ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ و ژان ئيف لودريان، وه‌زيرێ به‌ره‌ڤانيا فره‌نسا و شانده‌كێ هه‌ڤال ل پيرمام يێ د كۆمبوونێ دا.
كۆمبوونا سه‌رۆكێ هه‌رێما كوردستانێ و وه‌زيرێ به‌ره‌ڤانيا فره‌نسا د ده‌مه‌كى دايه د شه‌ڤا بۆرى دا ژان ئيڤ لودريان ژ به‌غدا گه‌هشتيه هه‌ولێر و سپێده‌هيا رۆژا سێشه‌مبى ل گه‌ل نێيچيرڤان بارزانى يێ سه‌رۆك وه‌زيرێن هه‌رێما كوردستانێ ژى كۆمبووى.
ئەڤرۆ نیوز:
رێڤەبەرێ وەرزشی ل یانا ڤولڤسبورگ یا ئەلمانی کلاوس ئەلوفوس بۆ دەزگەھێن راگەھاندنێ دیارکر ئەوان باوەریەکا مەزن ب تیما خوە ھەیە ئەوان ل حەفتیا بوری دەستپێکەکا باش ھاڤێت بۆ دەربازبوونێ بۆ قوناغا پێش دووماھیا قارەمانیا ئورۆپا لێ ئەو بتنێ ژ خالەکێ ل یاریگەھا سانتیاگو دترسێن ئەوژی ژ شاشیێن دادڤانان کو بەری نوکە ژی ئەڤە چەندین جاران رویدایە ل یاریگەھا ریال مەدرید دادڤان توشی گەلەک شاشیا دبن .
زێدەتر کلاوس دیارکر ئەو چاڤەرێ وێ چەندێ نە مێژویەکێ توماربکەن و بۆ جارا ئێکێ یە ئەو د گەھنە قوناغا چارێک دووماھیێ ئەو چاڤەرێ تمامکرنا ڤێ مێژویێ نە ئەوژی بۆ دەربازبوونێ بۆ قوناغا پێش دووماھیێ.
ھەژی گوتنێ یە ل یاریا ئێکێ یانا ئەلمانی شیابوو سەرکەفتنێ ل سەر ریال مەدرید ل یاریگەھا خوە توماربکەت ب دو گولان بێ بەرامبەر و پێدڤێ یە دڤێ یاریێ دا ب جوداھیا سێ گولان خوسارەت بن ھەتا قارەمانیێ ب جھـ بھێلن.
ئەڤرۆ نیوز:
چاڤەرێ دھێتەکرن ئەڤ شەڤە و شەڤەکا دی چار یاری ژ قارەمانیا یانێن ئورۆپا قارەمانێن خولا بھێنەکرن کو ھەر چار یاری دێ ب مەترسی ھێنەکرن دەلیڤەیا دەربازبوونێ بۆ ھەر ھەشت یانێن ل قوناغا ھەشتێ ھەیە .
ل ھەردو یاریێن ئەڤ شەڤە دا دێ ھەڤرکیەکا یا دژواربیت دناڤبەرا ھەر چار یانێن ریال مەدرید و فولفسبورگ و مانچستەر سیتی و پاریس سان جێرمان ل یاریا ریال مەدرید ل گەل فولفسبورگ دێ چاڤێ ھەمی پشتەڤانێن ریال مەدرید ل راھێنەرێ وێ یێ فەرەنسی زێدان بین کو مەترسیەکا مەزن و گڤاشتن مەزن ل سەر یانا مەلەکی دێ ل ڤێ یاریێ دا ھەبیت یاریکەرێن یانا مێرینگی ژی باش دزانن ئەرکێ وێ ل گەل یانا ئەلمانی یێ ب سانەھی نابیت ژبەرکو پێدڤی یە ل سەر ئەوان ب جوداھیا سێ گولان سەرکەفتنێ توماربکەن ھەتا بشێن دەربازی قوناغا پێش دووماھیێ بن، ھەر چەندە ریال مەدرید دڤێ یاریێ دا دێ گەلەک ب ئارامی یاریێ کەت تایبەت پشتی وی ئاستێ بلند و ب سانەھی شیای سەرکەفتنێ ل دووماھی یاریا خوە د خولا لالیگا دا ل سەر ئیبار توماربکەت و ئاستێ یاریکەرێن زێدان د وێ یاریێ دا یێ بلند بوو کو زوربەیا یاریکەرێن یانا مەلەکی سوز دایە جەماوەرێ خوە دەربازی قوناغا پێش دووماھیا ئورۆپا بن و دێ شێن فولبسبورگ ژ رێیا خوە دەنە پاش .
