ئه‌ڤرۆ نیوز:
نووترين نووچه
- نێچیرڤان بارزانی دوپاتیێ ل بهێزكرنا پێكڤەژیانا ئاشتییانە د ناڤبەرا هەموو پێكهاتەیاندا دكەت
- د. شێرزاد زەكەریا: توركیا و پەكەكێ بۆ ئاشتیێ پێدڤی ب هاریكاریا سەرۆك بارزانی هەیە
- باسكێ سەدری: پشكدارییێ د وێ حوكمەتەكێ دا ناكەین یا کو چارچۆڤەیێ هەماهەنگیێ تێدا بیت
- سەرۆك بارزانی و سەرۆكێ باسكێ (غەد) یێ سووری رەوشا سیاسی و ئەمنی یا دەڤەرێ گەنگەشەكر
- نێچیرڤان بارزانی و بالیۆزێ بریتانیایێ پەیوەندیێن دوقۆلی گەنگەشەكرن
- مەسرور بارزانی: گرنگە حوكمەتەكا ب هێز و ئێكگرتی و خزمەتگوزار بهێتە پێكئینان
- سەرۆكێ حوكمەتا هەرێمێ دوپاتیێ ل دابینكرنا مافێن كوردێن سووریێ دكەت
- د. ڤیان سەبری: هەكە بەغدا پێگیری رێككەفتنا ل گەل هەرێمێ ببیت، ئێدی گرفتا مووچەی دروست نابیت
- هەولێر و بەغدا ل دۆر هنارتنا پەترۆلا هەرێما كوردستانێ رێككەفتن
- بافل تالەبانی ل بەغدا بزاڤێن مەسرور بارزانی سەبارەت پڕۆژەیێ (هەژمارا من) بلند هەلسەنگاندن
سهرهكى Twitter
رۆژانێن ئه‌ده‌بیاتێ ل ئاكرێ دێ ده‌ست پێ كه‌ن
ئه‌ڤرۆ نیۆز، رێوار مزیرى:
رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ، رێڤه‌به‌ریا چالاكیێن وێژه‌یى ل دهۆكێ ب هه‌ڤكارى ل گه‌ل رێڤه‌به‌ریا ره‌وشه‌نبیرى و هونه‌رى ل ئاكرێ و بزاڤا ره‌وشه‌نبیرى ل ئاكرێ دێ رۆژانێن ئه‌ده‌بیاتێ ل رۆژێن 15-16/12/2015 ل ده‌مژمێر 3 ێ ئێڤارى ل هۆلا بزاڤا ره‌وشه‌نبیرى ل ئاكرێ گێریت.
هه‌لگۆر قه‌هار، رێڤه‌به‌رێ چالاكیێن وێژه‌یى ل دهۆكێ بۆ ئه‌ڤرۆ نیۆز ئاشكرا كر كو ئێك ژ ئارمانجێن رێڤه‌به‌ریا وان ئه‌وه كو چالاكى ژ ناڤ سه‌نته‌رێ باژێرێ دهۆكێ بۆ قه‌زا و ناحیێن سه‌ر ب پارێزگه‌ها دهۆكێ ڤه بهێنه ڤه‌گۆهاستن ژبه‌ر ڤێ چه‌ندێ وان ب فه‌ر دیت ڤان رۆژانێن ئه‌ده‌بیاتێ ل قه‌زا ئاكرێ ب گێرن، چونكو ب دیتنا ناڤهاتى ئاكرێ قه‌زایه‌كا زه‌نگینه د وارێ كه‌لتۆرى دا و گۆت: ” د رۆژا ئێكێ یا ڤێ چالاكى یێ دا و د په‌نه‌لێ ئێكێ دا دێ چه‌ندین په‌یڤ هێنه خواندن و فلمه‌كێ دیكیومێنتى ل سه‌ر ژیانا هونه‌رمه‌ند و ئاوازدانه‌رێ سترانێن نه‌ته‌وایه‌تى یێن هونه‌رمه‌ند ئه‌رده‌وان زاخویى (عیماد ئاكره‌یى) هێته نیشادان و پاش چه‌ندین ستران ژ ئاوازێن (عیماد ئاكره‌یى) دێ ژ لایێ هونه‌رمه‌ند (فه‌رامه‌رز ئاكره‌یى) ڤه هێنه گۆتن و د په‌نه‌لێ دویێ یێ رۆژا ئێكێ دا دێ كۆنسێرته‌كا هه‌لبه‌ست خواندنێ بۆ هه‌لبه‌ستڤا (كه‌مال ره‌مه‌زان) هێته گێران و پاش ناڤهاتى دێ هێته رێزلێنان”.
