌كێ مه‌زن ژى يێ ل وان ده‌ڤه‌ران هه‌لبووى.
ئه‌ڤرۆ نيوز:
نێچيرڤان بارزانى سه‌رۆكێ حوكمه‌تا هه‌رێما كوردستانێ و جێگرێ سه‌رۆكێ پارتى ديموكراتى كوردستان دێ سه‌ره‌دانا ئێكگرتوو كه‌ت.
ب گۆره‌ى ئه‌و پێزانينێن ل به‌ر ده‌ست نێچيرڤان بارزانى سه‌رۆكێ حوكمه‌تا هه‌رێما كوردستانێ و جێگرێ سه‌رۆكێ پارتى ديموكراتى كوردستان دێ سه‌ره‌دانا ئێكگرتوو كه‌ت، به‌لێ هێشتا يا ديار نينه دێ شاندێ وى كى ل گه‌ل بيت و كه‌نگى بيت.
هه‌ر ب گۆره‌ى پێزانينێن ئه‌ڤرۆ نيوز دێ مه‌ره‌م پێ پيرۆزباهيكرنا ئه‌ميندارێ گشتى يێ ئێكگرتوو ئيسلامى كوردستان، سه‌لاحه‌دين بهائه‌دين، بيت كو پشتى چار سالێن ده‌ست ژ كاركێشانێ جاره‌كا دى وه‌كو ئه‌ميندارێ وێ حزبێ هاته هه‌لبژارتن.
ئه‌ڤرۆ نيوز:
ئەندامەکێ ئەنجوومەنێ پارێزگەھا دھۆکێ دیارکر کو ئەڤە بوویە رەمەزان چو روونشتن و دەنگدان ل سەر بابەتێ توبارانکرنا فروکێن تورکیا ل سەر گوندێن سەر ب سنوورێ پارێزگەھا دھۆکێ ڤە نەھاتینەکرن و نووچێ کەنالێن راگەھاندنێ ل دھۆکێ بەلاڤکری چو راستی بو نینن.
ئدریس ھەرکی ئەندامێ ئەنجوومەنێ پارێزگەھا دھۆکێ بۆ رۆژناما ئەڤرۆ گۆت: “ل گۆرەی دەستھەلاتا مە ھەی ل ئەنجوومەنی پارێزگەھا دھۆکێ و ل دووڤ وێ قانوونێ ھەتا نوکە مە چو راپورت دڤی دەمی دا مە نەداینە نە کۆنسولخانا تورکیا و نە چو کۆنسولخانێن دیتر، مە د وەرزێ بوھارێ دا کومبوونەک ئەنجام دا و ب پرانیا دەنگان بریار دا کو ئەم ئیدانا توبارانکرنا فروکێن تورکیا بۆ گوندێن سەر ب سنوورێن ھەرێما کوردستانێ دکەینو د ھەمان دەم دا بۆ ئەو گوندێن زەرەرمەند بووین کو نێزیکی 40 گوندانە مە لژنەک پێکئینا بۆ سەرەدانا جھێن زەرەمەند بووین کو ژ سێ لژنان پێکدھات، لژنەک بۆ قەزا زاخۆ و ئامێدیێ و ئاکرێ مە کرە راپورت ھەموو ب نڤێسین و داتا تومارکرینە کا ھەر کەسەکێ چەند زەرەر گەھشتیێ د وی وەختی دا”.
گۆتژی: “نوکە ئەڤە بوویە رەمەزان چو روونشتن و دەنگدان ل سەر ڤی بابەتی نەھاتینەکرن، دبیت ئەڤە ش نوو گەھشت بیتە دەستێ وان کەنالان”.
ئەڤرۆ:
چاڤەرێ دھێتەکرن ئەڤرۆ پێنج یاری ژ خولا پلا ئێک یا سوید بھێنەکرن کو نوونەرا کوردان ل وی وەلاتی یانا دالکورد دێ یاریەکا ب زحمەت ل ناڤ ئەرد و جەماوەرێ خوە دا ھەمبەری یانا AFC یوناید کەت ئەوا نوکە رێزا دوێ دھێت ب ٢٦ خالان و دالکورد رێزا چارێ دھێت ب ٢٥ خالان و سەرکەفتنا یانا کوردی دڤێ یاریێ دا دێ وی بەر ب پێنگاڤەکا باش بیت بۆ بەردەوامی ب دەتە رێزێن پێشیێ دخولێ دا .
