فوتو، بارزان مزوورى، میحوه‌رێ تلسقوف:
كامیرا ئه‌ڤرۆ نیوز شكه‌ستنێن داعش به‌رچاڤ دكه‌ت
نووترين نووچه
- مە بزاڤێن مەزن یێن كرین گرنگییەكا تایبەت ب كەرتێ چاندنێ و پیشەسازییا خوارنێ بدەین
- هیچ ئالییەكێ سیاسی نەشێت چاوانییا پەیوەندیێن د ناڤبەرا بەغدا و هەولێرێدا دیار بكەت
- تمامبوونا جۆتسایدێ شێخان – لالش، دێ ئاسانكارییەكا مەزن بۆ سەرەدانكەرێن لالش كەت
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
سه‌ره‌كى Twitter
نووترین پێزانین ل دۆر شكه‌ستنا داعش یا ئه‌ڤرۆ
تلسقوف، بارزان مزووری:
عه‌مید مه‌رعان مه‌رعان، ژ هه‌والگێریا فه‌رمانده‌یا سپیلكى ل میحوه‌رێ تللسقوف بو روژناما ئه‌ڤرو دیار كر كو ئه‌ڤرۆ ل ده‌مژمێر 4 سپێدێ چه‌كدارێن تیرورستێن داعش ب چه‌كێ گران و خوكوژ و ترومبێلێن تێنتى كرى ب دوو لایان ڤه هێرش كره سه‌ر سه‌نگه‌رێن پێشمه‌رگه‌ى یێن میحوه‌رێ تللسقوف بو ماوێ پتر ژ هه‌شت ده‌مژمێرا شه‌ر دناڤبه‌را هێزێن پێشمه‌رگه‌ى و داعش به‌رده‌وام بو و هێزێن پێشمه‌رگه‌ى ب پشته‌ڤانیا هێزێن هه‌ڤپه‌یمانا ئه‌و داعشێن هێرش كرین هه‌موو كوشتن و ل سه‌دان ته‌رمێن وان یێن كه‌فتینه ده‌ستێن پێشمه‌رگه‌ى و چه‌ندین ترومبێل و چه‌ك كه‌فتینه ده‌ستێن پێشمه‌رگه‌ى.
ناڤبرى دیار كر كو پتر ژ ده‌هان ترومبێلێن ژ بارهه‌لگر و هه‌مه‌ر هات بونه تێنتى كرن به‌رى بگه‌هنه هێزێن پێشمه‌رگه‌ى به‌لێ ب چه‌كێ میلانو ژلایێ پێشمه‌رگه‌ى هاتن ژناڤ برن .
ناڤبرى گوت ژى: ئه‌ڤه مه‌زنترین هێرش بو د ڤان هه‌یاماندا یا داعش ئه‌نجامداى و هاتیه تێك شكاندن چونكو گه‌له‌ك چه‌كداربوون پتریا وان چه‌كدارا خو كوژ بوون .
ناڤبرى زێده‌تر گوت كو هه‌ر جهه‌كێ داعش هێرش كریه سه‌ر نها ره‌وشا وى جهى یا ئارامه و هه‌موو ب ئێكجارى كه‌فتینه ده‌ستێن پێشمه‌رگه‌ى.
ب وێنه: چار كه‌س بوونه قوربانى
دادگەھکرنا رەشید خنسى ل سەر دوسیا گەندەلیێ دەستپێکر
ئەڤرۆ نیوز، نەوزاد زادە ھلۆری:
بریکارێ بەرێ یێ وەزارەتا دارایی و ئابووری یا حکومەتا ھەرێما کوردستانێ لسەر دوسیا درۆستکرنا گومرکا حاجی ئومەران بو جارا دوویێ ل دادگەھێ بەرھەڤبوو و وەسا بریارە کو سوبەھی چوارشەمبی سێیەمین رونشتنا دادگەھێ لسەر دوسیا ناڤبری بھێتە ئەنجامدان و ب کەفالەتا 25 ملیون دیناران ھاتیە ئازادکرن.
ژێدەرەکێ ژ دەستەیا دەستپاکی یا ھەرێما کوردستانێ بۆ وشە دیاکر کۆ رەشید تاھر بریکارێ بەرێ یێ وەزارەتا دارایی و ئابووری یا حکومەتا ھەرێما کوردستانێ لسەر پرسا درۆستکرنا کومەلگەھا گومرکا حاجی ئومەران دێ ھێتە دادگەھکرن و سوبەھی سێشەمبی دێ رونشتنا داگەھێ بو دوسیا ناڤبری ھێتە ئەنجامدان.