ناڤهاتى ئاماژه دا وێ چه‌ندێ ژى كو د رۆژا دویێ یا رۆژانێن ئه‌ده‌بیاتێ دا و د په‌نه‌لێ ئێكێ دا ره‌وشا ئه‌ده‌بیاتێ ل ده‌ڤه‌را ئاكرێ دێ ژ لایێ (مسته‌فا سه‌لیم) ڤه هێته به‌حسكرن و گۆت: ” د په‌نه‌لێ دویێ یێ ڤێ رۆژێ دا كۆنسێرته‌كا هه‌لبه‌ست خزاندنێ بۆ هه‌لبه‌ستڤان (ئه‌لند ئاكره‌یى) دێ هێته گێران و پاش ناڤبرى دێ هێته رێزلێنان و دهه‌مان رۆژ و په‌نه‌ل دا چه‌ندین هه‌لبه‌ستێن هه‌لبه‌ستڤان (ئه‌لند ئاكره‌یى) ئه‌وێن بووینه ستران دێ ژ لایێ هونه‌رمه‌ند (فه‌رهاد ئاكره‌یى) ڤه هێنه گۆتن.
داخویانیا پارێزگه‌ها دهۆك ل دۆر قه‌یرانا پانزینێ
ئه‌ڤرۆ نیوز:
پشتی ل ده‌مژمێر 2 نیڤرۆ یا ئه‌ڤرۆ دەرگەھێ سنوری یێ ئیبراھیم هاتیه گرتن، خەلکی پارێزگەھا دھوکێ قەستا پانزینخانا کریە و ل گه‌له‌ك پانزینخانان پتر ژ ده‌مژمێره‌كێ شوفێر ل به‌ندا وه‌گرتنا پانزینێ بووینه ژ ترسێن سەرھلدانا قەیرانا پانزینێ.
د ڤى بیاڤى دا عەبدولسەمەد کوچەر ، سەروکێ لژنا سوتەمەنی و پێشەسازی ل ئەنجومەنێ پارێزگەھا دھوکێ ل په‌یجێ خوه یێ فێسبوكێ راگەھاند: خەلکێ پارێزگەھا دھوکێ پشت راست دکەین کو ھیچ قەیرانەک رونادەت ژبەر کو ئەڤە دوو ھەیڤە پانزینا پارێزگەھا دھوکێ ژ ھەولێری و ئیرانێ دھێتە دابین کرن.
داعشه‌كێ سه‌ربرێ 5 پێشمه‌رگه‌یان هاته ده‌سته‌سه‌ركرن
ئه‌ڤرۆ نیوز:
تیرۆرسته‌كێ داعش كو ده‌ست د سه‌ربرینا 5 پێشمه‌رگه‌یێن دیل دا ل حه‌ویجه هه‌بوو ژ ئالیێ ئاژانسا پاراستن و زانیاریێ یا هه‌رێما كوردستانێ ڤه هاته ده‌سته‌سه‌ركرن.
ئاژانسا پاراستن و زانیاریێ یا هه‌رێما كوردستانێ وه‌سا به‌لاڤكرییه كو ئه‌ڤ تیرۆرسته یێ بناڤێ (عه‌لی قه‌حتان عه‌بدولوه‌هاب مه‌حمود عوبه‌یدی) دئۆپه‌راسیۆنه‌كا وان دا هاتیه ده‌سته‌سه‌ركرن و دانپێدانكرییه كو ئه‌و هه‌ڤالێ تیرۆرست مه‌لا شوان بوویه و جهێ باوه‌ریا وی بوویه و بفه‌رمانا مه‌لا شوان وی 5 پێشمه‌رگه سه‌ربرینه.
ئه‌ڤ تیرۆرسته به‌ری ببیته داعش دگه‌ل رێكخستیا تیرۆریا ئه‌لقاعیده دابوو و ده‌ست د كوشتنا چه‌ندین كه‌سان دا هه‌بوو، بۆ ئه‌نجامدانا ل سێداره‌دانان دا خۆله‌كا 24 ده‌مژمێری ژ ئالیێ داعش وه‌رگرتبوو.
