ئه‌ڤرۆ نيوز:
پشتى كو شڤێدێ ژى ليونێل مێسى نه‌شياى چ گولا دروست كه‌ت و چ گولا تومار بكه‌ت ، ئه‌ڤ چه‌نده خويا دكه‌ت كو بۆ ياريا چوارێ يه ل سه‌ر ئێك مێسى ل به‌رشه‌لونه نه‌شيايه گولان تومار بكه‌ت و چ گولان ژى به‌رهه‌ڤ بكه‌ت، ئه‌ڤ ئاماره دسه‌لمينيت كو ميسى نوكه د خرابترين ره‌وشدايه ژبه‌ر كو ل سالا 2010 وه‌ره تشتێ ب ڤى ره‌نگى بۆ ڤى ياريكه‌رى روونه‌دايه.
ئه‌ڤرۆ نيوز:
ئينانا ترومبێلان بۆ كوردستانێ، دو ساله رێژا وێ گه‌له‌ك كێم بوويه، ل سالا 2015 به‌راورد ل گه‌ل سالا 2013 ب رێژا زێده‌تر ژ 63% كێم بوويه و پێشبينى دهێـته كرن ئه‌ڤ ساله ره‌وش ژ سالا بوورى ژى خرابتر بيت.
فازل حسێن په‌يڤدارێ هاتن و چوونا هه‌ولێر دياردكه‌ت كو ئينانا ترومبێلان بۆ هه‌رێمێ كێم كريه، د سالا 2015 دا، 45 هزار و 400 ترۆمبێل هاتينه هه‌رێمێ و ل سالا 2013 دا، زێده‌ترى 138 هزار ترومبێل هاتينه كوردستانێ.
ئەڤرۆ نیوز،زنار تۆڤی:
پشتی رێکەفتن دناڤبەرا حوکمەتا هەرێمێ و وەلاتێ تورکیادا هاتیەکرن،بریارە ئەڤرۆ رۆژا ئێکشەمبی 10.4.2016 بۆجارا ئێکێ گەشتێن ئەسمانی دناڤبەرا هەولێر و ئامەدێ دا ل باکوورێ کوردستانێ دەست پێبکەن و لدووڤ وێ رێکەفتنا هاتیەکرن،هەمی رۆژێن شەمبی و ئێکشەمبی و دوشەمبی و چارشەمبی،گەشتێن ئەسمانی ژ (هەولێرێ_ئامەد_هەولێر) دێ دەست پێکەن و بهایێ هەر پلێتەکێ ژ هەولێرێ بۆ ئامەدێ 190 دۆلار هاتینە دەست نیشانکرن،ئەڤ چەندە دێ بیتە ئەگەر کو وەلاتیێن کوردستانێ بشێن ب ساناهی سەرەدانا ئامەدێ بکەن.
ئه‌ڤرۆ نيوز:
ژ ئه‌گه‌رێ كه‌تنا ئاگره‌كێ ژ ئێك ژ په‌ستگه‌هێن باشوورىض هندستانێ ب كێمى ڤه 102 كه‌سان گيانێ خوه ژ ده‌ستدا و نێزيكى 200 كه‌سێن دى ژى برينداربوون.
ژێده‌رێن ده‌نگوباسێن هندى ئاماژه ب وێ يه‌كض دكه‌ن كو ل په‌رستگه‌ها پوتينگال ل گومدێ پاراڤوور ل هه‌رێما ئه‌نجامه‌لى باشوورێ هندستانێ ئه‌ڤ ئاگره دروست بوويه و ئه‌گه‌رێن وێ ژى ڤه‌دگه‌رن بۆ وێ يه‌كێ كو ياريێن ئاگرى هاتينه هلكرن و روودان دروستبوويه.
ئەڤرۆ نیوز،ھەژار:
تیما تەپا پێ یا دھۆک ھیڤێن خوە جارەکا دی ڤەگەراندنە ڤە بۆ ھەڤرکی ل سەر ئێک ژ رێزێن ئێکێ و دوێ دخولا کوردستانێ یا پلا نایاب پشتی بەری دەمەکێ کێم شیای سەرکەفتنەکا گرنگ ل سەر یانا ھەولێرێ توماربکەت ل ل یاریگەھا وێ ب دو گولان بەرامبەر گولەکێ ژ چارچوڤێ یاریێن گەرا چارێ ژ قوناغا چار گوشا زێرینا کوردستانێ .
