كچه‌ك موبايلا خوه‌ دادعيريت

25/01/2016 23:54

1266

ئه‌ڤرۆ نيوز: زه‌رى نه‌وزاد:

كچه‌كا به‌رازيلى ب ناڤێ أدريانا موبايلا خوه‌ داعيرا، پشتى كو خوشتڤيێ وێ داخواز ژێ كرى سه‌حكه‌ته‌ نامێن موبايلا وێ.

ل دووڤ ڤه‌كولينان ديار بوويه‌ ل ده‌مه‌كى دا وێ كچێ موبايلا خوه‌ داعيرايه‌ ده‌مێ كو خوشتيڤێ وێ داخواز ژێ كرى موبايلا خوه‌ بده‌تێ داكو نامێن وێ بخوينيت، لێ داكو نامێن وێ نه‌هێنه‌ ديتن كو خيانه‌ت يێ كرى، دترسا دا داعيرت.

ژيێ ڤێ كچێ 19 سالن و بۆ نه‌خوشخانێ هاتيه‌ ڤه‌گوهاستن داكو نشته‌رگه‌رى بۆ ده‌رخستنا موبايلا وێ د مه‌عيدێ وێ دا بهێته‌ كرن و بئيننه‌ ده‌ر و ژيانا وێ قورتال كه‌ت.

زارۆيه‌ك بێ دەستی هاتە كوشتن

25/01/2016 22:25

1224

ئه‌ڤرۆ نيوز:

ل دووڤ نوچه‌يه‌كێ كو په‌يجێ پوليسێن پارێزگه‌ها دهۆك به‌لاڤكريه‌، شڤێدی دەمژمێر ٨:۳۰ ریدانەکا کوشتنێ دروست بوويه‌، پشتی پۆلیس ل جهێ ریدانێ ئامادەبون دیاربو دو زاروکان دەمێ یاری بچەکی دکرن گولـلەك ژ دەمانجێ دەردکەڤیت و بـ ئێك ژوان هەردو زاروکان دکەڤیت کو ژیێ وی ٨سالن بناڤێ(د. م. خ ) ودبیتە ئەگەرێ گیان ژ دەستدانا وی، و پەرێن ڤەکولینێ ل نڤیسینگەها کوشتنێ یا پولیسێ نەهێلانا گونەهباریا هاتینە دروستکرن.
بو زانین خودانێ دەمانجێ پیشمەرگەیە و بابێ وی زاروکیە ئەوێ گیانێ خو ژ دەست دای..

ئه‌ڤ پتاته‌ ب مليۆن ييورۆيان هاته‌ فرۆتن

25/01/2016 20:46

1483

ئه‌ڤرۆ نيوز:

وێنه‌گرێ فۆتۆگرافى “كيڤن ئه‌بۆش” وێنێ كته‌كا پتاتێ ل سالا 2010ێ ب 750 جنيێن ئه‌سترلينى فرۆشت كو دبيته‌ نێزيكى مليۆن يورۆيان.

وێنه‌گرێ ناڤبرى ڤى وێنه‌ى ب گرنگترين وێنێ دژيانا خوه‌ دا گرتى دده‌ته‌ زانين، سێ دانه‌ ژى ژ وى وێنه‌ى هه‌نه‌، ئێك ب هه‌روه‌ كريه‌ ديارى بۆ ئێك ژ مۆزه‌خانان ل سربيا، يێ دويێ ژى فرۆت و يێ سيێ ژى ل ده‌ڤ خوه‌ هێلايه‌ و د ناڤ گرۆپێ وێنێن خوه‌ يێن تايبه‌ت دا هێلايه‌.

ب وێنه‌: سێ ترۆمبێلان لێكدار

25/01/2016 20:35

805

ئه‌ڤرۆ نيوز، نيوار محه‌مه‌د سه‌ليم:

رێڤه‌به‌ريا به‌ره‌ڤانيا باژێرى ل پارێزگه‌ها دهۆكێ راگه‌هاند كو ل سه‌ر رێيا دهۆك زاويته‌ نێزيك گۆندێ ئێمينكێ روودانه‌ك د ناڤبه‌را سێ ترۆمبێلان دا روودا.