مامۆستایێ فره‌نسی گۆتنا هێرشا پشته‌ڤانه‌كێ داعش بۆ سه‌ر وی ژ ده‌ڤ خوه چێكرییه
ئه‌ڤرۆ نیوز:
ئه‌و مامۆستایێ ئه‌ڤرۆ ل پاریسێ گۆتی پشته‌ڤانه‌كێ داعش ب كێرێ هێرش كرییه سه‌ر وی و دگه‌ل هێرشێ گۆتییه “ئه‌ڤه بۆ داعشه”، دانپێدانكر كو وی دره‌و كرییه و ئه‌ڤ چیرۆكه ل ده‌ڤ خوه چێكرییه.
پشتی ئه‌و مامۆستا ب برینێن سڤك بۆ نه‌خۆشخانێ هاتیه هنارتن ناڤهاتی وه‌سا خویاكر بوو كو كه‌سه‌كی ئه‌و دایه به‌ر كێران و دگه‌ل هێرشێ گۆتییه ئه‌ڤه بۆ داعشه و ره‌ڤییه، لێ پشتی ده‌مژمێره‌كێ ل نه‌خۆشخانێ مای دانپێدانكر كو وی راستی نه‌گۆتیه و ئه‌ڤ روودانه ژ ده‌ڤ خوه چێكرییه.
پۆلیسێن فره‌نسی ده‌ست ب دووڤچوونێ كرییه بۆ زانینا وێ یه‌كێ مامۆستای چاوا خوه بریندار كرییه و بۆچی ئه‌ڤ چیرۆكه ژ ده‌ڤ خوه چێكرییه.
ئۆباما: نها پتر ژ هه‌ر ده‌مه‌كێ دی ئه‌مریكا توندتر ل داعش دده‌ت
د به‌رهنگاربوونا قه‌ده‌غه‌یا هاتنوچوونێ دا ل باكۆرێ كوردستانێ 7 كه‌سان گیانێ خوه ژ ده‌ست دا
ئه‌ڤرۆ نیوز:
پشتی حكومه‌تا توركیا قه‌ده‌غه‌كرنا هاتنوچوونێ ل چه‌ندین باژێرێن كوردستانێ ژ وان ژی باژێرێ جزیرێ، سلۆپی، سوور و كه‌ربۆران 7 كه‌سێن كورد گیانێ خوه ژ ده‌ست دا.
به‌رپرسێن نه‌خۆشحانا ئامه‌دێ خویاكر كو ل باژێرێ ئامه‌دێ دو كه‌سێن سڤیل د خوه‌نیشاندانێن دژی قه‌ده‌غه‌كرنا هاتنوچوونێ گیانێ خوه ژ ده‌ست دایه.
ل ناوچا كه‌ربۆران ل مێردینێ 5 شه‌رڤانێن كورد د شه‌ر و په‌ڤچوونان دا دگه‌ل له‌شكه‌رێ توركیا گیانێ خوه ژ ده‌ست دا.
پشتی په‌رله‌مانتارێن هه‌ده‌پێ خوه‌نیشاندان ل ئامه‌دێ لدژی قه‌ده‌غه‌كرنا هاتنوچوونێ كری ب گازا روندك رێژ و ئاڤا خورت ژ ئالیێ هێزێن ئێمناهیێ ڤه به‌رسڤا وان هاته دان.
هه‌ر ژ ئه‌گه‌رێ بزاڤێن له‌شكه‌رێ توركیا ل سلۆپی ده‌رگه‌هێ سنۆریێ ئیبراهیم خه‌لیل دناڤبه‌را هه‌رێما كوردستانێ و باكۆرێ كوردستانێ هاته داخستن.
ژ ئالیێ خوه‌ڤه په‌كه‌كێ ئاشكرا كر كو هێزێن وان ل ناوچا بسمیلێ ل ئامه‌دێ و ل نسێبینێ ل مێردینێ 10 سه‌رباز و پۆلیسێن تورك كوشتینه.
