ئه‌بخازیا، ملله‌ت جه‌مال:
هه‌لبژارتیێ هه‌رێما كوردستانێ پشتى سه‌ركه‌فتنا خوه د یاریا ئێكێ دا لسه‌ر هه‌لبژارتیێ سزیكلاند به‌رهه‌ڤیێن خوه چركرن بو یاریا سوباهى ئه‌وا بریاره به‌رامبه‌ر هه‌لبژارتیێ هه‌رێما كوریا ئێكگرتى لده‌مژمێر 3 ئێڤارى ل یاریگه‌ها داینه‌مو ل باژێرێ سوخوم بهێته‌كرن
لده‌ستپێكا یه‌كا راهێنانێ سه‌رۆكێ ئێكه‌تیا ته‌پا پێى یا هه‌رێما كورستانێ سه‌فین كانه‌بى ده‌ستخوشى ل گشت یاریزان و ده‌سته‌یا راهێنه‌ریێ كر ژبه‌ر سه‌ركه‌فتنا وان د یاریا ئێكێ دا و هیڤى خواست گشت یاریكه‌ر ب هه‌مان گیانێ سه‌ركه‌فتنێ بو یاریا سوباهى خو ماندى بكه‌ن
پشتى گوتنا سه‌رۆكێ ئێكه‌تیا ته‌پا پێى ئێكسه‌ر ده‌ست ب یه‌كا راهێنانێ هاته‌كرن كو ب شێوه‌كێ سڤك بوون ژبه‌ر یاریا دوهى كو ده‌لیڤا بێهنڤه‌دانێ نینه بو یاریكه‌ران له‌ورا ژى بتنێ راهێنانێن له‌شسڤكیێ هاتنه‌كرن و لدووماهیا یه‌كا راهێنانێ هه‌مى یاریكه‌ران سوزدا سه‌ركه‌فتنا خوه دوباره‌كه‌ن
لدور ڤێ یاریێ راهێنه‌رێ هه‌لبژارتیێ كوردستانێ خسرۆ گورون گوت: به‌رهه‌ڤیێن مه دباشن بو ڤێ یاریێ و مه پێزانین لسه‌ر هه‌لبژارتیێ كوریا ئێكگرتى هه‌نه ب راستى ژى هه‌لبژارتیه‌كێ باشه و یاریزانێن باش دناڤدا هه‌نه لێ ئه‌م سوزا ده‌ربازبوونێ دده‌ینه هه‌موو خه‌لكێ كوردستانێ
زێده‌تر ناڤبرى دیاركر كو دبیت بو ڤێ یاریێ هنده‌ك یاریكه‌ر یاریێ نه‌كه‌ن دێ بێهنڤه‌دانێ ده‌ینێ چنكو بو یاریێن بهێت دێ قاره‌مانى زور بهێزتر لێهیت له‌ورا نه‌چارین به‌لانسه‌كێ درۆست بكه‌ین بو وێ چه‌ندێ هه‌مى یاریزان ماندى نه‌بن
ئه‌بخازیا، ملله‌ت جه‌مال:
بریاره سوباهى دادڤانێن هه‌رێما كوردستانێ ئه‌وێن پشكدار د قاره‌مانیا كونیفا یا دویێ ئه‌وا نوكه هه‌ڤركیێن وێ ل وه‌لاتێ ئه‌بخازیا دهێنه كرن دو یاریێن گرنگ برێڤه ببه‌ن
ل ده‌مژمێر 3 ئێڤارێ دادڤانێ نیڤا یاریگه‌هێ و ل گه‌ل هاریكارێ خوه سه‌فین قادر دێ یاریا هه‌ر دو هه‌رێمێن په‌نجاب و سوماللاند برێڤه‌به‌ن كو بریاره ئه‌ڤ یاریه ل باژێرێ گاگرا بهێته‌كرن
هه‌روه‌سا ل ده‌مژمێر 8 شه‌ڤ دادڤانێ نیڤا یاریگه‌هێ له‌بیب حه‌بیب و ل گه‌ل هاریكارى خوه دارا جه‌لال دێ یاریا دناڤبه‌را هه‌رێما ئه‌بخازیا خودانا ئه‌رد و جه‌ماوه‌رى و هه‌رێما ئه‌رمینیا برێڤه‌به‌ن و هه‌ژى گوتنێ یه جه‌عفه‌ر فه‌هیم ژى وه‌كو سه‌رپه‌رشتێ ڤێ یاریێ هاتیه دانان
ئەڤرۆ نیوز
یانا گەلاتەسەرای یا تورکی حەزا خوە دیارکری یە بۆ ئیمزاکرنا ھەڤبەستا ستێرا بوسنی و یاریزانێ یانا روما ئیدین دزیکو ل مێرکاتویا بھێت ھەڤبەستێ ل گەل ئیمزابکەت و یانا تورکی دەست ب دانوستاندان ژی کری یە ل گەل یانا روما لێ ھەتانوکە نە گەھشتی نە چو رێککەفتنا ژبەرکو یانا روما ١٥ ملیون یورۆ ژ یانا گەلاتەسرای داخوزکری نە ب شێوەیێ فروتنا ڤی یاریزانی لێ یانا تورکی ئەڤ چەندە رەتکری یە کو ب ڤی کوژمی دزیکوی ب کریت و خواستی یە ب شێوەیێ خواستن بھێتە ل گەل ئەوان بۆ سالەکێ.
