ئه‌ڤرۆ نيوز:
هندى وێڤه‌تره ره‌وشا سياسى يا عيراقێ ئالۆزتره، ته‌ڤگه‌را سه‌در ژى بڕيارا به‌رده‌وامبوونا خۆنيشاندانان دايه و به‌رده‌وام د زێده‌بوونێ دانه.
ب گۆره‌ى وان نووچه‌يێن ل مالپه‌ر و په‌يجێن سه‌ر ب ته‌ڤگه‌را سه‌در ڤه به‌لاڤبووين، بڕياره ئه‌ڤرۆ رۆژا ئه‌ينى 22ى نيسانا 2016ێ خۆنيشاندان د به‌رده‌وام بن.
هه‌ر ب گۆره‌ى وان پێزانينان بڕياره نوونه‌رێ تايبه‌تێ سه‌رۆكێ ته‌ڤگه‌را سه‌در، موقته‌دا سه‌در، ژى ئاماده بيت گۆتاره‌كێ بخوينيت و نڤێژا ئه‌ينيێ ل به‌را وان بكه‌ت.
ئه‌ڤرۆ نيوز، حه‌مزه ره‌زيكى:
پشتی ھاتنا رێکخراوا تیرۆرستی یا داعشێ وکوشتنا ب کۆمەکی و تالان و رڤاندنا کچ وژنا تایبەت ێن ئێزدیا ل عراقێ , پەرلەمانێ بریتانیا ل 20ی نیسانێ 2016،درونشتنەکا تایبەت دا ئەو کریارێن کوشتنێ یێن ئێزدی ل شنگالێ تووشبووینێ کو ھاتنە کوشتن و ب ھەزاران ھاتنە گرتن و دیسان مەسیحی ژی ل سەر دەستێ رێکخراوا داعش یا تیرۆرستی،ئەو تاوانەکا کۆمکوژیا ب کۆمە،ھەروەسا دەنگ دان ل سەر یا ب کۆم بوو. کو پەرلەمانی ل ڤێ رونشتنێ داخواز ژحکوومەتا بریتانیا کر کو پتر پێکۆلێن خۆ بێختە کار کو کێشا جینۆسایدێ د دەرھەقا ڤان ھەردوو پێکھاتێن ئێزدی و مەسیحی رەوانەی جڤاتا ئاسایشا نێڤ دەولەتی بکەت،دا ئەو ب رۆلێ خۆ رابت و ڤێ دۆسێ رەوانەی دادگەھا تاوانێن نێڤ دەولەتیiccبکەت وتاوانبار بگەھنە سزایێ خۆ یێ عادیلانە،چنکو ئەڤ تاواننە دکەفنە دبەشێ تاوانێن ل دژی مرۆڤایەتی و شەری
ھەژی گۆتنێیە کو دیدارێن نادیا موراد یێن ڤێ داویێ و چیرۆکا وێ و رێکخراوا یەزدا لگەل بەرپرس و پەرلەمانتاران و حکوومەتا بریتانیا کارتێکرنا خۆیا ب ھێز ھەبوو،کو پەرلەمان دەنگدانێ ل سەر ڤێ بریارا دیرۆکی و گرنگ دبەرژەوەندیا کێمینەیێن عێراقێ وەکی ئێزدی و مەسیحیان دا بدەت.
ئەڤرۆنیۆز، سالار دۆسکی:
رێڤەبەرێ پەیوەندی و راگەھاندنێ ل رێڤەبەریا گشتی یا ئەوقاف و کارۆبارێن ئاینی ل پارێزگەھا دھۆکێ دیارکر کو ل دووڤ رێنمایێن ئەڤ سالە یێن چوونا حەجێ نابیت ناڤێ کەسەکی دەرکەفت بیت و تەنازلێ بکەت ژ ناڤێ خوە و کەسەکێ دی پێشڤەبچیت.
مەلا مالک رەمەزان رێڤەبەرێ پەیوەندی و راگەھاندنێ ل رێڤەبەریا گشتی یا ئەوقافا ل پارێزگەھا دھۆکێ بۆ ئەڤرۆ نیۆز گۆت: ب بزاڤێن بەردەوامێن رێڤەبەرێ گشتیێ ئەوقاف و کارۆبارێن ئاینی ل پارێزگەھا دھۆک بەریز (سەمیان عەبدوالخالق) رێڤەبەرێ گشتیێ ئەوقافێ ل پارێزگەھا دھۆک بریار ھاتەدان چ رێنمایێن گرێدایی چوونا حەجێ یا ئەڤ سالە ژ شەھیدێ پێشمەرگە (رێبەر سەدیق ئەحمەد ئەحمەد) نەگرم.
