ئه‌ڤرۆ نيوز:
ل ده‌ڤه‌را كازميه يا به‌غدا، دو ته‌قين روودان و ل دووڤ پێزانينێن ده‌ستپێكى 17 كه‌س هاتينه كوشتن و 24 كه‌س برينداربووينه.
ل دووڤ گوتنا پوليسێن عيراقى دو ته‌قين چێبوونه ئێك ل ده‌ڤه‌را كازميه كو يا خوه‌كوژى بوويه و يا دوێ ل جادا ره‌بيع ل باكورێ رۆژئاڤا به‌غدا ب رێيا ئوتومبێله‌كا بومبرێژكرى بوويه‌ز
ئەڤرۆ نیۆز، سالار دۆسکی:
ئەندامەکا لژنا دارایی و ئابووری ل پەرلەمانێ عیراقێ دیارکر کو دانا قەرزان ژ بانکا رەشید بتنێ بۆ ئەوان وەلاتیانە ئەوێن پێدڤی ب ھەی وەک نەخوش و یێن پێدڤی و دڤێت رازیبوونا وەزارەتێ یا جڤاتا بانکێ رازیبوونێ ل سەر دانا وی قەرزی بدەت و فایدە ژی ل سەر ڤی قەرزی ھەیە و ئەڤە دھێتەدان پشتی گرنتی بۆ بانکێ بھێنە چێکرن کو ئەڤ پارە دێ ھێتەزڤراندن.
نەجیبا نەجیب ئەنداما لژنا دارایی و ئابووری ل پەرلەمانێ عیراقێ بۆ ا ئەڤرۆ نیۆز گۆت: ھەمان بانکا رەشید چەقەک ھەیە بۆ دانا قەرزان بۆ کەسێن خانیان ئاڤان دکەن و ھەتا 50 ملیۆن دیناران بۆ دھێنەدان و ئەڤە ل دووڤ چەندین مەرجانە.
نەجیبایێ ئاشکراکر ژی کو چەندین مەرج ھنە بۆ دانا ئەڤان قەرزان و نەر ھەر کەسەکێ دڤێت دشێت قەرزان وەربگریت و ھەتا بانکا رەشید قەرزان دەتە وەلاتیان بۆ پرۆژان ژی بۆ نموونە قونتەرچیەکی پێدڤی ب پاران بیت دشێت بچیتە وێ بانکێ و دشێت پاران وەربگریت، لێ گرنتیا زڤراندنا پاران بۆ بانکێ یا گرنگە و دڤێت پارە بۆ بھێنە زڤراندن.
ھەمان ئەنداما پەرلەمانێ عیراقێ ئاشکراکر کو بانکێن رەشید و رافیدین گرێداینە ب وەزارەتا دارایی یا عیراقێ ڤە و دانا ئەڤان قەرزان بتنێ پارێزگەھێن عیراقێ ڤەدگرن و ژ ھەرێما کوردستانێ ناگرن، ل دووماھیا سالا 2013 ڤەکرنا چەقێن ھەر دو بانکان ل ھەرێما کوردستانێ گەھشت بوو قوناغێن دووماھیێ، لێ بریارەکا سیاسی بوو نەھاتەڤەکرن چونکە پارێ مە وەک 17% ناھێتە کوردستانێ و بانک حوکمی نە و گرێداینە ب وەزارەتێ ڤە.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 11ى ئه‌يارا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1300 |
| 1 يۆرۆيێ ئه‌ورۆپى | 1480 |
| 1 ليرێ توركى | 445 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ھەکە تو ھزر بکەی دێ خوارنێن کێم روون خۆی دا سەنگێ خوە کێم بکەی، ئەگەرەکێ دی ژی یێ ھەی وەدکەت تو پێگیریێ ب رێجیما خوە یا ساخلەم بکەی، ل دووڤ ڤەکۆلینەکا نوو، ھندی سەنگێ تە کێم ببیت، ژیانا تە یا سیکسی خۆشتر لێدھێت.
زانا دیار دکەن، کێم خوارن یا ھاریکار نینە بۆ کێمکرنا سەنگی ب تنێ، بەلێ خۆشیا گێولی ژی کێم دکەت و دودلیێ سڤک دکەت، د ئەنجام دا دبیتە ھاندەرەکێ سیکسی یێ مەزنتر.
ڤەکۆلینەکا دی ئاشکرا کریە، ھەڤژین باندۆرێ ل ئاوایێ خوارنا ئێک و دو دکەن، ئەو ھەڤژینێن شیڤا نەخۆن باندۆرێ یێ ل بەرامبەر ژی دکەن سەنگا خوە کێم بکەن.
ئه‌ڤرۆ نيوز:
37 كه‌س هاتنه كوشتن و زێده‌ترى 40 كه‌سان بريندار بوون، ژ ئه‌گه‌رێ په‌قينا ترۆمبێله‌كا مينرێژكرى ل بازاره‌كا ده‌ڤه‌ر سه‌در ل ياپته‌ختێ عيراقێ، به‌غدا، پشتى روودانێ ژى داعش به‌رپرساتيا خوه ژ ڤێ روودانێ راگه‌هاند.
هێرشا سپێده‌هيا ئه‌ڤرۆ رۆژا چارشه‌مبى رێكه‌فتى 11ى گۆلانا 2016ێ ماركێته‌كا قه‌ره‌بالغا ده‌ڤه‌را سه‌درا شيعان كربوو ئارمانج ل به‌غدا يا پايته‌ختێ عيراقێ.
هه‌ر وه‌كو مالپه‌رێ سى ئێن ئێن ژ زارده‌ڤێ ژێده‌رێن ساخله‌ميا عيراقێ به‌لاڤكرين، 37 كه‌س هاتينه كوشتن و ئاماژه بۆ وێ چه‌ندێ ژى كريه كو داعش به‌رپرساتيا خوه ژ وێ ته‌قينێ راگه‌هانديه.