رائيدێ مافپه‌روه‌ر، بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل دهۆكێ بۆ ئه‌ڤرۆ نيوز گۆت: “ئه‌ڤرۆ رۆژا دوشه‌مبى 25ى كانوونا دويێ 2016ێ بنگه‌هێ به‌رۆشكێ يێ به‌ره‌ڤانيا باژێرى ل دهۆكێ هاتنه‌ ئاگه‌هداركرن ل سه‌ر هه‌بوونا روودانه‌كا ترافيكێ ل نێزيك گۆندێ ئێمينكێ د ناڤبه‌را سێ ترۆمبێلان دا كو ژ جۆرێ نيسان سه‌نى كرێ و هونداى ئه‌كسنت تايبه‌ت و بى ئێم ده‌بليۆ تايبه‌ت”.

ل دۆر زيانێن ڤێ روودانێ ژى رائيدێ مافپه‌روه‌ر گۆت: “كه‌سه‌ك د ڤێ روودانێ دا يێ بريندار بوويى”.

چاره‌نڤیسێ قوتابیان كه‌ته‌ د مه‌ترسیێ دا

25/01/2016 19:12

1152

ئه‌ڤرۆ نیۆز، قائید میرۆ
ئه‌ندامه‌كێ ئێكه‌تیا مامۆستایا ئاماژه‌ ب وێ چه‌ندێ دكه‌ت، ئه‌گه‌ر بایكۆتا مامۆستایان بگه‌هیته‌ 30 رۆژان ئه‌ڤه‌ چاره‌نڤیسێ قوتابیان دێ كه‌ڤی ته‌ د مه‌ترسیێ دا و رێكخراوا یونسكۆ دێ بڕیارێ ده‌ت.

به‌رهه‌م مسته‌فا، ئه‌ندامێ ئێكه‌تیا مامۆستایان ب ئه‌ڤرۆ نیۆز راگه‌هاند” مامۆستایێن سلێمانی و گه‌رمیان رژدن لسه‌ر وێ چه‌ندێ رۆژا 26ی هه‌یڤێ بایكۆتا هۆلێن خواندنێ بكه‌ن و ئه‌ڤێ چه‌ندێ ژی دێ كاریگه‌ری لسه‌ر پڕۆسا په‌روه‌ردێ هه‌بیت لهه‌رێما كوردستانێ.

به‌رهه‌می گۆتژی” ئه‌گه‌ر بۆده‌مێ 30 رۆژان ده‌وام نه‌هاته‌كرن، ئه‌ڤه‌ پێدڤیه‌ رێكخراوا نه‌ته‌وێن ئێكگرتی بڕیارێ لسه‌ر چاره‌نڤیسێ ئه‌ڤان ده‌ڤه‌ران بكه‌ت ییێن ده‌وامێ تێدا نه‌هاتیه‌كرن، چونكو نابیت 30 رۆژان ده‌وام بهێته‌ راگرتن، له‌وڕا خوازیارین حوكمه‌ت چاره‌سه‌ریه‌كێ ێببینیت و نه‌گه‌هته‌ ئاستێ نێڤده‌وله‌تی و قوتابی ب ده‌رنه‌چوویى بهێته‌ هژمارتن.

بهايێ كلينيكێن نوشدارى دێ هێته‌ كێمكرن

25/01/2016 18:44

687

ئه‌ڤرۆ نيوز:

ڕێکەوت حەمە ڕەشید وه‌زيرێ ساخله‌ميێ راگه‌هاند ل نێزيك دێ بهايێ كلينيكێن نوشدارى كێم كه‌ن و نشته‌رگه‌ريێن ئێڤاريان ب بهايه‌كێ گونجاى ل نه‌خوشخانێن حكومى ڤه‌كه‌ن.

وه‌زيرێ ساخله‌ميێ ئه‌ڤرۆ د كۆنفرانسه‌كێ دا گوت: دێ بزاڤێ كه‌ين بهايان ب رێژا 25 بۆ 30% كێم بكه‌ين و لژنه‌يه‌ك دێ بۆ وێ مه‌ره‌مێ هێته‌ پێكئينان.

