ئه‌ڤرۆ نيوز:
پشتى وه‌زاره‌تا خواندنا بلند بريارداى، كوليژێن حكومى ژى ماف هه‌بيت، پشكێن ئێڤاران ڤه‌كه‌ن، گه‌له‌ك زانكۆيان به‌رهه‌ڤيا خوه دياركرينه بۆ ڤه‌كرنا چه‌ندين پشكان، زانكۆيا سه‌لاحه‌دين ژى برياردا چه‌ندين پشكێن خواندنێ ل ئێڤاران ڤه‌كه‌ت.
بۆ زانينا ناڤێن كۆليژێن دێ ل ئێڤاران هێنه ڤه‌كرن و مه‌رجێن وان، سه‌ره‌دانا مالپه‌رێ زانكۆيا سه‌لاحه‌دين بكه و ب رێيا ڤى لينكى
ئه‌ڤرۆنیۆز، هه‌رهین محه‌مه‌د:
هونه‌رمه‌ند سه‌لام یوسف دد یداره‌كێ دا بۆ ئه‌ڤرۆنیۆزدیاركركو نوكه مژوولى چێكرنا سێ سترانا یه و هه‌رسێ ستران دووقولێ هاتینه گۆتن
سه‌لامى هێشتا ژى گۆت: ناڤه‌رۆكا كلیپه‌كێ ل سه‌ر ئه‌ڤینیێ یه و دگه‌ل سترانبێژ هیڤین شێخى هاتیه گۆتن و هه‌روه‌سان هه‌ردو سترانێن دى ژى ناڤه‌روكا وان ل سه‌ر ئه‌ڤینیێ نه و دگه‌ل سترانبێژ نوشین ئیبراهیم هاتینه توماركرن به‌لێ دڤان كاودانا دا سپونسه‌ر گه‌له‌ك ب زه‌حمه‌تن سپونسه‌ریا كلیپا بكه‌ن.
گۆتژى: گه‌له‌ك داخازا نوكرنا سترانێن من یێن كه‌ڤن ژ من دهێته كرن به‌لێ دڤان كاودانا دا مرۆڤ نه‌شێت كلیپ بكه‌ت.
ئه‌ڤرۆ نیوز: ڤه‌ده‌ر ره‌شاڤایی:
ژنه‌كا ئه‌مریكی بناڤێ مێریدیز كابارۆس د گه‌شته‌كێ دا بۆ باژێرێ هۆنگ كۆنگ ل نێزیك فرۆكخانێ كامیره‌ك دیت، لێ نه‌شییا خودانێن وێ ببینیت.
مێریدیز كابارۆس دبێژیت پشتی وێ كامیره ڤه‌كری دیار بوو یا ژن و مێره‌كی ییه و چه‌ندین وێنێن وان كو وه‌كی دیار د گه‌شته‌كێ دا گرتینه تێدانه،
نۆكه وێ چه‌ند وێنێن هه‌ردویان ل تۆرێن جڤاكی به‌لاڤكرییه ب ژبه‌ركو لدووڤ گۆتنا وێ وان ژن و مێران گه‌له‌ك وێنێن جوان پێكڤه گرتینه مخابنه ئه‌و وێنه و بیرهاتن ژی ده‌ست وان بچن، و هیڤیداره برێیا ڤان وێنان، ديار ببيت ئه‌و ژن و مێر خه‌لكێ كیڤه نه و لدووڤ كامیره و وێنێن خوه بهێن و بده‌ستڤه‌بیننه‌ڤه.
ئه‌ڤرۆ نیۆز، رێوار مزیرى:
به‌رپرسێ راگه‌هاندنێ ل رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ بۆ ئه‌ڤرۆ نیۆز دیار كر بڕیاره شانده‌كێ سینه‌ماكارێن پشكدارى د فلمێ (حاج حاجیك) دا كرین پشكدارى فلمه فیسته‌ڤاله‌كێ ل وه‌لاتێ سویسرا ببن.
عادل عه‌بدولره‌حمان، به‌رپرسێ راگه‌هاندنێ ل رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ گۆت: ” ئه‌ڤ فلمه ژ ده‌رهێنانا مانو خه‌لیلى یه و به‌رهه‌مێ باژێرێ دهۆكێ یه و دێ د فیسته‌ڤالێ دا هه‌ڤڕكیێ ل سه‌ر ب ده‌ستڤه ئینانا خه‌لاتێ ئێكێ دا كه‌ت”.
ناڤهاتى ئاماژه دا وێ چه‌ندێ كو بهایێ خه‌لاتێ ئێكێ یێ فلمه فیسته‌ڤالێ 60 هزار یۆرو نه و ئه‌ڤ فیسته‌ڤاله ل 21/1/2016ێ ل باژێرێ زیورخ یێ وه‌لاتێ سۆیسرا دێ ب فلمێ (حاج حاجیك)ده‌ستپێكه‌ت و دێ بۆ ده‌مێ حه‌فتیه‌كێ یا به‌رده‌وام بیت.
