ئه‌ڤرۆ نیوز: ڤه‌ده‌ر ره‌شاڤایی:
ل ده‌ڤه‌را جزیرێ ل باكۆرێ كوردستانێ كو دبن قه‌ده‌غه‌كرنا ده‌ركه‌فتنا كولانان دایه، شه‌ر دناڤبه‌را سۆپایێ توركیا گه‌رم بوو د ئه‌نجام دا زارۆیه‌كا ساڤا یا 3 مه‌هی دگه‌ل باپیرێ خوه د مال دا هاتنه كوشتن.
خێزانا زارۆیا ساڤا یا بناڤێ (میرای ئینجه) هه‌ر زوو په‌یوه‌ندی ب ئه‌مبولانسێ كر ژبه‌ركو هێشتا زارۆیێ هه‌ناسه ددا، لێ هه‌تا گه‌هشتنا وان، ساڤا ژی گه‌هشته رێزا باپیرێ خوه خوه یێ 73 سالی و بوونه قوربانیێن شه‌رو په‌ڤچوونێن سۆپایێ توركیا دگه‌ل په‌كه‌كێ.
لدووڤ گۆتنا خێزانا زارۆیێ، ئه‌و ته‌قه‌كرنا ل مالا وان هاتییه كرن ژ ره‌خێ نه‌خۆشخانا ده‌وله‌تێ بوویه كو دبن كۆنترۆلا هێزێن ئێمناهییا توركیا دایه.
هه‌ر ئه‌ڤ شه‌ڤه ل جزیرێ شه‌رڤانێن په‌كه‌كێ سێ سه‌ربازێن تورك ل جزیرێ كوشتن.
ئه‌ڤرۆنیوز : كاروان باعه‌درى :
سه‌رۆكێ مسرێ عه‌بدلفه‌تاح سیسى پێشوازی ل وێ كچا ئێزدیا رزگاربووی ژ ده‌ستێ داعشى كر ئه‌وا ل جڤاتا ئاسایشا نیڤده‌وله‌تى هه‌موو ئه‌ندامین وێ جڤاتێ گریاندین.
عه‌لا یوسف په‌یڤدارێ بناڤێ سه‌رۆكاتیا كۆمارى گۆت : ئه‌و كچا ئێزدى یا بناڤێ (نادیا موراد) ئه‌وا ل جڤاتا ئاسایشا نێڤده‌وله‌تى هه‌موو ئه‌ندامێن وێ گریاندین كه‌یڤخوشیا خو ده‌ربرى به‌رامبه‌ر وى كومبوونا ل گه‌ل سه‌رۆكێ مسرێ هه‌روه‌سا سوپاسی بناڤێ ئێزدیان ل وان كر بۆ ڤێ داخوازیێ ژبه‌ركو رۆلێ مسرێ دیاره ل دژى تیرۆر و هزرا توندره‌و و وێ كچا ئێزدیان چیرۆكا خۆ بۆ سه‌رۆكێ مسرێ و ئه‌و هێرشا داعشێن تیرۆرست ئیناینه سه‌رێ وان ل شنگالێ ڤه‌گێرا.
هه‌ر دۆى دیدارێ دا سه‌رۆكێ مسرێ دیاركربوو ب هه‌ر شێوه‌یه‌كى دێ ل دژى تیرۆرێ و هزرا توندره‌و راوه‌ستن .
ئه‌ڤرۆ نيوز:
ده‌زگه‌هێ دژه تيرورا عيراقێ راگه‌هاند كو ده‌ڤه‌لارا زوبات و موعه‌لمين يێ هاتيه كونترولكرن و هێزێن سوپايێ عيراقێ يێن د پێشڤه‌چوونێ دا و ب تنێ 5 گه‌ره‌ك ييێن مال رومادى بهێته كونترولكرن.
ئه‌ڤرۆ پشتى نيڤرو ده‌زگه‌هێ دژه تيرور راگه‌هاند كو هه‌ردو ده‌ڤه‌رێن زوبات و موعه‌لمين ل ناڤ باژێرى رومادى هاتينه ستاندن.
نێزيكى حه‌فتيه‌كێ يه ، سوپايێ عيراقێ ب پشته‌ڤانيا هێزێن ئه‌سمانيێن هه‌ڤپه‌يمانان، هێرشێن خوه چرتر لێ كريه بۆ ستاندنا رومادى.
ئه‌ڤرۆ نيوز:
رۆژناما دى ئێن ده‌بليو يا ئه‌لمانى به‌حسێ وێ يه‌كر كريه كو دڤێت ئوروپا هه‌ر زور خوه به‌رهه‌ڤ بكه‌ن بۆ پێشوازيا 200 هزار كوردان ل باشورێ رۆژهه‌لاتا توركيا بكه‌ت كو ژ ئه‌گه‌رێ ململانێيا چه‌كدارى دێ توركيا بجه هێلن.
