ئەڤرۆ نیوز،زنار تۆڤی:
بریارە ئەڤرۆ رۆژا شەمبی 16 نیسانا 2016 هەردو مەکتەبێن سیاسی یا پارتی دیمۆکراتی کوردستان و ئێکەتیا نیشتیمانیا کوردستانێ ل هەولێرێ کومبن،سەعدی ئەحمەد پیرە ئەندامێ مەکتەبا سیاسیا ئێکەتیا نیشتیمانی راگەهاند،ئەڤرۆ رۆژا شەمبیێ هەردو مەکتەبێن سیاسی یێن پارتی و ئێکەتیێ دێ ل هەولێرێ کومبن،ئەڤ کومبوونە دێ یا تایبەت بیت ب گفتوگۆکرنێ ل سەر رەوشا سیاسیا عێراقێ و دوماهی هەلویستێ کوردان ل بەغدا،هەروەسا ئەڤ کومبوونە بەری نیڤرۆ دێ هێتە ئەنجامدان.
ئەڤرۆ، کاروان باعەدری:
ل باژیرێ مۆنستێر یێ ئەلمانی کەسەکی ئیزدی بناڤی “خلیل میرزا حجی” پشتی دپاسەکی دا دچیتە قوتابخانێ و ژنشکەکی ڤە جەلتا مێشکێ ل شۆفیرێ ددەت ، و ترومبێل ژ سایدی دەردکەفیت ئەوژی دەملدەست خۆ دگەهینتە جهێ شۆفیری چونکی هندەک ترومبیلین دی بەرەڤ وی تورمبیلێ ڤە دهاتن و 50 کەس دناڤ پاسی دا بوون و هەموو رزگارکرن و نها ئەف کەسە بوویە مانشێتا سەرەکی یا میدیایێن ئەلمانیا .
ئه‌ڤرۆنیۆز، سالار دۆسكى:
د به‌رده‌وامیا كارۆ چالاكیێن رێكخراوا مه‌ند بۆ یه‌كسانیێ ب هه‌ڤكارى ل گه‌ل رێكخراوا كوردس، پرۆژه‌ك بۆ نێزیكرنا قوتابیێن زانكۆیێ و ریڤه‌به‌رێن فه‌رمانگه‌هێن میرى ل پارێزگه‌ها دهۆكێ ده‌ست پێكریه.
چالاكڤانێ جڤاكێ مه‌ده‌نى هێرش ره‌شید به‌رپرسێ رێكخراوا مه‌ند بۆ یه‌كسانیێ بۆ ئه‌ڤرۆ نیۆز دیاركر كو ئه‌ڤ پرۆژه رێكخراوا مه‌ند بۆ یه‌كسانیێ ب هه‌ڤكارى ل گه‌ل رێكخراوا كوردس پێ رابووینه، ئه‌ڤ پرۆژه ل 3/30 ده‌ست پێكریه و هه‌تا 5/15 دێ به‌رده‌وام بیت.
هێرش ره‌شید ئاشكراكر ژى كو دچارچووڤێ پرۆگرامێ هه‌ڤپشك دا ل گه‌ل رێكخراوا كوردس، دو سمینار هاتنه رێكخستن بۆ هه‌ر ئێك ژ (ئه‌یاد حه‌سه‌ن) سه‌رۆكێ ژورا بازرگانى و پیشه‌سازى ل پارێزگه‌ها دهۆك، د رۆژا دووڤ دا هه‌ر دچارچووڤێ پرۆگرامى دا، عه‌مید(فه‌خرى ئه‌حمه‌د) رێڤه‌به‌رێ هاتن و چوونا پارێزگه‌ها دهۆك، هاته مێهڤانكرن و ب ئاماده‌بوونا مامۆستا و قوتابیێن زانكۆیا نه‌ۆروز و د سمینارێن جودا دا هه‌ر رێڤه‌به‌ره‌كى به‌حسێ كارۆ و بزاڤ و خزمه‌تا فه‌رمانگه‌ها خوه كر یا پێشكێشى وه‌لاتیان دكه‌ن.