ئه‌ڤرۆ نیوز: ڤه‌ده‌ر ره‌شاڤایی:
د بزاڤه‌كا دی دا كو ره‌خنه‌گر ب سنۆرداركرنا ئازادییا راده‌برینێ ل قه‌له‌م دده‌ن، پشتی ده‌سته‌سه‌ركرنا چه‌ندین رۆژنامه‌ڤانان، حكومه‌تا توركیا لدووڤ هزار كه‌سایه‌تیێن ئه‌كادمی كه‌ڤتییه.
ڤان كه‌سایه‌تییان كو ژ 89 زانكۆیێن توركیا نه، داخازه‌ك ئیمزار كربوو و تێدا داخازا راوه‌ستاندنا ئۆپه‌راسیۆنێن له‌شكه‌رێ توركیا ل باكۆرێ كوردستانێ كربوو، لێ ڤێ یه‌كێ ره‌جه‌ب ته‌ییب ئه‌ردۆگان سه‌رۆكێ توركیا تۆره كر و سۆز دا ڤێ یه‌كێ بۆ وان نه‌هێلیت و هه‌وه‌كا ده‌سته‌سه‌ركرنا وان ده‌ستپێكرییه.
ئه‌ڤرۆ نیوز: ڤه‌ده‌ر ره‌شاڤایی:
نه‌ته‌وێن ئێكگرتی گاڤا حكومه‌تا دانیماركێ بۆ ژێ ستاندنا زێر و زیڤ و تشتێن دی یێن بهاگران ژ په‌نابه‌رێن دچنه وی وه‌لاتی ئیدانه‌كر و بكاره‌كێ نه مرۆڤانه ل قه‌له‌م دا.
بۆ ڤێراگه‌هشتنا مه‌زاختنێن 20 هزار په‌نابه‌رێن گه‌هشتیه دانیماركێ حكومه‌تا وی وه‌لاتی بریار دایه هه‌ر مولكه‌كێ په‌نابه‌ران بهایێ وی ژ هزار و 400 دۆلاران پتر بیت، دێ ژێ هێنه ستاندن، ڤێ یه‌كێ ژی نه‌رازیبوونا چه‌ندین ئالییان و خوه‌نیشاندان لدووڤ خوه ئینان.
لدووڤ گۆتنا وه‌زیرێ كۆچبه‌ریێ یێ دانیماركێ هه‌ر كه‌سێ دڤێت ل دانیماركێ بژیت دڤێت ئه‌و بخوه ل خوه بمه‌زێخیت و خوه نه‌هێلیته هیڤیا حكومه‌تێ ڤه.
ئه‌ڤرۆ نيوز، ئومێد وه‌لاتى:
ل رۆژا پێنجشه‌مبى رێكه‌فتى 14ى كانوونا دويێ 2016 ل باژێرێ به‌ستووره ل سه‌ر رێيا گشتيا پيرمام بۆ هه‌ولێر د رێ و ره‌سمه‌كى دا ب به‌رهه‌ڤبوونا چه‌ندين كه‌ساتيێن سياسى و حوكمى و رى سپيێن ده‌ڤه‌رێ په‌رده ل سه‌ر وێنێ هه‌ردو شه‌هيدێن شه‌رێ داعش “شه‌هيد عه‌ميد مه‌غديد هه‌ركى و شه‌هيد موقه‌دم جه‌لال هه‌ركى” هاته لادان.
ئه‌ڤرو،بارزان مزوورى
د. فارس بریفكانى،سه‌روكێ لژنا ته‌ندروستی ل په‌رله‌مانێ عێراقێ بو مالپه‌رێ ئه‌ڤرو نیوز دیار كر كو وى داخاز ژ وه‌زیرا ته‌ندروستى یا به‌غدا كریه به‌هرا دامه‌زراندنا كارمه‌ندێن ته‌ندروستى یێن ده‌ڤه‌رێن ده‌رڤه‌ى كوردستانێ بهێته ژێك جوداكرن كو 32% پلێن دامه‌زراندنێ بو وان ده‌ڤه‌ران بن یێن كوردنشین كو به‌رى نها پارێزگه‌ها مووسل به‌هرا وان ده‌ڤه‌را ب دروستى نه‌دگه‌هاند و گوت: بو ئه‌ڤ سال مه سه‌ر وه‌زاره‌تا ته‌ندروستى یا به‌غدا فه‌رزكریه 32% ژ رێژا پشكا مووسل بو كوردا بیت .
ناڤبرى دیار كر كو پتریا ئه‌و پلێن دامه‌زراندنێ دێ بو وان كه‌سێن ده‌ربه‌رده‌ربن یێن داعش مالێن وان وێران كرین و مالباتێن شه‌هیدان هێنه دان.
نيشاندان