ئه‌ڤرۆ نيو:
فه‌رمانده‌يا پرۆسێن له‌شكرى يێن هه‌ڤپشكێن عيراقێ كونترۆلكرنا ناڤه‌ندا قه‌زا هيت راگه‌هاند: ئاماژه ب وێ چه‌ندێ ژى دكه‌ت، پرۆسا له‌شكرى ل وێ ده‌ڤه‌رێ يا به‌رده‌وام بيت.
راگه‌هاندنا له‌شكرى يا سوپايێ ناڤبرى رزگاركرنا ناڤه‌ندا سه‌نته‌رێ هيت راگه‌هاند و دا زانين كو ئه‌و دێ د به‌رده‌وام بن ل سه‌ر رزگاركرنا وان ده‌ڤه‌رێن كه‌فتينه بن ده‌ستێ داعش.
ئه‌ڤرۆ نيوز:
پشتى بۆرينا ساله‌كێ ل سه‌ر راگه‌هاندنا كوشتنا عزه‌ت ئيبراهيم دورى، جێگرێ به‌رێ يێ سه‌دام حسێن د گرته‌يه‌كا ڤيديوى دا ده‌ركه‌فته ڤه.
ئه‌ڤرۆ نيوز:
د سه‌ره‌دانه‌كا چاڤه‌رێكرى دا، جون كيرى وه‌زيرێ ژ ده‌رڤه يێ ئه‌مريكا گه‌هشته به‌غدا و بڕياره ل گه‌ل مه‌زنه به‌رپرسێن عيراقى كوم بيت.
پێشتر ئه‌حمه‌د جه‌مال، ئاخفتنكه‌رێ ب ناڤێ وه‌زاره‌تا ژ ده‌رڤه يا عيراقێ راگه‌هاند بوو كو ئه‌ڤرۆ رۆژا ئه‌ينى جون كيرى وه‌زيرێ ژ ده‌رڤه يێ ئه‌مريكا دێ سه‌ره‌دانا عيراقێ كه‌ت.
دابوو زانين ژى كو د سه‌ره‌دانا خوه دا، جون كيرى دێ ل گه‌ل ژماره‌كا مه‌زنه به‌رپرسێن عيراقى كۆم بيت و دووماهى پێشهاتێن شه‌رێ داعش و چه‌ندين پرسێن دى گه‌نگه‌شه كه‌ت.
بڕياره ئه‌ڤرۆ شاندێ هه‌رێما كوردستانێ ژى ب سه‌رۆكاتيا نێچيرڤان بارزانى بگه‌هيته به‌غدا ژ بوو دانوستاندنێ د ناڤبه‌را كێشێن هه‌ردولا و حوكمه‌تا ته‌كنوكرات دا، جون كيرى ژى دێ وه‌كو ناڤه‌ندگێرى ئاماده‌ى كۆمبوونێ بيت.
ئەڤرۆ نیوز:
رۆژناما بەرنیاس یا برێتانی دیلی میرو دیارکری یە دبیت ل ڤەگوھاستنێن یاریکەران یێن ھاڤینا بھێت سەرکێشا خولا ئنگلتەرا یانا لیستەرستی دو ستێرێن خوە ژ دەست بدەت پشتی وی ئاستێ بلند یێ ھەردو یاریکەران ل وەرزێ ئەڤ سالە پێشکێشکری ل گەل یانا خوە دخولا ئینگلتەرا دا .
وێ رۆژنامێ دیارکری یە ژی ئەو ھەردو یاریکەرێن دبیت یانا لیستەر ژ دەست بدەت ئەوژی ھەر ئێک ژ ریاز مەحرز یێ جەزائیری و ئەنگولو کاونتی یێ فەرەنسی یە و بھایێ فروتنا ستێرا جەزائیری و یانا لیستەر گەھشتی یە ٣٠ ملیون یورویا کو سێ یانە ھەڤرکیا ئێک کەن بۆ ب دەستڤە ئینانا ڤی یاریکەری ئەوژی ھەر ئێک ژ بەرشەلۆنا ئیسپانی و توتنھام و مانچستەر یوناید یێن ئینگلیزی کو بەرشەلۆنا بەری نوکە ژی بەرھەڤیا خوە دیارکری یە بۆ ئیمزاکرنا ھەڤبەستێ ل گەل مەحروزی .
ژلایەکێ دیڤە ھەر ئێک ژ یانێن توتنھام و مانچستەر سیتی و چێلسی ھەڤرکیەکا دژوار ل گەل ئێک کەن بۆ ب دەستڤە ئینانا یاریکەرێ ھەلبژارتیێ فەرەنسا کاونتی .
ئه‌ڤرۆ نيوز:
ژ ئه‌گه‌رێن گه‌نده‌ليێ و سپيكرنا پاره‌ى بڕيارا ده‌سته‌سه‌ركرنێ بۆ پارێزگارێ نه‌ينه‌وا ژ لايێ دادگه‌هێ ڤه ده‌ركه‌فتيه.
ب گۆره‌ى نڤيساره‌كا جڤاتا بلندا دادگه‌هان، دادگه‌ها تاوانێن تايبه‌ت ب ده‌سپاكيێ و تاوانێن ئابوورى و پاره سپيكرنێ، فه‌رمانا گرتنێ بۆ تۆمه‌تبار “ئه‌سيل عه‌بدولعه‌زيز نوجه‌يفى” پارێزگارێ به‌رێ يێ نه‌ينه‌وا ده‌ركه‌فتيه.
