ئه‌ڤرۆ نيوز:
وه‌زاره‌تا به‌ره‌ڤانيا بريتانيا راگه‌هاند كو ئه‌وا بڕيار دايه ب سه‌دان شيره‌تكارێن دى يێن له‌شكرى ره‌وانه‌ى عيراقێ و هه‌رێما كوردستانێ بكه‌ت و ئه‌ڤه ژى پشتى داخوازيا ئه‌مريكا بۆ وه‌لاتێن هه‌ڤپه‌يمان و ئورۆپا هات كو داخواز كربوو رۆلێ زێده‌تر هه‌بيت د شه‌رێ دژى داعش دا.
د راگه‌هاندنه‌كێ دا وه‌زاره‌تا به‌ره‌ڤانيا بريتانيا ئه‌ڤ چه‌نده پشت راست كريه و دايه زانين ژى مه‌ره‌م ژ هنارتنا وان شيره‌تكاران بۆ وێ چه‌ندێ يه پتر بشێن بزاڤێن خوه بۆ نه‌هێلانا داعش خورتتر لێ بكه‌ن.
ئەڤرۆ نیوز:
دوبارە و سێبارە پەیرەوکرنا رێجیمێ، سۆتنا روونی د لەشی دا کێم دکەت و دئەنجام دا مرۆڤ گەلەگ سەنگێ ژ دەست نادەت، ئەڤرۆ دێ بۆ ھەوە جۆرەکێ ڤەخوارنێ ئاشکرا کەین کو ب ئێکجاری قەلەویێ ناھێلیت.
پێکھاتە: کەچکەکێ ھنگڤینی، کەچکەکێ دارچینێ، ئاڤا نیمۆکان، کەچکەکێ چایا کەسک و کەچکەکێ زەنجەبیلا قوتایی.
رێیا بەرھەڤکرنێ: ئاڤا نیمۆکان و چایا کەسک و زەنجەبیلێ دێ کەیە ئامانەکی و ئاڤێ کەیە سەر و دانیە سەر ئاگری ھەتا دکەلیت.
پاشی دێ ھێلی ھەتا سار دبیت و دھێتە ڤاڤارتن، پاشی دێ ھنگڤینی و ئاڤا نیمۆکان کەیە سەر و تێکڤەدەی ھەتا پاش تێکھەل دبن.
رۆژانە دێ کۆپەکێ وێ ڤەخۆی و ھەکە تویێ قەلەو بی دێ تە بەژن زراڤ کەت.
ئه‌ڤرۆ نيوز:
جۆرێن خوارنێ ب زانین ھەلبژێرە، بلا سعراتێن گەرمێ یێن زێدە د خوارنەکا کێم دا ھەبن، ھەر تشتێ قەلەوی تێدا خوە ژێ دوور بکە وەکو : شرینیان، پتاتا قەلاندی، خوارنێن ب روون، و ڤان خوارنان ب فێقی و زەرزەواتی بگوھۆرە.
بلا ھندەک بەرفراڤینک و بەرشیڤک ھەبن، ب مەرجەکێ تو بزانی ئەو چ جۆرێن خوارنێ نە، وەکو فێقی و دو کتێن چکلێتێن تۆخ.
بزانە ئەو چ جۆرێن تەڕاتیانە تو ڤەدخۆی، خوە ژ خۆشاڤ و دۆشاڤێن کارخانان و ڤەخوارنێن غازی دوور بکە، و بزانە کا پێدڤیە تو چەند خۆشاڤ و دۆشاڤێن سروشتی ڤەخۆی، ئەڤ چەندە ناھێلیت تەڕاتی ل ناڤتەنگا تە کۆمڤە ببن، یا باش ئەوە تو گەلەک ئاڤێ ڤەخۆی و رۆژانە ژ ھەشت پەرداغان پتر.
وان جۆرێن راھێنانێن وەرزی ھەلبژێرە یێن ناڤتەنگێ زراڤ دکەن و روونی نەھێلن، بلا راھێنانێن تە رۆژانە بن و ب سێ ھەیڤان بەری شەھیانا تە دا ئەنجامەکێ باش بدەستڤە بینی.
ئەڤرۆ، سالار دۆسکی :
ماوەکە چەندین پانزیخانێن ل پارێزگەھا دھۆکێ دەرگەھێن خوە گرتین و ھوسا خوە دیارکرن کو بوویە قەیرانا پانزینێ، ل دور بابەتی بەرپەرێ دوڤچوون ل رۆژناما ئەڤرۆدوڤچوونا بابەتی کریە و ھوکاران دەتە بەرچاڤ.