داوی ره‌فتارا ل ئه‌ورۆپا دگه‌ل په‌نابه‌ران دهێته‌كرن دێ ته‌ مه‌نده‌هۆش كه‌ت

25/01/2016 17:39

1084

ئه‌ڤرۆ نیوز; ڤه‌ده‌ر ره‌شاڤایی:
حكومه‌تا بریتانیا ب سه‌ره‌ده‌ری و ره‌فتاره‌كا نوو دگه‌ل په‌نابه‌ران نه‌رازیبوون لدووڤ خوه‌ ئینان.
ل چه‌ند باژێرێن بریتانیا حكومه‌تێ بازنكه‌كێ ته‌یسۆك كرییه‌ ده‌ستێن په‌نابه‌ران و نه‌چاركرینه‌ كو ب به‌رده‌وامی بكه‌نێ هه‌كه‌ر بێخن خارن پێ ناهێته‌ دان، ئه‌ڤه‌ دده‌مه‌كی دایه‌ وان په‌نابه‌ران مافێ كاركرنی نینه‌ و چ پاره‌ ژی پێ ناهێنه‌ دان.
جڤاتا وێلزی یا په‌نابه‌ران ئه‌ڤ گاڤا حكومه‌تێ ب گاڤا نازییان ل به‌رامبه‌ری جوهییان بكارئینای هه‌ڤبه‌ر كر، لێ كۆمپانییا بازنك به‌رهه‌ڤ كریین دیاركر كو بتنێ بۆ وێ مه‌ره‌مێ یه‌ په‌نابه‌ر دانێن خوه‌ یێن خارنێ پێ وه‌رگرن.
ژ ئالییه‌كێ دی ڤه‌ بریاره‌ ل په‌رله‌مانێ بریتانیا بۆ ڤێ گاڤا خوه‌ حكومه‌ت رووبرووی پرسیاران بیت.

بهایێ په‌ترۆلێ د 100 سالێن بورى دا

25/01/2016 17:39

452

ئه‌ڤرۆ نيوز ، نه‌وزاد زاده‌ هلۆرى:
بهایێ په‌ترۆلێ كو ب زێرێ ره‌ش دهێته‌ نیاسین و بهایێ وێ به‌رده‌وامه‌ نزم دبیت و نها بهایێ وێ د نزمترین ئاست دایه‌ دماوه‌یێ حه‌فت سالێن بورى دا و دهێته‌ پێشبینیكرن كو هه‌تا سێ سالێن دن بهایێ په‌ترۆلێ بڤى ره‌نگى بمینیت.
بهایێ به‌رمیله‌كا په‌تۆلا بریند ل بازارێن جیهانێ بو 37 دولار كێمبوویه‌ كو ئه‌ڤ یه‌ك ژى نزمترین ئاسته‌ د ماوه‌یێ حه‌فت سالێن بورى دا
بو ئێكه‌مین جاره‌ ژى بهایێ په‌ترۆلێ بوڤى ئاستى دهێته‌ خوارێ ، و ئه‌ڤه‌ زێده‌بارى وێ یه‌كێ كو چه‌ندین ساله‌ ژ ئه‌گه‌رێن جودا بهایێ په‌ترولێ بو ڤى ئاستى نه‌هاتیه‌ توماركرن.

نزمه‌ترین ئاستێ په‌ترولێ دڤان رۆژان دا
نزمترین ئاستێ بهایێ په‌ترۆلێ دڤان رۆژان دا ڤه‌دگه‌ریێت بو سالێن 1920 كو تی>َا بهایێ به‌رمیله‌كا په‌ترولێ بوو دوو دولاران هاته‌خوارێ ب تایبه‌تى پشتى شه‌رێ جیهانیێ ئێكێ.

بهایێ په‌ترولێ ل سالێن 1948 هه‌تا سالا 1970
بهایێ په‌ترولێ ل سالێن 1948 هه‌تا سالا 1970 دناڤبه‌را دوو دولار و پێنجى و سێ سه‌نتان دا بوو

هنارتنا په‌ترولێ ژلایێ وه‌لاتێن عه‌ره‌بى

ل سالا 1973 پشتى كو وه‌لاتێن عه‌ره‌بیێن به‌رهه‌مئینانا په‌رتولێ ب پشته‌ڤانیا ئه‌مریكا و ئیسرائیلێ دناڤبه‌را شه‌رێ نسر و یسرائیلێ دا بریارا راگرتنێ هنارتنا په‌ترۆلێ بو ئه‌مریكا هاتیه‌دان بو ئێكه‌مین جار دوى ده‌مى دا بهایێ به‌رمیله‌كا په‌رتولێ ژ 3 دولاران بو 12 دولاران هاته‌خوارێ.
هه‌روه‌سا دناڤبه‌را سالێن 1978 بو 1978 بهایێ په‌ترولێ دناڤبه‌را 12 دولار بو 14 دولاران دا بوو.