دالکورد دڤێ یاریێ دا دێ ب ھەمی شیانێن خوە کەت بۆ سەرکەفتنا پێنجێ ل دیڤ ئێک و بەردەوامی ب دەتە کاروانێ خوە بۆ دەربازبوونێ بۆ خولا پلا نایاب یا سوید کو ل ١٣ یاریێن بوری دا شیا حەفت سەرکەفتنا بەرامبەر چار وەکھەڤیا و دو خوسارەتیا تومارکری نە بەرامبەر ھەڤرکا وێ ھەشت سەرکەفتن و دو وەکھەڤی ل گەل سێ خوسارەتیا ھەنە کو ھەرسێ خوسارەتیێن وێ و وەکھەڤیێن وێ ل دەرڤەی یاریگەھا وێ نە ئانکو ئەوێ ھێزا وێ پتر یا ل یاریگەھا وێ لەورا دەلیڤەیا دالکورد ھەیە ئەڤرۆ بشێت خوسارەتیا چارێ ب گەھینتێ و پێشڤە بچیتە رێزا دوێ دخولێ دا .
بۆ ڤێ یاریێ ھەمی یاریزانێن دالکورد د بەرھەڤن بتنێ ئەگەر یاریزانێ وێ یێ توستی عیماد لواتی نەبیت ئەوێ توشی ھنگافتنێ بووی کو دبیت ھەتا دووماھیا خولێ نەشێت پشکداریێ بکەت .
ئەڤرۆ نیوز:
ئەندامەکێ کورد ل جڤاتا نوونەرێن عیراقێ بۆ ئەڤرۆ دیارکر، حەیدەر عەبادی نەشێت چو لەشکرێ عیراقێ بیێ رێککەڤتن ل گەل حوکمەتا ھەرێما کوردستانێ رەوانەی شەنگال بکەت، پێشمەرگەی کوردستانێ شەنگال یا رزگارکری، ھەکە عەبادی لەشکرەکێ وەسا مەزن ھەیە بلا کەرمکەت بەعاج و مووسلێ و ئەنبار ژ تیرۆرستان رزگار بکەت.
ریناس جانۆ ئەندامێ جڤاتا نوونەرێن عیراقێ یەَ سەر ب فڕاکسیۆنا پارتی دیموکراتی کوردستان گۆت: بەغدا بیێ ریککەفتنا ل گەل ھەرێما کوردستانێ نەشیت لەشکرێ خوە رەوانەی دەڤەرێن دەرڤەیی دەستھەلاتا کوردستانێ بکەت، ھەکە عەبادی نیازە وێ چەندی ھەبیت رۆژەکێ لەشکرێ عیراقێ بھێتە شەنگال پێدڤیە ل دەسپێکی ل گەل ھەرێما کوردستانێ ریککەفتنەکێ بکەت، پاشی وێ نیازی بەحس بکەت.
ریناس جانۆ، ئەو ژی دیارکر، د وەختەکێ دا چەندێن دەڤەرێن عیراقێ دەستێن رێکخراوا تیرۆرستێن داعشی دانە شوونا عەبادی لەشکرێ خوە ڕەوانەی شەنگال بکەت، بلا وان دەڤەرێن بن دەستھەلاتا تیرۆرستێن داعشێ دا رزگار بکەت، چونکی شەنگالێ پێدڤی ب لەشکرێ عێراقێ نێنە، نوکە شەنگال یا رزگارکریە دبن کونترۆلا پێشمەرگەی قەرەمان کوردستانێ دایە.
زێدەتر گۆت: عەبادی باش دزانت شەنگال دەڤەرەکا کوردستانی یە ل سەر دەستێن پێشمەرگەی قەرەمان ھاتیە رزگارکرن، و کار یێ دھێتە کرن ببیتە پارێزگەھەک سەر ب ھەرێما کوردستانێ ڤە بیت، ب چوو شیوەیەکێ نابیت بەغدا بیێ ھەرێما کوردستانی لەشکرێ خوە ڕەوانەی شەنگال بکەت.
ریناس جانۆ ھەروەسا گۆت: شنگال پێدڤی سوپایێ عیراقێ نێنە چونکو شنگال یا رزگارکریە لێ دەڤەرین نە رزگارکری پێدڤیی لەشکرێ عیراقێ ھەیە وەکو بەعاج و مووسل و شرگات و گەلەک دەڤەرێن دی، ھەکە عیراقی لەشکرەکێ ھوەسا مەزن ھەبیت وەکو عەبادی دبیژت بلا وان دەڤەرێن بن دەستھەلاتا تیرۆرستێن داعشێ پێ رزگار بکەت، عەبادی بلا ھزری ل رزگارکرنا وان دەڤەران بکەت یێن رۆژانە وەلاتێن سڤیل لێ دھێنە ئەشکەنجەدان و کوشتن وھەموو کارین توند وتیژی ل گەل یێ دھێنە کرن بن دەستھەلاتا تیرۆرستان ڤە.
