ئەڤرۆ نیوز:
ب مەرەما پشکداری کرنێ د قارەمانیا کونیڤا یا ھەرێمان دا ئەوا ل ٢٨-٥-٢٠١٦ دەست ب ھەڤرکیێن وێ بھێنەکرن ھەلبژارتیێ کوردستانێ ژی د ڤێ قارەمانیێ دا یێ پشکدارە ئێکەتیا تەپا پێ ب ھەڤکاری دو رۆژنامەڤان ل گەل شاندێ خوە یێ ئەڤ جارە ھەلبژارتی نە ب مەرەما رومالکرنا یاریێن ھەلبژارتیێ کوردستانێ د وێ قارەمانیێ دا .
رۆژنامەڤانێ وەرزشی ل پارێزگەھا دھۆکێ و پەیامنێرێ وەرزشی ل رۆژنامەیا ئەڤرۆ مللەت جەمال ئێک ژ ئەوان رۆژنامەڤان ھاتیە ھەلبژارتن ل گەل شاندێ ھەلبژارتیێ کوردستانێ کو ژلایێ سەندیکا رۆژنامەڤانی و ئێکەتیا تەپا پێ یا کوردستانێ .
ھەژی گوتنێ یە ئەڤە دبیتە جارا دوێ رۆژنامەڤانەکێ وەرزشی ژ رۆژناما ئەڤرۆ ل گەل شاندێ ھەلبژارتیێ کوردستانێ بەر ب ئورۆپا ڤە چیت کو بەری نوکە ژی ھەژار مەعروف ل گەل ھەلبژارتیێ کوردستانێ بەر ب وەلاتێ فەرەنسا چو بوو، ھەردیسان پەیامنێرێ وەرزشی زنار زوبێر ژی ل ماوێ بوری ل گەل شاندێ راھێنەرێن کوردستانێ بەرەڤ وەلاتێ ئوکرانیا چوبوو.

ئەڤرۆ نیوز:
ئێکەتیا تەپا پێ یا عیراقێ د کومبوونا خوە یا ئەڤرۆ دا ب فەرمی راگەھاند رازی شنێشل راھێنەرێ تیما شورتە یا عیراقی وەکو راھێنەرێ وێ یێ نوو یێ ھەلبژارتیێ عیراقێ یە د ڤاڤارتنێن کێشوارێ ئاسیا بۆ دەربازبوونێ بۆ موندیالا روسیا ٢٠١٨ .
دەزگەھێن راگەھاندنا عیراقێ یێن نێزیک ل ئێکەتیا تەپا پێ یا عیراقێ دیارکری نە رازی شنێشل ژی چەند مەرج داناینە بەر ئێکەتیا تەپا پێ کو ئێکەتیا عیراقێ ل سەر مەرجێن وی رازیبووی یە .
ھەژی گوتنێ یە عیراق کەڤتیە د کومەکا ب ھێز دا دھێتە ھژمارتن کوما ئاگری د قوناغا دووماھیێ یا دەربازبوونێ بۆ موندیالا جیھانێ ئەوژی پێکھاتی نە ژ ژاپون، سعودیە،ئوسترالیا، ئیمارات و تایلەند کو دو ھەلبژارتی ب فەرمی دەربازی موندیالا جیھانی بن و ھەلبژاریێ سیێ دێ ل گەل خودانا رێزا سێ د کوما ئێکێ دا کەت پاش سەرکەفتی وێ ل گەل نوونەرا کێشوارێ ئەمریکا ژێری کەت .

ئەڤە دبیتە جارا سیێ رازی شنێشل ئەرکێ راھێنەریا ھەلبژارتیێ عیراقێ وەرگریت

ئەڤرۆ نیوز:
ستێرا ئەرژەنتینی و یانا بەرشەلۆنا ل چەند رۆژێن بوری ئێک ژ لاوازترین ئاست و ژمارا خوە تومارکری یە ھەر ژ سالا ٢٠١١ وەرە ئەڤ ئاستێ لاواز پێشکێش نەکری یە ل گەل یانا خوە و ھەلبژارتیێ وەلاتێ خوە کو راپورتێن رۆژنامەڤانی وەسا دایە دیارکرن ئەو ژێ بۆ وێ چەندێ ڤەدگەریت جھێ وی ل پێکھاتیێ بەرشەلۆنا ھاتیە گوھورین ئەوژێ بۆ ھێلا ناڤین و ھەردیسان راھێنەرێ تیمێ لویس ئەنریکی ئەرکەکێ ب زحمەت دایێ ئەوژی بەرەڤانیێ بکەت ل ھێلا ناڤین دا.
نێزیکی ٣٦٢ دقیقە لیونێل مێسی چاڤەرێ تومارکرنا گولەکێ یە کو پشتی یاریا ئەرژەنتین ل گەل بولیفیا ب دووماھی ھاتی مێسی درێسەک بلندکر بوو دیارکر بوو ئەو دخوازیت یاریا بھێت گولا خوە یا ژمارە ٥٠٠ توماربکەت کو ئەڤ چەندە بەری یاریا کلاسیکو ب چەند رۆژان دیارکر بوو لێ، زێدەتر ژ ٢٥ رۆژانە مێسی چاڤەرێ وی گولێ یە ھەتا نوکە نەشیا گولا خوە یا ژمارە ٥٠٠ توماربکەت.