نڤيسار كو ل 27ى ئادارا 2016ێ ل ژێر ناڤێ ئاگه‌هداركرنا كه‌سانێن په‌يوه‌نديدار ده‌ركه‌فتيه و بۆ ده‌سته‌يا ده‌ستپاكيێ/ رێڤه‌به‌ريا ڤه‌كولينان ل به‌غدا ره‌ه‌وانه كريه.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا شه‌مبى رێكه‌فتى 9ى نيسانا 2016ێ ئه‌سمان دێ ساهى بيت، پاشان دێ بۆ ئه‌ورێن ته‌مام هێته گوهۆڕين و ل دره‌نگى شه‌ڤ ئه‌گه‌رێن بارانه‌كا هوور ل هنده‌ك ده‌ڤه‌ران هه‌يه.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ لاوازبوونا فشارێن بلندێن وه‌لاتێ توركيا و هاتن و كاريگه‌ريا فشارێن نزمێن رۆژهه‌لاێ ده‌ريا سپى بۆ سه‌ر هه‌رێما كوردستانێ دهێته پێشبينيكرن ئه‌سمان ساهى بيت پاشان دێ بۆ ئه‌ورێن ته‌مام هێته گوهۆڕين و ل دره‌نگى شه‌ڤ ئه‌گه‌رێن بارانه‌كا هوور ل هنده‌ك ده‌ڤه‌ران هه‌يه.
پشكا پێشبينيان دايه زايه زانين كو دێ ئاراستێ باى ژى دێ د گوهوهۆڕينێ دا بيت ب ره‌نگه‌كى د ناڤبه‌را 10 هه‌تا 20كم دا و هنده‌ك و ماوێ ديتنێ ژى دێ 8 بۆ 10كم بيت، پلێن گه‌رمێ ژى دێ د ناڤبه‌را (15 بۆ 29) پلان دا بيت.
ئه‌ڤرۆ نيوز:
بڕياره ئه‌ڤرۆ رۆژا ئه‌ينى رێكه‌فتى 8ى نيسانا 2016ێ جون كيرى وه‌زيرێ ژ ده‌رڤه يێ ئه‌مريكا سه‌ره‌دانا عيراقێ بكه‌ت.
ئه‌حمه‌د جه‌مال، ئاخفتنكه‌رێ ب ناڤێ وه‌زاره‌تا ژ ده‌رڤه يا عيراقێ راگه‌هاند كو بڕياره ئه‌ڤرۆ رۆژا ئه‌ينى جون كيرى وه‌زيرێ ژ ده‌رڤه يێ ئه‌مريكا سه‌ره‌دانا عيراقێ بكه‌ت.
دا زانين ژى كو د سه‌ره‌دانا خوه دا، جون كيرى دێ ل گه‌ل ژماره‌كا مه‌زنه به‌رپرسێن عيراقى كۆم بيت و دووماهى پێشهاتێن شه‌رێ داعش و چه‌ندين پرسێن دى گه‌نگه‌شه كه‌ت.
بڕياره ئه‌ڤرۆ شاندێ هه‌رێما كوردستانێ ژى ب سه‌رۆكاتيا نێچيرڤان بارزانى بگه‌هيته به‌غدا ژ بوو دانوستاندنێ د ناڤبه‌را كێشێن هه‌ردولا و حوكمه‌تا ته‌كنوكرات دا، جون كيرى ژى دێ وه‌كو ناڤه‌ندگێرى ئاماده‌ى كۆمبوونێ بيت.
ئه‌ڤرۆ نيوز:
بڕياره ڤێ جارێ كۆمبوونا شاندێ هه‌رێما كوردستانێ ل گه‌ل به‌غدا ب ناڤگيريا ئه‌مريكا بيت و بۆ ڤێ مه‌ره‌مێ ژى جون كيرى ئه‌ڤرۆ دێ گه‌هيته به‌غدا.
وه‌كو هاتيه زانين بڕياره ئه‌ڤرۆ شاندێ هه‌رێما كوردستانێ ب سه‌رۆكاتيا نێچيرڤان بارزانى سه‌رۆكێ حوكمه‌تا هه‌رێما كوردستانێ بچيته به‌غدا و يا هه‌ڤده‌مه ل گه‌ل گه‌ل گه‌هشتنا جون كيرى وه‌زيرێ ژ ده‌رڤه يێ ئه‌مريكا.
د روونشتنا ڤێ جارێ يا هه‌رێمێ و عيراقێ ئه‌مريكا دێ ناڤه‌ندگيريێ كه‌ت، به‌لێ دهێته پێشبينيكرن هه‌ر ئێك ژ نه‌ته‌وێن ئێكگرتى و وه‌لاتێ ئيرانێ ژى ئاخفتنا خوه د ڤى بابه‌تى دا هه‌بيت ژ به‌ر هه‌بوونا وان يا ب هێز ل ده‌ڤه‌رێ و ب تايبه‌ت وه‌لاتێ ئيرانێ يێ كو بزاڤێ دكه‌ت عيراقه‌كا شيعى دروست بكه‌ت.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 7ى نيسانا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1275 |
| 1 يۆرۆيێ ئه‌ورۆپى | 1440 |
| 1 ليرێ توركى | 440 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
نيشاندان
