ئەڤرۆ نیوز:
یاریگەھا وێمبلی یا مێژویی یا ئینگلیزی دێ ل ھاڤینا ئەڤ سالە مێڤانداریا ھەردو یانێن بەرشەلۆنا و لیڤەرپول کەت د یاریەکا ھەڤالینی دا ژ چارچوڤێ قارەمانیا قارەمانێن نیڤدەولی یا ھەڤالینی، یانا بەرشەلۆنا دێ ل ٦-٨-٢٠١٦ ب ئامادەبوونا ھژمارەکا وەرزشڤان و یاریزانێن دێرینێن ل سەر ئاستێ ئورۆپا ھەردو یانە دێ ھەمبەری ئێک بەن وەکو خوبەرھەڤکرن بۆ وەرزێ نوو یێ خولێن ئورۆپی.

ئەڤرۆ:
چاڤەرێ دھێتەکرن پشتی بورینا حەفت سالان جارەکا دی ئیتالیا مێڤانداریا یاریا دووماھیا قارەمانیا یانێن ئورۆپا قارەمانێن خولا بکەت ئەوژی دەمێ ھەردو یانێن ریال مەدرید و ئەتلەتیکو مەدرید ل گەل ئێک کەن کو دووماھی جار وەلاتێ ئیتالیا مێڤانداریا یاریا دووماھیا قارەمانیا ئورۆپا کری ئەوژی بەری حەفت سالان بۆ دەمێ یانا بەرشەلۆنا شیای سەرکەفتنێ ل سەر یانا مانچستەر یوناید توماربکەت ل یاریگەھا ئولومپی ل رۆما.
بریارە ل ٢٨-٥-٢٠١٦ یاریگەھا سانسێرو پشتی بوریا ١٥ سالان جارەکا دی مێڤانداریا یاریا دووماھیا قارەمانیا چامپیونس لیگ کەت کو دووماھی جار یاری ل ڤێ یاریگەھێ ھاتیەکرن ل سالا ٢٠٠١ بوو دناڤبەرا ھەردو یانێن بایرن میونیخ و ڤالینسیا بۆ تێدا یانا باڤاری شیابوو سەرکەفتنێ ل سەر ڤالنسیا توماربکەت ب لێدانێن پەنەلتیا پشتی ھەردو یانا ب گولەکێ وەکھەڤبووین و ھەردیسان ل سالا ١٩٧٠ یانا فینورد روتردام یا ھولەندی شیابوو سەرکەفتنێ ل سەر سلیتیک توماربکەت ل یاریگەھا سانسێرو، ل سالا ١٩٦٥ یانا ئەنتر میلان ب ناسناڤێ قارەمانیا چامپیونس لیگ ھاتبوو خەلاتکرن ل یاریگەھا خوە سانسێرو ل سەر کیستی یانا بەنفیکا .
ھەژی گوتنێ یە یاریگەھا سانسێرو یاریگەھا ئێکێ یە ل ئورۆپا و خولا کاتشیو یا ئیتالیا ب دو یانێن مەزن ڤە گرێدای بیت کو بتنێ ھەردو یانێن ئەنتر میلان و ئەی سی میلان کو دھێتە ھژمارتن یاریگەھا ئەوان ھەردو یانا.

ئەڤرۆ نیوز:
ھێرشبەرێ کولومپی و یانا چێلسی یا ئینگلیزی فالکاو ئەوێ یاریێن وی ل گەل یانا چێلسی ب دووماھی ھاتین ل وەرزێ ئەڤ سالە کو ب شێوەکێ خواستن ژ یانا موناکو بەر ب یانا چێلسی ڤە ھاتبوو دیارکر ئو دبینت جارەکا دی ئەو ڤەگەریتە یانا خوە یا بەری نوکە موناکو یا فەرەنسی بۆ وی ژ ھەر یانەکا دی باشترە ژبەرکو دێ شێت ل ڤێ یانێ جارەکا دە ڤەگەریتە ناڤ پێکھاتیێ ھەلبژارتیێ کولومپیا و تایبەت پشتی یانا موناکو ئێک ژ پلێتێن دەربازبوونێ بۆ قارەمانیا چامپیونس لیگ مسوگر کری د خولا فەرەنسا دا بۆ وەرزێ بھێت.
فالکاو ل وەرزێ ئەڤ سالە و وەرزێ بوری ب شێوەکێ خواستن یاری ل یانا مانچستەر یوناید و چێلسی کر.