مەلا مالک گۆت: داخاز ژ خێزانا ڤی پێشمەرگێ قەھرەمان دکەین رۆژا ئێک شەمبی 23/4/2016 سەردانا رێڤەبەریا گشتی یا ئەوقاف و کارۆبارێن ئاینی دھۆکێ بکەن بۆ برێڤەبرنا کاری.
ئه‌ڤرۆ نيوز:
كه‌ريم سنجارى وه‌زيرێ ناڤخو يێ حكومه‌تا هه‌رێمێ ئه‌ڤرۆ ل كومبوونه‌كێ دا ل گه‌ل ده‌زگه‌هێن راگه‌هاندنێ ئاماژه ب بريارا زێده‌كرنا وان 100 جور رسومات و غه‌رامان كر و گۆت: مه پشت ب برياره‌كا جڤاتا وه‌زيران گرێدايه سه‌باره‌ت زێده‌كرنا داهاتى.
سه‌باره‌ت سكالا په‌رله‌مانتار دلشاد شه‌عبان كو سكالا ل دۆر ڤان رسوماتان توماركرينه، سنجارى گۆت: وان سكالا توماركريه، ده‌مێ ئه‌و دهێنه داخوازكرن دێ چين به‌ره‌ڤانيێ ژ خوه كه‌ين.
حكومەتا هەرێما كوردستانێ ل 3/3/2016 بريارا زێده‌كرنا 100 جورێن رسومات و غه‌راماتێن هاتن و چوونێ دا.
ئه‌ڤرۆ نيوز:
په‌يڤدارێ حكومه‌تا هه‌رێما كوردستانێ سه‌فين دزه‌يى نووترين پێزانينان ل دۆر پێداچوون ب مووچێ فه‌رمانبه‌ران دكه‌ت و ئاماژه ب كومبوونا لژنا جڤاتا وه‌زيران دكه‌ت.
سه‌فين دزه‌يى په‌يڤدارێ حكومه‌تا هه‌رێما كوردستانێ ئاماژه ب وێ يه‌كێ كر كو حه‌فتيا بهێت دێ لژنا جڤاتا وه‌زيران كوم بيت ب مه‌ره‌ما برياردان ل سه‌ر بچووككرنا حكومه‌تێ و پێداچوون ب خشتێ پاشخستنا مووچێ پشكه‌كا فه‌رمانبه‌ران.
په‌يڤدارێ حكومه‌تا هه‌رێما كوردستانێ ئاماژه ب وێ يه‌كێ كر كو حه‌فتيا بهێت لژنا روو ب رووبوونا قه‌يرانا دارايى دێ كوم بيت ب مه‌ره‌ما برياردان ل سه‌ر دووباره پێداچوون ب موچێ وان توێژان كو رێژه‌كا زور ژ موچێ وان هاتيه پاشخستن و گۆت: پشكه‌ك ژ پاشخستنا مووچه‌ى دێ بۆ وان هێته ڤه‌گه‌راندن.
ئەڤرۆ نیوز:
ھژمارەکا رۆژنامەیێن ئورۆپی دیارکری یە ھەتانوکە چارەنڤێسێ نيمار نەیێ دیارە ل وەرزێ بھێت ل گەل یانا بەرشەلۆنا ھەر چەندە یانا بەرشەلۆنا ناخوازیت دەست ژ ستێرا بەرازیلی بەردەت لێ ل ڤێ دووماھیێ چەند ئاریشە رویداینە و تایبەت یاریکەری ژی ھەتانوکە ھەڤبەستا خوە ل گەل یانا کەتەلونی نوو نەکری یە و چەند رۆژناما بەری نوکە دیارکر بوون نەیمار حەزا ب جھـ ھێلانا یانا کەتەلونی ھەیە دخوازیت بچیتە یانەکێ ئەو وەکو ستێرا ئێکێ بیت ل وێ یانێ داکو باشتر خوە دیاربکەت.