ئه‌ڤرۆ نيوز:
ئەو کەسێ بڤێت ژیانەکا خۆش ل کوردستانێ ببەت.
ئەم نابێژین خێر و سەدەقا بکە، چونکو ئەم دزانین بەریکێن تە د ڤالا نە، حکومەتێ ژی دەستێ خوە ھەتا بنێ بەریکا تە یێ بری، مووچە نینن و کارەبا گشتی و یا موەلیدەی یا (×3) کری، سۆز و بریارێن بەرپرسان ژی دبەردەوامن.
لێ دێ بێژینە تە، یا باش ئەوە، پالدە مامو، و ئێدی بەرێخوە نەدە تێلەڤزیۆن و نووچەیان، وەسا دێ دلێ رحەت و تەنا بی، بێ فشارا خوینێ و نەخۆشیا شەکرێ و نەخۆشیا خوێ، نەخۆشیا لەیموندزێ ژی چ جارا نێزیکی تە نابیت.
ئەڤرۆ نیوز:
ناڤمالیا تە دشێت ھەموو بزاڤێن تە بۆ کێمکرنا سەنگێ و پاراستنا ساخلەمیێ ژ ناڤ ببەت، بەلێ ئەڤە رساتە، ناڤمالیێن گەلەک خۆش مرۆڤی ھانددەن گەلەم روونیت ئانکو کێم لڤین و تەمبەلی.
سەدەمێ ئێکێ: ھەبوونا گەلەک پارچێن ناڤمالیێ یێن خۆش بۆ روونشتنێ.
بێگۆمانە، ھەبوونا گەلەک قەنەپە و کورسیێن خۆش ل ناڤ مالێ و ل لێنانگەھێ، دێ ھاندەن تو گەلەک روونی و خوارنێن بلەز و تێر روون بخۆی و بۆ پتر ژ جارەکێ د رۆژێ دا.
سەدەمێ دویێ: بکارنەئینانا دەرەجک و پاییسکان: یا نۆرمالە دەمێ تو د ڤیلایەکێ ڤە بژی یان د شوققەکێ ڤە دێ ھاتن و چوونێ ل سەر دەرەجک و پاییسکان کەی، بەلێ گەلەک کەس حەز دکەن ئەسانسۆران بکاربینن یان کەل و پەلێن ل سەر دو قاتان پارڤە دکەن. بکارئینانا دەرەجکان راھێنانەکا ب ھەروە و ب مفایە، بکاربینە دا ھەست ب جوداھیێ بکەی.
سەدەمێ سیێ: دبیت چارچەڤێن سۆر و دیوارێن رەنگین و نەخشاندی دلێ مرۆڤی ل خوارنێ ڤەدکەن و کوئەندامێ دەماران ھانددەن. رەنگێ شین بکاربینە دا دەماران تەنا بکەت و دلێ تە ل خوارنێ بگریت.
سەدەمێ چارێ: پاراستنا سەرمایێ: روونشتن د ژوورەکا سار ڤە، دێ تە ھاندەت ل خوارنەکا ب روون بگەری، ھەستکرن ب سەرمایێ وەدکەت مرۆڤی ھندەک خوارنێن ب روون بخۆت دا ھەست ب گەرمێ بکەت. بەلێ سەقایێ ناڤنجی یان یێ گەرم بەرۆڤاژیە، روونی دسۆژیت و خوە مرۆڤی ددەت دا لەشی بتەزینیت.
سەدەمێ پێنجێ: بەرێخوەدانان بەرنامێن تێلەڤزیۆنێ: ل دووڤ ڤەکۆلینەکا ل سالا 2009 ھاتیە کرن، دەمێ ڤەکۆلەران بەرێخوەدانا تێلەڤزیۆنێ د رۆژێ دا ژ پێنج سەعەتان بنیڤی کرین، پشکدارێن ڤەکۆلینێ 120 سعرێن گەرمێ د رۆژێ دا دسۆتن، ئانکو بەرامبەر برێڤەچوونا کیلۆمتر و نیڤان. تێلەڤزیۆن خرابترین دژمنە بۆ تە.
ئه‌ڤرۆ نيوز:
د راگه‌هاندنه‌كێ دا كو ل سه‌ر زارێ خالد شوانى ئاخفتنكه‌رێ فه‌رمى يێ ب ناڤێ سه‌رۆكاتيا كۆمارا عيراقێ هاتيه به‌لاڤكرن، ئاشكه‌را كريه كو سه‌رۆك كۆمارێ عيراقێ فوئاد مه‌عصوم ژماره‌كا سزايێن سێداره‌دانێ بۆ ئه‌وان تاوانبارێن تاوانێن مه‌زن كرين ئيمزا كرينه.
دايه زانين كو په‌سه‌ندكرنا وان سزايان پشتى شرۆڤه‌كرنا دوسيێن وان بوويه ژ لايێ كۆميتێن تايبه‌ت بۆ ڤێ مه‌ره‌مێ هاتينه پێكئينان، مه‌رسومێن ئيمزاكرين ژى هاتينه ره‌وانه‌كرن بۆ ده‌سته‌لاتێن په‌يوه‌نديدار بۆ راپه‌راندنا كارێن وان و بجهئينانا سزايان ب سه‌ر وان تاوانباران دا.
د هه‌ردو خولێن بۆرى يێن سه‌رۆك كۆماريێ دا، مام جه‌لال ئيمزا ل سه‌ر چ سزايێن سێداره‌دانێ ل عيراقێ نه‌كربوو.
نيشاندان