ئه‌ڤرۆ نيوز:
ئه‌نجوومه‌نێ ئاسايشا هه‌رێما كوردستانێ راگه‌هاند د ئوپه‌راسيونا كونترولكرنا ده‌ڤه‌رێن رۆژهه‌لاتێ مووسل دا، 120 كيلومترێن چوار گوشه ژ ده‌ست تيرورستێن داعش هاتينه ده‌رێخستن و 140 چه‌كدار ژى هاتينه كوشتن.
ئه‌نجوومه‌نێ ئاسايشا هه‌رێما كوردستانێ ئاماژه ب وێ يه‌كێ ژى كريه كو ئوپه‌راسيونێ ئارمانجا خوه يا سه‌ره‌كى بده‌ستڤه‌ئينايه كو ئازادكرنا چه‌ند گوندێن كاكه‌يى و شه‌به‌كان بوو كو رووبه‌ره‌كێ به‌رفره‌هـ يێ ئه‌ردى هاتيه رزگاركرن.
ئەڤرۆ نیوز،زنار تۆڤی:
ئەڤرۆ رۆژا دوشەمبی ب رەنگەکێ فەرمی یانا دیبۆرتیڤۆ لاکرۆنیا یا ئیسپانی دوورخستنا راھێنەرێ یانێ ئاشکراکر.
لدووڤ بەلاڤکرنا پەیامەکێ ژیانا دیبۆرتیڤۆ و ب بریارا کارگێریا یانێ گرێبەستا فیگتۆر سانجێزێ ئیسپانی و راھێنەرێ ئێکێ یێ وێ یانێ ھاتە ھەلوەشاندن.
ل ڤی وەرزی یانا دیبۆرتیڤۆ یا ئیسپانی د لالیگا ئیسپانی دا پلا پازدێ ب دەستڤەئینابوو پشتی شیای ژ سەرجەمێ ٣٨ یاریان ٤٢ خالان بدستڤە بینیت و مەترسیا دابەزینێ بۆ پلا دویێ ل سەر ھەبوو.
ب ڤی رەنگی ئێکەم راھێنەرێ لالیگایێ ژ پۆستێ وی دھێتە دەرکرن.
ئه‌ڤرۆنیۆز، سالار دۆسكى:
نه‌جیبا نه‌جیب ئه‌نداما په‌رله‌مانێ عیراقێ ژ فراكسیۆنا پارتى دیموكراتى كوردستان بۆ ئه‌ڤرۆ نیۆز ئاشكراكر د جڤینا دوهى یا په‌رله‌مانى دا كو 167 ئه‌ندام په‌رله‌مان به‌رهه‌ڤ ببون، حه‌یده‌ر عه‌بادى گوتاره‌ك پێشكێشكر و به‌حسێ ئازادكرنا فه‌لوجه و كاودانێن ئابوورى عیراقێ كرن، مه گۆتێ ئه‌ڤ قه‌یرانه یا تونده ل سه‌ر هه‌رێما كوردستانێ و ژلایێ حوكمه‌تا عیراقێ و جهێن نیف ده‌وله‌تى به‌رچاڤ نه هاتیه وه‌رگرتن و هه‌تا نوكه هه‌رێم ل گه‌ل عیراقێ یه لێ ب شێوێ داد په‌روه‌رانه ره‌فتار گه‌ل هه‌رێما كوردستانێ ناهێته‌كرن. نه‌جیبایێ ئاشكراكر كو حه‌یده‌ر عه‌بادى دوهى د رونشتنا په‌رله‌مان دا سوزداینه پارێ جوتیارێن هه‌رێما كوردستانێ ب مه‌زێخیت یێن سالا 2104 به‌رى هه‌یڤا حه‌فت.
ئه‌ڤرۆ نیۆز، قائید میرۆ
نیڤرۆیا ئه‌ڤرۆ هێزێن پێشمه‌رگه‌ی ل میحوه‌رێ بادۆش هێرشه‌كا به‌رفره‌ها تیرۆرستێن داعش شكاند و هه‌شتێ چه‌كدارێن داعش هاتینه كوشتن.
