ئه‌ڤرۆ نيوز:
محه‌مه‌د غالب ئه‌نسارئۆغلۆ ئه‌ندامێ په‌رله‌مانێ توركيا ل سه‌ر ليستا دادوگه‌شه‌پێدان AKP راگه‌هاند كو كاودانێن نوكه كوردستانا عيراقێ تێدا دبۆريت وه‌كو يێن توركيا نينن، بابه‌تێ سه‌ربه‌خۆيێ مافه‌كێ ره‌وا يێ كوردايه ل عيراقێ و گۆت: “ئه‌م پشته‌ڤانيێ لێ دكه‌ين”.
زێده‌تر گۆت: “ده‌مێ نه‌شێن ل گه‌ل عيراقێ بژين و ژيانا وان ل گه‌ل ئێك چو رامان نه‌بيت، ئه‌وى ده‌مى جودا بوون ژ عيراقێ باشترين رێيه و ژ به‌ر هندێ ژى پشته‌ڤانيا وێ بزاڤا مه‌سعود بارزانى دكه‌ين”.
ئه‌ڤرۆ نیوز: كاروان باعه‌درى
سێ كۆچبه‌رێن كورد كو خه‌لكێ ناحیا باعه‌درێ بوون د ده‌ریا ئیجه دا ده‌مێ بۆ وه‌لاتێ یونانێ ب رێككه‌ڤتین دا كو خۆ بگه‌هین یۆنانێ خه‌ندقین.
كه‌سه‌كى نێزیك ژ وان كۆچبه‌رێن خه‌ندقى بۆ ئه‌ڤرۆنیوز گۆت : ئه‌ڤ هه‌رسێ كۆچبه‌ر نه ژ ئێك بنه‌مالێ نه ب ناڤێ ( سیپان محمد رشید و ولید خالد تاهر و اسینات خالد تاهر ) ئه‌ڤرۆ ل ریكه‌فتى 22/12/2015 ب رێكا كۆچبه‌ریێ دده‌ریا ئیجه دا خه‌ندقین.
ئه‌ڤرۆنیۆز، ئه‌یاد به‌رواری
قونته‌رچیه‌كی ژ وه‌زاره‌تا به‌رگریا عیراقی بۆ ده‌مێ 18 هه‌یڤان گوشتێ كه‌ران ددا له‌شكرێ عیراقێ و حه‌شد شه‌عبی و دگوت ئه‌و گوشتێ چێلا و په‌زی یه و ژ به‌رازیلێ و هندستانێ دئینیت.
وه‌زاره‌تا ساخله‌میا عیراقی پشتی 18 هه‌یڤان ژ خوارنا گوشتێ كه‌ران ژلایێ له‌شكرێ عیراقێ و حه‌شد شه‌عبی ڤه، پشكنین ل سه‌ر وی گوشتی كر و ئاشكرابوو كو گوشتێ كه‌رایه و قونته‌رچیێ وه‌زاره‌تا به‌رگریێ هاته ده‌سته‌سه‌ركرن.
ژێده‌ره‌كێ ئه‌منی بۆ (اخبار العرب) گوت” حوكمه‌تا عیراقێ فه‌رمانا نه‌به‌لاڤكرنا ڤی ده‌نگوباسی یا ده‌ركری، دا كارتێكرنا ده‌روونی ل سه‌ر له‌شكرێ عیراقێ و حه‌شد شه‌عبی د شه‌ڕان دا نه‌كه‌ت”.
گوت ژی” حوكمه‌تا عیراقی 200 ته‌نێن گوشتێ كه‌ران د عومبا و ته‌زینكێن له‌شكرێ عیراقێ ده‌سته‌سه‌ركرن”.