عەبدوسەمەد تێلی سەرۆکێ لژنا سوتەمەنیێ ل جڤاتا پارێزگەھا دھۆکێ ل دۆر کێمبوونا پانزینێ و گرتنا پانزینخانا بۆ رۆژناما ئەڤرۆ دیارکر کو چ قەیرانێن پانزینێ پەیدا نەبووینە ل پارێزگەھا دھۆکێ وسەرانسەری کوردستانێ و ئەڤا پەیدا بووی بتنێ ھۆکارێ گران بوونا دۆلاری نە و چەندین ئەگەرێن دی.
تێلی زێدەتر ژی گۆت: ژێدەرێن پانزینا کوردستانێ ژ دو ژێدەرانە، ژێدەرەک دەرڤەی کوردستانێ یە و ژێدەرەک دناڤا کوردستانێ دایە، ژێدەر کوردستانێ ئەو پارزینگەھا کەلەکێ یە و ئەوێ پانزین ب کوم کریە 540 دینار و بلند کریە و پێشتر ب 460 فرۆتن پانزین ب کۆم، دیسان پانزین ژ دەرڤە ژی دھات و یا ئەرزان بوو و بەرمیلا گازێ ھەتا 27 دۆلاران بوو و نوکە بلند بوویە و دۆلار ژی بلند بوویە و گەلک پانزین ژ ئیرانێ دھات و دەمێ گەھشت گەلەک بەر فرەە بوو ل بازاری و دەمێ بھایێ گازێ ل سەر ئاستێ جیھانێ بلند بووی وەلاتێ ئیرانێ ژی گاز و بەرھەمێن وێ ل دەرە گرانکرن و ھەر وەرەقکا دولاری ھەشت ھزار دینار چوونە سەر و پانزین گران بوو و دبینم ب وی بھای ئێدی پانزین ناھێت کوردستانێ و ئەف پانزینا ناف خوە ژی ب خوە گران بوویە کو بوویە 540 ئەڤجا پانزینخانە نەرچار بووینە کو ئێدی نەشێن پانزینێ بکرن.
سەرۆکێ لژنا سوتەمەنیێ ئەو چەندەژی گۆت: خودانێن پانزینخانا دووپاتکریە کو کەس نینە پانزینێ بدەتێ و بازرگان پانزینێ نا فرۆشنێ. ھەڤدەم عەبدوسەمەد تێلی دیارکر ژی کو ب مەرەما دیتنا چارەکێ و ل سەر خواستا لژنێن پەیوەندار ب بابەتە ڤە و خودانێن پانزینخانان و گەھشتینە وێ چارەسەریێ کو پانزینا نوکە ب 500 و ب عادی دھاتە ناڤکرن ب 575 دیناران بھێتە فرۆتن و پانزینا محه‌سه‌ن ب 650 دیناران بھێتە فرۆتن، سەرۆکێ لژنا سوتەمەنیێ دووپاتکر ژی کو پانزین ھەیە و ئەڤرۆ دێ ھەر ھێتە فرۆتن و ب تنێ بھایێ پانزینێ گران بوویە.
ھەڤدەم عەبدوسەمەد نە ڤەشارت و گۆت: ھەر دەمێ بھایێ دۆلاری نزم بوو گومان نینە دێ بھایێ پانزینێ ل دەرڤە ھێتە خوارێ، چونکە بەرمیلا پەترۆل ل سەر ئاستێ جیھانێ بلند بوون ب خوە ڤە یتی یە و پانزین ژی ژ بەرھەمێن گازێ یە و گەل گران بوونێ ئەوێ ژی گران بوون ب خوە ڤەدیتی یە و ئەڤە ل سەر خواستنێ یەو ئەڤە ب بھایێ دۆلاری ڤە یا گرێدایە.
ل دۆر بھایێ پانزینێ ل پارێزگەھێن دی ژی، سەرۆکێ لژنا سوتەمەنیێ ل جڤاتا پارێزگەھا دھۆکێ گۆت: بۆ زانین بھایێ پانزینێ ل پارێزگەھا ھەولێرێ ھەتا 950 دیناران ھەولێرێ دھێتە فرۆتن و ھەتا حەفت بھایێن پانزینێ ھەولێرێ ھەنە و سلێمانیێ ژی ھەمان شێوە گەلەک بھایێن پانزینێ ھەنە. عەبدوسەمەد تێلی ئاشکراکر ژی کو کوالێتی یا پانزینێ ل سەر ئاستێ ھەرێما کوردستانێ نمرە ئێکە و گەلەک جورێن پانزینێ دھێنە ھەولێر و سلێمانیێ قەدەغەیە ب وێ کوالێتیێ بھێنە پارێززگەھا دھۆکێ.