ل دووڤ پێزانينێن رۆژنامێ، ئاكنجيێن وان ده‌ڤه‌رێن ئوپه‌راسيون لىێ دهێنه ئه‌نجامدان ره‌وشا وان زور يا خرابه و ئێك ژ ئاكنجيێن وان ده‌ڤه‌ران بۆ رۆژناما دى ئێن ده‌بليو يا ئه‌لمانى كو هه‌تا ئاڤا ڤه‌خوارنێ ب ده‌ست وان ناكه‌ڤيت.
ئه‌ڤرۆ نیۆز، قائید میرۆ
مامۆستایه‌كێ زانكۆیا سه‌لاحه‌ددین دیاردكه‌ت، پشتی نه‌مانا شه‌ڕێ داعش دێ لسه‌ر ده‌ڤه‌رێن كوردستانی ئاریشه كه‌ڤیته ناڤبه‌را هه‌رێم به‌غدا.
دكتۆر عه‌بدولحه‌كیم خه‌سرۆ مامۆستایێ زانكۆیا سه‌لاحه‌ددین ب ئه‌ڤرۆ نیۆز راگه‌هاند” هه‌تا ئاریشه‌یا داعش مابیت هه‌رێم و به‌غدا لسه‌ر ده‌ڤه‌رێن ئاریشه لسه‌ر چو هه‌لویستێن توند نابن، كه‌نگی شه‌رێ داعش دوماهی هات وی ده‌می دێ ئاریشه‌یێن ده‌ڤه‌رێن ئاریشه لسه‌ر هێنه سه‌رهه‌لدان .
دكتۆر عه‌بدولحه‌كیمی دیاركر” هه‌رێا كوردستانێ و عێراقێ زۆر ئاریشه لسه‌ر رێڤه‌برنا ڤان ده‌ڤه‌ران هه‌نه، به‌لێ دده‌مێ نوكه‌دا هه‌ردولا به‌رهه‌ڤنینه به‌حسێ ئه‌ڤان ئاریشه‌یان بكه‌ن، هه‌ر وه‌كی ئه‌ڤا به‌ری نوكه ل قه‌زا خورماتوو چێبووی، هه‌ردولا پێكه ئه‌ف ئالۆزی بێده‌نگكرن و دزانن نوكه ده‌مێ هندێ نینه.
ئه‌ڤرۆ، سالار دۆسكى:
ئه‌میدارێ گشتیێ وه‌زاره‌تا پێشمه‌رگێ كوردستانێ بۆ مالپه‌رێ ئه‌ڤرۆ نیۆز ئاشكراكر كو وه‌لاتێ ئه‌مریكا دێ دو لیواێن پێشمه‌رگێ كوردستانێ ب باشترین چه‌كێ پێشكه‌فتى چه‌كدار كه‌ت.
لیوا جه‌بار یاوه‌ر ئه‌میدارێ گشتیێ وه‌زاره‌تا پێشمه‌رگێ كوردستانێ بۆ مالپه‌رێ ئه‌ڤرۆ نیۆز زێده‌تر گۆت: وه‌لاتێ ئه‌مریكا دێ دو لیوایێن پێشمه‌رگه‌ى ب چه‌كێ پێشكه‌فتى یێ نوكه ل سه‌ر ئاستێ جیهانێ دێ چه‌كدار كه‌ت و هه‌موو چه‌كێ نوویه و ئه‌ف چه‌كه هه‌ر ب ده‌ستێ سوپایێن ئه‌مریكى ژى دایه.
جه‌بار یاوه‌ر هێشتا گۆت: بتنێ چه‌ك نابیت به‌لكو كه‌ل و په‌لێن سه‌ربازى و هه‌ر ئامیره‌كێ سه‌ربازى ئوتومبێل و مودرعه و هه‌ر هه‌موو دێ هێنه‌دان و ئه‌ڤه تشته‌كێ نوویه.
لیوا جه‌بار یاوه‌ر هێشتا گۆت: مه وه‌ك وه‌زاره‌تا پێشمه‌رگه‌ى داخازا فرۆان نه‌كریه ژ وه‌لاتێ ئه‌مریكان
لیوا جه‌بار یاوه‌ر زێده‌تر گۆت: هه‌ر هه‌موو لیوایێن پێشمه‌رگێ كوردستانێ 70 و 80 لیوایێن وه‌زاره‌تا پێشمه‌رگه‌ى نه و سه‌ر ب حوكمه‌تا هه‌رێما كوردستانێ ڤه‌نه..
زێده‌تر ژى گۆت: هه‌تا نوكه 3% ئاخا كوردستانێ ل بن ده‌ستێ داعش مایه و پێشمه‌رگه دێ هاریكاربیت ل ئازادكرنا مووسل دا
ئه‌ڤرۆ نيوز:
برزو مه‌جيد سه‌رۆكێ فراكسيونا گۆرن ل په‌رله‌مانێ كوردستانێ راگه‌هاند كو ئه‌و به‌شداريێ د كومبوونا ئه‌ڤرۆ يا لژنێن په‌رله‌مانى و چ برياره‌كا په‌رله‌مانى دا ناكه‌ن و هه‌ر كومبوونا ل په‌رله‌مانى بهێته ئه‌نجامدان دڤێت ب به‌رهه‌ڤبوونا سه‌رۆكێ په‌رله‌مانى يێ شه‌رعى بيت.
