ئه‌ڤرۆ نيوز:
ئه‌ڤرۆ ل ده‌مژمێر 5 و 45 ده‌قيقه ئاگر به‌ربوو مالا ماموستا عه‌بدولره‌حمان و زيان مه‌زن ل پشت خوه هێلان، رائيدێ مافپه‌روه‌ر، بێوار عه‌بدولعه‌زيز به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى بۆ ئه‌ڤرۆ نيوز گۆت: پشتى ئاگر به‌ربوويه مالا ماموستا عه‌بدولره‌حمانى هه‌ر زوو ئاگرڤه‌مراندنا باتيفا گه‌هشتنه جهێ روودانێ و ئاگر كونترول كر.
رائيدێ مافپه‌روه‌ر، بێوار عه‌بدولعه‌زيز به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى داخاز ژ هاولاتێن دکەت کو ئاگەهداری ئامیرێن کارەبێ بن بتایبەت هێتەرێن کارەبێ و سوپێن گازێ نەهێلنە هەل.
ئه‌ڤرۆ نيوز:
بزاڤا گۆران رادگه‌هينيت پشتى 12 ئوكتوبه‌ر، كو رێگرى ل سه‌رۆكێ په‌رله‌مانى هاتيه كرن كو ڤه‌گه‌ريته هه‌ولێر و وه‌زيرێن وێ حزبێ ژ حكوومه‌تێ دورخستين، چو دام و ده‌زگه‌هه‌كێ ژێر ده‌ستهه‌لاتا پارتى ديموكراتى كوردستان شه‌رعيه‌تا قانوونى، سياسى، و ديموكراسى نه‌مايه و ب ئيراده‌يا تاكره‌وى برێڤه دچن.
ئه‌ڤرۆ جڤاتا نيشتمانيا بزاڤا گۆران سه‌باره‌ت چه‌ند پرسێن سياسى، ئه‌منى، ئابوورى، و كارگێرى ب سه‌رۆكايه‌تيا عومه‌رێ سه‌يد عه‌لى كومبوو.
گۆران د راگه‌هاندنا كۆمبوونێ دا رژدى ل سه‌ر وێ يه‌كێ كريه كو پارتى ديموكراتى كوردستان ل سه‌ر سياسه‌تا خوه يا شاش يا به‌رده‌وامه كو دێ زيانه‌كا مه‌زن پروسه‌يا سياسى و ئايندێ گه‌لێ كرود گه‌هينيت.
ئه‌ڤرۆ نیوز:
سه‌رۆك بارزانى په‌یامه‌كا سوپاسیێ ئاراسته‌ى سه‌ركردایه‌تیا جڤاتا نیشتمانیا كورد ل سووریێ دكه‌ت، ئه‌ڤه‌ژى ده‌قێ وێ یه:
سلاڤه‌كا گه‌رم:
وه‌ك وه‌لاتیه‌كى كورد، زور ب وێ یه‌كێ دلخوش بووم كه كادر و ئه‌ندام و لایه‌نگر و حه‌زژێكه‌رێن هه‌وه ب گه‌رمى رۆژا ئالایێ كوردستانێ بلند ڕاگرتى، جهێ ده‌ستخوشیێ یه كو سه‌ره‌راى بزاڤێن هنده‌كان لایه‌نان ب ناڤ كورد بۆ رێگریكرن ل بلند راگرتنا ئالا، هه‌وه نه‌هێلا ئالایێ كوردستانێ بكه‌ڤیت و ب بلندى مایه‌ڤه، سوپاسیا هه‌وه دكه‌م.
ره‌فتارا وان لایه‌نان ل دژى كوردان، جهێ شه‌رمزاریێ یه و د راستیدا داگیركه‌ران ژى ئه‌و كاره نه‌كریه ئه‌وا ئه‌و لایه‌ن ده‌رحه‌ق ئالایێ كوردستانێ دكه‌ن و دووماهى جار ژى شه‌رمزارى و په‌شێمانى دێ بۆ مینیت.
ئه‌ڤرۆ نیوز:
رۆژا ئه‌ینى بشار ئه‌سه‌د سه‌رۆكێ سووریا ژ نشكه‌كێ ڤه، سه‌ره‌دانا كه‌نیسه‌كێ دا ل دیمه‌شقا پایته‌ختێ سووریا، بۆ دیتنا به‌رهه‌ڤیێن دهێته كرن بۆ جه‌ژنا سه‌رێ سالێ، لێ نه‌رازیبوونا ل سه‌ر تورێن فێسبوكێ دیاربووى ئه‌و بوو كو خه‌لكه‌كێ ب گه‌رمى پێشوازى لێ كرى و وێنێن سێلفى ل گه‌ل وى و هه‌ڤژینا وى گرتین.
ئه‌ڤرۆ نيوز:
ئه‌وا هوون د ڤى وێنه‌ى دا دبينن پێشمه‌رگه‌كێ خوبه‌خشه كو ل رێزێن پێشمه‌رگه‌يێ كوردستانێ شه‌رێ داعش دكه‌ت و به‌ره‌ڤانێ ژ ئاخا كوردستانێ دكه‌ت.