ئەڤرۆ نیوز:
چاڤەرێ دھێتەکرن ئەڤرۆ دو یاری ژ قوناغا چار گوشا زێرینا خولا کوردستانێ یا پلا ئێک بۆ دەربازبوونێ بۆ پلا نایاب بھێنەکرن کو ھەردو یاری دێ ھەتا رادەیەکی یاریێن مانێ و نەمانێ بن تایبەت بۆ یانا پێشمەرگا سلێمانیێ کو ب ھەر ئەنجامەکێ نە چاڤەرێکری دێ ھیڤێن دەربازبوونێ ھەتا رادەیەکێ مەزن ژ دەست دەن .
ل یاریگەھا خوە ل باژێرێ سلێمانیێ تیما پێشمەرگا یا بریندار دێ مێڤانداریا یانا کویە کەت ئەوا ل حەفتیا بوری شیای سەرکەفتنێ توماربکەت ل سەر سیروان نووێ دڤێ یاریێ دا پێشمەرگە دێ ھەمی بزاڤێ کەت سەرکەفتنا خوە یا ئێکێ ژ سێ یاریێن خوە توماربکەت و ھیڤێن خوە ڤەگەرینتە ڤە بۆ دەربازبوونێ جارەکا دی کو نوکە ژ دو یاریان بتنێ خالەک ھەیە بەرامبەر کویە سێ خال ھەنە.
ژلایەکێ دیڤە سەرکێشا چار گوشا زێرین تیما گازی باکور ل باژێرێ کەرکوک دێ مێڤانداریا یانا سیروان نوو کەت د یاریەکا زحمەت دا .
ھەلویستێ چار گوشا زێرین بەری یاریێن ڤێ گەرێ ب ڤی شێوەیە
گازی باکور ٤ خال
کویە ٣ خال
سیروان نوو ٣ خال
پێشمەرگا سلێمانیێ ١ خال
ھەژی گوتنێ یە ھەردو یانێن خودانێن رێزا ئێکێ و دوێ دێ ئێکسەر دەربازی خولا پلا نایاب بن
ئه‌ڤرۆ نيوز:
عه‌ميد سه‌رحه‌د قادر، رێڤه‌به‌رێ پۆليسێن قه‌زا و ناحيێن كه‌ركووك بۆ رووداو گۆت: “ده‌مژمێر 02:40 ده‌قيقه ژ شه‌ڤا بۆرى دو بيرێن په‌ترۆلا كه‌ركووك يێن خه‌بازه ل گوندێ كه‌تاحيه په‌قين.
هه‌ڤده‌م ژێده‌ره‌كى ژ پۆليسێن كۆمپانيا په‌ترۆلا باكوور بۆ رووداو گۆت: “بيرێن په‌ترلێ يێن خه‌بازه مينرێژكربوون، ئاماژه ب وێ چه‌ندێ كر كو دو بير په‌قاندينه و دو ژى ل هه‌مان جهـ د مينرێژكرى نه”.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا پێنجشه‌مبى رێكه‌فتى 5ى ئه‌يارا 2016ێ ئه‌سمان دێ ژ ئه‌وره‌كێ ناڤجى بۆ ئه‌ورێ ته‌مام هێت گوهۆڕين ئه‌گه‌رێ بارانه‌كا كێم ل هنده‌ك ده‌ڤه‌را هه‌يه.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ به‌رده‌واميا كارتێكرنا فشارێن نزمێن كه‌نداڤێ عه‌ره‌بى بۆ سه‌ر هه‌رێما كوردستانێ دهێته پێشبينيكرن ئه‌سمان ژ ئه‌وره‌كێ ناڤجى بۆ ئه‌ورێ ته‌مام هێت گوهۆڕين و باران ل ده‌مێن جودا ل جهێن جودا دێ باريت ب تايبه‌ت ل ده‌مێن ئێڤارى.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20كم دا و هنده‌ك و ماوێ ديتنێ ژى دێ 8 بۆ 9كم بيت، پلێن گه‌رمێ ژى دێ د ناڤبه‌را (20 بۆ 27) پلان دا بيت.
ئەڤرۆ نیوز:
چەند رۆژەک یێن ماین ودێ رێکەڤتناما سایکس – بیکۆ ب دووماھی ھێت ب ڤێ یەکێ ژی دێ گوھۆڕین ب سەر نەخشێ رۆژھەلاتا ناڤین دا ھێن، ئەڤ گوھۆڕینە ژی دێ دبەرژەوەندا ھەرێما کوردستانێ دابن کو بگەھیتە ئارمانجێن خوە، پەرلەمانتارەک ژی دبێژیت یا فەرە ئێکمالیا کوردی بھێتە رێکخستن و مە گۆتارەکا سیاسی یا ئێکگرتی ھەبیت داکو ب عەقلانە بشێین سەردەریێ ل گەل ڤان بارودۆخان بکەین .