ئه‌ڤرو نیوز ،بارزان مزوورى
مافپه‌روه‌ر شه‌مال محه‌مه‌د ئه‌دیب ،رێڤه‌به‌رێ ناحیا باعه‌درێ بو مالپه‌رێ ئه‌ڤرو نیوز دیار كر كو ل ده‌ستپێكا هه‌وا كوچكرنێ ب تایبه‌ت كوردێن ئێزدى و هه‌تا نوكه نێزیكى هزار و 220 كه‌سا ل ناحیا باعه‌درێ كوچكریه كو پتریا وان گه‌نج بوینه و دگه‌ل 75 فه‌رمانبه‌رێن جهێن ئیدارى یێن باعه‌درێ كو گه‌له‌ك ژوان فه‌رمانبه‌را بوون و ماوه‌یه‌كێ درێژ بوو موله‌تا فه‌رمى یا وه‌رگرتى ژ جهێ لێ ده‌وامێ دكه‌ن و گه‌له‌ك ژوانا حه‌تا نها د بێ سه‌روشینن دناڤ ده‌ریادا.
ناڤبرى دیار كر كو رێژا هه‌ره مه‌زن یا كه‌سێن كوچ دكه‌ن گه‌نجن، ئه‌گه‌ر ڤه‌كولینه‌ك ل سه‌ر ئه‌گه‌رێن چونا وان گه‌نجان بهێته كرن دێ گه‌له‌ك ئه‌نجام دیاربن ژ وان ئه‌گه‌رێ بێ كارى بیت .
ئه‌ڤرو نیوز،بارزان مزوورى
پێشه‌نگ به‌درخان محه‌مه‌د سه‌لیم، به‌رپرسێ پشكا هاتن وچونا شێخان بو مالپه‌رێ ئه‌ڤرو نیوز ئاشكرا كر كو ئه‌ڤرو ده‌مژمێر 12:30 خوله‌ك 22/12/2015 ل سه‌ر رێیا سه‌ره‌كیا شێخان بو باعه‌درێ به‌رامبه‌ر گوندێ ئال مه‌مان ترومبێله‌ك ژ جورێ كه‌یه سیراتو وه‌رگه‌ریا و د ئه‌نجام دا شوفێرێ ترومبێلێ گیانێ خو ژ ده‌ست دا و زیانێن مه‌زن ب ترومبێلێ كه‌فتن .
ناڤبرى لدور ئه‌گه‌رێن رویدانێ دیار كر كو شوفێرى له‌زاتى بكارئینایه و نه‌شیایه كونترولێ ل سه‌ر له‌زاتیا خوبكه‌ت و توشى وه‌رگه‌ریانێ دبیت.
ئه‌ڤرۆنیۆز، ئه‌یاد به‌روارى
په‌یچه‌كێ نوو ل سه‌ر تورا ئه‌نترنیتێ پێشنیاره‌زكا نوو به‌رچاڤكر ب ڕێیا پێشكه‌شكرنا 10 هزار دۆلاران بۆ به‌ربژارێن گونجای بۆ گێرانا ئاهه‌نگا پێكئینانا هه‌ڤژینیا وان كو ئه‌و گۆژمه تنێ د حاله‌ته‌كی دا بهێته زڤراندن.
په‌یچێ (سوان لۆف) ل باژێرێ سیاتل یێ ئه‌مریكی سۆزا وێ چه‌ندێ دا كو مه‌زاختیێن ئاهه‌نگا پێكئینانا هه‌ڤژینیێ ب ستوویێ خوه‌ڤه بگریت هندی هه‌ڤژینی یا به‌رده‌وام بیت، به‌لێ ده‌مێ جودابوون په‌یدا دبیت، پێدڤیه ل سه‌ر هه‌ردو هه‌ڤژینان وی كۆژمێ پاره‌ی ل گه‌ل مفایێ ل سه‌ر بزڤرینن.
سكوت ئافی، سه‌رۆكێ جێبه‌جێكارێ كۆمپانیا (سوان لۆف) دیاركر كو ئه‌و په‌یچه وه‌كو گازینویه‌كێ یه بۆ پێكئینانا ژیانا هه‌ڤژینیێ، ل دووڤ وی په‌یچی، دێ مفایێن مه‌زنتر ل سه‌ر وان كه‌سان هێنه سه‌پاندن ئه‌وێن په‌یوه‌ندیێن وان دباشیێ دابن.