ل گورەی زانیاریێن وشە بریکارێ وەزارەتا دارایی یا حکومەتا ھەرێما کوردستانێ کوژمێ دیارکریێ پارەی بو پرۆژەی ب کوژمەکێ زێدە خەملاندیە و دڤەکولینێ دا دەرکەفتیە کو ئەو بودجا بو درۆستکرنا ئاڤاھیێ گومرکا حاجی ئومەران درۆستکری زێدەتر ژ وێ یا کو د واقعی دا ئاڤاھی پێ ھاتیە درۆستکرن.
ژێدەرێ دەستپاکیێ زێدەتر گوت پروسەیا دادگەھکرنا وی یا بەردەوامە و دێ ب رژدی کار لسەر ھێتەکرن.
دڤی واریدا وشە پەیوەندی ب حاکم ئەحمەد ئەنوەر سەرۆکێ دەستەیا دەستپاکیێ یا ھەرێما کوردستانێ کر و ناڤبری گۆت د قوناغا نھادا ب باشی نزانین چوو ئاخفتنان لسەر ڤێ دوسیێ و دوسیێن دن بکەین ژبەرکو ئەڤ یەک کارتێکرنێ لسەر دەرئەنجامێن ڤەکولینێ دھێلیت.
جھێ ئاماژەکرنێ یە کو رەشید تاھر 15 سالان بریکارێ وەزارەتا دارایی و ئابووری یا حکومەتا ھەرێما کوردستانێ بوو.
دێ چاوان له‌شێ خوه بۆ ره‌مه‌زانێ ئاماده كه‌يى؟
ئه‌ڤرۆ نيوز:
هنده‌ك رێيێن دروست يێن پێدڤيه سێ حه‌فتيان به‌رى ره‌مه‌زانێ بهێنه بكارئينان:
- ده‌ست ب خوارنا دو دانان بكه‌ن، ئێكێ ل سپێدێ و ئێكێ ژى ئێڤارى، وه‌كو خوه ئاماده‌كرن بۆ هه‌ردو گه‌رێن خوارێنا شيڤ و پاشيڤان.
- ئه‌وان ڤه‌خوارنێن كافاين د ناڤ دا هه‌ين كێم بكه، ئه‌ڤه سه‌رئێشانێ بۆ رۆژيگران دروست دكه‌ت، ژ به‌ر هندێ ژى بزاڤێ بكه خوه ژ سه‌رئێشانا رۆژيێ دوور بێخه ب كێمكرنا ڤه‌خوارنا چا و قه‌هوێ دا له‌شێ ته ل سه‌ر رابێت.
- وان خوارنان ب خوه يێن ب دلێ خوه دهێنه هه‌رسكرن كو هاريكاريا خوه‌پاراستنێ ژ هاتنه خوارا شه‌كرێ دكه‌ن ل ده‌مێ رۆژێ و وه‌زه‌كا زێده بۆ ده‌مه‌كێ درێژ دابين دكه‌ن وه‌كو نانى، جه‌هێ قوتايى ل گه‌ل شيرى، سپياتيان و هێك و كه‌سكاتيان.
- ب ره‌نگه‌كێ رێكخستى وان خوارنێن شه‌كر د ناڤ دا كێم بكه و ل گه‌ل ڤه‌خوارنا شه‌ربه‌تان ب گوهۆڕه و ئه‌ڤه دێ بنه ئه‌گه‌رێ زێده‌بوونا رووناتيا د ناڤ له‌شێ ته دا و دێ ته ژ تووشبوون ب هشكاتى و قه‌بساتيێ پارێزيت.
سه‌ركرداتيا پارتى دێ كۆمبوونه‌كا گرنگ ئه‌نجام ده‌ت
ئه‌ڤرۆ نيوز:
سه‌ركرداتيا پارتى ديموكراتى كوردستان رۆژا پێنجشه‌مبى دێ كۆمبوونه‌كا گرنگ ب ئاماده‌بوونا مه‌سعود بارزانى سه‌رۆكێ وێ حزبێ ئه‌نجام ده‌ت و پرۆسا چاكسازيان و ژماره‌كا گورانكاريان ژى ئێخيته به‌ر دانوستاندنێ.
ب گۆره‌ى پێزانينێن وشه به‌لاڤكرين، رۆژا پێنجشه‌مبى رێكه‌فتى 5ى ئه‌يارا 2016ێ ل پيرمام، كۆمبوونا سه‌ركرداتيا پارتى دێ ب رێڤه چيت و مه‌ره‌م پێ هه‌لسه‌نگاندنه بۆ قووناغا چاكسازيان يا بارزانى ل 10ى شوباتا 2016ێ دا راگه‌هاندى.