تیما ھەولێر ل نیڤا ئێکێ ب گولا یاریکەرێ خوە رابد خالد ل دقیقا ٤٤ پێشکەڤت و ل نیڤا دوێ پشتی چەند گوھورینا راھێنەرێ تیمێ ئاشتی موستەفا ل پێکھاتیێ تیما دھۆکێ کرین تیما دھۆک ل ڤێ نیڤێ گەلەک باشتر ھاتە دناڤ یاریێ دا و یاریکەرێن دھۆک شیان کونترولێ ل سەر یاریێ بکەن ئەو بوو ل دقیقا ٧٠ راکان عەبدولقادر گولا وەکھەڤیێ بۆ یانا دھۆک تومارکر و پشتی ڤێ گولێ ھێرشێن دھۆکێ ل سەر ھەولێر بەردەوام بوون ھەتا دقیقا ٨٩ یاریکەرێ پێگوھور ئاماد ئیسماعیل مفا ژ پاشا ھەڤالێ خوە یێ پێگھور ئەحمەد جاسم دیتی و شیای گولا دوێ بۆ تیما خوە و سەرکەفتنا ئێکێ د ڤێ قوناغێ دا توماربکەن .
ھەلویستێ خولێ یێ چار گوشا زێرین ب ڤی رەنگی یە پشتی یاریێن گەرا چارێ
پێشمەرگا ھەولێر ٨ خال
ھەولێر ٥ خال
زاخۆ ٤ خال
دھۆک ٤ خال
ئەڤرۆ نیوز:
یانا دالکورد یا سویدی کو یانەکا کوردی یە بۆ یاریا دوێ ل دیڤ ئێک نەشیا سەرکەفتنێ دخولا پلا ئێک یا سوید یا تەپا پێ دا توماربکەت پشتی ل ناڤا جەماوەر و یاریگەھا خوە دا وەکھەڤ بووی ب گولەکێ ل گەل یانا ڤابیرگوس سیویس کو دەستپێکێ یانا مێڤان ل دقیقا ٦٥ ب رێیا یاریکەرێ خوە دراگا یێ نەرویجی پێشکەڤت و بەری ب دووماھیی ھاتنا یاریێ ب چار دقیقا یاریکەرێ کورد و خەلکێ باکورێ کوردستانێ مێرکال ئایدن گولا وەکھەڤیێ بۆ یانا دالکورد تومارکر و ژ خوسارەتیەکا مسوگەر قورتالکر .
ئه‌ڤرۆ نیوز: ڤه‌ده‌ر ره‌شاڤایی:
ئه‌مریكا هۆشداری دانه گه‌شتیاران كو سه‌ره‌دانا باژارێن گه‌شتیاری یێن سته‌نبول و ئه‌نتالیایێ ل توركیا نه‌كه‌ن، ژبه‌ر هه‌بوونا گه‌فێن هێرشێن تیرۆرستی ل هه‌ردو جهان.
هه‌ر پشتی ڤێ هۆدشاریێ ئێمناهییا سته‌نبۆلێ هاتییه توند كرن و مه‌ترسییا په‌یدابوونا هێرشێن تیرۆرستی هه‌یه.
ئەڤرۆ نیوز، ھەژار مەعروف:
تیما تەپا پێ یا زاخۆ رێک نەدا یانا پێشمەرگا ھەولێرێ دەلیڤەیا خوە و رێکا خوە خوشتر لێبکەت بۆ برنا ناسناڤێ خولێ پشتی د یاریا خوە یا ئەڤرۆ دا ژ گەرا چارێ ژ قوناغا بژارە یا عیراقێ وەکھەڤ بووی ل گەل ب گولەکێ .
