ئەڤرۆ،ھەژارمەعروف:
چاڤەرێ دھێتەکرن نوونەرا کوردستانێ د خولا پلا ئێک یا سوید یا تەپا پێ دا یانا دالکورد سوباھی یاریا خوە یا گەرا نەھێ ژ خولێ ھەمبەری یانا ھالمستاد سەرکێشا خولا پلا ئێک بکەت ل یاریگەھا وێ کو ئەرکێ نوونەرا کوردان د ڤێ یاریێ دا دێ گەلەک یێ ب زحمەت بیت ژبەرکو دێ ل گەل ئێک ژ ھەڤرکێن خوە یێن ب ھێز کەت بۆ دەربازبوونێ بۆ خولا پلا نایاب.
تیما دالکورد ئەوا ب ئارمانجا ھەڤرکیێ ل سەر دەربازبوونێ بۆ خولا پلا نایاب پشکداری کری ل وەرزێ ئەڤ سالە دێ دڤێ یاریێ دا ھەمی بزاڤێن خوە تەرخان کەت ب ئەنجامەکێ سەرکەفتی ژ یاریێ دەرکەڤیت ، یانا دالکورد ل چار یاریێن وەرزێ ئەڤ سالە ل یاریگەھا خوە شیا سەرکەفتنەکێ ب دەستخوڤە بینت بەرامبەر ئەنجامێن وێ ژ دەرڤەی یاریگەھا وێ ھەتا رادەکی باشترە و ژ چار یاریان شیا دو سەرکەفتنا ب دەستخوڤە بینت ژ دەرڤەی یاریگەھا خوە .
ھەژی گوتنێ یە دالکورد نوکە ١٢ خال ھەنە رێزا شەشێ دھێت و ھالمستاد رێزا ئێکێ دھێت ب ١٨ خالان.

ئەڤرۆ نیوز:
رۆژنامەیێن پرتوگالی دیارکری نە یانا ئەتلەتیکو مەدرید گەھشتی یە رێککەفتنێ ل گەل یانا بەنفیکا یا پرتوگالی بۆ ڤەگوھاستنا یاریکەرێ وێ یێ ئەرژەنتینی نیکولاس گایتان بۆ وەرزێ بھێت یاریێ ل یانا ئەتلەتیکو بکەت، ئەوان رۆژنامەیان دیارکری یە ژی نیکولاس یێ ئەرژەنتینی ب کوژمێ ٢٥ ملیون یورۆیا ژ بەنفیکا ھاتیە ڤەگوھاستن بۆ یانا ئیسپانی کو نیکولاس ئێک ژ باشترین یاریکەرێن یانا خوە بۆ ل وەرزێ ئەڤ سالە.

ئەڤرۆ نیوز:
راھێنەرێ یانا چێلسی ئەنتونی کونتی داخوازی ژ یانا کارگێریا یانا چێلسی کری یە ھەڤبەستێ ل گەل یاریکەرێ بەلجیکی و یانا روما یا ئیتالی رادیا ناینگولان ئیمزابکەن ل ڤەگوھاستنێن ھاڤینا ئەڤ سالە.
یانا لەندەنی بەرھەڤیا خوە دیارکری یە بۆ ڤێ داخوازیا راھێنەرێ وێ یێ ئیتالی و دیارکری یە ئەو د بەرھەڤن بۆ دەست ب دانوستاندان ل گەل یانا روما بکەن بۆ ر دەستڤە ئینانا یاریکەرێ وێ یێ بەلجیکی رادیا ناینگولان و کوژمێ ٤٢ ملیون یوریا بەرھەڤکری نە بۆ دەستڤە ئینانا رادیا.

ئەڤرۆ نیوز،ھەژار مەعروف:
سەرارای خوسارەتیا دوھی ل ناڤ ئەرد و جەماوەرێ خوە دا یانا سیروان نوو جارەکا دی شیا ڤەگەریتە دناڤ یانێن خولا پلا نایاب پشتی بورینا چار سالان و ھەردو یانێن کویە و گازی باکور ھیڤێن خوە گەشکرن بۆ دەربازبوونێ .
ل دەرڤەی یاریگەھا خوە تیما کویە شیا سەرکەفتنەکا گرنگ ل سەر سەرکێشا خولێ تیما سیروان نوو توماربکەت ب دو گولان بەرامبەر گولەکێ و ھیڤێن خوە گەشکرن بۆ دەربازبوونێ بۆ خولا پلا نایاب یا کوردستانێ و دێ یاریا خوە یا چارەنڤێسی و ل گەل یانا گازی باکور کەت ل حەفتیا دووماھیێ ژ خولێ کو سەرکەفتیێ وێ یاریێ دێ پلێتا دوێ یا دەربازبوونێ بۆ خولا پلا نایاب مسوگەر کەت کو تیما گازی باکور ل یاریگەھا خوە ھەر دوھی شیابوو سەرکەفتنێ ل سەر یانا پێشمەرگا سلێمانیێ توماربکەت ب دو گولان بێ بەرامبەر و ب ڤی ئەنجامی تیما گازی باکور خالێن خوە گەھاندنە حەفت خالان ژ رێزا سیێ پێشڤە ھاتە رێزا دوێ ب حەفت خالان و کویە ل رێزا سیێ دھێت ب ھەمان خال و ب چار خالان پێشمەرگا سلێمانیێ دھێت کو ھیڤێن دەربازبوونێ ژ دەست داینە ھەتا رادەکێ مەزن.
ھەژی گوتنێ یە یاریێن گەرا دووماھیێ بریارە ل دەستپێکا حەفتیا بھێت بھێنەکرن کو گازی باکور دێ ل یاریگەھا بروسک ل باژێرێ ھەولێرێ ھەمبەری کویە کەت کو تیما کویە ژلایێ ئێکەتیا تەپا پێ یا کوردستانێ ڤە ھاتیە سزادان ژ بەر یاریا بوری جەماوەرێ وێ تێکدان ل ناڤا یاریگەھێ کر بوو، سیروان نوو دێ ل یاریگەھا خوە ل گەل پێشمەرگا سلێمانیێ کەت