ل دووڤ به‌رپرسێن وی په‌یچی كو دێ ب ڕه‌نگه‌كێ فه‌رمی ل شوباتا 2016 ێ ده‌ست بكاربیت، خزمه‌تا قه‌ركرنێ دێ یا تایبه‌ت بیت ب وان كه‌سان ڤه یێن هه‌ڤپشكێن خوه د ژیانا دا دیتبن و پێدڤی هاریكاریێ بن بۆ ئاهه‌نگا پێكئینانا هه‌ڤژینیێ.
دده‌مه‌كی دا هنده‌ك كه‌س پێشبینیێ دكه‌ن كو ئه‌و په‌یچه دخوازیت ژیانا هه‌ڤژینیێ یا وان كه‌سێن ب ڕێیا وی ئه‌و ژیان پێكئینای، به‌لێ یا سه‌یر ئه‌وه كو ئه‌و په‌یچه شیره‌تێن بێ به‌رامبه‌ر پێشكه‌ش دكه‌ت ژبۆ به‌رده‌وامیا وێ ژیانێ و مه‌رجێ ئێكانه یێ كو ئه‌و په‌یچه دسه‌پینیت ئه‌وه كو ئاهه‌نگا پێكئینانا هه‌ڤژینیێ دده‌مێ دو سالان ژ پێشكه‌شكرنا داخوازا هاریكاریێ بهێته گێران.
ئەڤرۆ نیوز،زنار تۆڤی:
ئەڤرۆ رۆژا سێشەمبی پیترۆ کراسۆ سەرۆکێ ئەنجومەنێ پیرێن ئیتالیا گەهشتە هەرێما کوردستانێ و بریارە ناڤهاتی دگەل بەرپرسێن بلند یێن حوکمەتا هەرێما کوردستانێ کومبیت و د هەمان دەمدا بریارە ئەڤرۆ ب بەرهەڤبوونا سەرۆکێ حوکمەتا هەرێما کوردستانێ نێچیرڤان بارزانی و چەندین بەرپرسێن بلند یێن حوکمەتا هەرێمێ ب رەنگەکێ فەرمی کۆنسلخانەیا ئیتالیا ل هەرێما کوردستانێ بهێتە ڤەکرن.
ئاكرێ ، بێوارحسێن زێبارى :
هونه‌رمه‌ند رێناس ئاكره‌یى ددیداره‌كا كورت دا بۆ ئه‌ڤرۆ نیوز دیاركر كو ئه‌و كار نها د دروست كرنا كلیبه‌كێ دا دكه‌ت كو ل سه‌ر هه‌ر پارچێن كوردستانێ یه و ب دووماهیك هاتیه كو ئه‌ڤ كلیپه ژى جوداهیه‌ك هه‌یه دگه‌ل كارێن وى یێن به‌رێ .
ناڤبرى گوت ژى كۆ د ڤان رۆژاندا ئه‌ڤ كلیبه دێ هێته به‌لاڤكرن و كو هوزان ژى یا هوزانڤان بورهان زێباریه و ئاواز ژى یا وى ب خوه‌یه و كارێ موزیكى ژى نوبه‌ردار ئیبراهیم بۆ كریه.
ئه‌ڤرۆنیۆز، ئه‌یاد به‌رواری
شانده‌كێ پارتیا كاركه‌رێن كوردستانێ (په‌كه‌كه) ژ چیایێ قندیلی ل هه‌رێما كوردستانێ ل چه‌ند رۆژێن بۆری سه‌ره‌دانا به‌غدا كر.
ئه‌و شاندێ په‌كه‌كێ ل دووڤ ژێده‌ره‌كێ ئاگه‌هدار بۆ (شه‌فه‌ق نیۆز) دیاركری، ل گه‌ل هنده‌ك به‌رپرسێن حوكمه‌تا عیراقی كۆمببو.
