ئەڤرۆ نیوز:
ئەگەر یانا ریال مەدرید بخوازیت ناسناڤێ قارەمانیا چامیونس لیگ ب دەستخوڤە بینت پێدڤی یە کاربکەت ل سەر حەفت خالێن سەرەکی یێن تیمێ ل چەند رۆژێن بھێت ھەتا بشێت سەرکەفتنێ ل سەر ھەڤرکا خوە یانا ئەتلەتیکو مەدرید توماربکەت.

پێدڤی یە ل سەر دەستەیا راھێنەری و نوژدارێن یانێ پێنڤەدانەکا باش ب دەنە رونالدوی ل چەند رۆژێن بھێن و کاربکەن رەوشا وی ب تمامی ڤەگەرینن بەری یاریێ ژبەرکو پشتی ژ ھنگافتنێ ڤەگەریی بتنێ یاریەک ئەنجامدای یە و نە ل ئاستێ خوە یێ پێدڤی بوو ل دووماھی یاریا خوە دا

کارکرن ل سەر بەرھەڤیا ھێرشبەرێ فەرەنسی کەریم بن زیما ژبەرکو ل ھەردو یاریێن بوری نەبوونا کەریم بن زیما ڤالاتیەک ل یانا ل ھێلا ھێرشبەریا ریال مەدرید دا ھەبوو

راھێنەرێ فەرەنسی زێدان ھزر ل پێنڤەدانەکێ بۆ گاریس بێل بکەت کو ل ماوێ بوری ماندی بوونەکا مەزن ل دەڤ پەیدابووی یە تایبەت پشتی ل دووماھی یاری توشی ھنگافتنەکا سڤک بووی و پێدڤی یە دەستەیا راھێنەری یا ریال مەدرید ھزر ل تمامکرنا bbc بکەت کو بۆ وێ یاریێ ھەرسێ ستێرێن وی ئامادەبن ل وی دەمی دێ ئەرکێ ئەوان ب سانەھی تر بیت

یانا ریال مەدرید پێدڤی یە د یاریا بەرامبەر ئەتلەتیکو دا ھەیبەتا خوە یا ھێرشبەریێ جارەکا دی ڤەگەرینتە ڤە کو ل ل وەرزێ ئەڤ سالە  شیای یە ١٠٥ گولان دخولا لالیگا دا توماربکەت و ٢٧ گول د قارەمانیا ئورۆپا دا لێ ئەڤ چەندە یا ب سانەھی نابیت بۆ ریال مەدرید ژبەرکو دێ بەرامبەر ھێزترین ھێلا بەرەڤانیێ کەت ئەوژی ئەتلەتیکو مەدرید لەورا ل سەر زێدان پێدڤی یە ھەمی شیانێن  ھێزا خوه د ھێلا ھێرشبەریا ریال مەدرید دڤێ یاریێ دا ب کاربینت و یا جیاواز بیت ژ یاریا بەرامبەر مانچستەر سیتی ژبەرکو ئاستێ ھێلا ھێرشبەریێ نە ل ئاستێ پێدڤی بوو د وێ یاریێ دا ١٨٠ ده‌قیقان دا بتنێ گولەک تومارکر بوو.

راھێنەرێ ریال پێدڤی یە چەند گوھورینا د سیاسەتا پێکھاتیێ خوە دا بکەت ل دو یاریێن بھێت لێ ئەو سیاسەت نەبیتە کارتێکرن ل سەر ئەنجامێن وێ د خولا ئیسپانیا دا و یاریکەرێ کرواتی لوکا مودریتج پێدڤی پێنڤەدانەکا کێمە ل دو یاریێن بھێت یێن خولا لالیگا بەری یاریا دووماھیێ یا چامپیونس لیگ ل گەل ئەتلەتیکو مەدرید .

پاراستنێ ل سەر ھەڤرکیا ناسناڤێ خولا ئیسپانیا بکەت و یا بەردەوام بیت ل سەر ھەڤرکیا داکو ئەو چەندە بیتە پشتەڤانیەک بۆ یاریا دووماھیێ قارەمانیا ئورۆپا

د شیان دا یە راھێنەرێ ریال مەدرید زێدان یاریکەرێ کولومپی خامێس رودریگز وەکو پێگوھورەکێ سەرکەفتی د یاریا دووماھیێ دا ب کار بینت ھەر چەندە ھەتا نوکە یاریکەر نە ل وی ئاستێ پێدڤی یە یێ جەماوەرێ ریال مەدرید ژێ چاڤەرێ دکر لێ د شیانێن وی دا ھەیە وەکو پێگوھورەکێ سەرکەفتی ل نیڤا دوێ یاریێ بکەت ژبەرکو ستێرێن یانێ زوربەیا ئەوان د ماندی بوونەکا مەزن دانە ژ دەستپێکا خولێ وەرە