شه‌رێ عیراق و ئیرانێ
پشتى درۆستبوونا شه‌رێ دناڤبه‌را عیراق و ئیرانێ ل سالا 1980 هنارتنا په‌ترۆلێ ژلایى َهه‌ردوو وه‌لاتان ب رێژه‌یا شه‌ش ملیون به‌میلان د رۆژه‌كێ دا هاته‌ كێمكرن و بڤێ یه‌كێ ژى بهایێ په‌ترولێ گه‌هشته‌ 37 دولاران.

سالێن خرابێن رێڤه‌برنا ئوپیكێ
ژئه‌گه‌را خراب ب رێڤه‌برن و فرۆتنا په‌ترۆلێ ژلایێ رێكخراوا ئوپیك ل سالا 1982 بو سالا 1985 جاره‌كا دن بهایێ په‌ترولێ نزمبوونه‌كا به‌رچاڤ بخوڤه‌ دیت و هاته‌خوارێ و دوى ماوه‌یى دا بهایێ په‌ترۆلێ بو 25 دولاران هاته‌وارێ.

هاتنه‌خارا مه‌زنترین رێژه‌یا بهایێ په‌ترولێ ل سالا 1986
ل سالا 1986 بهایێ په‌ترولێ مه‌زنترین نزمبوون بخوڤه‌ دیت ئه‌ڤ یه‌ك ژى پشتى وێ یه‌كێ هات ئوپیكێ ئاماژه‌ ب وێ یه‌كى َكرى كو شه‌رێ بهایێ په‌ترولێ ژلایێ وه‌لاتێن كو په‌ترولێ هنارن ده‌رڤه‌ سه‌ر هه‌لدایى و ب وى ره‌نگى كو بهایێ په‌ترولێ بو 7 دولاران فروتى ، به‌لێ ل دوماهی هه‌مان سالێ دا وه‌لاتێن كو په‌ترولێ د هنێرن ده‌رڤه‌ لسه‌ر وێ یه‌كێ رێكه‌فتن كو بهایێ په‌ترولێ ژ 18 دولار جێگیر بكه‌ن ، و پشتى سالا 1989 جاره‌كا دن بهایێ په‌ترولێ گه‌هشته‌ 29 دولاران.

قه‌یرانا ئاسیا 1997
د ماوه‌یێ سالێن 1990 بو 1997 بهایێ به‌رمیله‌كا په‌ترولێ ژ 20 دولاران هاته‌ جێگیركرن ، به‌لێ ل سالا 1997 ژئه‌گه‌را قه‌یرانا دارایى یا ئاسیا ئوپیك بریاردا كو بهایێ په‌ترولێ بلند ببیت ب رێژه‌یا هنارتنا په‌ترولێ ڤه‌ ، و هه‌ڤده‌م عیراقێ ژى به‌رامبه‌ر هنارتنا په‌ترولێ خوارن وه‌ردگرت و بڤێ یه‌كێ ژى بهایێ به‌رمیله‌كا په‌ترولێ ل سالا 1998 بو 11 دولار هاته‌ خوارێ و دڤدا ئوپیكێ بریار دا كو رێژه‌یا هنارتنا په‌رتولێ كێم بكه‌ت داكو جاره‌كا دن بهایێ په‌ترولێ ل سالا 2000 بو 27 دولاران هاته‌خوارێ.