ئامینا زکری جێگرا فراکسیونا پارتی دیموکراتی کوردستان ل پەرلەمانێ کوردستانێ سەبارەت ئێکمالیا کوردی دڤێ قۆناغێدا دبێژیت کوململانێ یا سیاسی د ناڤبەرا ھەموو لایەنێن سیاسی تشتەکێ سروشتیە, بەلێ ئەو ململانێ یا سیاسی ھەتا وی رادەی دێ یاساخلەم بیت کو کارتێکرنا نێگەتیڤ ل سەر لایەنێ نیشتیمانی و نەتەوی نەکەت و بۆ رۆژناما ئەڤرۆ گۆت” نوکە ھەرێما کوردستانێ یا د ھندەک قۆناغێن ھەستیاردا دەرباز دبیت مینا شەڕێ داعشێ و نەبوونا بودجەی وشەڕێ سیاسی ل گەل عێراقێ وچەند رۆژێن ماین دێ رێکەڤتناما سایکس – بیکۆ ب دووماھی ھێت، لەوما یا گرنگە کورد ب عەقلانە و ژێرانە سەردەریێ ل گەل ڤێ قوناغێ بکەن ودەستێن خوە بکەن دناڤ ھەڤ دا و خودان گوتارەکا سیاسی بن و ئێکمالیا کوردی بھێتە رێکخستن داکو ب ھێز ببن ل ھەمبەر ھەر رودان وکارەساتەکا ب سەر ھەرێمێ دا دھێت”.
ئامینا زکری گۆت ژی” رێبازا پارتی پێکڤەژیان و دەولەت وئارامی و سەربخوەیێ یە وپارتی ل سەر ڤان پرەنسیبان یا ھاتیە دامەزراندن، ژبەر ھندێ بەردەوام خەبات بو ھندێ یا کری ودەرگەھێ دانوستاندنێ بۆ ھەموو لایەنان یێ ڤەکریە وپێنگاڤ ژی بۆ ھندێ ھاڤیتینە ب شێوەیەکێ پراکتیکی, ئەڤرۆکە ئەڤ قۆناغا ھەرێما کوردستانێ تێپەراندی پێکڤەژیان و فرە لایەنی دناڤ ھەرێمێ دا پەیدابوو، ئەڤ خوش گوزەرانیا رەوشا ژیانا خەلکێ ھەرێما کوردستانێ دیاردکەت کو پارتی خەبات یا بۆکری و ئەو قۆناغا نھا ھەرێما کوردستانێ گەھشتیێ دەستکەڤتێن پارتی وئێکەتیێ بوون ھەرێم گەھشتیە ڤێ قۆناغێ” .
ئامینایێ دیارکرکو پارتی ب سەرۆکاتیا بارزانی بەردەوام ھەولێن داین ئێکمالیا کوردی رێک بێخیت وگۆت” پارتی دشکەستنا و سەرکەڤتناندا یا دیارکری کو ھێزەکە یا بەرگریێ ژمللەتی دکەت و ژشکەستناندا ژی پشتا مللەتی بەرنادەت، پێشمەرگەی ژی سەلماند کو ھێزەکا نیشتیمانیە وئەو ناکوکیێن سیاسی ل ھەرێمێ کارتێکرنێ ل ئیرادا پێشمەرگەی ناکەت کو ئەڤە ژی سیاسەتا حەکیما نە یا بارزانی بوو، ژلایەکێ دی پارتی ب ھەم و تەخ و بەرپرس و ئەندام و کارگێرو سەروکایەتی ڤە دقۆناغێن نەخوەش دا پشتا خوە نەدا مللەتی ب خوە بەخشانە بەرگری ل شەرەفا مللەتێ کورد کر و کو ھەتا نوکە ژی یێ دسەنگەران دا ب خوەبەخشانە، چونکی خوە بەرپرس دبینیت ژبەر ھندێ ئارمانجا مە ئەوە ئێکمالیا کوردی بھێتە رێکخستن و مە گۆتارەکا سیاسی یا ئێکگرتی ھەبیت وچەندین قوربانی داینە بۆ ھندێ خوەش گوزەرانی و ئارامیێ بۆ مللەتی پەیدا بکەن و مللەتی بگەھینە وان ھیڤی و ئومێدان” .