ئه‌ڤرۆنیوز,ره‌زوان رۆژبه‌یانى
د ڕوودانه‌كا هاتن و چوونێ دا ل سنورێ قه‌زا به‌رده‌ره‌ش كه‌سه‌كى جانى َخوه ژ ده‌ست دا.
كۆمیسه‌ر”حازم موحه‌مه‌د” ژ راگه‌هاندنا هاتن و چوونا قه‌زا به‌رده‌ره‌ش بۆ ئه‌ڤرنیوز خویاكر كوئه‌ڤرۆ ده‌مژمێر (11:30)سپێدى د روودانه‌كا هاتن و چوونێ ل سه‌ر رێیا گشتى یا ناڤبه‌را قه‌زا به‌رده‌ره‌ش و ناحیا “كه‌له‌ك” ل نزیك گوندێ”گرده‌پان” دناڤبه‌را دوو ترومبێلان ژجۆرێ “ترێله مارسیدس توركى”و”كه‌یا2ته‌ن عراقى” هاتیه روودان و دئه‌نجام دا شوفیرێ كه‌یا 2ته‌ن گیانێ خوه ژ ده‌ست دا.
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ ب هه‌لكه‌فتا سالڤه‌گه‌را ئه‌نفالان، په‌يامه‌ك به‌لاڤكريه و راگه‌هانديه، جهێ داخێ يه كو هێشتا ل به‌غدا كه‌سانه‌ك يێن هه‌ين كو هه‌لگرێن هه‌مان بير و باوه‌رێن ئه‌نفالچيانن و ئه‌گه‌ر ژ ده‌ستێ وان بهێت دێ هه‌مان سياسه‌تا تاوانان كه‌ن.
بارزانى به‌حسێ وێنه‌كێ دكه‌ت كو ل ده‌مێ يادا ئه‌نفالان دا هاتيه گرتن و روفاتێ شه‌هيده‌كێ ئه‌نفالان ل سه‌ر ملێ وى يه، دبێژيت: من نه‌دزانى ناڤێ وى شه‌هيدى چيه، زه‌لامه يان ژنه، زارۆيه يان پيره، به‌لێ من زانى كو شه‌هيده‌كێ مه‌زلوومه، بێ تاوانه، ب تنێ گونه‌ها وى ئه‌و بوويه كو كورد بوويه.
ئەڤرۆ نیوز،زنار تۆڤی:
سەرۆکێ رووسیا ڤلادیمێر پۆتین ل موسکۆیا پایتەختێ رووسیا د پرێس کۆنفرانسەکی دا دەربارەی کوردان دا دیارکر،کو کورد مللەتەکێ ئازا و وێرەک و چاڤنەترسن و شیاینە ئاخا خۆ بپارێزن،هەروەسا نوکە د شەرێ دگەل داعش دا مە جۆرەکێ هەما هەنگی یێ دگەل کوردان دا هەی.
ناڤهاتی گۆت ژی:د شەرێ دژی چەکدارێن داعش دا کورد شیاینە خۆ نێزیکی ئەمریکا بکەن و هەڤپەیمانن دگەل دا.
ئه‌ڤرۆ نيوز:
ئه‌ڤرۆ پشتى كو په‌رله‌مانتارێن مانگرتى به‌رهه‌ڤى كومبوونا روونشتنا په‌رله‌مانى بوون كو ژمارا وان 171 ئه‌ندام بوون، عه‌دنان جه‌نابى وه‌ك سه‌رۆكێ نوو يێ په‌رله‌مانى دياركر.
په‌رله‌مانتاران باوه‌رى ژ ده‌سته‌يا سه‌رۆكايه‌تيا په‌رله‌مانى ستاند، به‌لێ ژ ئاليىێ خوڤه نڤيسينگه‌ها سه‌ليم جبورى سه‌رۆكێ په‌رله‌مانێ عيراقێ راگه‌هاند كو روونشتنا وان په‌رله‌مانتاران نه يا دستوورى بوو و رێژا قانونى تمام نه‌كريه.
نيشاندان