ئه‌ڤرۆ  نيوز:

مه‌سعود بارزانى سه‌رۆكێ هه‌رێما كوردستانێ ب هه‌لكه‌فتا ژ دايكبوونا حه‌زره‌تێ مه‌سيح سلاڤێن خودێ ل سه‌ر بن په‌يامه‌كا پيرۆزباهيێ به‌لاڤكر و ئه‌ڤه‌ ژى ده‌قێ وێ يه‌:

ب ھەلکەفتا ھاتنا جەژنا ژ دایکبوونا حەزرەتی مەسيح (سلاڤێن خوەدێ ل سەر بن)، گەرمترین پیرۆزباھیێ پێشکێشی ھەموو خووشک و برایێن خوشتڤيێن مه‌سيحيێن ل کوردستان و عيراقێ و جیھانێ دکم و ژ بۆ وان ھێڤیا جەژنەکی پر ب شادی دخوازم.

نھا کو عيراق و ده‌ڤه‌را مە ل بن ھەرەشەیا تيرۆر و توندرەویێ دایە یەک ژ ئەرکێ سەرەکیێ مە ھەموو ئالیەک پاراستنا پێکڤەژیان و تەبایییا پێکھاتێن جوودا جوودایا ئۆل و نەتەوەییانە و نابێ رێ بدن ل ژێر ھیچ پاساوەک دا ئەو تەبایی و پێکڤەژیان بێ تێکدان.

مخابن ل ڤان سالێن داوی دا خوشک و برایێن مەسيحى ل عيراقێ دا کەتنە بەر ھەرەشە و ئینکارکاریێ، و ل ئەنجاما ئێریشا درندانەیا داعش جھێن دیرۆکیێن وان و باژار و گوند و ناڤچەیێن خوشک و برایێن مەیێن مەسیحى ل پارێزگەھا نه‌ينه‌وا کەتنە بن داگیرکەریا تەرۆریستان.

سۆپاس ژ بۆ خودێ ل سەر دەستێ پێشمەرگەى، تيرۆرست تووشی شکەستێن مەزن ھاتن و پشت ب خودایێ مەزن شکەستێ یەک جارەکیا وان نێزیکە و خوشک و برایێن مەیێن مەسیحى ب سەربلندی ڤەگەرن جھێن خوە. پێویستە پشتی داعیش رێوشووێنێن وھا ل بەر بێ گرتن کو ئێدی کارەسات دووبارە نەبن و ھەموو ئالیەک ب ئاشتی ل گەل ھەڤدوو دا بژین. تاوان و درندەیییا داعیش دڤێ زێدەتر مە ھان بدە دەست ب بھایێن مرۆڤیێن گەلێ کوردستانێ ب ھەموو پێکھاتێن خوە ڤە بگرین. خوشک و برایێن مەسیحى ژ وێ یەکێ پشتراست دکم کو کوردستان وەلاتێ وانە و گەلێ کوردستانێ پالپشتێ وانە و دڤێ ئەم ھەموو ب پێکڤە ب سەربەستی و ئازادیێ دە بژین.

ھێڤیدارم ئەڤ جەژن ببيته‌ جھێ خێر و بەختەوەریا وە و ھەموو سالەک ل سایەیا ئارامی و ئازادیێ دا جەژنێن خوە پیرۆز بکه‌ن.

مەسعود بارزانی
سەرۆکێ ھەرێما کوردستانێ
24.12.2015