وی ژێده‌ری خویاكر ژی ئه‌و سه‌ره‌دان بۆ ب هێزكرنا په‌یوه‌ندیێن په‌كه‌كێ و حوكمه‌تا عیراقێ بوو ب تایبه‌تی پشتی وێ ئاریشا ل ڤێ دووماهیێ د ناڤبه‌را به‌غدا و ئه‌نقه‌ره دا په‌یدابووی ژ ئه‌گه‌رێ به‌لاڤكرنا هێزێن توركی دناڤ ئاخا عیراقێ دا.
وی ژێده‌ری ئاشكراكر كو حوكمه‌تا عیراقێ دێ په‌كه‌كێ وه‌كو كارته‌كا فشارێ ل سه‌ر توركیا بكارئینیت، گوت ژی” به‌غدا ل به‌ره چه‌كی بۆ په‌كه‌كێ بهنێریت”.
ئه‌ڤرۆنیۆز، هه‌رهین محه‌مه‌د:
رێڤه‌به‌ریا گشتى و ئه‌وقاف و كارو بارێن ئاینى ل پارێزگه‌ها دهۆكێ رێڤه‌به‌ریا گشتى یا ره‌وشه‌نبیرى و هونه‌رى دهۆكێ ل ژێرچاڤدێریا فه‌رهاد ئه‌مین پارێزگه‌رێ دهۆكێ دێ رابن ب گێرانا چه‌ند ئاهه‌نگان ب هه‌لكه‌فتنا رۆژا ژدایك بوونا سه‌روه‌رێ پێغه‌مبه‌ران (محه‌مه‌د) سلاڤ ل سه‌ربن.
سه‌میان عه‌بدولخالق سه‌عدى، رێڤه‌به‌رێ گشتى ئه‌وقاف و كارو بارێن ئاینى ل پارێزگه‌ها دهۆكێ بۆ مالپه‌رى َئه‌ڤرۆ نیوز ئاشكه‌راكر ئاهه‌نگێن هه‌لكه‌فتنا رۆژا ژدایك بوونا پێغه‌مه‌رى دێ بۆ ماوێ سێ رۆژان به‌رده‌وام بن و هه‌رقه‌زایه‌كێ دێ ده‌ه ئاهه‌نگ هێنه گێران و گۆتار هێنه خاندن و ئه‌و ئاهه‌نگه دێ بۆ ماوێ حه‌فتیه‌كێ د به‌رده‌وام بن
رێڤه‌به‌رێ گشتى ئه‌وقاف و كارو بارێن ئاینى زێده‌تر ژى گۆت: ئه‌ڤ ئاهه‌نگه دێ هێنه گێران ب هه‌ڤكارى دگه‌ل رێڤه‌به‌ریا گشتى یا ره‌وشه‌نبیرى و هونه‌رى و رێڤه‌به‌ریا گشتى یا ئه‌وقاف وكارۆبارێن ئاینى و ئه‌ڤه بۆ ئێكه‌م جاره ده‌زگه‌هێن ره‌وشه‌نبیرى پێ رادبن له‌ورا ب رۆژه‌كێ ئاهه‌نگه‌ك هاته گێران به‌رى هه‌لكه‌فتنا رۆژا ژدایك بوونا پێغه‌مبه‌رى و ل هه‌رحه‌فت قه‌زاێن پارێزگه‌ها دهۆكێ ل دانێ سپێدێ و دو ئاهه‌نگ هه‌نه و و ل ئێڤارى هه‌رپێنچ قه‌زایێن دن ژى ب فه‌رمى ئاهه‌نگ دێ هێنه گێران هه‌روه‌سان ل رۆژا پێنچ شه‌مبى ب هه‌ڤكارى دگه‌ل رێڤه‌به‌ریا ئه‌وقافا قه‌زا زاخو ورێڤه‌به‌ریا ره‌وشه‌نبیرى دێ ئاهه‌نگه‌كا دى ل زاخو هێته گێران و گۆت: ئه‌و هه‌ر ده‌ه ئاهه‌نگێن ل قه‌زایان دهێنه كرن فه‌رمى نابن و ماموستا یێن ئاینى دى َبه‌حسێ ژیان نا ما پێغه‌مبه‌رى كه‌ت.
نيشاندان