ئه‌ڤرۆ نیۆز، هه‌رهین محه‌مه‌د:

ژێر دوریشمێ (پێكڤه‌ ژیان و خوراگرى رێ خوشكه‌ره‌ بۆ ده‌وله‌ت بوونا مه‌) ل ژێر چاڤدێریا (فه‌رهاد ئه‌مین) پاریزگه‌رێ دهۆكێ رێڤه‌به‌ریا گشتى یا ئه‌وقاف و كارو بارێن ئاینى ل پارێزگه‌ها دهۆكێ و رێڤه‌به‌ر یا ئه‌وقافا قه‌زا دهۆكێ ب هه‌ڤكارى ل گه‌ل لقا دهۆك یا ئێكه‌تیا زانایێن ئاینێ ئیسلامێ، ئه‌ڤرۆ ئێڤارى 23/12/2015ل مزگه‌فتا مالتا خارێ َرابوون ب گێرانا ئاهه‌نگه‌كێ ب هه‌لكه‌فتا رۆژا ژدایك بوونا سه‌روه‌رێ پێغه‌مبه‌را (محه‌مه‌د) سلاڤ لێ بن.
پشتى خواندانا چه‌ند ئایه‌تێن قورئانا پیرۆز، رێڤه‌به‌رێ گشتیێ ئه‌وقاف و كارۆبارێن ئاینى د.سه‌میان عه‌بدولخالق په‌یڤه‌ك پێشكێشكر و تێدا به‌حسێ گرنگیا ڤێ رۆژا پیرۆز كر ل جه‌م ملله‌تێ موسلمان و تایبه‌تمه‌ندیا وێ ل ده‌ف ملله‌تێ كورد و گۆت: ب درێژاهى یا مێژوویێ ملله‌تێ كورد ئه‌ڤ بیره‌وه‌ریه‌ ساخكریه‌.
هه‌ڤده‌م ئسماعیل محه‌مه‌د جێگرێ پارێزگه‌رێ دهۆكێ په‌یڤه‌ك پێشكێشكر و تێدا ساخكرنا ئه‌ڤێ بیره‌وه‌ریا پیرۆز بلند نرخاند، هه‌ڤده‌م سه‌رۆكێ ئێكه‌تیا زانایێن ئیسلامێ لقێ دهۆك مه‌لا ئیحسان رێكانى په‌یڤه‌ك پێشكێشكر و تێدا به‌حسێ رۆلێ ملله‌تێ كورد كر دپاراستنا ئاینێ ئیسلامێ دا، هه‌ر دچارچووڤێ ڤێ بیرهاتنێ دا چه‌ندین سروود نه‌ته‌وه‌یى هاتنه‌ پێشكێشكرن…
لدووماهیێ مه‌لا جیهاد حه‌سه‌ن بێسفكى، رێڤه‌به‌رێ ئه‌وقافا دهۆك و كارۆبارێن ئاینى په‌یڤه‌ك پێشكێشكر و تێدا دوعایێن سه‌لامه‌تى و سه‌ركه‌فتنێ بۆ پێشمه‌رگه‌ و سه‌رۆكێ هه‌رێما كوردستانێ خواستن.

ئه‌ڤرۆنیۆز، ئه‌یاد به‌رواری
راپۆرتێن وه‌زرشی ئاشكرا دكه‌ن كو ستێرا ته‌پا پێی یا هه‌لبژارتیێ پورتۆگالێ و یانا ریال مه‌درید (كریستیانو رونالدو) كۆژمێ هزار و 645 یورۆیان به‌رامبه‌ر كومێنتیه‌كا خوه‌ ل سه‌ر تۆرا جڤاكی یا تویته‌ری وه‌ردگریت.
سایتێ (هاڤینگتۆن پۆست) دیاركر كو رونالدو وی كوژمێ پاره‌ی وه‌ردگریت ژبه‌ركو هژماره‌كا ئه‌وێن ئه‌و ل سه‌ر تۆرێن جڤاكی لایكری زێده‌تره‌ ژ 167 هزار كه‌سان.

ئه‌ڤرۆنیۆز، ئه‌یاد به‌رواری
ڕێكخستیا ده‌وله‌تا ئیسلامی (داعش) یا تیرۆرستی، ئه‌ڤرۆ چار شه‌مبی، 10 وه‌لاتیێن خه‌لكێ باژێرێ مووسلێ سزایێ (جه‌لدكرنێ) ل سه‌ر سه‌پاند ب تۆمه‌تا به‌لاڤكرنا شرینیان ب هه‌لكه‌فتا ژدایكبوونا پێغه‌مبه‌رێ ئیسلامێ.
هنده‌ك ژێده‌رێن دناڤ باژێرێ مووسلێ دا دیاركرن، كو تیرۆرستێن داعشێ ئاهه‌نگ گێران و به‌لاڤكرنا شرینیان ب هه‌لكه‌فتا ژدایكبوونا پێغه‌مبه‌رێ ئیسلامێ قه‌ده‌غه‌كربوو و ب (بدعه‌) ئه‌و هه‌لكه‌فته‌ هژمارتبوو، و ژبه‌ر كو هنده‌ك وه‌لاتیێن مووسل شرینی ب وێ هه‌لكه‌فتی به‌لاڤكرن، ئه‌ڤرۆ داعشێ 10 كه‌س جه‌لدكرن ب تۆمه‌تا به‌لاڤكرنا شرینیان كو ئێك ژوان زه‌لامه‌كێ دانعه‌مر بوو ل ده‌ڤه‌را (باب ئه‌لتوب) ل نێزیك باخچێ شه‌هیدان ل نیڤا مووسلێ.
خویاكرن ژی” سه‌ركرده‌كێ داعشێ به‌یانناما دادگه‌ها ب ناڤێ ( دادگه‌ها شه‌رعی ل نه‌ینه‌وا) خواند كو بریار دایه‌ هه‌ر ئێك ژوان 10 كه‌سان ب 30 جه‌لدان بهێنه‌ حوكمرن”.