ل دۆر وێ پرسێ کو چەند رۆژەک یێن ماین رێکەفتناما سایکس – بیکۆ ب دووماھی ھێت گەلو چ یا پێدڤیە بھێتە کرن، گۆت” دڤێت لایەنێن مە بزانن کو ھەڤڕکی و ململانێ یا حیزبی تشتەکێ بەروەختە ونامینیت، بەلێ ھندەک پرۆسە و پرۆژە یان ھندەک کاودانێن دیرۆکی یێن ھەین کو دوبارە نابنەڤە ھندەک جاران دبنە خالەکا ب سەر مللەتی ڤە, سایکس – بیکۆ یا دچیتن نەخشێ رۆژھەلاتا ناڤین یێ دگوھۆڕینێ دا وئایندەکێ گەش یێ دبەر ھەرێمێ دا و ئەڤە ژی ب ئێک گۆتاری و ئێکگرتنێ دێ پرسێن نەتەوی دێ ب دەسڤەھێن وئەم دشێین کوردستانێ بەرەڤ کنارەکێ ئارامیێ ببەین و کوردستان وەکی گەشتیەکێ یە ئەم ھەموویێ تێدا ھەکە بەرەڤ کنارەکێ ئارامیێ ببەین و ئەم ھەموو دێ دەرباز بین ھەکە نقوم بین ژی، ئەم ھەموو دێ نقوم بین، لەوما پێدڤیە دیالوک د ناڤبەرا ھەموو لایەنان دا ھەبیت وھەڤڕکیا سیاسی نەمینیت ب ساویلکانە سیاسەتێ نەکەن، بەلکو ب ژێرانە و ب عەقلانە بھێنە سەر مێزا دانوستاندنێ داکو ھەموو پرس بھێنە چارەکرن” .
ئەڤرۆ نیوز:
راھێنەرێ فەرەنسی یێ یانا ریال مەدرید یا ئیسپانی زێدان د داخویانیێن خوە یێن بەری یاریێ دا دیارکر ئەو د بەرھەڤن بۆ یاریا ئەڤ شەڤە و ئەو دێ ھەمی بزاڤێ کەن ل چارێکا ئێکێ گولەکێ توماربکەن دا کو بشێن رێیا خوە ب سانەھی بکەن و پێدڤی یە ئەو ھشیاربن چو گول لسەر ئەوان نەھێتە تومارکر ژبەرکو ھەر گولەک ل سەر ئەوان بھێتە تومارکرن دێ ئەرکێ ئەوان ب زحمەتر بیت .
زێدەتر زێدان دیارکر ستێرا تیمێ یێ پرتوگالی کریستیانو رونالدۆ بۆ یاریا ئەڤ شەڤە یێ بەرھەڤە ل ٩٠ دقیقەیێن یاریێ یاریێ بکەت کو بتنێ دو یاریکەر د بەرھەڤ نابن بۆ یاریا ئەڤ شەڤە ئەوژی کەریم بن زیما و کاسمێرو کو نە پشکداریا بن زیما دێ کارتێکرنا خوە ل ھێلا ھێرشبەریێ ھەبیت ژبەرکو یاریکەرەکێ وەکو وی ھەبوونا وی ل ھێلا ھێرشبەریێ یا گرنگە سەبارەت کاسمێروی ل جھێ کاسمێروی ئەوان گەلەک یاریکەر ھەنە و دشێن جھێ وی تشی بکەن.
زێدان جارەکا دی د داخویانیا خوە دا ڤەگەریا ل سەر رونالدوی و دیارکر ڤەگەراندنا رونالدوی ل گەل پێکھاتیێ ریال دێ ھێزەکا دی یا مەزن دەتە پێکھاتیێ ریال ژبەرکو ھیڤیا ھەر راھێنەرەکی یە یاریکەرەکێ وەکو رونالدوی یاریێ بۆ بکەت ل یاریێن چارەنڤێسی .
ل دووماھیێ زێدان دیارکر ئەو رێزێ ل یانا مانچستەر سیتی دگرن و ئارمانجا ھەردو یانا دەربازبوونە بۆ یاریا دووماھیێ ئەو باش دزانن ئەڤ یاریە وەکو یاریا فولفسبورگ نابیت بۆ ئەوان دێ ھەتا رادەکی ئەرکێ ئەوان ب زحمەتر بیت لێ ئەو سوزێ دەتە جەماوەرێ یانا مەلەکی ئەو دێ بەردەوام بن ل سەر ئارمانجا خوە ئەوژی گەھشتن بۆ یاریا دووماھیێ و برنا ناسناڤێ قارەمانیا چامپیونس لیگ یا ئەڤ سالە.
نيشاندان