ئه‌ڤرۆ نيوز:
ئامينا گۆلشه‌ن، نوكه ئێكه ژ ئه‌كته‌رێن ناڤدارێن رۆژهه‌لاتا ناڤه‌راست و ئه‌و خاتين ل سالا 2014ێ وه‌كو شاهجوانا توركيا هاته هه‌لبژارتن.
ئامينا كچه‌كا كه‌ركووكى يه و دايكا وێ ژى خه‌لكا ئه‌زميره ل وه‌لاتێ توركيا، به‌لێ خێزانا وێ چووينه وه‌لاتێ سويد و ل وێرێ ژ دايكبوويه.
د داخۆيانيه‌كێ دا ل گه‌ل mbc4 كو به‌رى چه‌ند رۆژان هاتيه ئه‌نجام دان و ل مالپه‌رێن ئه‌نترنێتێ و تۆڕێن جڤاكى هاتيه به‌لاڤكرن ژ زارده‌ڤێ خوه پشت راست كريه كو ئه‌و خه‌لكا كه‌ركووكێ يه و ل وه‌لاتێ سويد ژ دايك بوويه.
نوكه ئه‌و هۆنه‌رمه‌ند زێده‌تر ژ هه‌موويان دكه‌ڤيته به‌ر زووما كاميرێن رۆژنامه‌ڤانێن توركيا، به‌رى نوكه رۆژناما “ده‌يلى ميرۆر” يا ئنگليزى وێنه‌كێ مه‌سعود ئوزێل ستێرا يانا ئه‌رسنال يا ئنگليزى به‌لاڤكربوو كو د ئێڤاريه‌كێ دا ل گه‌ل شاهجوانا توركيا “ئامينا گۆلشه‌ن” وه‌كو هه‌ڤال ده‌ركه‌فتبوو.
ژ به‌ر هندێ دبيت په‌يوه‌نديه‌كا نهێنى د ناڤبه‌را ئه‌وان ستران دا هه‌بيت، به‌لێ هه‌تا نوكه چو ده‌زگه‌هێن راگه‌هاندنێ نه‌شيايه ڤێ چه‌ندێ پشت راست كه‌ن و پێزانينێن زێده‌تر به‌لاڤ كه‌ن.
نيشاندان
