ئەڤرۆ نیوز:
یاریکەرێ فەرەنسی و یانا مانچستەر سیتی یا ئینگلیزی سەمیر نەسری د داخویانیەکا رۆژنامەڤانی دا دیارکر دەمێ یاریکەر ژ یاریگەھان دورکەفیت بێ گومان دێ کارتێکرن ل سەر ئاستێ وی ھەبیت لێ ھەر دەمێ دەلیڤەیەک بۆ پەیدابوو ئەو دێ ھەمی شیانێن خوە تەرخان کەت داکو خوە بۆ راھێنەری دیاربکەت و ئەوژی خوە ب ڤی رەنگی دبینت پشتی ماوەکی ژ یاریگەھان دورکەفتی ژبەر ھنگافتنێ و چەند ئەگەرێن ھونەری ئەو دبینت ئاستێ خوە یێ جاران جارەکا دی ڤەگەراندی یە پشتی راھێنەری جارەکا دی باوەری پێ دای.
نەسری زێدەتر بۆ رۆژناما ميرور یا برێتانی دیارکری یە ئەو یێ ئارامە ل گەل یانا خوە و ھەڤبەستا خوە نووکری یە ل گەل یانا مانچستەر چونکو ئەو یێ ئارامە و ب ھاتنا گواردیولای ژی دبینت دێ کەیفخوشتر بیت و دبینت گواردیولا یێ ب جەنسە چونکو ئەو یاریکەرێ مانچستەر سیتی یە و سالا بھێت دێ سەرپەرشتیا وی کەت ژبەرکو ئەو ستایلی یاریا گواردیولا ژێ حەزدکەت ل گەل وی گەلەک د گونجیت و دبینت دێ دەلیڤەیا کرنا یاریێ گەلەک بۆ وی ھەبیت ل گەل گواردیولای ل وەرزێ بھێت.
ھەژی گوتنێ یە سەمیر ناسری ماوەکێ درێژە ژ پێکھاتیێ یانا مانچستەر سیتی دورکەفتی ژبەر ھنگافتنێ و ھەردیسان ئەگەرێن ھونەری .
ئه‌ڤرۆ نيوز:
بەرپرسێ ژوورا پارێزەرێن شێخان راگەھاند، کو کەسەکی ب شەڤ برایێ خوە یێ مەزن کوشت ژبەر لێکڤەکرنا خانیەکی بۆ، وەسا رێککەفت بوون کو خانی بفروشن و لێکڤەکەن ھەر ئێک بەھرا خوە وەربگریت، پشتی چەند ھەیڤەکان برایێ مەزن ئەڤێ ھاتیە کوشتن لێڤە بوو، برایێ بچووک دچیتە مالا برایێ خوە یێ مەزن و چەکی لێ درەشینیت کو نێزیکی ھەشت گولان لێ دەت ئێکسەر د کوژیت.
پارێزەر ئەڤین خودێدا بەرپرسێ ژوورا پارێزەرێن شێخان بۆ رۆژناما ئەڤرۆ دیارکر کو کەسەکی ب شەڤ برایێ خوە یێ مەزن کوشت و گۆت: ژبەر لێکڤەکرنا خانیەکی بو وەسا رێککەفت بوون کو خانی فروشن و لێکڤەکەن ھەر ئێک و بەھرا خوە، پشتی چەند ھەیڤەکان برایێ مەزن ئەڤێ ھاتیە کوشتن لێڤە بوو و گۆت ئەز ل گەل ڤێ رێککەفتنێ نینم و من دڤێت ئەڤ خانیێ بمینت و کریێن وی لێکڤەکەن، گۆتژی برایێ بچووک ژی ئەڤێ تاوانیار سێ جاران گۆت بۆ برایێ خوە یێ مەزن ھەکە تو ژ رێککەفتنا مە لێڤە بی دێ تە کوژم من ژی بۆ خوە خانیەکێ کری، پاشی چوونە نک خزمەکێ خوە داکو ریێەکێ بینن ل وێرێ ژی چ ئەنجامێن خێرێ نەبوون، برایێ بچووک رادبیت دچیتە مالا خوە و چەکی دئینیت و دچیتە مالا برایێ خوە یێ مەزن و لێ درەشینیت کو نێزیکی ھەشت گولان لێ دەت و ئێکسەر د کوژیت.
زێدەتر گۆت: تاوانبار د گۆتنێن خوەدا دبێژیت ئەزێ پەشێمانم و تورە بووم وی دەمی، من گەلەک گۆتێ ژ رێککەفتنا مە لێڤە نەبە ئەو لێڤە بۆ من ژی کوشت، دادوەری بریاردا ل دووڤ قانوونا سزایێن عیراقی ل سەر مادە 405 بھێتە حوکمکرن ژبەر کاودانێن وی کو یێ تورە بۆ سزایێ وی ھەتا ھەتایی دبیت، پارێزەری ئاشکراکر ژی کو دادگەھێ ماف ھەیە سزایێ بەروەخت ب دانیتە سەر کو ھەتا 10 سالان بھێتە زیندانکرن و دبیت کێمتر ژی بیت.