ئەڤرۆ،ھەژار مەعروف:
بریارە ئەڤرۆ بەردەوامی ب یاریێن قوناغا ١٦ ژ قارەمانیا یورۆ بھێتەکرن ب سێ یاریان و د یاریا ئێکێ دا بریارە مێڤاندارا قارەمانیێ ل گەل ھەلبژارتیێ ئیرلەندا بکەت و ئەلمانیا ل گەل سلوڤاکیا د یاریا دوێ دا و یاریا سیێ بریارە دناڤبەرا ھنگاریا و بەلجیکا بھێتەکرن.
فەرەنسا و ئیرلەندا و بیرھاتنێن گولا ھنری
بریارە دەمژمێر چار پشتی نیڤرۆ ل دیڤ دەمێ کوردستانێ مێڤاندارا قارەمانیێ ھەلبژارتیێ فەرەنسا ل یاریگەھا پارک ئولومپیک لیون ل گەل ھەلبژارتیێ ئیرلەندا بکەت کو ھەلبژارتیێ ئیرلەندا بیرھاتنێن نە خوش ل گەل ھەلبژارتیێ فەرەنسا ھەنە تایبەت خوسارەتیا وێ د یاریا چارەنڤێسی دا بۆ دەربازبوونێ بوو موندیالا جیھانی ل ٢٠١٠ کو ھەلبژارتیێ فەرەنسا ب گولا تێری ھنری ئەوا ب دەستی تومارکری ل سەر ئیرلەندا ل سەر کیستی ئیرلەندیا دەربازبوو ل وی دەمی ئەو گول ببو مانشێت ھەمی رۆژنامەیێن جیھانی و ئیرلەندا ژ موندیالێ بێ بارکر ، ئەگەر بھێن و بەرێ خوە ب دەینە مێژوو ئاستێ ھونەری ھەردو ھەلبژارتیا فەرەنسا چێاوازیەکا مەزن یا ل دەڤ ھەی تایبەت ژلایێ پێشکەڤتنا خولێ و یاریزانێن وی زوربەیا یاریزانێن وی ل یانێن مەزن کەن و نوکە دھێتە ھژمارتن ئێک ژ بەربژارێن ب ھێز بۆ برنا قارەمانیا یورویا ئەڤ سالە، لێ جەماوەر و یاریزانێن ئیرلەندی بۆ یاریا فەرەنسا رکمانیەک ل دەڤ پەیدابوویە و دخوازن تولا خوە ژ فەرەنسا ڤەکەن یا سالا ٢٠٠٩ ھەر چەندە ئەو باش دزانن ئەرکێ وان یێ ب سانەھی نابیت لێ ئەو دبێژن ئەڤ یاریا دێ یاریا تولڤەکرنێ بیت و راپورتێن رۆژنامەڤانی ژێ ل فەرەنسا وەسا داینە دیارکرن دێ یاریەکا پری ھەڤرکی بیت ژبەر ئەو بیرھاتنا سالا ٢٠٠٩ لەورا فەرەنسا دێ توشی زحمەتێ بیت ھەتا بشێت خوە ژ رێکمانیا ئیرلەندا دەربازبکەت.