قه‌یرانا دارایى یا جیهانێ ل سالا 2000 بو 2008
پشتى سه‌رهلدانا قه‌یرانا دارایى یا سالا 2000 بو 2008 داخزازى یا جیهانى لسه‌ر په‌ترولێ ب شێ,ه‌یه‌كێ به‌رچاڤ به‌ر ب زێده‌بوونى َڤه‌ چوو و ل ناڤه‌راستا سالا 2008 دا بهایێ په‌ترولێ بلندترین بها دڤان روژان دا توماركر و بهایێ به‌رمیله‌كا په‌ترولێ گه‌هشته‌ 147 دولاران ، به‌لێ ل دوماهیا هه‌مان سالێ دا ژ ئه‌گه‌را كێمبوونا داخوازى لسه‌ر پترولێ و خراببونا ئابورى یا ئه‌مریكا بهایێ په‌ترولێ جاره‌كا دن بو 40 دولاران هاته‌خوارێ.

بهارا عه‌ره‌بى
ل سالا 2011 پشتى سه‌رهلدانا بهارا عه‌ره‌بى و ژ ئه‌گه‌را گورانكاریێن د سیاسه‌تا وه‌لاتێن به‌رهه‌مهی،َه‌رێن په‌رتولێ دا هاتى رێژه‌یا هنارتنا په‌رتولێ به‌ر ب كێمبوونێ ڤه‌ چوو هه‌تاكو گه‌هشتیه‌ 100 دولاران.

بهایێ په‌ترولێ پشتى 2014
ل ناڤه‌راستا سالا 2014 ژ ئه‌گه‌را زوربونا رێژه‌یا هنارتنا په‌ترولێ ژلایێ ئوپیكێ ڤه‌ و ژ ئه‌گه‌را به‌رهه‌مئینانا په‌رتولێ ژلایێ ئه‌مریكا ڤه‌ جاره‌كا دن بهایێ په‌رتولێ ل بازارێن جیهانێ به‌ر ب كێم بووڤى َڤه‌ چوو و هه‌تا نها ژى یا به‌رده‌وامه‌ 60% بهایێ راسته‌قینه‌یا په‌ترولى َهاتیه‌ ژ ده‌ستدان ئه‌ڤ یه‌كێ ژى كارتێكرنه‌كا خراب لسه‌ر ئابووریا وه‌لاتی،َ كو پشت به‌ستنێ ب په‌ترولێ دكه‌ن هه‌یه‌.
عیراق و هه‌رێما كوردستانێ دنهادا ژ ئه‌گه‌را هاتنه‌خوارا بهایێ په‌ترولێ زیانه‌كا زور پێكه‌فتیه‌ و ب قه‌یرانا دارایى دا ده‌ربازدبیت ، و لگوره‌ى بوچونێن شاره‌زایێن ئابورى هه‌تا سێ سالێن دن دێ بهایێ په‌ترولێ هه‌ر هێته‌خوارێ.

ژێده‌ر: NRT

شوفێرى گيانێ خوه‌ ژ ده‌ست دا

25/01/2016 15:51

3224

ئه‌ڤرۆ نيوز، نيوار محه‌مه‌د سه‌ليم:

ئه‌ڤرۆ به‌رى نيڤرۆ ل سه‌ر جادا سه‌ره‌كى يا سێمێل زاخۆ ژ ئه‌گه‌رێ روودانه‌كا ترفيكى د ناڤبه‌را دو ترۆمبێلان دا شوفێره‌كى گيانێ خوه‌ ژ ده‌ست دا.

رائيدێ مافپه‌روه‌ر، بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى ل پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ رۆژا دوشه‌مبى رێكه‌فتى 25ى كانوونا دويێ 2016 ل سه‌ر جادا سه‌ره‌كيا سێمێل بۆ زاخۆ روودانه‌كا ترافيكێ د ناڤبه‌را ترۆمبێله‌كا كلايزه‌ر سالۆن ره‌نگێ سپى تايبه‌ت(ئۆباما) و ترۆمبێله‌كا بارهه‌لگر دا روودا”.

زێده‌تر گۆت: “ب مخابنى ڤه‌ د ڤێ روودانێ دا، شوفێرێ ترۆمبێلا كلايزه‌ر سالۆن گيانێ خوه‌ ژ ده‌ست دا”. گه‌نجێ گيانێ خوه‌ ژ ده‌ست دايى قوتابيێ پشكا په‌يوه‌نديێن نێڤده‌وله‌تى يه‌ ل زانكۆيا نه‌ورۆز ب ناڤێ “مسته‌فا مومتاز زێدان”.

