ئەڤرۆ نیوز،زنار تۆڤی:
ئەڤ شەڤە دیاریا دوماهیا قارەمانیا کۆبا فرنسا دا کو هەردو یانێن پاریس سانجێرمان و ماڕسیلیا گەهشتبوونە یاریا دوماهیێ و پشتی یاڕیەکا ب زەحمەت و پر هەڤرکی یانا پاریس سانجێرمان شیا سەرکەفتنێ ل سەر یانا مارسیلیا تۆماربکەت ب 4 گۆلان بەرامبەر 2 گۆلان و شیا د ئەڤ سالەدا کۆبا فرنسا ب دەست خۆڤە بینیت و هەروەسا یانا پاریسی شیایە خۆلا فرنسا ژی ببەت.
ئه‌ڤرۆ نيوز:
سه‌رۆك بارزانى ئه‌ڤرۆ ل سه‌لاحه‌دین پێشوازیا جاكوب پرادا بالیوزێ رۆمانیا ل عیراقێ كر، د دیداره‌كێ دا سه‌رۆك بارزانى راگه‌هاند سوپاسیا گه‌ل و ده‌وله‌تا رۆمانیا كر بۆ هه‌ڤكاریكرنا كوردستانێ د شه‌رێ دژى تیرورستان دا و راگه‌هاند” راسته داعش دوژمنى هه‌موو مروڤایه‌تیێ یه و دوژمنێ هه‌ڤپشكێ مه هه‌میانه، به‌لێ د راستیدا ئه‌و پێشمه‌رگه‌یه شه‌رى دكه‌ت و خوینێ درێژیت، له‌ورا دڤێت هاریكاریكرنا پێشمه‌رگه‌ى زێده‌تر لێ بهێته كرن و بگه‌هته ئاستێ پێدڤى”.
بالیوزێ رۆمانیا ئاماژه ب وێ یه‌كێ كر كو وه‌لاتێ وى د چارچووڤێ هه‌ڤپه‌یمانیا نێڤده‌وله‌تى یا دژى داعش وه‌كو هه‌ڤپشكه‌ك دنێریته كوردستانێ و دێ یا به‌رده‌وام بیت د هه‌ڤكاریكرنا كوردستانێ د شه‌رێ دژى داعشى دا.
ئه‌ڤرۆ نيوز:
بزاڤا گۆڕان دانوستاندنێ ل سه‌ر پرسا كاراكرنا په‌رله‌مان و حوكمه‌تا هه‌رێمێ دكه‌ت و د ئه‌گه‌رێ كاراكرنا وى ژى دا ژ لايێ پارتى ديموكراتى كوردستان، گۆڕان هه‌لبژارتنا خوه ڤه‌كێشانێ ژ حوكمه‌تێ دئێخيته به‌ر سينگێ ئێكه‌تى نشتيمانى كوردستان.
ب گۆره‌ى ئه‌و پێزانينێن راديۆيا ناڤخۆ ژ زارێ ژێده‌ره‌كێ ناڤا بزاڤا گۆڕان به‌لاڤكرين، د ئه‌گه‌رێ رازينه‌بوونا پارتى ديموكراتى كوردستان دا ب كاراكرنا په‌رله‌مان و حوكمه‌تا هه‌رێمێ، بزاڤا گۆڕان هه‌لبژارتيا خوه‌ڤه‌كێشانا ئێكه‌تيێ ژ حوكمه‌تێ خستيه به‌ر سينگێ مه‌كته‌با سياسى يا ئێكه‌تيێ.
ئه‌وى ژێده‌رێ به‌حس ل وێ چه‌ندێ ژى كريه كو د ده‌مه‌كێ نێزيك دا، دێ بزاڤێن كاراكرنا په‌رله‌مان و حوكمه‌تێ ده‌ستپێكه‌ن.
قادر ره‌زگه‌ى ئه‌ندامێ په‌رله‌مانێ كوردستانێ ژى دبێژيت: “پرسا ڤه‌كێشان ژ حوكمه‌تێ دێ دووماهى هه‌لبژارتن بيت، هه‌كه پارتى هه‌موو ده‌رگه‌هان ل سه‌ر سينگێ ئێكه‌تى و گۆڕان و هه‌موو لايه‌نێن دى دا بگريت”.
زێده‌تر گۆت: “هه‌كه ئێخستنا كابينا حوكمه‌تێ بۆ مه‌ره‌ما هه‌لبژارتنێن پێشوه‌خت بيت، تشته‌كێ ئاسايى يه، به‌لێ هه‌كه ڤه‌كێشان بۆ دروستكرنا دو ئيداره‌يێ بيت، ئه‌م وه‌كو ئێكه‌تى دێ دژى وێ چه‌ندێ راوه‌ستين و ره‌تدكه‌ين”.