ئەلمانیا ژ حنێرەکێ ترسن
یاریا دوێ بریارە ل دەمژمێر حەفت ئێڤاری دناڤبەرا ئەلمانیا سلوڤاکیا بھێتەکرن کو ھەلبژارتیێ ئەلمانیا خودانا مەزنترین پشکداریا د قارەمانیێ دا کو ١٢ جاران پشکداری کریە و جارەکێ شیا ناسناڤی ب دەستخوڤە بینت و ھەر چارا پشکداری د قارەمانیێ دا کریە دھێتە ھژمارتن ژ بەر بژارێن ب ھێز بو برنا ناسناڤی تایبەت پشتی سالێن ١٩٩٠ بەرامبەر سلوڤاکیا باش د زانیت ئەرکێ وێ یێ ب سانەھی نابیت، گولچیێ بەرنیاس یێ ئەلمانی نویر د داخویانیەکا رۆژنامەڤانی دا دیارکریە پێدڤی یە یاریزان ھشیاربن ژ یاریزانێن سلوڤاکیا تایبەت یاریزانێ یانا ناپولی ھامسک کو ئەو دێ ھشیاری لێدانێن وی یێن دور بیت ژبەرکو یاریزانەکێ خودان شیان و ھەر دەمێ دەلیڤەیا خوە ھەبیت دێ مەترسی ل سەر گولا ئەوان ھەبیت چونکو ھامسک خودانێ چەندین گولێن جوان ب لێدانێن ب ھێز، رۆژنامەیێن ئەلمانی دیارکریە ھێزا ھەلبژارتیێ ئەوان ئەلمانیا نە وەکو ھێزا سالێن بوریە ئەڤ چەندە بوویە جھێ مەترسی ل دەڤ جەماوەر و حەژێکەرێن جەماوەرێ ئەلمانیا تایبەت پشتی وی ئاستێ باش یێ ھەلبژارتیێ سلوڤاکیا ل ھەردو یاریێن بەرامبەر ئینگلتەرا و روسیا پێشکێشکری کو جەماوەرێ ئەلمانیا ژ حنێرەکێ ترسیت ژ قارەمانیێ دەرکەڤیت ل سەر کیستێ ھەلبژارتیەکی کو جارا ئێکێ یە پشکداریێ کەت، ھەردو ھەلبژارتیان شەش جاران ھەمبەری ئێک بووینە چار جاران ئەلمان ب سەرکەفتی نە و دو جاران سلوڤاکیا و یاریا ئێکێ بۆ سالا ١٩٤١ ڤەدگەریت کو ئەلمان سەرکەفت بوون ب چار گولان بێ بەرامبەر و دووماھی یاری ل ٢٠٠٩ بۆ ھەلبژارتیێ سلوڤاکیا ب سەرکەڤت بۆ ل سەر ئەلمانیا ب سێ گولان بەرامبەر گولەکێ.
بەلجیکا دخوازیت بەردەوامی ب دەتە کاروانێ خوە
بریارە یاریا سیێ ل دەمژمێر ١٠:٠٠ دناڤبەرا ھنگاریا و بەلجیکا دا بھێتەکرن کو ھنگاری پشتی بورینا ٤٤ سالان جارەکا دی ڤەگەریانا دناڤ ھەڤرکیێن قارەمانیێ دا کو د قارەمانیا ئەڤ سالە دا خوە ب ھێز دیارکریە وەکو قارەمانا کوما خوە شیان دەربازی قوناعا ١٦ بن و تایبەت ل یاریا دووماھیێ ھەمبەری پرتوگال شیان ئاستەکێ بلند یێ ھونەری پێشکێش بکەن لێ ئەڤ چەندە تێرا وێ چەندێ ناکەت و رۆژنامەیێن ئورۆپی پتر رولێ ب دەنە وێ ژ ھەڤرکا وێ بەلجکیا کو بوچون پتر بۆ دەربازبوونا بەلجیکا ڤەدگەرن ژبەرکو ھەلبژارتیێ بەلجیکا دھێتە ھژمارتن ئێک بەربژارێن ب ھێز بۆ ڤێ قارەمانیێ و خودانا چەندین یاریزانێن بەرنیاس ل سەر ئاستێ خولێن مەزن یێن ئورۆپی، راھێنەرێ بەلجیکا د گونگرێ رۆژنامەڤانی دا دیارکریە ئەوان باوەری ب شیانێن خوە ھەیە دێ بەردەوامی دەنە کاروانێ خوە بۆ دەربازبوونێ و ھەڤرکیێ ل سەر ناسناڤێ قارەمانیێ ھەر چەندە پێدڤی یە ژ حنێرا ھنگاریا ژێ بترسین ژبەرکو دیاریێن ئێکلاکەر دا قەرەبولکرن نینە لەورا ل سەر ئەوان پێدڤی یە ب ھشیاری یاریێ بکەن، بەلجیکا شەش یاری ل گەل ھنگاریا کریە چار جاران بەلجیکا شیا سەرکەفتنێ توماربکەت بەرامبەر وەکھەڤیەکێ و سەرکەفتنەک بۆ ھنگاریا .
ئه‌ڤرۆ نیوز:
ئیسماعیل محه‌مه‌د هاریكارێ پارێزگارێ دهۆك بۆ كاروبارێن مروڤایه‌تى بۆ ئاژانسا ئانادۆلۆ راگه‌هاند كو پێنج جه بۆ ئاوارێن پشتى شه‌رێ ئازادكرنا مووسڵ هاتینه ده‌ستنیشانكرن كو دێ كه‌مپه‌ك ل حه‌سه‌م شام ل به‌رده‌ره‌ش و زلیكان ل شێخان و ل خه‌تارێ و تلسین و ل زومار هێنه دروستكرن.