برياره ئه‌ڤرۆ سه‌رۆكێن فراكسيونان و سه‌رۆكێ لژنێن دارايى و ياسايى و كاروبارێن په‌رله‌مانى كوم ببن ب مه‌ره‌ما شروڤه‌كرنا چاكسازيێن هه‌رێمێ.
ئه‌ڤرۆ نیوز:
نورسه‌ل یایدۆگان ئه‌نداما په‌رله‌مانێ توركیا سه‌ر ب پارتیا دیموكراتیك یا گه‌لان راگه‌هاند، ئه‌مریكا و بریتانیا دخوازن كوردستانا مه‌زن بهێته ئاڤا كرن و كورد ببنه خودان ده‌وله‌تا خوه یا نه‌ته‌وی، لێ ئۆجه‌لان و PKK ئاسته‌نگیان دروست دكه‌ن و ئۆجه‌لانی دڤێت پرسا كوردی د چارچۆڤێ سنۆرێ نوكه یێ توركیا دا بهێته چاره‌كرن و ئه‌و چه‌نده ژى بۆ ئاكپارتیێ ده‌لیڤه‌كا زێڕینه.
ئەڤرۆ نیوز ، نەوزاد زادە ھلۆری:
ژ ئەگەرا ئاریشەیەکا جڤاکی ل سەنتەرێ قەزا خەبات بنەمالەیەک دناڤ خوەدا ب شەرێک ھاتن کو ب شوفەران کەفتینە ناڤ ھەڤدو و ھەشت مال دناڤبەرا وان ھاتینە خرابکرن.
ژێدەرەکێ نەڤیا ناڤی َخوە دیار بکەت بو ئەڤرۆ نیوز دیارکر کو ژ ئەگەرا پارچەزەڤیان بنەمالەیەک دماوەیێ چەند رۆژێن بوری دا دناڤبەرا خودا ب شەرێک چوون و نێزیکێ ھەشت مالان ب شوفەران سەرێک دا ئیناینە و ھەتا نھا ژی حکومەتێ چوو پێرابوون بەرامبەر ڤێ یەکێ نەوەرگرتینە.
بو زێدەتر راستیا ڤێ روودانێ ئەڤرۆ نیوز ب رێیا تێلەفونێ پەیوەندی ب ” کەریم خان موستەفا ” کو ئێکە ژ لایەیێن ئەڤێ رودانێ کر ، و سەرەرایی پشتراستکرنا ئەڤێ یەکێ تایبەت بۆ ئەڤرۆ نیوز گۆت : ( ئەڤە نێزیکێ سێ سالایە ئەم ھەردوو لایەن کو کەس و کارێن ھەڤدوینە ب سەرو ستویێ ئێک ڤەینە و بەردەوام بھانەیان بوو ھەڤدوو دبینین ، و نھا جارەک دن مە برینا بەرێ سێ سالان نوو کرەڤە و جارەک دن شەر دناڤبەرا مەدا درۆستبوە و ئەوان ھەشت مالێن مە ب شوفەران خرابکرن و دوشکەژی ل بەر مە دابوو ئەگەر بچینە بەرەڤانیێ تەقەی ل مە بکەن )
زێدەتر گۆت : ( بەری سێ سالان سەرا چێکرنا جاددەیەکێ کەسەک کو ھەریێ مە بخوەیە دناڤبەرا مەدا ھاتبویە کوشتن ، و ژ وێ رۆژی َھەتا نھا بەردەوام پەیوەندیێن مە د نەخوش و حکومەتێ ژی چوو تشتەک دناڤبەرا مەدا نەکریە وەکو پێھاتن و ئەڤە بوویە سەدەم کو جارەک دن ھەر سەرا عەردی و بھانەیێن جودا جودا دناڤبەرا مە دبیتە شەر ، و ژبەر نە رشتنا خوینا ھەڤدوو ، نھا ئەم نێزیکێ 80 کەسان ژبەر پاراستنا ژیانا خوە ئاوارەیێ ناحیا گردەسێن-ێ بووینە و دخوازین کو حکومەت و جھێن پەیوەندیدار ب زوترین دەم ئاریشەیا مە چارەسەر بکەت ژبەرکو ئەڤە زێدتری 40 سالایە ئەم لسەر ملک و جھێن خوە ل قەزا خەبات دژین و ئەگەر نە دبیت ئاریشەیێن زێدەتر دناڤبەرا مەدا بھێنە ئەنجامدان ، و ھەتا نھا ژبەر مروڤاتیا ھەڤدو مە ھەر تشت لسەر خوە قبولکریە )
نيشاندان