ئەڤرۆ نیوز،ھەژار مەعروف:
لژنەیا سەرپەرشتیار د قارەمانیا کونیڤا دا ل ھەرێما ئەبخازیا یا روسی ل سەر سایتێ خوە یێ فەرمی راگەھاندی یە ھەلبژارتیێ ھەرێما رومانیا پیوبل ب فەرمی خوە ژ قارەمانیا کونیڤا یا ھەرێمان یا ئەڤ سالە ڤەکێشا بێکو ئەگەرێن خوە ڤەکێشانی دیاربکەن.
لژنەیا سەرپەرشتیار ل سایتێ خوە دیارکری یە ژی ل جھێ ھەلبژارتیێ ھەرێما رومانیا پیوبل ھەلبژارتیێ ھەرێما پادانیا دێ پشکداریێ کەت ھەلگرا سێ ناسناڤێن قارەمانیا کونیڤا .
ھەژی گوتنێ یە ھەلبژارتیێ ھەرێما پادانیا دھێتە ھژمارتن ئێَک ب ھێزترین ھەلبژارتیێن ھەرێمان ل سەر ئاستێ قارەمانیا کونیڤا سێ جاران شیا ناسناڤێ ڤێ قارەمانیێ ب دەستخوڤە بینت ھەر دیسان ئەو ھەلبژارتیی یە ئەوێ دو جاران ھەلبژارتیێ کوردستانێ ژ قارەمانیێ بێ بارکری کو جارەکێ ل وەلاتێ ئیتالیا ل یاریا دووماھیێ و جارەکێ ل مالتا ل یاریا پێش دووماھیا قارەمانیێ .

ئه‌ڤرۆ نیوز،کاروان باعه‌دری:
یاریکەرێن ریال مەدرید هەڤخەمیا خو نیشاندان بۆ قوربانیێن و حەژێکەرێن ریال مەدرید ل عیراقێ کو دوهی ل ئێک ژ کافتریا ل باژێرکێ به‌لد یێ سه‌ر ب پارێزگه‌ها به‌غدا ڤه‌ بومبه‌یه‌ک ل کافتریا حه‌ژێکه‌رێن یانا ریال مه‌درید ته‌قیبوو کو ب بوو ئه‌گه‌رێ مرنا زێده‌تر ژ ٢٠ که‌سان.

ئەڤرۆ نیوز:
سێ یانێن ئینگلیزی ھەڤرکیا ب دەستڤە ئینانا ستێرا ھەلبژارتیێ کولومپیا و یاریکەرێ یانا ریال مەدرید خامێس رودریگیز کەن بۆ وەرزێ بھێت .
رۆژناما ئاس یا ئیسپانی دیارکری یە ھەر ئێک ژ یانێن ئەرسینال و مانچستەر یوناید و مانچستەر سیتی ھەڤرکیا ئێک کەن بۆ ب دەستڤە ئینانا رودرێگیز پشتی یاریکەرێ ناڤبری دیارکری ئەو دخوازیت ل وەرزێ بھێت پێکھاتیێ یانا مەلەکی ب جھـ بھێلت پشتی ل داخویانێن خوە یێن ڤێ دووماھیێ دا دیارکری ئەو وەکو یاریکەرەکێ یەدەگ ل سەر خوە قەبوول ناکەت ئەو دخوازیت یاریێ ل یانەکێ بکەت د پێکھاتیێ سەرەکی دا خوە بینت.

ئەڤرۆنيوز:
بریارە سوباھی ل دەمژمێر چار ئێڤاری ل دیڤ دەمێ کوردستانێ نوونەرا کوردان دخولا پلا ئێک یا سوید دا یانا دالکورد ل ناڤ ئەرد و جەماوەرێ خوە دا یاریا خوە یا حەفتیا ھەشتێ ژ خولا تەپا پێ یا سوید ل گەل یانا دیگرفروس بکەت .
یانا دالکورد ئەوا نوکە ل رێزا شەشێ دھێت ب ١١ خالان کو ژ حەفت یاریان شیا سێ سەرکەفتنا بەرامبەر دو وەکھەڤیا و دو خوسارەتیا دێ دڤێ یاریێ دا ھەمی بزاڤێن خوە تەرخان کەت ژ بوو سەرکەفتنا چارێ ل وەرزێ ئەڤ سالە و ھیڤێن خوە ب ڤەگەرینتە ڤە جارەکا دی بۆ ھەڤرکیێ ل سەر رێزێن پێشیێ و دەربازبوونێ بۆ خولا پلا نایاب یا سوید .
ھەژی گوتنێ یە یانا دالکورد ل وەرزێ ئەڤ سالە پشکداریا وێ یا ئێکێ یە د دیروکا وێ دا دخولا پلا ئیچک یا سوید پشتی ل وەرزێ بوری ژ خولا پلا دو بەر ب خولا پلا ئێک سەرکەفتی.

ئەڤرۆ نیوز،ھەژار مەعروف:

یانا بەرشەلۆنا بۆ جارا ٢٤ د دیروکا پشکداریێن خوە دا دخولا ئیسپانیا دا شیا ناسناڤێ خولێ ب دەستخوڤە بینت پشتی شیای شڤێدی د یاریا خوە یا حەفتیا دووماھیێ دا سەرکەفتنێ ل سەر یانا گرناتە توماربکەت ب سێ گولان بێ بەرامبەر کو ھەرسێ گول ژلایێ یاریکەرێ وێ و گولکەرێ خولا ئەڤ سالە لویس سوارێز ڤە ھاتە تومارکرن و بەرشەلۆنا ب ٩١ خالان وەکو قارەمانا ٢٠١٥-٢٠١٦ ھاتە خەلاتکرن.
یانا ریال مەدرید خودانا ٣٢ ناسناڤان رێزا دوێ ب دەستخوڤە ئینا و پلێتا دەربازبوونێ یا ئێکسەر بەر ب قارەمانیا یانێن ئورۆپا ڤە مسوگەر کر پشتی د یاریا خوە یا حەفتیا دووماھیێ دا شیای سەرکەفتنێ ل سەر دیپورتیڤو لاکەرونیا توماربکەت ب دو گولان ب ٩٠ خالان رێزا دوێ پاراست ل دووماھیا خولێ ب سەرپەرشتیا راھێنەرێ خوە یێ فەرەنسی زێدان.
ھەژی گوتنێ یە ل ھەشت وەرزێن بوری یانا بەرشەلۆنا شیا شەش جاران ناسناڤێ خولێ ب دەستخوڤە بینت ئەوژی ل ٢٠١٤-٢٠١٥ و ٢٠١٢-٢٠١٣ و ٢٠٠٨-٢٠٠٩ و ٢٠٠٩-٢٠١٠ و ٢٠١٠-٢٠١١.