د نیڤا ئێکێ دا یانا پێشمەرگا ھەولێر ب گولا یاریکەرێ خوە ئەحمەد سالار پێشکەڤت بوو ب لێدانا پەنەلتی و ل نیڤا دوێ دا یاریکەرێن زاخۆ ب شێوەکێ باشتر ھاتنە دناڤ یاریگەھێ دا شیان ئاستەکێ باشتر پێشکێش بکەن و ھەر چەندە ب دەھـ یاریکەران ژی یاری کر کو ل یاریکەرێ وێ ئەمیرخان خواستی ب کارتا سور ھاتبو دورخستن، لێ شیان ئاستەکێ ھونەری بلند پێشکێش بکەن و ب رێیا یاریکەرێ خوە رێبەر محەمەد و ب ڤی ئەنجامی پێشمەرگە خالێن خوە گەھاندنە ٨ خالان و زاخۆ خالێن وێ گەھشتە چار خالان.
ئه‌ڤرۆ نیوز: ڤه‌ده‌ر ره‌شاڤایی:
ئێك ژ گرنگترین جهێن شوونواری و دیرۆكی یێ پارێزگه‌ها دهۆكێ، كو شكه‌فتا هه‌لامه‌تایه، ژ ئالیێ هنده‌ك كه‌سێن نه‌نیاس و نه‌به‌رپرسیار ڤه هاتییه تێكدان و ئالیێن په‌یوه‌ندیدار ژی هێشتا چ هه‌لوه‌ست نه‌بووینه.
ل سه‌ر چه‌ند په‌یكه‌رێن ده‌رڤه یێ شكه‌فتا هه‌لامه‌تا، ب ئالایێ كوردستانێ هاتییه بۆیاخ كرن، لێ د ئالایه‌كی دا رۆژ تێدا نینه، ئانكو بدروستی نه ئالایێ كوردستانێ یه ژی و كه‌سێ ئه‌ڤ كریاره كری بتنێ مه‌به‌ستا شێواندنێ هه‌بوویه، یان ژی نیشتمانپه‌روه‌رییا وی جهێ گومانێ یه، ژبه‌ركو گه‌له‌ك جهـ و به‌رێن ساده هه‌نه بۆ ڤێ یه‌كێ، یان دشیان ئالایه‌كێ كوردستانێ ل وی جهی ب چقینن.
وێنه هه‌ر ئه‌ڤرۆ ژ ئالیێ چه‌ند گه‌شتیارێن بیانی ڤه هاتییه گرتن و بۆ ئه‌ڤرۆ نیوز هاتینه هنارتن و حێبه‌تییا خوه ژ بێ خۆدانییا ڤان شوونواران دیار كرییه.
ل سه‌رانسه‌ری جیهانێ بویاخكرنا شوونوار و جهێن دیرۆكی ب هه‌ر به‌هانه‌كێ قه‌ده‌غه یه و شوونوار ژێده‌رێ داهاتی یه بۆ وه‌لاتان، لێ ل شوونوارێن باژارێ دهۆكێ، ل هه‌رێما كوردستانێ، هنده‌ك كه‌س هه‌تا ناڤێن ئه‌ڤیندار و بیرهاتنێن خوه ل سه‌ر شوونواران د نه‌خشینن، هه‌روه‌كی د وێنان دا دیار و ناهێته ئینكار كرن.
ئەڤرۆ نیوز:
مالپەرێ “لا ریبوبلیکا” یا ئیتالی دیارکری یانا چێلسی یا ئینگلیزی بەرھەڤیا خوە دیارکری یە ھەڤبەستەکا مەزن کو نێزیکی ٦٠ ملیون یورۆیا پێشکێشی گولکەرێ خولا ئیتالیا و یانا ناپولی گونزالو ھگواین بکەت ژ بوو ب دەستڤە ئینانا شیانێن یاریکەرێ ئەژەنتینی بۆ وەرزێ بھێت .
وێ مالپەرێ ئیتالی ئاماژە ب وێ چەندێ ژی کری یە راھێنەرێ نوو یێ یانا چێلسی یا ئینگلیزی ئەنتونیو کونتی داخوازی ژ یانا چێلسی کری یە ھەڤبەستێ ل گەل ھگواین ئیمزابکەن.
ھەژی گوتنێ یە ھگواین ٣٠ گول ژ ٣١ یاریێن ل گەل ناپولی دخولا ئیتالیا دا تومارکری نە>
نيشاندان