ئه‌ڤرۆنیۆز، ئه‌یاد به‌رواری
سه‌رۆكێ توركیا (ره‌جه‌ه‌ب ته‌یب ئه‌ردوگان) راگه‌هاند، مه‌ هزرا ڤه‌كێشانا سه‌ربازێن توركی ل نێزێك مووسلێ نینه‌ و نه‌چووینه‌ وێ ده‌ڤه‌رێ بۆ ئارمانجا شه‌ڕێ، به‌لكو تنێ بۆ مه‌شقدانێ یێن ل سه‌ربازگه‌ها به‌عشیقه‌ و هنده‌ك ده‌ڤه‌رێن دی.
ل دووڤ ئاژانسا (ئه‌نادۆل) یا توركی، ئه‌ردوگانی د كۆنگره‌كێ رۆژنامه‌ڤانی دا ل گه‌ل سه‌رۆكێ بوسنه‌، گوت” دبیت توركیا هێزێن خوه‌ ل نێزیكی مووسلێ زێده‌ بكه‌ت، یان ژی كێم بكه‌ت، ل دووڤ هژمارا وان هێزێن هاتینه‌ مه‌شقدان ل سه‌ر ده‌ستێ سه‌ربازێن توركی” خویاكر ژی” مه‌ هزرا ڤه‌كێشانا سه‌ربازێن خوه‌ نینه‌”.

ئه‌ڤرۆ نیۆز، قائید میرۆ
پشتی دو كادرێن بزاڤا گۆڕان داخوازا پێك ئینانا هێزه‌كا سه‌ربازی بۆ بزاڤا گۆڕان كری، په‌رله‌مانتاره‌كی دیاركر، ل گوره‌ی قانوونێ بۆ چ حزبه‌كێ نینه‌ هێزا سه‌ربازی پێك بینیت.
نازم كه‌بیر، جێگرێ سه‌رۆكێ لیژنا نافخۆ یا په‌رله‌مانێ كوردستانێ دداخویانیه‌كێ دا ب ئه‌ڤرۆ نیۆز راگه‌هاند” گوره‌ی قانوونێن كار پێكری ل هه‌رێما كوردستانێ، چو حزبه‌ك نه‌شێت ل هه‌رێما كوردستانێ هێزا سه‌ربازی ل ده‌رڤه‌ی وه‌زاره‌تا نافخۆ پێشمه‌رگه‌ی پێك بینه‌، ژبه‌ركو قانوونا ده‌ركرنا پارتێن سیاسی هێزا سه‌ربازی تێدا نینه‌.
كه‌بیر گۆتژی” چێكرنا هێزا سه‌ربازی تنێ گوره‌ی بڕیار و رێنمایێن وه‌زاره‌تا نافخۆ و وه‌زاره‌تا پێشمه‌رگه‌ی دبیت، ژبلی هه‌ردوو وه‌زاره‌تان چو حزبه‌ك نه‌شێت چو هێزه‌كا سه‌ربازی پێك بینه‌ و مۆله‌ت پێناهێته‌دان.

ئەڤرۆ نیوز،زنار تۆڤی:
سەرۆک کۆمارێ تورکیا رەجەب تەیب ئەردۆغان دپرێس کۆنفرانسەکی دا راگەهاند،ئەم سەربازێن خۆ ل نێزیک باشیکێ ڤەناکێشین،هەروەسا ڤەکێشانا هێزێن مە ل عێراقێ پێدڤی ب گفتوگۆکرنێ نینە،ژبەرکو سەربازین مە بۆ شەری نەچووینە مۆسل،بەلکو راهێنەرن و ل سەر داخوازا حوکمەتا عێڕاقێ مە ئەو هێز هنارتینە وی جهی.
هەروەسا گۆت ژی: حوکمەتا رووسیا چ پەیوەندی ب ڤی بابەتی ڤە نینە.
هەژی گۆتنێ ی کو گرژی و ئالۆزی دناڤبەرا وەلاتێ عێڕاقێ و تورکیا پەیدابووینە،پشتی کو هێزەکا سۆپایێ تورکی ل باشیکێ بنەجهـ بووی.