ئیسماعیل محه‌مه‌د دیاركر وه‌كو پارێزگه‌ها دهۆكێ وانا بۆ هه‌موو لایه‌نه‌كێ په‌یوه‌ندیدار دیاركریه كو دشیانێن پارێزگه‌رێ دا نینه وان كه‌مپان ئاڤان بكه‌ن، له‌وما وان داخواز ژ نه‌ته‌وێن یه‌كگرتى كریه كو ڤان كه‌مپان دروست بكه‌ن و پاراستنا ئه‌منیه‌تا وان دێ ئه‌و پێ رابن.
ئیسماعیل محه‌مه‌د ره‌خنه ژ وه‌زاره‌تا كوچ و كوچبه‌رێن عیراقێ هه‌بوون كو تاوه‌كو نوكه وه‌ك پێدڤى خوه ل كێشێن ئاوارێن دهۆكێ نه‌كریه خودان و گۆت” نێزیكى ساله‌كێ یه وه‌زیرێ كوچ و كوچبه‌رێن عیراقێ كو سه‌ر ب بزاڤا گۆڕان ڤه‌یه سه‌ردانا دهۆكێ نه‌كریه”.
ئه‌ڤرۆ:
سه‌ڵاحه‌ددین به‌هائه‌دین ئه‌میندارێ گشتى یێ یه‌كگرتووى ئیسلامى كوردستان د سه‌ره‌دانا خوه‌یا ئه‌ڤرۆ دا بۆ مه‌لبه‌ندێ سێ یێ یه‌كگرتوو راگه‌هاند” دلخوشین ب وێ یه‌كێ كو ل ڤێ ره‌مه‌زانێ سه‌ركردێن گه‌لێ كوردستانێ مزگینیه‌كا خوه‌ش ب خه‌لكێ خوه و گه‌لێ كوردستانێ بده‌ن، ئه‌م ژى وه‌ك یه‌كگرتوو د خزمه‌تا ئاشته‌وایا نیشتمانیداین و به‌رده‌وام بزاڤا بۆ لێكنێزیكرنا سه‌ركردێن كوردستانێ ده‌ین”.
سه‌ڵاحه‌ددین به‌هائه‌دین دیاركرژى: هه‌موو پرس و ئاواتێن گه‌لێ كوردستانێ یێن گرێداى نه ب پێكڤه‌بوون و ئێكمالى و رێكخستنا ناڤ مالا كوردى، له‌وما چێ نابیت ئه‌م ل ئێك نه‌گه‌هین و چاڤه‌رێى ده‌ستكه‌فتێن مه‌زن بكه‌ین و پێنگاڤێن مه‌زن بهاڤێژین”.
سه‌باره‌ت كۆمبوونا لایه‌نێن سیاسى و په‌یاما سه‌رۆك بارزانى، ئه‌میندارێ گشتى یێ یه‌كگرتوو دیاركر” به‌رى كۆمبوونان پێدڤیه ئاماده‌سازى بهێنه كرن و كه‌ش و هه‌وایه‌كێ برایانه دروست ببیت، بۆ وێ یه‌كێ پێكڤه پێنگاڤان بهاڤێژین و به‌رى كۆمبوونێ ژى دڤێت سه‌ركردێن هه‌رێما كوردستانێ نێزیكى ئێك ببن”.
ل دۆر رێككه‌فتنا گۆڕان و ئێكه‌تیێ، سه‌ڵاحه‌ددین به‌هائه‌دین گۆت” دروست نینه ئه‌و رێككه‌فتنه دژى هه‌ر لایه‌نه‌كێ بیت و وان ژى و ئه‌م ژى وه‌سا یێن تێگه‌هشتى، پێدڤیه ئه‌و رێككه‌فتنه بۆ ئێكخستنا ناڤ مال و چاره‌كرنا كێشێن خه‌لكى بیت”.
ئەڤرۆ نیوز:
راپورتێن برێتانی دیارکریە یانا ئیڤەرتون شیان یاریزانێ خوە و یێ ھەلبژارتیێ بەلجیکا رازیبکەن بمینتە ل گەل یانێ و ھەڤبەستا وی درێژ بکەن بۆ ماوەکێ دی، ل دیڤ گوتنا مالپەرێ توتو مێرکاتو یێ ئیتالی کو رێڤەبەرێ یانا ئیڤەرتون دیارکریە ئەو شیان لوکاکو رازی بکەن بمینتە ل یانێ و راستڤەکرنێ د ھەڤبەستا وی دا بکەن، ھەژی گوتنێ یە ل ماوێ بوری ھژمارەکا مەزن یا یانێن ئورۆپی ئارمانجا خوە کریە لوکاکو و سەرکێشا ئەوان یوڤانتوس یا ئیتالی.
نيشاندان
