ئه‌ڤرۆ نیوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا دوشه‌مبى رێكه‌فتى 21ى كانوونا ئێكێ يا 2015  ئه‌سمانێ دهۆكێ دێ د ناڤبه‌را ساهياتى و ئه‌وره‌كێ كێم دا بيت و ل دانێ سپێدێ ئه‌گه‌رێ په‌يدابوونا مژه‌كا كێم يێ هه‌ى.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ هاتنا فشارێن بلندێن باكوورێ رۆژهه‌لاێ وه‌لاتێ توركيا بۆ سه‌ر هه‌رێما كوردستانێ دهێته‌ پێشبينيكرن ئه‌سمانى دهۆكێ دناڤبه‌را ساهياتى و ئه‌وره‌كێ كێم دا بيت و ل دانێ سپێدێ ئه‌گه‌رێ په‌يدابوونا مژه‌كا كێم يێ هه‌ى.

پشكا پێشبينيان دايه‌ زايه‌ زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10 كم دا و ماوێ ديتنێ ژى 8 بۆ 10 كم بيت، پلێن گه‌رمێ ژى دێ د ناڤبه‌را 3 بۆ 11 پلان دا بيت.

ئەڤرۆ نیوز
ل ژێر درووشمێ (پێکڤەژیان رێ خۆشکەرە بۆ دەولەتا کوردی) ل بن چاڤدێری و ھاریکاریا پارێزگارێ دھۆکێ، رێڤەبەریا ئەوقاف و کاروبارێن ئاینی ل پارێزگەھا دھۆکێ ب ھەڤکاری ل گەل رێڤەبەریا گشتیا رەوشەنبیری و ھونەری ل دھۆکێ دێ رۆژا ژ دایکبوونا پێغەمبەری (محەمەد) سلاڤێن خودێ ل سەر بن ساخ کەت، کو دکەڤیتە رۆژا چارشەمبی رێکەفتی 23/12/2015.
مەلا جیھاد حەسەن بێسفکی، رێڤەبەرێ ئەوقاف و کاروبارێن ئاینی ل قەزا دھۆکێ بۆ رۆژناما ئەڤرۆ دیار کر کو ئەڤ رۆژە ب گێرانا چەندین ئاھەنگا و بەرنامەکێ دارێتی کو ھاتیە دانان ل سەرانسەری پارێزگەھا دھۆکێ دێ ھێتە ساخکرن و گۆت “نڤیسارەکا فەرمی بۆ ھەموو ئەوقافان ھاتیە رەوانەکرن و ھەرئەر ئەوقافەک دشێت دەە ئاھەنگا بگێریت، ئێک ژ وان یا فەرمی بھێتە گێران، یێن دی ژی ب (محازرە) بھێنە خواندن، ھەروەسا ل قەزا دھۆکێ دێ دو ئاھەنگێن (مەرکەزی) ھێنەکرن. ئاھەنگەک بەری رۆژا ژدایکبوونا پێغەمبەری (سلاڤێت خودێ ل سەربن) و ل چەندین مزگەفتێن دی ژی دێ ئاھەنگ ھێنە گێران و ئەو ژی دێ ل بن چاڤدێریا مە بن و دێ د ھەموو یا دا پشکدار بین”.
مالک رەمەزان، رێڤەبەرێ رێڤەبەریا پەیوەندی و راگەھاندنێ ل رێڤەبەریا گشتی یا ئەوقافا پارێزگەھا دھۆکێ بۆ ئەڤرۆ ئاشکرا کر کو وان ل بەرە ئەڤ سالە چەندین کار و چالاکێن جودا ئەنجام بدەین و ل رۆژا چارشەمبی دەمژمێر سێ ئێڤاری ئاھەنگەکا ناڤەندی ل مزگەفتا مالتایێ دێ ھێتە گێران و ھاتن بۆ ھەموویانە و گۆت “ئەڤ ئاھەنگە دێ ھێنە گێران ب ھەڤکاری ل گەل رێڤەبەریا گشتی یا رەوشەنبیری و ھونەری ل دھۆکێ و لیژنەک ھاتیە پێکئینان، رۆژا سێ شەمبی رێکەفتی 22/12/2015 ئاھەنگەکا بەرفرەە ل ناڤەدا قوتابیان دێ ھێتە گێران و ل رۆژا چارشەمبی ل کۆچکا ھونەری ل قەزا زاخۆ ئاھەنگەکا بەرفرەە دێ ھێتە گێران و ئەڤ ئاھەنگە دێ ھێنە گێران ب چەندین سروودێن ئاینی و چەندین ھونەرمەند دێ پشکداریێ تێدا کەن”.
مالک رەمەزان گۆت ژی “مە ل بەر بوو ئەم ئاھەنگەکێ ل سەنگەرێن پێشمەرگەی ئەنجام بدەین، لێ ژ بەر ڤان کاودانێن نوکە پێشمەرگە تێدا مە نەڤیا ئەم بینە ئەگەر و چەکدارێن داعەش ئەڤێ رۆژێ بۆ خوە ب دەرفەت وەربگرن و ببیتە جھێ مەترسیێ، لەورا مە ئەڤ ھزرە پاشخستیە”.