هه‌ر د وێ كۆمبوونێ دا پارتى دێ به‌حس ل ژماره‌كا گوهۆڕينان كه‌ت و پێداچوونێ د هه‌يكه‌لێ حزبى يێ خوه دا كه‌ت و دووماهى پێشهاتێن گوره‌پانا سياسى يا عيراقێ ژى گه‌نگه‌شه كه‌ت.
مه‌سعود بارزانى سه‌رۆكێ هه‌رێما كوردستانێ ل 10ى شوباتا رابۆرى دو فايلێن چاكسازيێ بۆ حزب و حوكمه‌تێ راگه‌هاندن و خه‌لكێ كوردستانێ ژى ب هوورى يێ چاڤدێريا ئه‌نجامان دكه‌ت، هه‌تا نوكه ژى ژماره‌ك ژ وان كه‌سێن گه‌نده‌ل راده‌ستى دادگه‌هێ كرينه.
پشتى دار بڕى ماره‌ك ژێ ده‌ركه‌فت
چاوانیا چێکرنا شەکشوکا تورکی
ئه‌ڤرۆ نيوز:
خوارنا شه‌كشوكێ ئێك ژ خوارێن خوشێن هه‌موو كلتورانه و ب چه‌ندين رێيان دهێته چێكرن، ل ڤێرێ دێ چاوانيا چێكرنا شه‌كشوكا توركى به‌رچاڤ كه‌ين.
پێکھاتە:
ـ بانجان رەشکەکا سپیکری و ھوورکری
ـ باجانەکا ھوورکری
ـ فلفلەکا کەسکا ھوورکری
ـ پتاتەکا مەزنا ھوورکری
ـ سێ کەفچکێن مەزنێن زەیتا زەیتونان
ـ دو پرتێن سیرا ھوورکری
ـ سێ کەفچکێن تەماتێ
ـ فلفلا رەش ل دووڤ حەزاتە
ـ خوێ ل دووڤ حەزاتە
ـ مەعدەنووسا ھوورکری ل دووڤ حەزاتە
رێیا چێکرنێ:
باجان رەشکا ھوورکری بۆ ماوێ 20 خولەکا بھێلە دناڤ ئاڤا خوێ دا، پاشی بکە د مفسەکێ دا دا ئاڤا خوە بەردەت، زەیتا زەیتونان پاش گەرمکە ل سەر ئاگری و باجان رەشکا و پتاتا و فلفلا کەسک بکە سەر و باش تێکڤەدە ھەتا نەرم دبن، وان پێکھاتا بکە سەر کلینیسەکا کاغەزی دا زەیتا ژبەر مای ڤەخوت، پاشی کەفچکەکێ مەزنێ زەیتا زەیتونان ب دانە سەر ئاگری ھەتا باش گەرم بیت و سیرا ھوورکری دناڤ دا تێکڤەدە ھەتا باش نەرم بیت و تەماتێ بکە سەر و بو َماوێ 10 خولەکا بەردەوام تێکڤەدە، ل دووڤ دا ئەو پێکھاتێن ل سەر کلینیسا کاغەزی بکە سەر و بۆ ماوێ دو خولەکا تێکڤەدە ھەتا پێکڤە د نیسیێت، بکە ئامانەکی و پیچەکا زەیتا زەیتونان بکە سەر و ھەکە تە ڤیا دو ھێکێن کەلاندی ھوورکە سەر و پێشکێشی ئەندامێن خێزانا خوە بکە.
