ئەڤرۆ نیوز:
بریارە سوباھی یاریێن گەرا شەشێ و دووماھیێ ژ قوناغا چارگوشا زێرین یا خولا فاستلینک یا کوردستانێ بھێتەکرن کو دو یاری بریارە ل ئێک دەم دا بھێنەکرن کو چاڤێ ھەمی کوردستانێ دێ ل یاریا چارەنڤێسی یا دناڤبەرا ھەردو یانێن ھەولێر و پێشمەرگا ھەولێرێ بیت ئەوا بریارە ل یاریگەھا ھەولێر بھێتەکرن د ھێتە ھژمارتن یاریا دووماھیا خولێ ژبەرکو تیما رێزا ئێکێ و دوێ دێ ھەمبەری ئێک بن و یاریا دوێ دێ دناڤبەرا ھەردو یانێن دھۆک و زاخۆ دا بیت ل یاریگەھا دھۆکێ.
د یاریا ئێکێ دا دێ ھەڤرکی یا دژواری بیت دناڤبەرا ھەردو یانێن ھەولێر و پێشمەرگا ھەولێرێ دا ژبەرکو پێشمەرگە خودانا ٩ خالانە ل رێزا ئێکێ دھێت دڤێ یاریێ دا بتنێ ئەو پێدڤی خالەکێ یە داکو رێزا ئێکێ بو جارا ئێکێ مسوگەر بکەت ل سەر کیستێ یانا ھەولێرێ کو راھێنەر ل گەل ٩ یاریکەرێن پێشمەرگا ھەولێرێ یێن نوکە بەری نوکە دو جاران شیابوون ناسناڤێ خولا کوردستانێ ب دەستخوڤە بینن بەلێ دەمێ ل گەل یانا ھەولێرێ و تیما ھەولێر چو دەستی دا نینە کو تایبەت پشتی نەشیان دەربازی قوناغا نوخبە یا عیراقێ بن دخوازیت دلێ جەماوەرێ خوە خوش بکەن و دووماھیێ ب وەرزێ خوە یێ ئەڤ سالە بینن ب کەیخوشی ئەوژی برنا ناسناڤێ خولا کوردستانێ لێ ئەرکێ ئەوان یێ ب سانەھی نابیت ژبەرکو ئەو پێدڤی سەرکەفتنێ نە و ھەر ئەنجامەکی دی دبیت رێزا دوێ ژی ژ دەست بدان ئەگەر ھاتوو دھۆک سەرکەفتن تومارکر.
ژلایەکێ دیڤە د یاریا دێربی دا دھۆک دێ مێڤانداریا یانا زاخۆ کەت کو تیما زاخۆ چو دەستی دا نەمایە ژبلی ھەڤرکیێ ل سەر رێزا سیێ بکەت دخولا پلا نایاب یا کوردستانێ دا بەرامبەر دھۆک ھەتا رادەیەکی ئومێد ھەنە بۆ دەستڤە ئینانا رێزا دوێ ل وەرزێ ئەڤ سالە ئەوژی سەرکەفتنێ ل سەر زاخۆ توماربکەت بەرامبەر ھەولێر خوسارەت بیت ل گەل پێشمەرگە.
ھەلویستێ چار گوشا زێرین ب ڤی رەنگی یە بەری یاریێن ڤێ قوناغێ
پێشمەرگا ھەولێر ٩ خال
ھەولێر ٨ خال
دھۆک ٥ خال
زاخۆ ٤ خال

ئەڤرۆ نیوز:
چاڤەرێ دھێتەکرن سوباھی یاریێن گەرا شەشێ و دووماھیێ ژ قوناغا چار گوشا زیرینا کوردستانێ یا تەپا پێ بھێتەکرن کو بریارە ل یاریگەھا فەرەنسو حەریری یاریا چارەنڤێسی و دەستنیشانکرنا قارەمانا کوردستانێ یا ئەڤ سالە بھێتەکرن دناڤبەرا ھەردو یانێن ھەولێر و پێشمەرگا ھەولێرێ .
ئەڤرۆ بۆ حەژێکرنا خوە بۆ وەرزشێ و جەماوەرێ وەرزشی یێ تەپا پێ ل کوردستانێ سەروکێ ئێکەتیا تەپا پێ یا کوردستانێ سەفین کانەبی ب دەستێ خوە بتنێ وەکو ئەرکەک ل سەر مللێن خوە بۆ وەرزشا کوردستانێ جھێ تایبەت یێ جەماوەرێ ب دەستێ خوە کورسیکێن یاریگەھا شەھید فەرەنسو حەریری شوشتن د داخویانیەکێ دا بۆ ئەڤرۆ نیوز سەروکێ ئێکەتیا تەپا پێ دیارکر ئەو جھێ ئەڤرۆ ئەوی شوشتی دبینت ژ ھەر جھەکێ دی بوو وی گرنگترە ژبەرکو گەنج و حەژێکەرێن تەپا پێ پتر ل وی جھی کوم دبن و زوربەیا جەماوەرێ ھەردو یانا دبینت دێ ل وێرێ کوم بن ئەڤەژی ب شانازی بینم ب دەستێ خوە جھێ جەماوەری یاقژ بکەم .
ل دووماھیێ ژی دیارکر ژ داخوازێ ژ جەماوەرێ کوردستانێ کەین سوباھی ل یاریگەھێ ئامادەبیت ب گیانەکێ وەرزشی پشتەڤانیا تیما خوە بکەن بو بلندکرنا ناڤێ وەرزشا کوردستانێ .