ئه‌ڤ پێشمه‌رگێ خوبه‌خش ناڤێ وى هێمنه ژ عه‌شيره‌تا هه‌ركيا، د هێرشا ڤێ دووماهيێ يا داعش بۆ سه‌ر ميحوه‌رێ خازر، پشتى كو ب گولله‌يه‌كێ بريندار دبيت، به‌لێ چه‌كداره‌كێ داعش كو شه‌رى ڤى پێشمه‌رگه‌ى دكر، فيشه‌ك ڤێ نامينن و ژ نێزيك دخوازيت ب چه‌قويێ خوه نێزيكى پێشمه‌رگه‌ى بكه‌ت و سه‌رێ وێ ببريت، پشتى خوه ل پێشمه‌رگه‌ى داى، پێشمه‌رگێ قاره‌مان هێمنى ده‌ست و تلێن وى و ئيرادا وى بۆ به‌ره‌ڤانيكرن ژ كه‌رامه‌تا نه‌ته‌وا كورد ژ چه‌قووتا چه‌ته‌يێ داعش بهێزتربوو و ئه‌و چه‌كدارێ داعشێ چه‌په‌ل ل ئه‌ردى دا، و ب فيشه‌كه‌كێ داعشێ چه‌په‌ل كوشت.
ژێده‌ر: په‌پامنێر
ئه‌ڤرۆ نیوز:
ئاشتۆن كارته‌ر وه‌زیرێ به‌ره‌ڤانییا ئه‌مریكا خویاكر كو وه‌سا دیاره د هێرشه‌كا ئاسمانییا فرۆكێن شه‌ركه‌رێن ئه‌مریكا دا ل نێزیك باژێرێ فه‌لوجه ل ئیراقێ ب شاشی ڤه چه‌ند سه‌ربازێن ئیراقی هاتینه كوشتن.
وه‌یرێ به‌ره‌ڤانییا ئیراقێ خالد عوبێدی به‌رییا وه‌خت راگه‌هاند بوو كو 9 سه‌ربازێن ئیراقی د هێرشه‌كا ئاسمانییا ئه‌مریكی دا هاتینه كوشتن، ئه‌ڤ روودانه دده‌مه‌كی دا په‌یدا بوو لده‌مێ ژبه‌ر تێكچوونا سه‌قای هه‌لیكوپته‌رێن سه‌ربازیێن ئیراقی نه‌شیای بفرن و فرۆكێن ئه‌مریكی پشته‌ڤانییا ئۆپه‌راسیۆنه‌كا سۆپایێ ئیراقێ ل دژی داعش ل نێزیك باژێرێ فه‌لوجه كرى.
ئاشتۆن كارته‌ر ژ ئالیێ خوه‌ڤه دوپاتكر كو وی دپه‌یوه‌ندییه‌كێ دا دگه‌ل حه‌یده‌ر عه‌بادی سه‌رۆك وه‌زیرێن ئیراقێ هه‌ڤخه‌مییا خوه ده‌ربرییه و هه‌ردو ئالی هه‌ڤبوچوون بووینه كو ئه‌ڤه روودانه بشاشی ڤه دروسبوویه و ل ده‌مێ دو ئالی مل بمل شه‌ری دكه‌ن روودانێن بڤی شێوه‌ی هنده‌ك جار په‌یدا دبن.
ئه‌ڤرۆ نيوز:
وه‌زيرێ به‌ره‌ڤانيا عيراقێ راگه‌هاند كو ب تنێ 17% ژ ئاخا عيراقێ دده‌ست چه‌كدارێن داعش دا مايه و سالێ بهێت ب تمامى دێ ده‌ڤه‌رێن ژێر ده‌ستێ داعش هێنه رزگاركرن.
خالد عوبێد وه‌زيرێ به‌ره‌ڤانيا عيراقێ د كۆنفرانسه‌كێ رۆژنامه‌ڤانى دا راگه‌هاند: 600 مليون دولار د ئوپه‌راسيونێن سالا بوورى دا ل دژى داعش هاتينه مه‌زاختن.
خالد عوبێد وه‌زيرێ به‌ره‌ڤانيا عيراقێ ئاماژه ب وێ يه‌كێ كرژى كو داعش ب تنێ 40% ئاخا عيراقێ كونترول كربوو، به‌لێ نوكه ب تنێ سه‌دێ 17 ژ ئاخا عيراقێ دده‌ستىێ وێ دا مايه.
ئه‌ڤرۆ نيوز:
د به‌رده‌واميا پروسا به‌لاڤكرنا موچان دا، وه‌زاره‌تا دارايى و ئابوورى يا حكومه‌تا هه‌رێما كوردستانێ ژناڤێ به‌لاڤكرنا مووچێ هه‌يڤا 9 يێ وه‌زاره‌تا پێشمه‌رگه‌ى راگه‌هاند.
وه‌زاره‌تا دارايى و ئابوورى يا حكومه‌تا هه‌رێما كوردستانێ راگه‌هانديه كو رۆژا دوشه‌مبيا بهێت، 21 هه‌يڤا 12 دێ مووچێ هه‌يڤا 9 يێ وه‌زاره‌تا كاروبارێن پێشمه‌رگه‌ى هێته به‌لاڤكرن.
نيشاندان