بۆچى هند گرنگيێ ب من دده‌ت؟
ئه‌ڤرۆ نيوز:
کچەکا 23 سالی دلێ خوە بۆ ئەڤرۆ ڤەدکەت و دبێژیت: ئەڤە ماوەیەکە ب رەفتار و رەوشتێ کوڕ خالەتێ خوە داخبارم و گەلەک وی دبینم ھەروەسا مە تێکەلیەکا خێزانی ھەیە، ئەو خودان کارە و 28 سالە جاران ھەست پێ دکەم کو ئەز حەزژێ دکەم ئەو ژی گرنگیێ بمن ددەت، لێ نەگوتیە من کا ئەڤ گرنگی دانا وی بمن حەزژێکرنە یان ب تنێ من ب کەسەکا نێزیک ددانیت. بو زانین حەزژێکرنا من رۆژ بو روژێ مەزن دبیت ھەر چەندە من دڤیا ڤیانا خوە بو دیار بکەم بەس نەشێم چونکو کێشە ئەوە کو ئەو خودان ھەڤژینە و دو زارۆ ژی ھەنە ھیڤیە ھوون چ دبێژن و ئەز چ بکەم داکو ژ ڤێ ئاریشێ رزگار ببم ؟
کچا ھێژا :
گەلەک جارا رەفتار ل جھێ ئاخفتنێ رامانا دیار دکەت و بێگومان دڤێت خوە شاش نەکەین سەرەدەریا ئەڤینیێ یا جودایە ب گرنگیا مرۆڤانیێ، ئەڤجا وەسا دیارە بابەت بۆ ھەوە ھەردوکا یێ دیارە و دەرگەھێن ژیانی یێن ب ساناھی و ئایندەکێ باش لبەر تە ھەنە، ئەڤجا ب ھووری ھزرا خوە د بابەتی پێکئینانا خێزانێ دا بکە، ھەروەسا ھزرا خۆشیەکا ئاشوبی ل سەر ھەلوەشاندنا خێزانەکا واقعی نەکە، ژبەرکو بێگومان خۆشی و ئارامیا وان دێ تێکچیت، لەوما لێ نێرینەکا ھوور ل سەر دیتنێن خوە بکە و ڤی بابەتی پشتگوە پاڤێژە.
په‌يجێ دلێ خوه ڤه‌كه ل سه‌ر تۆڕا جڤاكيا فه‌يسبۆكى
ژ چه‌ندين ميحوه‌ران ڤه داعش هێرش كره سه‌ر پێشمه‌رگه‌ى
ئه‌ڤرۆ نيوز:
چه‌كدارێن داعش سپێده‌هيا ئه‌ڤرۆ رۆژا سێشه‌مبى رێكه‌فتى 3ى ئه‌يارا 2016ێ ژ چه‌ند ميحوه‌ران ڤه هێرش كره سه‌ر سه‌نگه‌رێن پێشمه‌رگه‌ى و ل باشيك دو خوه‌كۆژان خوه ته‌قانديه و ل ميحوه‌رێ حازر ژى زێده‌رى سێ ده‌مژمێرايه شه‌ر يێ به‌رده‌وامه.
ژێده‌ره‌كى ژ هێزێن پێشمه‌رگه‌ى ل محيوه‌رێ خازر بۆ رووداو گۆت: “ژماره‌كا زۆر يا چه‌كدارێن داعش ل ده‌مژمێر 05:30 ده‌قيقه هێرش كريه سه‌ر سه‌نگه‌رێن پێشمه‌رگه‌ى و هه‌تا نوكه ژى شه‌ر ل گۆندێ وه‌رده‌ك يێ به‌رده‌وامه”، دا زانين ژى كو داعش زيانێن هه‌ين، به‌لێ هێشتا نه‌هاتينه زانين.
هه‌ڤده‌م ژێده‌ره‌كێ پێشمه‌رگه‌ى ل ميحوه‌رێ تلسقۆف راگه‌هاند: سپێده‌هيا ئه‌ڤرۆ چه‌كدارێن داعش ده‌ست ب تۆپباراتكرنا سه‌رنگه‌رێن پێشمه‌رگه‌ى كريه و مه ژى به‌رسڤا وان دايه”.
ب هه‌مان ره‌نگ ل ميحوه‌رێ باشيكێ ژى داعش هێرش كره سه‌ر هێزێن پێشمه‌رگه‌ى و دو خوه‌كوژان ژى ل نێزيك سه‌نگه‌رێن پێشمه‌رگه‌ى خوه په‌قاند.
ئه‌وى ژێده‌رى گۆتژى: “دو هه‌مه‌رێن مينرێژكريێن چه‌كدارێن داعش ل سه‌نگه‌رێن پێشمه‌رگه‌ى خوه په‌قاند، به‌لێ چو پێشمه‌رگه شه‌هيد و بريندار نه‌بووينه”.
ب گۆره‌ى پێزانيان داعش ل چيايێ باشيك ژ چار لايان ڤه هێرشه‌كا به‌رفره‌هـ كريه سه‌ر سه‌نگه‌رێن پێشمه‌رگه‌ى، به‌لێ ژ لايێ پێشمه‌رگه‌ى ڤه به‌سينگێ وێ هاتيه گرتن و شه‌ر يێ به‌ردوامه.
هه‌ر ب گۆره‌ى پێزانيان چه‌كدارێن داعش ل ميحوه‌رێ ناوه‌ران، بادۆش، گوێر و چه‌ند ميحوه‌رێن دى هێرش كريه سه‌ر هێزێن پێشمه‌رگێ كوردستانێ.
نيشاندان
WP Facebook Auto Publish Powered By : XYZScripts.com