ئه‌ڤرۆ نيوز:
ئه‌ڤرۆ ل ده‌مێ پێشكێشكرنا گوتارا مالئاڤاهيێ دا، هه‌ڤالێن سه‌رۆك وه‌زيرێن توركيا ئه‌حمه‌د داود ئوغلو بوو كرنه گرى.
داود ئوغلو دياركر كو ل 22 ڤێ هه‌يڤێ دێ كۆنگرێ داد و گه‌شه‌پێدان هێته سازكرن و ئه‌و خوه بۆ سه‌روكايه‌تيا پارتا خوه به‌ربژار ناكه‌ت و ده‌ستا ژ پۆستێ سه‌رۆك وه‌زيران ژى به‌رده‌ت.
ئەڤرۆ نیوز:
بەری دەمەکێ کێم یاریا دناڤبەرا ھەردو یانێن نەفت وەست و زەورا خودانێن رێزا ئێکێ و دوێ ب دووماھی ھات ژ چارچوڤێ یاریێن گەرا پێنجێ ژ خولا بژارە یا عیراقی ب سەرکەفتنا یانا زەورا ب گولەکێ بێ بەرامبەر و ب ڤێ سەرکەفتنێ یانا زەورا سەرێ لیستەیا خولێ ژ ھەلگرا ناسناڤێ خولێ یانا نەفت وەست وەرگرت و خوسارەتیا ئێکێ گەھاندە نەفت وەست ل دو سالێن بوری دا ل یاریگەھا وێ ل نەجەف.
نیڤا ئێکێ بێ گول ب دووماھی ھاتبوو ل نیڤا دوێ دا ل دقیقا ٨٧ گولکەرێ یانا زەورا و خولا عیراقێ موھند عەبدرەحیم گولا ئێکێ بۆ تیما خوە تومارکر و ب ڤێ گولێ تیما خوە بەر ب سەرکێشا خولێ ڤە بر خالێن زەورا گەھشتنە ١١ خالا و نەفت وەست ب ١٠ خالان رێزا دوێ دھێت .
ھەژی گوتنێ یە زەورا ب سەرکێشا راھێنەرێ خوە یێ بەرنیاس باسم قاسم بۆ یاریا ٢٢ ل دیڤ ئێک ل وەرزێ ئەڤ سالە توشی خوسارەتیێ نەبووی یە .
ئەڤرۆ نیوز:
د چارچوڤێ یاریێن قوناغا پلەی ئوڤ دا بۆ دەربازبوونێ بوو پلا دو یا تورکیا نوونەرا باکورێ کوردستانێ دڤێ قوناغێ دا یانا دیاربەکر سپور شیا ژ دەرڤەی یاریگەھا خوە پێنگاڤەکا مەزن بۆ یاریا دووماھیێ پاڤێژیت پشتی شیای سەرکەفتنەکا مەزن ژ دەرڤەی یاریگەھا خوە ل سەر یانا ئادیە سپور توماربکەت ب سێ گولان بێ بەرامبەر و بریارە یاریا دوێ ل رۆژا دوشەمبیا بھێت ل یاریگەھا دیاربەکر بھێتەکرن.
ھەژی گوتنێ یە سەرکەفتنێ ھەردو یاریێن دیاربەکر و یادیە دێ ل گەل سەرکەفتی یێ یاریا بودرون و ئوڤ سپور کەت ل یاریا چارەنڤێسی و دەربازبوونێ بۆ خولا پلا دو .
ئەڤرۆ نیوز:
د چارچوڤێ یاریێن قوناغا پلەی ئوڤ دا بۆ دەربازبوونێ بۆ پلا دو یا تورکیا یاریکەرێ یانا دیاربەکر سپور تونج مراد بورھان ئێک ب لەزترین گول د مێژویا خولێن تورکیا دا تومارکر کو دچرکەیا سیێ دا شیا گولا ئێکێ بۆ یانا خوە ل سەر یانا ئایدین سپور توماربکەت .
ئەڤ گولە دھێتە ھژمارتن ئێک ب لەزترین گولا دخولا تورکیا یا تەپا پێ دا کو بەری نوکە ل چو لیگێن دی نە یێن پلا نایاب و ئێک و دو سێ ئەڤ گولە نە ھاتیە تومارکرن.
ھەژی گوتنێ یە ئەڤ یاریا نوکە یا بەردەوامە نیڤا ئێکێ ب دووماھی ھاتیە پێشکەڤتنا دیاربەکر سپور ب گولەکێ .
ئەڤرۆ نیوز:
د خولا سنگالێ یا تەپا پێ دا ھەڤرکیەکا دژوار یا دناڤبەرا تیمێن پشکدار دخولێ دا دھێـتەکرن بۆ برنا ناسناڤێ خولێ و پاشڤەزفرینا خولا پلا ئێک کو ١٤ تیم نوکە دخولا سنگالێ دا پشکدارن و پێنج حەفتی ماینە خودانا رێزا دووماھیێ ئانکو ١٤ ھیڤێن برنا ناسناڤێ خولێ یێن ھەین و دبیت سەرکێشا خولێ خودانا رێزا ئێکێ مەترسیا پاشڤەزفرینێ یا ل سەر ھەی.
کازا سپورت سەرکێشا خولێ یە ب ٣٢ خالان و دیامبارس ٣٠ خال ھەنە و ھەردو تیمێن رێزێن ١٣-١٤ د لیستەیا خولێ دا خودانێن ٢٢ خال و ٢٣ خال ھەنە و تیم پاشڤە زفرنە خولا پلا ئێک.
ھەلویستێ خولێ یێ بەری ب دووماھیی ھاتنا خولێ پینج حەفتیان ب ڤی شێوەیە.
