ئه‌ڤرۆ نیوز:
“ئەنری كارلۆف” بالیوزێ رووسیا ل توركیا ئاشكرا كر كو بۆ وێ یه‌كێ وه‌لاتێ وان ل توركیا خوه‌ش ببیت، وان سێ مه‌رج ل هه‌مبه‌ر توركیا داناینه كو جاره‌كادى په‌یوه‌ندیێن وان ئاسایى ببن.
بالیوزێ رووسیا ل ئه‌نقه‌ره گوت” پێدڤیه توركیا داخوازا لێبورینێ ژ رووسیا بكه‌ت و وان كه‌سان سزا بده‌ت یێن فرۆكا رووسى ئێخستیه خوار و رووسیا قه‌ره‌بوو بكه‌ت”.
بالیوزێ رووسیا دیاركر كو ئه‌گه‌ر توركیا ڤان خالان بجهـ نه‌ئینیت، ئاخافتنا به‌رپرسێن وى وه‌لاتى چ ئه‌نجام نابن.
ئه‌ڤرۆ نیۆز، رێوار مزیرى:
ب چاڤدێریا (فه‌رهاد ئه‌مین ئه‌ترووشى) پارێزگه‌رێ دهۆكێ، رێڤه‌به‌ریا گشتى یا په‌روه‌ردێ ل پارێزگه‌ها دهۆكێ، رێڤه‌به‌ریا چالاكیێن قوتابخانان ل دهۆكێ پشكا كارێن ده‌ستى دێ پێشانگه‌ها سالانه یا سێیێ یا كارێن ده‌ستى بۆ 34 مامۆستایێن هونه‌رى ل رۆژا چارشه‌مبى 16/12/2015 ل ده‌مژمێر 11 ى به‌رى نیڤرۆ ل هولا رێڤه‌به‌ریا چالاكیێن قوتابخانا ل دهۆكێ ڤه‌كه‌ت.
نژیار ته‌حسین ئه‌حمه‌د، به‌رپرسێ پشكا كارێن ده‌ستى ل رێڤه‌به‌ریا چالاكیێن قوتابخانا ل دهۆكێ بۆ ئه‌ڤرۆ نیۆز ئاشكرا كر كو ل هه‌یاما بۆرى خوله‌ك ژ لایێ وان ڤه بۆ 34 مامۆستایێن هونه‌رى ل سنوورێ هه‌ر دو په‌روه‌ردێن رۆژهه‌لات و رۆژئاڤا ل دهۆكێ هاتبوو ڤه‌كرن و د وێ خولێ دا مامۆستایێن پشكدار چه‌ندین كارێن ده‌ستى چێكربوون و گۆت: ” ئه‌و كارێن ده‌ستى یێن د وێ خولێ دا هاتینه چێكرن ژ لایێ لژنه‌كا بسپۆر ڤه هاتنه ڤاڤارتن و كارێن باش بۆ سێیه‌م پێشانگه‌ها كارێن ده‌ستى بۆ مامۆستایان هاتنه هه‌لبژارتن”.
ناڤهاتى گۆت: ” مه دڤێت ب رێیا ڤه‌كرنا ڤێ پێشانگه‌هێ پتر پشته‌ڤانیا مامۆستایێن هونه‌رى بكه‌ین و شیان و كارێن وان بۆ خه‌لكه‌كى به‌رچاڤ بكه‌ین”.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 14ى كانوونا ئێكێ يا سالا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1218 |
| 1 يۆرۆيێ ئه‌ورۆپى | 1320 |
| 1 ليرێ توركى | 410 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز: کاروان باعەدری:
کچەکا کوردا ئێزدی ب ناڤێ (لوسی سیمون) کو ئاکنجیا روسیایە و ل باژیرێ موسکۆ ژیانا خوە بەردەوام دکەت و نھا بوویە فرۆکەڤانا فرۆکەیا رۆسی و چەندین بنگەھین داعشی تۆپبارانکرینە.
چالاکڤان فەھد داود ژ ئەلمانیا کو کەسەکێ نێزیکی فرۆکەڤان لوسی سیمۆنێ یە بۆ ئەڤرۆ نیوز گۆت: “کچەکا ئێزدی بوویە ڤروکەڤانا فرۆکەیەکا رۆسی و نھا چەندین جاران بنگەھێن داعش ل سوریێ تۆپبارانکرینە و گۆت: “لوسی سیمۆنی سۆز دایە تۆلا کچ و ژنێن ئێزدی ئەوێن رەڤاندی د دەستێن داعش دا ڤەکەت و دێ بەردەوام بیت ل سەر تۆپارانکرنا بنگەھێن داعش ل سوریایێ”.
ئەڤرۆ نیوز، بارزان مزووری:
د فارس بریفکانی، سەروکێ لژنا ساخله‌ميێ ل جڤاتا نوونه‌رێن عێراقێ بۆ ئەڤرۆ نیوز دیار کر کو ئەو نوشدارێن نھا ل بن دەستھەلاتا داعش هه‌كه ل دووڤ وان رێنمایێن وان کار نەکەن دھێنە سزادان ب سزایێ گولەباران کرن یان سێدارەدان تایبەت پارێزگەھا مووسل نھا رێیا وان ھاتیە گرتن کو ژ ناڤ مووسل دەرکەڤن.
ناڤبری دیار کر کو نەخوشخانەیێن مووسل ھەموو یێن بووینە پارە وەکو کلینیکێن ئیڤاریان ب بھایەکێ گران چارەسەریا نەخوشان دکەن رۆژانە ل سەر وان بەرتەنگتر لێ دھێت دەرمان بۆ وان ژ رەقە دهاتن، به‌لێ ئەڤە پتر ژ ھەشت ھەیڤانه دەرمانێن بۆ مووسل دچوون ھاتینە برین.