ژلایەکێ دیڤە ل مانچستەر سیتی دێ ل یاریگەھا خوە یاریەکا ب زحمەت بەرامبەر پاریس سان جێرمان کەت ھەمی بوجون وەسا دھێنە دیارکرن ژلایێن روژنامەیێن ئورۆپی ڤە دێ پاریس شێت دەربازبیتە قوناغا دوێ ھەر چەندە ئەرکێ مانچستەرسیتی دێ گەلەک یێ ب سانەھی تر بیت ژبەرکو دو ئەنجامێن وەکھەڤیێ ژی د بەرژوەندیا مان ستی دانە ئەوژی ب گولەکێ و بێ گول لێ راھێنەرێ پاریس سان جێرمان بەری ڤێ یاریێ دیارکری یە ئەو دێ ب شێوەیەکێ ھێرشبەریێ یاریێ کەن و ئەو دخوازن ھەر زیکا گولەکێ توماربکەن و خوە ژ ھەردو ئەنجامێن وەکھەڤیێن د بەرژوەندیا مان ستی دا قورتالبکەن .
بریارە ل شەڤەکا دی بەرشەلۆنا ھەمبەری ئەتلەتیکو مەدرید بیت کو ئەرکێ یانا کەتەلونی یێ ب سانەھی نابیت ژبەرکو ب ئەنجامێ گولەکێ بێ بەرامبەر یانا بەرشەلۆنا دێ قارەمانیێ ب جھـ ھێلیت کو ئەڤ ئەنجامە یێ ب زحمەت نابیت بۆ یانەکا وەکو ئەتلەتیکو مەدرید ل یاریگەھا خوە کو بەرشەلۆنا نوکە د رەوشەکا خراب دا بوریت ل سێ یاریێن بوری دخولێ دا بتنێ خالەک ب دەستخوڤە ئینای یە یاریکەرێن وێ ل یاریا بوری ل گەل ریال سوسیداد ئێک ژ لاوازترین ئاست پێشکێشکرن دخولێ دا تایبەت ھەردو ستێرێن وێ یێ بەرازیلی نیمار و یێ ئەرژەنتینی لیونێل مێسی بەرامبەر راھێنەرێ ئەتلەتیکو سیمونی دیارکری یە یاریا وی یا شەڤەکا دی دێ بۆ دەربازبوونێ بیت و چو د دەستێ ئەوان دا نینە ژبلێ دورخستنا بەرشەلۆنا ژ قارەمانیێ و بەردەوامی بدەنە ھەڤرکیا قارەمانیێ .
یانا بافاری بایرن میونیخ دێ بەر ب پرتوگال ڤە چیت کو ئەوژی نەشیا ھەتارادەکی دەربازبوونا خوە مسوگەر بکەت پشتی سەرکەفتنەکا ب زحمەت ل سەر بەنفیکا تومارکری ل حەفتیا بوری کو بوجون ل رۆژنامەیێن بەرنیاس ل ئورۆپا ھاتینە دیارکرن ئەرکێ یانا بافاری شەڤەکا دی دێ گەلەک یێ ب زحمەت بیت دبیت یاری بەر ب لێدانێن پەنەلتیا بچیت ئەگەر ھاتو یانا پرتوگالی ب گولەکێ شیا سەرکەفتنێ توماربکەت .
ئەڤرۆ نیوز:
رۆژناما مارکا یا ئیسپانی نوچەیەک بەلاڤەکری یە تێدا دیارکری یە یاریکەرێ پرتوگالی و ستێرا ریال مەدرید کریستیانو رونالدۆ رێزا ئێکێ دھێت ل سەرجەم قارەمانیێن خولێن ئورۆپا ل گەل یانێن خوە خوە کو ل بەریا ھەر ئێک ژ یاریکەران ئیبراھیموڤیج یێ سویدی و یاریکەرێ یانا پاریس سان جێرمان و سوارێز یاریکەرێ بەرشەلۆنا دھێت.