ئه‌ڤرۆ نيوز:
ب فه‌رمانه‌كا سه‌رۆك وه‌رێن عيراقێ، ئه‌و ليوايا هێزێن پێشمه‌رگێ كوردستانێ يا ئه‌ركێ پاراستنا جڤاتا نوونه‌رێن عيراقێ پێ هاتيه راسپاردن هاته دوورخستن و ليوايه‌كا عه‌ره‌بان ل جهێ وێ دانا.
شاخه‌وان عه‌بدولا په‌رله‌مانتارێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ بۆ باسنيوز راگه‌هاند: ب بڕياره‌كا حه‌يده‌ر عه‌بادى سه‌رۆك وه‌زيرێن عيراقێ ئه‌ڤرۆ رۆژا پێنجشه‌مبى رێكه‌فتى 5ى گۆلانا 2016ێ ليوا پاراستنا جڤاتا نوونه‌رێن عيراقێ هاته دوورخستن كو ليوايه‌كا پێشمه‌رگه‌يه ل جهێ وان فه‌وجه‌كا عه‌ره‌بى هنارتيه جهێ وان.
ده‌رباره‌ى ئه‌گه‌رێن ده‌ركرنا ڤێ بڕيارێ ژى عه‌بدولاى گۆت: “عه‌بادى ل وى ده‌مێ گۆتار ل جڤاتا نوونه‌ران پێشكێش كرى، هنده‌ك ژ په‌رله‌مانتاران دولكێن ئاڤێ تێوه‌ركرن، ئه‌وى ژى داخواز ژ فه‌رماندێ ئه‌وێ هێزا پێشمه‌رگه‌ى كر كو ب هێزێ په‌رله‌مانتارێن نه‌رازى دووربێخيت، به‌لێ فه‌رمانده‌يێ وان ئه‌و ره‌تكر، چونكو وه‌سان دديت كو په‌رله‌مانتاران پارێزبه‌نديا قانوونى هه‌يه و نه‌شێت وى كارى بكه‌ت”.
ته‌كست ل سه‌ر وێ چه‌ندێ ژى كر كو رۆژا شه‌مبى 30ى نيسانا 2016ێ فه‌رماندێ وێ ليوايێ نه‌هێلا ژيانا په‌رله‌مانتارێن كورد بكه‌ڤيته د مه‌ترسيێ دا و سڤكاتى پێ بهێته كرن، “ژ به‌ر هندێ ئه‌ڤرۆ عه‌بادى بڕيارا ده‌ركرنا وان دا”.
ئه‌ڤ ئه‌ندامێ لژنا ئه‌منى ل جڤاتا نوونه‌رێن عيراقێ دا زانين ژى كو ئه‌ڤ بڕياره بێ ئاگه‌هيا سه‌رۆكاتيا جڤاتا نوونه‌ران و لژنا ئه‌منى يا جڤاتا نوونه‌ران هاتيه ده‌ركرن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 5ى ئه‌يارا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1292 |
| 1 يۆرۆيێ ئه‌ورۆپى | 1470 |
| 1 ليرێ توركى | 455 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز:
ھەکە تو ھزرا خوە بکەی، ل رۆژا بێھنڤەدانا خوە کومپیۆتەرێ خوە ل گەل خوە ببەیە سەیران و گەریانان، پیچەک ھزرا خوە بکە، دبیت ئەو شاشیەکا مەزن بیت و دێ پتر فشارێ ئێخیە سەر ژیانا خوە. شارەزایان ھۆشداری ل سەر مەترسیا مژوولبوونا ب کاری ڤە و مانا ل سەر ھەڤبەندیان ل سەر تۆرێن جڤاکی ل دەمێ بێھنڤەدانێ. شارەزایان پێشنیاز کریە، دەستووریەکێ وەرگری دا خوە ژ “ژەھرا ئامیرێن ئەلکترۆنی” قورتال بکەی. ئەڤ ھزرە بەربەلاڤ بوو و نوکە ھندەک کۆمپانیێن گەشتوگوزارێ ھندەک جۆرێن سەیرانان بەرھەڤ دکەن دا فەرمانبەر و خوادن کار دەمەکێ درێژتر ببۆرینن بێی ئنترنێت.
دێ جیھانێ ب ئاوایەکێ جودا بینی: مژوولبوونا ب ئامیرێن ئەلکترۆنی و شاشێن دیجیتال ڤە، ناھێلین تو خۆشیێ ژ گەلەک دیمەنێن خوەزایی ببینی ل دەمێ گەریان و سەیرانان. مێشکێ تە بێھنا خوە ڤەنادەت، لەورا یا باشی ئەوە خوە ژ ڤان ئامیران دوور بکەی و بێھنا مێشکێ خوە ڤەدەی.
ئاڤاکرنا ھەڤبەندیێن کەسوکی ب ئاوایەکێ باشتر: ئەم یێن کەتینە دەمەکی، یا مە بەری بێھنەکێ گۆتی ئەم ژبیر دکەین، ئەگەر مژوولبوونا ب ئامیرێن ئەلکترۆنی و ھنارتنا نامان یێن ھەموو سحبەتان دبڕن و دبنە ئەگەرێ بەرزەبوونا ھزرێ و ھەتا برێڤەچوونێ ژی.
دێ تەنا و ئارام بی: دەمێ تو بەرسڤا تەلەفۆنێن گرێدایی کاری ددەی، تو تۆرە و ھەستیار دبی. بەلێ دەمێ تو دەست ژ ھزرکرنێ بەرددەی ل ھندەک جھان د گەل ھندەک مرۆڤان، دێ بینی تو پتر یێ تەنا و ئارامی.
نيشاندان