بريفكانى گۆتژى: “پتریا نوشدارێن وان یێن نھا ل مووسل ژ سوریا ئیناینە، ب تایبەت برینپێچ ئەوێن ل سوریا سەرکردەیێن وان چارەسەردکرن نھا ئیناینە مووسل، ناھێلن نوشدارێن عيراقی وان چارەسەر بکەن”.
ئه‌ڤى نوونه‌رێ جڤاتا نوونه‌رێن عيراقێ دا زانين ژى كو ل بەغدا ژی یا بوویە ئەزمەیەکا مەزن ل سەر نوشدارا یێ دچنه ژ دەرڤەی وەلاتی ئەگەر بەردەوام ب ڤی شێوەی بمینیت دێ بیتە مەزنترین ئالوزی بۆ حوکمەتا بەغدا.
ئەڤرۆ نیوز ، نەوزاد زادە ھلۆری:
فیدراسیوونا رێکخراوێن ناحکومییێن سۆران و سەنتەرێ رەوشەنبیریێ سۆران دێ لرۆژا ئالایێ کوردستانێ وەکو رێزگرتنەک بو پێشمەرگەیان دێ ب شەڤ ل چیایێ ھندرین مینن.
دڤی واریدا مەعاف بارزانی سەرپەرشتێ چالاکیێ و ئەندامێ فیدراسیوونا رێکخراوێن ناحکومیێن قەزا سۆران بو ئەڤرۆ گۆت : ( ئەم وەکو فیدراسیوونا رێکخراوێن ناحکومییێن قەزا سۆران بو بلند ڕاگرتنا رۆژی ئالایێ کوردستانێ مە بریاریادایی کو ئێڤاریا رۆژا ئالایێ کوردستانێ ب شەڤ بەر ب چیایێ ھندرین کو دکەڤیتە دناڤبەرا قەزا سوران و قەزا رەواندوز بچین و ھەتا سپێدێ ل چیایی بمینین ).
زێدەتر گۆت : ( مەرەم ژ ڤێ یەکێ ئەو کو خەلکێ کوردستانێ ب چاڤ ماندوبون و نەخوشیێن پێشمەرگێن قارەمان ببینن ، و بو ڤێ مەرەمێ ژی سەرجەم دام و دەزگەھێن حکومی و حزبی و رێکخراو و ھژمارەکا زوریا خەلکێ قەزا سوران و دەوربەر دێ پشکداریێ دڤێ یەکێ دا کەن ).
سەرپەرشتێ چالاکیێ دیارکر ژی کو ھژمارەکا ئافرەتان ژی بریار دایە کو پشکداریێ دڤێ یەکێ دا بکەن و گۆت ژی: (ئەو کەسانێن کو دێ پشکداربن چوو تشان دگەل خوە نائینن وەکو بەتانی و نڤیینک داکو پتر ھەست ب قارەمانیا پێشمەرگەی ل سەنگەرێن بەرگریێ بکەن ).
فیدراسیوونا رێکخراوێن ناحکومی ل دەڤەرا سوران ژ 20 رێکخراو و سازیێن جودا جودا پێکدھێت.
ئه‌ڤرۆ نیوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا سێشه‌مبى رێكه‌فتى 15ى كانوونا ئێكێ يا 2015 ئه‌سمانێ دهۆكێ دێ يێ نيڤ ئه‌ورى بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمانى دهۆكێ دێ يێ نيڤ ئه‌ورى بيت.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 15 كم دا و ماوێ ديتنێ ژى 9 بۆ 10 كم بيت و پلێن گه‌رمێ ژى دێ د ناڤبه‌را 11 بۆ 16 پلان دا بيت.
ئه‌ڤرۆ نیوز، له‌زگین جۆقى
به هه‌لكه‌فتا رۆژا جیهانى یا خۆدان پێدڤیێن تایبه‌ت ئه‌ڤرۆ 14/12/2015 ساخله‌میا پارێزگه‌ها دهۆكێ ئاهه‌نگه‌كا رێزگرتنێ بۆ هژماره‌كا خۆدان پێدڤیێن تایبه‌ت ئه‌نجامدا و 10 ژ وان خه‌لاتكرن .
د. هشیار موسى رێڤه‌به‌رێ گشتیى ساخله‌میا پارێزگه‌ها دهۆكێ ب وه‌كاله‌ت دیاركرك و ساخله‌میا دهۆكێ یا به‌رده‌وامه ل سه‌ر پێشكێشكرنا خزمه‌تێن خوه بۆ هه‌موو خۆدان پێدڤیێن تایبه‌ت وپشته‌ڤانیا پرۆگرامێن هشیاركرنێ ژ خوه پاراستنى ژ نه‌خۆشیێن كو دبنه ئه‌گه‌رێ په‌كه‌ڤتنێ وهه‌لسه‌نگاندنا خزمه‌تێن شیاندنا نوشدارى و زێده‌كرنا شیانێن كارمه‌ندێن ساخله‌میێ ودروستكرنا پرۆتوگولێن كارى ودابینكرنا ده‌رمان و پێدڤیێن نوشدارى وئامیرێن نوشدارى.
پتر ژ چار هزار خوادن پێدڤیێن تایبه‌ت ل سه‌نته‌رێ نه‌خوشیێن كه‌هان و ڤه‌ژاندنا نوشداریا دهۆك هاتینه توماركرن.
نيشاندان