ئه‌ڤرۆ نيوز:
ل باژێرێ سه‌عديه، ئه‌ندامه‌كێ لژنا ناوچا پارتى كو هه‌ڤده‌م موختارێ گه‌ره‌كا جافه، ژ لايێ چه‌كدارێن نه‌نياس ڤه ل به‌ر ده‌رگه‌هێ مالا وى هاته كوشتن.
حسێن عه‌لى، به‌رپرسێ لژنا ناوچا سه‌عديه يا پارتى ديموكراتى كوردستان بۆ رووداو گۆت: “چه‌كدار سێ كه‌سێن سه‌روچاڤ گرتى بوون و چار گوله‌يێن به‌رداينه عه‌لى شاكار و د جهـ دا گيانێ خوه يێ ژ ده‌ست داى”.
به‌رپرسێ لژنا ناوچا سه‌عديه يا پارتى ديموكراتى كوردستان دايه زانين ژى كو دو گوله‌يێن ب سه‌رێ وى كه‌فتين و دو ژى يێن ب پێ وى كه‌فتين”.
حسێن عه‌لى ئاماژه ب وێ چه‌ندێ ژى كريه كو عه‌لى شاكار چو كێشه‌يێن جڤاكى نه‌بووينه و ل گه‌ل چه‌كدارێن حه‌شه‌د شه‌عبى ژى هه‌ڤالينيه‌كا باش هه‌بوويه.
ئه‌ڤرۆ نيوز:
ب گۆره‌ى به‌ياننامه‌كا نڤيسينگه‌ها رۆژنامه‌ڤانى يا سه‌رۆك وه‌زيرێن عيراقێ، حه‌يده‌ر عه‌بادى، د چارچۆڤێ سه‌ره‌دانه‌كا مه‌يدانى دا، شه‌ڤا بۆرى سه‌ره‌دانا چه‌ند ده‌ڤه‌ره‌كێن باژێرێ به‌غدا دا و پاشان ل گه‌ل فه‌رماندێ هێزێن هه‌ڤپشك كۆم بوو.
عه‌بادى ته‌كست ل سه‌ر وێ چه‌ندێ كر كو بزاڤ و كارێ باش بهێته كرن د پێناڤى پاراستنا ئاسايشا گشتى و به‌رسينگگرتن ل هه‌ر كرياره‌كا تێكده‌رانه ل گه‌ل وێ چه‌ندێ بڕيار ژى دا هاتنوچوون ل سه‌ر باژێرێ به‌غدا بهێته هه‌لگرتن و رێيێن ژ ناڤ دا و ده‌رڤه بهێنه ڤه‌كرن.
ده‌رباره‌ى دووماهى ئامارێن روودانان ژى نه‌خۆشخانا ره‌سافه يا به‌غدا ئاماژه ب وێ چه‌ندێ كريه كو ئه‌و كه‌سێن ژ ئه‌گه‌رێ خوه‌نيشاندانێن دوهى بريندار بووين، ژ 500 كه‌سان بۆرينه و چه‌ند ژێده‌ره‌كێن ئاگه‌هدار ئه‌و چه‌نده ژى دايه زانين كو ژماره‌كا برينداران ژ هێزێن ئه‌منى نه.
ئه‌ڤرۆ نيوز:
پارتى ديموكراتى كوردستان دڤێت جودا دانوستاندنێ ل گه‌ل بزاڤا گۆڕان و ئێكه‌تى نشتيمانى كوردستان بكه‌ت و ئێكه‌تى ژى يا ئاماده‌يه بێ گۆڕان دانوستاندنێ ل گه‌ل پارتى بكه‌ت.
هێمن هه‌وارمى، ئه‌ندامێ سه‌ركراتيا پارتى ديموكراتى كوردستان بۆ باسنيز گۆت: “پارتى ديموكراتى كوردستان بڕيارا وێ چه‌ندێ دايه كو ب جودا ل گه‌ل بزاڤا گۆڕان و ئێكه‌تيێ كۆم بيت، نه ل گه‌ل ئه‌وێ كۆميتا به‌حس لێ دكه‌ن و پێكڤه دانوستاندنێ بكه‌ن”.
گۆتژى: “بزاڤا گۆڕان دڤێت ب رێيا ئه‌جنيدا تايبه‌ت خوه، ده‌نگو گرانيا ئێكه‌تيێ بۆ خوه ب كار بينيت، ژ به‌ر هندێ پارتى يا د وێ ياريێ گه‌هشتى”.
