ئەڤرۆ نیوز:
چاڤەرێ دھێتەکرن ئەڤرۆ کچێن یانا زێرەڤانی یاریا خوە یا دوێ ژ خولا پلانایاب یا عیراقێ بکەن کو ئەڤ جارە بریارە ل گەل کچێن یانا سەورە یا کەرکوکی بکەن ل دەمژمێر ٥:٠٠ ل یاریگەھا دوێ یا ھەولێرێ.
کچێن زێرەڤانی دێ بزاڤێ کەن بۆ سەرکەفتنا دوێ ل دیڤ ئێک و دەربازبوونا خوە مسوگەر بکەن بۆ قوناغا چار گوشا زێرینا خولا عیراقێ پشتی د یاریا ئێکێ دا شیای سەرکەفتنێ ل سەر کچێن گازی باکور توماربکەن ب چار گولان بێ بەرامبەر .
ھەژی گوتنێ یە دیندار فەیزی سەرپەرشتیا ڤێ تیما کچێن زێرەڤانی کەت وەکو راھێنەر کو ل ماوێ بوری ئەرکێ راھێنەریا تیمێ وەرگرتی یە و ھەردیسان عەلی سەعید راھێنەرێ بەری نوکە یێ فوتسالا زێرەڤانی وەکو ھاریکارێ راھێنەریە و دلوڤان تیجر راھێنەرێ گولچیا و ھەڤبەست ل گەل چار پیشەکارێن ئیرانی ئیمزاکری نە بۆ خولا عیراقێ .

ئەڤرۆ نیوز:
بریارە ئەڤرۆ یانا دالکورد یا کوردی ئەوا پشکدار دخولا پلا ئێک یا سویدی دا یاریا خوە یا گەرا پێنجێ ژ خولێ بکەت ئەڤ جارە دێ ژ دەرڤەی یاریگەھا خوە ل گەل یانا یونجخیلە کەت کو دڤێ یاریێ دا نوونەرا کوردا ل ئورۆپا دێ بزاڤێ کەت سەرکەفتنا خوە یا سیێ ل دیڤ ئێک توماربکەت پشتی ل دو یاریێن بوری دا ل دیڤ ئێک شیای سەرکەفتنێ توماربکەت.
یانا دالکورد ئەوا ل وەرزێ ئەڤ سالە سەرکەفتی ژ خولا پلا دو بۆ پلا ئێک یا ھەمی بزاڤا کەت د وەرزێ خوە یێ ئێکێ دا دەربازی خولا پلا نایاب بیت کو ھژمارەکا باش یا یاریکەرێن خودان شیان ل خوە موکری نە و حەژێکەر و پشتەڤانێن ڤێ یانێ دشێن ب رێیا کەنالێ ڤین تیفی یێ کوردی تەماشەی ڤێ یاریێ بکەن ب رەنگەکێ ئێکسەر ل دەمژمێر ٢:٠٠ ل دیڤ دەمێ کوردستانێ.