ئەڤرۆ نیوز:
راپورتێن رۆژنامەڤانی ل برێتانیا وەسا داینە دیارکرن راھێنەرێ فەرەنسی و یانا ئەرسینال یا ئینگلیزی ئەرسن ڤینگەر داخوازیت ل ڤەگوھاستنێن ھاڤینا ئەڤ سالە ھژمارەکا یاریکەرێن خودان شیان ل تیما خوە زێدە بکەت بۆ وێ چەندێ بشێت ھەڤرکیێ ل سەر ناسناڤ و خولێن ئورۆپی و ئینگلیزی بکەت ل وەرزێ بھێت پشتی ئەڤ سالە دەست ڤالە مای نەشیان چو قارەمانیا ب دەستخوڤە بنین.
ئەرسن ڤینگەر راھێنەرێ یانا ئەرسینال یا ئینگلیزی دخوازیت پێکھاتیێ خوە بۆ وەرزێ بھێت ب ھێزتر بێخیت و چەند ستێرێن بەرنیاس ل تیما خوە زێدەبکەت بۆ وەرزێ بھێت بۆ وێ چەندێ بشێت ھەڤرکیێ ل سەر ناسناڤ و قارەمانیێن ئورۆپی و ئینگلیزی بکەت پشتی ل ڤی وەرزی نەشیای چو ناسناڤە ب دەستخوڤە بینت.
رۆژناما توک سپورت یا ئینگلیزی دیارکری یە یانا ئەرسینال ل سەر داخوازیا راھێنەرێ خوە یا بزاڤێ کەت ھەڤبەستێ ل گەل ستێرا ھەلبژارتیێ تورکیا و یاریکەرێ یانا بەرشەلۆنا ئەردا توران ئیمزابکەت و دەست ب دانوستاندان ژی کری یە ل گەل بریکارێ وی کو یاریکەر ل وەرزێ ئەڤ سالە د رەوشەکا لاواز دا بوریت ل گەل یانا کەتەلونی ھەتا نوکە چو دەلیڤەیێن خوە وەکو یاریکەرەکێ سەرەکی ل گەل تیما ئیسپانی نەدیتی یە .
ژلایەکێ دیڤە رۆژنامەیێن نێزیک ژ یانا بەرشەلۆنا ژی دیارکری نە یانا بەرشەلۆنا چاڤەرێ داخوازیا یانا ئەرسینال یا فەرمی یە بۆ وێ چەندێ بشێن دەست ب دانوستاندان بکەن و بەری نوکە ژی یانا بەرشا خواستی یە ل ھاڤینا بھێت یاریکەرێ تورک دانە بەر فروتنێ و بشێن ئەو کوژمێ دایە بێ جارەکا دی ڤەگەرینن کو توران ب کوژمێ ٤٠ ملیون یورۆیا ژ ئەتلەتیکو مەدرید ھاتبو ڤەگوھاستن بۆ بەرشەلۆنا .
ھەژی گوتنێ یە ل ھاڤینا بوری ھەردو یانێن ئەرسینال و بەرشەلۆنا ھەڤرکی ل گەل ئێک کرن بو ب دەستڤە ئینانا ستێرا تورکی ژ یانا ئەتلەتیکو مەدرید لێ ل دووماھیێ بەرشەلۆنا شیابوو د وێ ھەڤرکیێ دا ب سەرکەفیت لێ ھەتانوکە یاریکەر نەشیا وەکو یاریکەرەکێ سەرەکی دەلیڤەیا خوە بینت .

ئەڤرۆ نیوز:
ل ماوێ بوری وەسا د ھاتە دیارکرن کو دبیت دیگو دسیمیونی راھێنەرێ ئەتلەتیکو مەدرید بھێتە سزادان ژبەر ئەو رافتارا ل یاریا پێش دووماھیا قارەمانیا چامپیونس لیگ کری و ھێرشکریە کەسەکی و دەستێ خوە ل مللێ وی دای ژبەر گیروبوونا گوھورینا یاریکەرەکێ ئەتلەتیکو مەدرید کو کو وەسا د ھاتە دیارکرن سیمیونی ھێرشکریە سەر دادڤانێ چاری و چەند کەسێن دی وەسا دیارکر بوو سیمیونێ ھێرشکریە سەر رێکخەرێ یاریێ و ئەڤ چەندێ دێ بیتە ئەگەرێ وێ چەندێ سیمیونی بھێتە سزادان .
پشتی بورینا دەمی و دیڤچوونێ ل سەر ئەوی کەسی ل دووماھیێ چەند دەزگەھێن راگەھاندنێ شیان ئەوی کەسی ئاشکرا بکەن ئەوێ سیمیونی ھێرشکریە سەر ئەوژی نە رێکخراوێ یاریێ و نە دادڤانێ چارێ یێ یاریێ بوو بەلکو رێکخەرێ یانا ئەتلەتیکو مەدرید پێدرۆ بابلۆ بۆ ب ڤێ چەندێ راپورتێن رۆژنامەڤانی وەسا ژی داینە دیارکر سیمیونی نا ھێتە سزادان و دێ ل یاریا دووماھیا قارەمانیا ئورۆپا بەرامبەر ریال مەدرید ل یاریگەھێ ئامادەبیت .

ئەڤرۆ نیوز:
دربەکێ دی یێ دژوار ب ریال مەدرید کەڤت بەری یاریا دووماھیا قارەمانیا ئورۆپا قارەمانێن خولا پشتی ئێک ژ گرنگترین یاریکەرێن وێ ل دووماھی یاری توشی ھنگافتنێ بووی ئەوژێ ستێرا ویلیزی گاریس بێل .
رۆژناما مارکا یا ئیسپانی دیارکری یە ستێرا ویلیزی د یاریا بھێت یا یانا ریال مەدرید نەشێت پشکداریێ ل گەل یانێ بکەت ژبەر ئەو ھنگافتنا توش بوویێ ل دووماھی یاری د قارەمانیا ئورۆپا دا و راپورتا نوژداری ل یانا ریال مەدرید دیارکری یە ئەڤ ھنگافتنە دێ سێ ھەتا چار رۆژان ڤەکێشیت و پشتی وێ چەندێ جارەکا دی بۆ راپورتەکا دی کەن .
وێ رۆژنامێ دیارکری یە ژی لێ ئەڤ ھنگافتنە چو مەترسی ل سەر نە پشکداریا وی ناکەن بۆ یاریا دووماھیا قارەمانیا ئورۆپا و بۆ وێ یاریێ دێ یێ بەرھەڤبیت.