ب گۆره‌ى پێزانينێن باسنيوز ئێكه‌تى نشتيمانى كوردستان، ل گه‌ل بزاڤا گۆڕان د ڤێ ده‌ربارێ دا دانوستاندن كرينه، هه‌تا نوكه به‌رى سه‌ره‌دانا پارتى بكه‌ن، سه‌ره‌دانا هه‌موو لايه‌نێن كوردستانى بكه‌ن و پاشان هه‌كه پارتى ل سه‌ر وێ داخوازيا خوه به‌رده‌وام بوو، كێشا نابيت و دێ جودا ل گه‌ل پارتى كۆم بن.
د وێ ده‌ربارێ ژى دا عه‌دنانێ حه‌مه‌يێ مينا، ئه‌ندامێ سه‌ركرداتيا ئێكه‌تى نشتيمانى كوردستان بۆ باسنيوز گۆت: “ئێكه‌تى د پێناڤى فه‌رقراركرنا ئاشتيا سياسى دا ل كوردستانێ كێشه‌يا كۆمبوونێ ل گه‌ل چو لايه‌نێن سياسى دا نينه”.
ئه‌ڤرۆ نيوز:
ل گه‌ل ده‌نگوباسێ نێزيكبوونا ده‌مێ ئۆپه‌راسيۆنا گرتنا پارێزگه‌ها ره‌ققه كو پايته‌ختێ داعشه، رێگرێ ل روونشتڤانێن وى باژێرى دكه‌ت كو وێرێ چول بكه‌ن.
ب گۆره‌ى پێزانينێن ميديايێن جيهانى كو به‌رى نوكه ل دووڤ گۆتنا وه‌لاتيان ل ناڤ باژێرێ ره‌ققه پشت پێ به‌ستيه، ئاشكه‌را كريه كو چه‌كدارێن داعش رێگريێ ل خه‌لكێ ره‌ققه دكه‌ن كو ئه‌وى باژێرى چول بكه‌ن، پشتى فرۆكێن هه‌ڤپه‌يمانانێن نێڤده‌وله‌تى به‌لاڤكرى بۆ رونشتڤانێن ئه‌وى باژێرى به‌رداينه خوارێ و داخواز ژێ كرى كو باژێرى ب جهـ بهێلن، به‌رى ده‌سپێكرنا پرۆسا رزرگاركرنا وى باژێرى.
ئاژانسا سپۆتينگ يا رۆسى ژ زارده‌ڤێ فه‌رمانده‌كێ له‌شكرى يێ يه‌په‌گێ ئاشكه‌را كريه كو د چه‌ند رۆژێن داهاتى دا دێ ئۆپه‌راسيۆنا رزگاركرنا باژێرێ ره‌ققه ده‌سپێكه‌ت.
ئەڤرۆنیوز، کاروان باعەدری:
کرستیانۆ رۆنالدۆ یاریکەری یانەیا ریال مەرید نامەیەکی ب بەرنامەیێ واتساپی بۆ نەیماری بەرازیلی و یاریکەرێ ڤرێدکەت بەحسی خۆلا ئیسپانی دکەت.
رۆژنامەیا “سپۆرت ” یا کەتولۆنی دیارکریە کرستیانۆ پیرۆزباهیا نەیماری دکەت ب هەلکەفتا ب دەست ڤەئینا ناسناڤی خۆلا ئیسپانی “لالیگا”ل گەرا دوماهیکێ ب سەرکەفتن ل سەر یانەیا گرانادا .
رۆژنامەیی ئاماژە ب وی چەندی کریە کو ئەڤ نامەیا واتساپی دێ پەیوەندیێن هەردوو لایان پتر ب هێز کەت ، نەیماری کەیف خۆشیا خۆ دیارکریە ب ڤێ نامەیێ .
دهێتە زانین پێشتر ژی زێدانی راهێنەرێ ریال مەدرید و سێرجیۆ رامۆسی پیرۆزباهیا یانەیا بەرشەلۆنە کربوو ژبەر ب دەستڤەئینا ناسناڤێ خۆلا ئیسپانی ، ب ئەگەری هەڤرکیەکا ب هێز دناڤبەرا هەردوو یانەیێن بەرشەلۆنە و ریال مەدرید تا دوماهیک گەرا خۆلێ .
ئەڤرۆ نیوز،زنار تۆڤی:
رۆژنامێن ئنگلیزی دانەدیارکرن کو راهێنەرێ پرتۆگالی جوزێ مورینیۆ بۆ راهێنەرێ یانا مانجستەر یۆنایتد یا ئنگلیزی و لڤان نێزێکان ب رەنگەکێ فەرمی بۆ دەزگەهێن راگەهاندنێ هەڤبەست دێ دگەلدا هێتەکرن و نوکە هەمی کار بدوماهی هاتینە و ل وەرزێ بهێت یێ خۆلا ئنگلیزی جۆزێ مورینیۆ راهێنەرێ یانا مانجستەر یۆنایتد یا ئنگلیزیە.
نيشاندان