ئه‌ڤى كه‌سى گيانێ خوه‌ ژ ده‌ست دايه‌ كو قوتابيێ زانكۆيا نه‌ورۆزه‌

نووترين پێزانين ل سه‌ر زارۆيێ ميسى لێ دگه‌ريێت و ب به‌لگه‌ڤه‌

25/01/2016 14:23

4861

ئه‌ڤرۆ نيوز، نيوار محه‌مه‌د سه‌ليم:

هۆمن عه‌لى ئه‌حمه‌د، ئه‌و زارۆيێ 10 ساليێ پارێزگه‌ها دهۆكێ يه‌، ئه‌وێ ميديا جيهانى و كوردستانێ هه‌موو ب خوه‌ ڤه‌ مژوول كرى، پشتى باشترين ياريكه‌رێ جيهانێ بۆ پێنج سالان ليونێل مێسى داخوازيا ديتنا وى كرى.

چيرۆكا ڤێ بابه‌تى بۆ به‌رى دو سالان ڤه‌دگه‌ريت، ده‌ما ژ ئه‌گه‌رێ لاوازيا بارێ دارايى يێ بابێ هۆمنى ئه‌وێ پێشمه‌رگه‌، مه‌تا وى بۆ عه‌لگێن ئيرانى كو ل سه‌ر ره‌نگێ جلكێن ئه‌رژه‌نتين بوون، دكرنه‌ به‌ر و ژماره‌ 10 ل سه‌ر چێدكر و دنڤيسى ميسى هه‌ر وه‌كو شه‌وكه‌ت محه‌مه‌د سالح ئه‌و گه‌نجێ ئه‌ڤ زارۆيه‌ ئاشكه‌را كرى به‌حس لێ دكه‌ت.

شه‌وكه‌ت زێده‌تر بۆ ئه‌ڤرۆ نيوز دبێژيت: “من ئه‌ڤ زارۆيه‌ ب رێيا مه‌تا ڤى وى نياسى ده‌ما نامه‌ك بۆ په‌يجێ من يێ ب ناڤێ راستيێن ژيانێ هنارتى و چيرۆكا بابه‌تى بۆ من گۆتى و من ژى ئێكسه‌ر داخوازا ژمارا تله‌فۆنا بابێ وى كر و دووڤچوونا بابه‌تى كر و راستيا بابه‌تى زانى”.

شه‌وكه‌ت زێده‌تر به‌حس ل ڤێ چيرۆكێ دكه‌ت و دده‌ته‌ زانين كو ئه‌ڤ زارۆيه‌ نزانيت كێ ئه‌ڤ وێنه‌ بۆ گرتيه‌ “به‌لێ ئه‌و دبێژيت ده‌ما ئه‌م زارۆ بارێ مه‌ يێ ئابوورى يێ لاواز بوو و نه‌چاربووم ب رێيا خووشكا خوه‌ ڤان عه‌لاگان بكه‌مه‌ به‌ر خوه‌ و ناڤێ ميسى و ژمارا وى ل سه‌ر بكه‌م”.

شه‌وكه‌ت دده‌ته‌ زانين ژى كو بابێ هۆمن پێشمه‌رگه‌يه‌ و ژ دايكوبابێن خوه‌ يێن ل ته‌ناهى دژين جودا بوويه‌ و خانيه‌كێ ب كرێ ل قه‌سارا بۆ خوه‌ گرتيه‌، ده‌رباره‌ى وان جۆرێن عه‌لاگان ژى دبێژيت: “دايكا بابێ هۆمن ده‌ما تشت تێدا بۆ دهنارتن ئه‌وان ب ڤى ره‌نگى مفا ژ وان عه‌لاگان وه‌ردگرت و نوكه‌ نه‌ماينه‌ د بازارى دا”.

به‌رى چه‌ند رۆژان ل سه‌ر پێگه‌هێ خوه‌ يێ تۆڕا جڤاكيا تۆيته‌رى، ياريكه‌رێ ناڤدارێ جيهانى ليونێل ميسى داخوازا ڤه‌ديتنا ڤى زارۆى كربوو و ئاشكه‌را كربوو كو ئه‌و دێ وى زارۆى خه‌لات كه‌ت.

نيشاندان 1...1,020 2,020 3,020 3,0293,0303,031 4,030...4,170 زێده‌تر

لاپه‌ر 3,030 ژ 4,170