ئه‌ڤرۆ نيوز:
پشتى ل ده‌سپێكرێ راگه‌هاندى كو بۆ ئه‌ڤ ساله دێ سوپرايزه‌ك بۆ پشته‌ڤانێن خو هه‌بيت، سترانبێژا لوبنانى باسكال مه‌شعه‌لانى راگه‌هاند كو دێ بۆ جه‌ژنا ره‌مه‌زانێ نووترين به‌رهه‌مێ خوه به‌لاڤ كه‌ت.
باسكال مه‌شعه‌لانى گۆت: “نوكه هه‌موو كارێن سترانا من ب ناڤێ (انت معي) ب دووماهى هاتينه و بۆ جه‌ژنا ره‌مه‌زانێ دێ به‌لاڤ بيت كو سترانه‌كا ئه‌ڤينى يه و ب ره‌نگه‌كێ ب له‌ز و پۆپ هاتيه گۆتن”.
هه‌ڤده‌م مه‌شعه‌لانى خۆشحاليا خوه ژى ده‌ربڕى ب سه‌ركه‌فتنا ئه‌لبۆنا خوه يا ب ناڤێ (راجعة) كو ل مالپه‌رێ ئه‌نغام پلا ئێكێ د ژمارا گوهداريكرنێ دا ب ده‌ست ڤه ئينايه.
ئه‌ڤرۆ نيوز:
سێ خوكوژان ئه‌ڤرۆ رۆژا دوشه‌مبى رێكه‌فتى 11ى نيسانا 2016ێ ل هه‌رێما ستاڤرۆپۆل ل رۆسيا خوه په‌قاند.
ب گۆره‌ى ئاژانسا نووچێن ئيته‌رفاكس يا رۆسى “سێ خوه‌كوژان ل هه‌رێما ستاڤرۆپۆل ل باشوورێ رۆژئاڤايێ رووسيا خوه په‌قاند” هێرش ژى بۆ سه‌ر بنگه‌هێ پۆليسان ل ده‌ڤه‌را ستراڤۆپۆل بوو.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا سێشه‌مبى رێكه‌فتى 12ى نيسانا 2016ێ ئه‌سمان دێ ئه‌وره‌كێ باراناوى بيت و ل دانێ پشتى نيڤرۆ دێ بريسى ژى هه‌بن و ب ئه‌ڤ ژى دێ بارانه‌كا هوور ل هنده‌ك ده‌ڤه‌ران هه‌بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ به‌رده‌واميا هه‌ردو فشارێن نزمێن ده‌ريا ناڤه‌راست و ده‌ريا سور بۆ سه‌ر هه‌رێما كوردستانێ دهێته پێشبينيكرن ئه‌وره‌كێ باراناوى بيت و ل دانێ پشتى نيڤرۆ دێ بريسى ژى هه‌بن و ب ئه‌ڤ ژى دێ بارانه‌كا هوور ل هنده‌ك ده‌ڤه‌ران هه‌بيت.
پشكا پێشبينيان دايه زايه زانين كو دێ ئاراستێ باى ژى دێ د گوهوهۆڕينێ دا بيت ب ره‌نگه‌كى د ناڤبه‌را 10 هه‌تا 20كم دا و هنده‌ك و ماوێ ديتنێ ژى دێ 7 بۆ 8كم بيت، پلێن گه‌رمێ ژى دێ د ناڤبه‌را (16 بۆ 19) پلان دا بيت.
ئه‌ڤرۆ نیوز،زنار تۆڤى:
سوبه‌هى رۆژا سێشه‌مبى 12/4/2016 تاقیكرنێن پۆلا 12 بۆ وه‌رزى دویێ دێ ل سه‌رانسه‌رى هه‌رێما كوردستانێ هێنه ئه‌نجامدان و هه‌تاكو رۆژا پێنجشه‌مبى 21/4/2016 ئه‌ڤ تاقیكرنه دێ دبه‌رده‌وام بن.
ناسر محه‌مه‌د سه‌عید رێڤه‌به‌رێ په‌روه‌ردا قه‌زا ئامێدیێ بۆ ئه‌ڤرۆ نیوز راگه‌هاند:سوبه‌هى رۆژا سێشه‌مبى 12 نیسانا 2016 ل سه‌رانسه‌رى قه‌زا ئامێدیێ ژ سه‌رجه‌مێ 27 ئاماده‌یان 3280 قوتابیێن پۆلا 12 دێ پشكداریێ د تاقیكرنێن وه‌رزێ دویێ دا كه‌ن ل قه‌زا ئامێدیێ و دیاركر ژى:سالا بورى 2620 قوتابیان پشكدارى دڤان تاقیكرنان دا كربوو،ئانكو ئه‌ڤ ساله 660 قوتابى ل قوناغا 12 زێده‌بووینه ل سه‌رانسه‌رى قه‌زا ئامێدیێ.