رۆژناما بیلد یا ئەلمانی دیارکری یە یانا بەرشەلۆنا دیڤچوونا یاریکەرێ یانا بروسیا دورتموند و گولکەرێ خولا بوندس لیگا ئوبامیانگ کەت و دیارکری یە یانا بەرشەلۆنا دخوازیت ئەوی بکەتە پێگھورێ نيمار ئەگەر ھاتو یاریکەرێ بەرازیلی یانا بەرشا ب جھـ بھێلت ل ھاڤینا بھێت .
ھەردیسان وێ رۆژنامێ دیارکری یە ژی دبیت ھەتا رادەیەکێ مەزن نەیمار ل مێرکاتویا بھێت یا ھاڤینێ بەر ب خولا ئینگلتەرا بچیت ژبەرکو یانا مانچستەر یوناید کوژمەکێ خەیالی پێشکێشی وی کری یە ئەوژی ١٩٨ ملیون یورۆ کو دبیتە بلندترین ھەڤبەست د مێژویا تەپا پێ دا .
ئه‌ڤرۆ نيوز:
ليستا مووچێ خانه‌نشينان ئاماده‌كريه و چاڤه‌رێ دهێته كرن حه‌فتيا بهێت مووچێ وان بهێته به‌لاڤكرن.
ژێده‌ره‌كى ژ وه‌زاره‌تا دارايى و ئابوورى يا هه‌رێما كوردستانێ راگه‌هاند كو رۆژا سێشه‌مبى ليستا مووچێ خانه‌نشينێن تايبه‌ت و خانه‌نشينێن ئاسايى گه‌هشته به‌نكان، به‌لێ هه‌تا نوكه بڕيارا به‌لاڤكرنا ئه‌وان مووچان نه‌گه‌هشتيه به‌نكان.
ئه‌وى ژێده‌رى راگه‌هانديه ژى كو مووچێ هه‌يڤا شوباتێ يێ خانه‌نشينێن تايبه‌ت 50% دێ وه‌رگرن و خانه‌نشينێن ئاسايى دێ هه‌موو مووچه‌ى وه‌رگرن.
ده‌رباره‌ى ئه‌گه‌رێن گيرۆبوونا مووچێ وان دا زانين كو ژ به‌ر هنده‌ك رووتينێن كارى يێن ئيدارى و دارايى گيرۆبوويه و ديسا بۆ چاڤخشاندنێ ل سه‌ر ئه‌و كه‌سێن دو مووچه هه‌ين.
ده‌رباره‌ى ده‌مێ به‌لاڤكرنا مووچێ هه‌يڤا شۆباتێ يێ خانه‌نشينان وى ژێده‌رى گۆت: “ئه‌گه‌ره‌كێ باش هه‌يه كو حه‌فتيا بهێت ده‌ست ب به‌لاڤكرنا مووچێ وان بهێته كرن”.
ئەڤرۆ نیوز، زنار:
پشتی یاریا شڤێدێ یا یانا ریال مەدرید ل گەل یانا ڤیاریال کرستیانو رونالدو توشی ھنگافتنێ بوی ل دوماھی دەقیقەیا یاریێ و یاری بجە ھێلای پشتەڤانێن یانا مەلەکی مەترسیا خوە ژ ڤێ ھنگافتنێ دیارکر لێ پشتی پشکنین ئەڤرۆ ھاتینە ئەنجامدان نوژارێن یانیێ راپورتا خوە پێشکێشی کارگێریا یانێ کر ل دۆر ھنگافتنا رونالدوی.
زێدەتر د ڤی چارچوڤەی دا رۆژناما مارکا دیارکریە ئەڤرۆ سپێدی نوژدارێن یانا ریال مەدرید چەندین پشکنین بۆ ستێرا یانێ کرستیانو رونالدوی ئەنجامداینە ژ ئەگەرێ وێ ھنگافتنا یاریا شڤێدی ھەمبەر ڤیاریال توشی ڤی یاریکەری بوی و دیارکریە چو ھنگافتنێن مەترسیدار نینن و تنێ بۆ یاریا شەمبیا بھێت ھەمبەر رایو زالیکانو پشکداریێ ناکەت ژ ئەگەرێ ئەوێ ئێشانا د پێ وی دا پەیدابویە لەورا پێدڤی ب بیھنڤەدانێ یە داکو بۆ یاریا بەرامبەر مان ستی ل رۆژا سێشەمبی بەرھەڤ بیت.
نيشاندان