ئەڤرۆ:
ژێدەرێن نێزیک ژ ئێکەتیا تەپا پێ یا عیراقێ وەسا داینە دیارکرن راھێنەرێ ئیتالی یێ شیانێن لەشی کلاودیو دوناتێلی نێزیکی ئیمزاکرنا ھەلبژارتیێ عیراقێ بوویە پشتی ل چەند رۆژێن بوری پەیوەندی ب راھێنەرێ ئیتالی ھاتیە کرن ل سەر داخوازیا راھێنەرێ ھەلبژارتیێ عیراقێ یێ ئێکێ رازی شنێشل ، پشتی ل ماوێ بوری راھێنەرێ ئیسپانی گونزالو داخوازا لێبورینێ ژ ھەلبژارتیێ عیراقێ خواستی .
ئەوان ژێدەران دیارکری یە ژی راھێنەرێ ھەلبژارتیێ عیراقێ رازی شنێشل داخوازی ژ کلاودیو دوناتێلی کری یە سیڤیەکێ راھێنەرەکێ گولچیا ژی بۆ ئێکەتیا عیراقێ یا تەپا پێ بنێریت داکو ھەڤبەستێ ل گەل ئیمزابکەن وەکو راھێنەرێ گولچیا .
دوناتێلی ئەوێ ل دەستپێکا ڤی وەرزێ ل گەل راھێنەرێ ھەلبژارتیێ عیراقێ کارکری ل یانا قەتەر یا قەتەری حەزا خوە دیارکری یە بۆ وەرگرتنا پوستێ راھێنەریا شیانێن لەشی ل گەل ھەلبژارتیێ عیراقێ و ھەتا رادەکێ مەزن ھەردو لایەن گەھشتی نە رێککەفتنێ کو راھێنەرێ ناڤبری داخوازیا ١٤ ھەزار دولاران ژ ھەلبژارتیێ عیراقێ کریە وەکو موچەیەکێ ھەیڤانە .
ھەژی گوتنێ یە راھێنەرێ ئیتالی کلاودیو دوناتێلی دھێتە ھژمارتن ئێک ژ راھێنەرێن بەرنیاس ل خولا ئیتالیا و بۆ ماوێ حەفت سالان کارکری یە ل یانا لازیۆ دخولا کاتشیو و ھەردیسان ل تیما دوێ یا لازیو ھەردیسان راھێنەریا چەندین یانێن دی یێن ئیتالی کری یە و ھەردیسان دخولا پلا نایاب یا ئینگلتەرا دا ل گەل یانا نوتنگام یا ئینگلیزی کارکری یە و ل وەرزێ بوری راھێنەریا شیانێن لەشی یا یانا قەتەر یا قەتەری کر.

ئەڤرۆ نيوز:
یانا بەرشەلۆنا چاڤەرێ ب دووماھی ھاتنا یاریا کاسا مەلەکێ ئیسپانیا و داکو پشتی وێ یاریێ ب فەرمی نووکرنا ھەڤبەستا یاریکەرێ خوە و ستێرا ھەلبژارتیێ بەرازیل نەیماری راگەھینن.
رۆژنامەیێن نێزیک ل یانا بەرشەلۆنا دیارکری نە یانا بەرشا دخوازیت ھەڤبەستا ستێرا خوە نەیماری بەری دەرگەھێ ڤەکرنا ڤەگوھاستێن ھاڤینی نوو بکەت داکو خوە ژ مەترسیا چوونا وی قورتال بکەت.
ھەردیسان ئەوان رۆژناما دیارکری یە ژی ھەڤبەستا نەیماری یا نوکە دێ ل دەستپێکا وەرزێ ٢٠١٨ ب دووماھی ھێت و یانا بەرشەلۆنا دخوازیت ھەڤبەستا ئەوی نوو بکەت ھەتا سالا ٢٠٢١ و ھەردو لایەن ل سەر نووکرنا ھەڤبەستێ گەھشتی نە رێککەفتنێ و کوژمێ ھەڤبەستا وی ھاتیە بلندکرن.

ئەڤرۆ نیوز:
یانا تەلەبە داخوازی ژ ئێکەتیا تەپا پێ یا عیراقی کریە ئەنجامێن یانا شورتە نە ھێنە ھژمارتن دخولا بژارە یا عیراقێ دا ژبەر خوە ڤەکێشانا وێ ژ یاریا دووماھیا خولێ و پێدڤی یە ئێکەتیا تەپا پێ ل دیڤ یاسایا خولێ بچن و سزایەکێ توند دانە بەر یانا شورتە .
چێگرێ سەروکێ یانا تەلەبە محەمەد ھاشمی د دیارکر ئەگەر ئێکەتیا تەپا پێ یا عیراقێ ل دیڤ یاسایا خولێ بچیت پێدڤی یە ئەنجامێن یانا شورتە دخولا بژارە دا نەھێنە ھژمارتن ھەردیسان تیمێ ژ خولا پلا نایاب پاشڤەزفرینتە خولا پلا ئێک و ئەو سزایێ دانایە بەر یانا دھۆک ھەمان سزا دەنە یانا شورتە ژی ژبەرکو ئەوا شورتە کری وەکو یا یانا دھۆک بوو کو دھۆکێ ژێ خوە ژ خولێ ڤەکێشا ھەمان سزادایە بەر پێدڤی یە سزایێ شورتە ژی وەکو یێ دھۆکێ بیت.
زێدەتر ناڤبری گوت: خوە ڤەکێشاندانا یانا شورتە د بەرژوەندیا یانەکێ بتنێ دایە و چار ھەتا سێ یانێن دێ زەرامەندن دڤێ بریارێ دا.
ھەژی گوتنێ یە ل یاریێن کومان دا ژی یانا جەویە خوە ژ یاریا دووماھیا خولێ ڤەکێشا بوو پشتی ل یاریگەھا یانا ھەولێرێ ئامادە نەبووی ژبەرکو یاریەکا قارەمانیا ئاسیا ھەبوو.