ئەڤرۆ نیوز:
یاریکەرێ کورد و کورێ باژێرێ ھەولێر مەحمود سەردار شیا رێزا ئێکێ د قارەمانیا لیموش یا تکواندویێ ل وەلاتێ فەرەنسا ب دەستخوڤە بینت د کێشیا ٦٣ کگم کو نوونەرەتیا کوردستان و عیراقێ کر د قارەمانیێ دا.
ب پشکداریا ١٢ ھەلبژارتیا ل سەر ئاستێ وەلاتێن جیھانی یاریکەرێ ھەلبژارتیێ عیراقێ مەحمود سەردار شیا رێزا ئێکێ ب دەستخوڤە بینت د داخویانیەکا رۆژنامەڤانی دا ناڤبری دیارکر ئاستێ قارەمانیا یێ باش بوو ھەڤرکیەکا باش ھەبوو دناڤبەرا یاریکەرێن پشکدار و یا ژ ھەمی گرنگتر ئەوە پشکداری د قارەمانیەکا نیڤدەولی دا کر و مفایەکێ باش ژ ڤێ قارەمانیێ دیت کو ھژمارەکا مەزن یا یاریکەران ل ئورۆپا و ئاسیا پشکداری تێدا کر بوو.
ھەژی گوتنێ یە مەحمود سەردار بەری ماوەکە پشکداری د قارەمانیا جیھانی یا تاکواندویێ دا کر بوو ل وەلاتێ ئەلمانیا و د یاریا خوە یا ئێکێ دا شیابوو سەرکەفتنێ ل سەر قارەمانێ وەلاتێ روسیا توماربکەت و ل یاریا دوێ دا ب چێاوازیا خالەکێ ل گەل قارەمانێ یونانی و ئورۆپا خوسارەت ببو نەشیابوو ئێک ژ پلێتێن دەربازبوونێ ب دەستخوڤە بینت.
ئەڤرۆ نیوز:
بەری یاریا چارەنڤێسی یا یانا بەرشەلۆنا ل گەل ئەتلەتیکو مەدرید د قارەمانیا چامپیونس لیگا ئورۆپا دا دو یاریکەرێن سەرەکی یێن یانا بەرشەلۆنا توشی ھنگافتنێ بووینە پشتی یاریا وان ل گەل ریال سوسیداد ب دووماھی ھاتی کو تێدا یانا کەتەلونی توشی خوسارەتیێ ببو ب گولەکێ.
ستاڤێ نوژدارا ل یانا بەرشەلۆنا راپورتەک پێشکێشی دەستەیا راھێنەری کری یە دبیت ھەردو یاریکەران جێرارد پێکێ و ڕافینیا ل یاریا بھێت ژ قارەمانیا ئورۆپا بەرامبەر ئەتلەتیکو مەدرید پشکداریێ نەکەن ژبەر ئەو ھنگافتنا ل یاریا بوری ل گەل ریال سوسیداد توش بووینێ .
رۆژنامەیێن نێزیک ل یانا بەرشەلۆنا دیارکری نە ژی ھەتانوکە ھنگافتنا ئەوان تەکید نەبووی یە کا دێ چەند ڤەکێشیت کو ستاڤێ نوژداری یێ یانا کەتەلونی یێ ھەمی بزاڤا کەن بۆ ب چارەسەریا ئەوان داکو ل یاریا بھێت یا چارەنڤێسی بشکداریێ ل گەل بەرشا بکەن
ئەڤرۆ نیوز:
رۆژنامەیێن نێزیک ژ یانا ریال مەدرید یا ئیسپانی دیاردکەن ھەمی یاریکەرێن یانا ریال مەدرید دێ بۆ یاریا بھێت یا رۆژا سێ شەمبیا بھێت ئامادەبن بەرامبەر ڤولڤسبورگ ژ چارچوڤێ یاریێن گەرا ھەشتێ ژ قارەمانیا یانێن ئورۆپا .
ھەمان رۆژناما دیارکری یە ژی دەلیڤەیا دەربازبوونێ بۆ راھێنەرێ فەرەنسی زەینەدین زێدان خوشتر لیێھاتی یە تایبەت پشتی ھەردو یاریکەرێن وی یێن فەرەنسی کەریم بن زیما ژ ھنگافتنێ رزگاربووین و بۆ یاریا بھێت کو راھێنەرێ یانا ریال دشێت یاریێ ب ھەردو یاریکەران بکەت.
نيشاندان