رونالدو ل وەرزێ ئەڤ سالە شیا ٤٣ گولا ل سەرجەم پشکداریێن خوە ل یاریێن فەرمی یێن ریال مەدرید توماربکەت ھەر دیسان ١٥ گول بۆ ھەڤالێن خوە دروستکری نە و ئیبراھیموڤیج یاریکەرێ یانا پاریس سان جێرمان رێزا دوێ دھێت ب تومارکرنا ٣٥ گولا ھەردیسان خودانێ ١٤ چێکرنا گولایە بۆ ھە ڤالێن خوە و سوارێز یاریکەرێ بەرشەلۆنا رێزا دوێ دھێت ب ٣٤ گولان و ١٥ گول بۆ ھەڤالێن خوە بەرھەڤکری نە.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا چارشه‌مبى رێكه‌فتى 13ى نيسانا 2016ێ ئه‌سمان دێ ئه‌وره‌كێ كێم بيت و ل هنده‌ك ده‌مان دێ بيته ئه‌ورێ ته‌مام و بارانه‌كا هوور باريت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ كاتێكرنا فشاره‌كێ كو ژێده‌رێ وێ باكوورێ عيراقێ يه، بۆ سه‌ر هه‌رێما كوردستانێ دهێته پێشبينيكرن ئه‌سمان ئه‌وره‌كێ كێم بيت و ل هنده‌ك ده‌مان دێ بيته ئه‌ورێ ته‌مام و بارانه‌كا هوور باريت.
پشكا پێشبينيان دايه زايه زانين كو دێ ئاراستێ باى ژى دێ د گوهوهۆڕينێ دا بيت ب ره‌نگه‌كى د ناڤبه‌را 10 هه‌تا 20كم دا و هنده‌ك و ماوێ ديتنێ ژى دێ 8 بۆ 9كم بيت، پلێن گه‌رمێ ژى دێ د ناڤبه‌را (11 بۆ 18) پلان دا بيت.
ئەڤرۆ نیوز:
ئەندامەکا لیژنا ساخلەمیێ ل پەرلەمانێ کوردستانێ پلانەکا حوکمەتێ بۆ زێدەکرنا پارێ چارەسەریێ ل کەرتێ گشتی ئاشکرا دکەت و رادگەھینیت، ھندەک وەلاتی دنەخۆش نینن و سەرەدانا کەرتێ ساخلەمیێ دکەن، ژبەرکو پارەیەکێ رەمزی دھێتە وەرگرتن، پێشنیار ھاتیەکرن بھایێ پلێتێن نەخۆشخانا بھێتە بلندکرن.
ئاواز حەمید، ئەنداما لیژنا ساخلەمیی ل پەرلەمانێ کوردستانێ بۆ رۆژناما ئەڤرۆ گۆت “لیژنا ساخلەمی و ژینگە دگەل وەزارەتا ساخلەمی ل دۆر خزمەتگوزاریێن ساخلەمیێ ل کەرتێ گشتی کۆم بووینە و پێشنیارەک ھاتیەکرن، کو ل نەخۆشخانێن حوکمەتێ پارە ژ وەلاتیان بھێنە وەرگرتن وەکی وەلاتێن پێشکەفتی ھەمبەر ئەڤێ خزمەتا بۆ نەخۆشان دھێتەکرن، ژبەرکو ل کەرتێ گشتی چارەسەری بێ بەرامبەر وەکی پێدڤی خزمەتا نەخۆشان ناھێتەکرن و کاریگەری ھەبوویە ل سەر چارەسەرکرنا وەلاتیان، ھەتا وەلاتی ھەنە بوویە عادەتەک بۆ چارەسەریەکا زۆر ئاسایی سەرەدانا نەخۆشخانە و بنگەھێن ساخلەمیێ دکەن، رەنگە ھندەک ژ وانا ھەر نەخۆش ژی نەبن”.
ئاوازێ گۆت ژی “پێشنیار ئەوە کو پارەکێ رەمزی ژ نەخۆشان بھێتە وەرگرتن و د ھەمبەر دا پشکنینێن باش بۆ بھێنەکرن، بۆ نموونە وەلاتی ھەیە دێ چیتە نەخۆشخانێ پشکنینا گشتی کەت بێی چ نەخۆشی ھەبن، ئەڤ پشکنینە ل کەرتێ تایبەت ھەتا پێنجی ھزار دینارانە، د ھەمان دەم دا ل حوکمەتێ ب 500 دینارانە”.
ئەڤرۆ نيوز:
نوونەرێ کوردێن ئێزدی ل پەرلەمانێ کوردستانێ دیار کر کو پەکەکە بەردەوام د ناڤ کەمپان و ل سەر چیایێ شنگالێ ژی کار بۆ خاپاندنا کۆر و کچێن ئێزدی دکەت و ب زۆری دبەتە د ناڤ رێزێن خوە دا و بۆ بەرژەوەندیێن خوە بکار دئینن و دبێژیت: “بناڤێ ھاریکاریکرنا خەلکێ شنگالێ، پەکەکە باجێ ژ کوردێن ئێزدی وەردگریت، لەو جوداھی د ناڤبەرا پەکەکێ و داعشێ دا نینە، بۆ وێ زۆرداریا ل کوردێن ئێزدی دکەن”.