ئه‌میره‌ك و سێ چه‌كدارێن داعش هاتنه كوشتن
ئه‌ڤرۆ نیۆز، قائید میرۆ
ژ ئه‌گه‌رێ بوردۆمانا فڕۆكه‌یێن هه‌ڤپه‌یمانان ل قه‌زا تلكێف چوار چه‌كدارێن داعش كو ئێك ب پله‌یا ئه‌میره هاتنه كوشتن.
غه‌یاس سورچی، په‌یڤدارێ مه‌لبه‌ندێ نه‌ینه‌وا یێ ئێكه‌تیێ ب ئه‌ڤرۆ نیۆز راگه‌هاند” ئه‌ڤرۆ فڕۆكه‌یێن هه‌ڤپه‌یمانان كاروانه‌كێ ترۆمبێلێن داعش ل تاخێ عه‌ره‌بی یێ قه‌زا تلكێف كره ئارمانج و د ئه‌نجامدا هژماره‌ك چه‌كدارێن داعش هاتنه كوشتن.
سورچی گۆتژی” ب ئه‌گه‌رێ بوردۆمانێ چوار چه‌كدار هاتینه كوشتن، كو ئه‌میره‌ك دناڤدایه و سێ ترۆمبێل ژی بته‌مامی هاتینه ژناڤبرن.
ته‌رمێ كۆچبه‌رێن ئێزدى دێ بۆ كوردستانێ هێنه ڤه‌گوهاستن
ئه‌ڤرۆ : كاروان باعه‌درى :
نڤیسینگه‌ها سه‌رۆكێ حكومه‌تا هه‌رێمێ كوردستانێ ئاشكه‌را كر : دێ ته‌رمێن كۆچبه‌رێن كوردێن ئێزدى یێن دده‌ریا ئیجه دا خه‌ندقین دێ بۆ هه‌رێما كوردستانێ ئێنه ڤه گوهاستن .
ل گۆره‌ى راگه‌هاندنا قایمقامیا شنگالێ دیاركریه :قایمقامێ شنگالێ ( مه‌حمه خه‌لیل ) په‌یوه‌ندى ب نڤیسینگه‌ها نێچیرڤان بارزانى و وه‌زیرێ ده‌رڤه و بالیوزێ عیراقێ ل یۆنانێ كریه و رازیبوونا وان ب ده‌ست ئێخستیه بۆ ڤه‌گوهاستنا ته‌رمێن كۆچبه‌رێن كوردێن ئێزدى یێن دده‌ریا ئیجه دا خه‌ندقین .
ته‌رمێ كۆچبه‌ران دێ بۆ ئه‌سینا پایته‌ختێ یۆنانێ و پشتى هینگى بۆ هه‌ولیرێ ئێنه ڤه‌گوهاستن .
گۆڕانێ دڤێت وه‌لاتى به‌ر ب ملیشیاگه‌ریێ ببه‌ت
ئه‌ڤرۆ نيوز :
په‌یڤدارێ جڤاتا سه‌ركرداتیا پارتى دیمۆكراتى كوردستان ل سلێمانیێ راگه‌هاند باله‌كێ ناڤ گۆڕان پرۆپاگندا دروستكرنا هێزه‌كا چه‌كدار بۆ گۆڕان دكه‌ن و ب كریار ژى خه‌مێ ژێ دخون، چونكو وان پێخۆشه هێز هه‌بیت و هه‌م ژى دێ كه‌نه كارتا فشارێ.
فارس نه‌ورۆلى ئاشكرا ژى كر كو دروستكرنا هێزه‌كا ب ڤى ره‌نگى، ژ روویێ ستراتیجى سیاسى ڤه گه‌له‌كا نه‌به‌رئاقله، چونكو كورد یێن چووینه قوناغه‌كا نوو، ئه‌ڤ پێنگاڤا گۆڕان پاشڤه زڤڕینه بۆ خالا سفر و وه‌لاتى به‌ر ب ملیشیاگه‌ریێ دبه‌ت و گۆت:(گۆڕان گه‌له‌ك پرۆپاگندا دیۆكراسیێ و فشارا راگه‌هاندنێ و پێنگاڤێن مه‌ده‌نى دكر، ئه‌رێ خێره نوكه دڤێت هێزا چه‌كدارى دروست بكه‌ت؟!).
نيشاندان
WP Facebook Auto Publish Powered By : XYZScripts.com