موقه‌ده‌م قه‌تحی مزیری، ل میحوه‌رێ بادۆش ب ئه‌ڤرۆ نیۆز راگه‌هاند” به‌ریا نیڤرۆیا ئه‌ڤرۆ چه‌كدارێن داعش ب رێیا پێنج ترۆمبێلێن بۆمبه‌كری هێرشی سه‌ر هێزێن پێشمه‌رگه‌یكر و بۆده‌مێ سێ ده‌مژمێران شه‌ڕه‌كێ گران كه‌فته ناڤبه‌را هێزێن پێشمه‌رگه و چه‌كدارێن داعش، به‌لێ پێشمه‌رگه شیا هه‌ر پێنج ترۆمبێلێن داعش په‌قینیت و هێرشا وانژی هاته شكاندن.
موقه‌ده‌م فه‌تحی گۆتژی” پێشمه‌رگه‌ی ب پشته‌ڤانیا هه‌ڤپه‌یمانان ئه‌ڤرۆ مه‌زنترین هێرشا داعش شكاند و نێزیكی هه‌شتێ چه‌كدارێن داعش هاتینه كوشتن و هژماره‌كژی ره‌ڤین و برینداربوون.
ئەڤرۆ، ھشیار دوبانکی:
پشتی قارەمانیا بارزانیێ نەمر ھاتیە رێکخستن ل زاخۆ ب پشکداریا ھژمارەکا تیمێن مللی ل سەر ئاستێ زاخۆ و رۆژانە دو یاری ل یاریگەھا دەلال یا وەرزشی یا یانا زاخۆ دھێنەکرن و بۆ دیڤچوونا یاریکەران یانا زاخۆ لژنەیەک دروستکری یە بۆ دیڤچوونا یاریکەران ژ ئەوان تیمێن پشکدار د قارەمانیێ دا.
ل دۆر ڤێ چەندێ سەکڤان سەعید ریڤەبەرێ تیما تەپا پێ ئەوا پشکدار دخولا ھەرێما کوردستانێ دا دبێژیت : پشتی قارەمانی ھاتیە رێکخستن کارگیریا یانا زاخۆ لژنەیەک پێک ئینا ب مەرەما ھەلبژارتنا ھژمارەکا یاریکەران بۆ تیمێن زاخۆ و تایبەت بۆ تیما زاخۆ یا پشکدار دخولا کوردستانێ کو دڤێ قارەمانێ دا ١٠٥ تیم پشکدارن و دناڤا ئەڤان تیمان دا یاریزانێن خودان شیان ھەنە و دێ چەند یاریزانان ھەلبژێرین بۆ تیمێن لاوان و تیما پشکدار دخولا کوردستانێ دا.
ھەردیسان ناڤبری دیارکر ژی لژنەیا ھاتیە پێک ئینا پێکھاتی یە ژ چار کەسان کو ئەو سەرپەرشتیا وێ لژنەیێ کەن و سێ کەسێن دی ژی خودان باوەرنامە و بسپورن د بوارێ وەرزشێ دا ل گەل دانە.
ئەڤرۆنيوز :
راھێنەرێ عیراقی و یانا دھۆک یێ بەری نوکە سائیر جەسام دیارکر ئەو مەندەھوش بوویە ب وێ رافتارا یانا وی یا ئوردونی بەعقە ب وی کری پشتی چەکەکێ بەنکێ یێ ڤالە دایێ ل بنکا ئوردونی کو وێ یانێ چو کوژمێ پارەی د بنکێ دا نەبوو.
زێدەتر سائیر جەسام بۆ دەزگەھێن راگەھاندنا ئوردونی دیارکری یە ئەو شیا یانا بەعقە ژ مەترسیا داکەفتنێ قورتال بکەت و ل یاریێن قوناغا دوێ باشترین ئەنجام ب دەستخوڤە تومارکرن دخولا ئوردون یا تەپا پێ دا و رێککەفتن ل گەل یانا ئوردونی کر بوو ئەگەر ئەو شیا یانێ دخولێ دا پارێزیت کوژمێ ١٥ ھەزار دولاران پێشکێشی وی بکەت و پشتی وێ یانێ ئەو کوژمە وەکو چەکەکێ بەنکێ دایێ و پاش دیڤچوونا وی چەکی کری یێ ڤالە یە و یانا ناڤبری چو کوژم ل بەنکا ئوردونی دا نەبوون ئەو مەندەھوش بووی ب ڤێ رافتارا یانێ ل گەل وی کری سەرارای ئەوان ئەنجامێن سەرکەفتی ل گەل ڤێ یانێ.
نيشاندان