شێخ شامۆ، نوونەرێ کوردێن ئێزدی ل پەرلەمانێ کوردستانێ خویا ژی کر، پەکەکە و ئەوێن پشتەڤانیا وێ دکەن، بەردەوام کار بۆ تێکدانا رەوشا شنگالێ دکەن و گۆت: “بەری دەمەکی، پەکەکێ ل کەمپا چەممشکۆ یا دکەڤیتە سنوورێ قەزا زاخۆ، دو سنێلێن ژییێ وان 13 سال کو خەلکێ شنگالێ نە سەردا برینە و ب زۆری بۆ سەربازگەھێن خوە ڤەگوھاستینە، ئەڤە ژی بوویە جھێ نەرازیبوونا خەلکێ دەڤەرێ، ل دووڤ قانوونا پەکەکێ ژی، ھەردەمێ وان بڤێت ڤەگەرنە ناڤ کەسوکارێن خوە دا دێ ھێنە کۆشتن، لەو جوداھی د ناڤبەرا پەکەکێ و داعشێ دا نینە، بۆ وێ زۆرداریا ل کوردێن ئێزدی دکەن”.
گۆتژی: “پەکەکە بەردەوام د ناڤ کەمپان دا، ھەروەسا ل سەر چیایێ شنگالێ ژی کار بۆ خاپاندنا کۆر و کچێن ئێزدی دکەت و ب زۆری دبەنە ناڤ رێزێن خوە، ڤێ چەندێ ژی بۆ مەرەمێن خوە دکەن، پەکەکێ دڤێت کۆر و کچێن ئێزدی بکەڤنە چیایێن کوردستانێ و بۆ بەرژەوەندیێن خوە بکاربینن”.
شێخ شامۆ ئاماژە ب وێ چەندێ ژی کر، پەکەکە باجێ ژ کوردێن ئێزدی وەردگریت و گۆتیە خەلکی، ئەوە ب وی پارەی ھاریکاریا کوردێن ئیزدی یێن ل شنگالێ دکەن و گۆت: “ھەتا نوکە ژ بلی ئالۆزی و دوبەرەکی و تێکدانێ، پەکەکێ دینارەک ژی ھاریکاریا خەلکێ شنگالێ نەکریە”.
ئه‌ڤرۆ نيوز:
حسێن جابر ئەنساری پەیڤدارێ وەزارەتا دەرڤە یا ئیرانێ راگەھاند کو کاروانێ ئێکێ یێ موشەکێن (س ٣٠٠) یێن روسیا گەھشتنە ئیرانێ کو ئەڤ موشەکە وەک موشەکێن گەلەک پێشکەفتی نە و وەک موشەکێن بەرگیریا ئەسمانی دھێنە نیاسین و گۆت: (دەمەک درێژە ئەم چاڤەرێی گەھشتنا وان موشەکان بووین، لێ ژ بەر ھندەک ئالۆزیان و گەفێن ئەمریکا گەھشتنا وان گیرو بوو بەس نھا ئەو موشەک گەھشتنە ئیرانێ و ئەم چاڤەرێ دکەین کو د دەمەکێ کورت کاروانەکێ دی ژی بگەھیتە دەستێ مە).
پەیڤدارێ وەزارەتا دەرڤە یا ئیرانێ ئەو یەک ژی دیار کر کو گرێبەستا کرینا وان موشەکان ل سالا ٢٠٠٧ ھاتیە ئیمزا کرن و ئیرانێ پارێن وان موشەکان ژی داینە و گەھشتنا وان د دەمەکێ وەسا دا کو رەوشا رۆژھەلاتا ناڤین گەلەک ئالۆزە بۆ بەرەڤانیا وەلاتێ مە گەلەک گرنگە.
ل ئالیێ دی وەزارەتا دەرڤە یا ئەمریکا د داخۆیانیەکێ دا نەرازیبوونا خوە ل ھەمبەر ھنارتنا موشەکان بۆ ئیرانێ دیار کر و راگەھاند کو ھێشتا سزایێن ل سەر ئیرانێ ب تەمامی نەھاتنە راکرن و دڤێت روسیا پێگریێ ب رێککەڤتنا ل گەل ئیرانێ بکەت و ھنارتنا وان موشەکان بۆ ئیرانێ دێ کاریگەریەکا خراب ل سەر رەوشا دەڤەرێ بکەت، چونکو پرانیا وەلاتێن رۆژھەلاتا ناڤین ئیرانێ وەک مەترسیەکا مەزن بۆ خوە دبینن و ھەتا رەوشا دەڤەرێ ئاسایی نەبیت نابیت روسیا چەکێن وەسا بدەتە ئیرانێ.
نيشاندان