ئه‌ڤرۆ نيوز:
نووترين نووچه
- نێچیرڤان بارزانی دوپاتیێ ل بهێزكرنا پێكڤەژیانا ئاشتییانە د ناڤبەرا هەموو پێكهاتەیاندا دكەت
- د. شێرزاد زەكەریا: توركیا و پەكەكێ بۆ ئاشتیێ پێدڤی ب هاریكاریا سەرۆك بارزانی هەیە
- باسكێ سەدری: پشكدارییێ د وێ حوكمەتەكێ دا ناكەین یا کو چارچۆڤەیێ هەماهەنگیێ تێدا بیت
- سەرۆك بارزانی و سەرۆكێ باسكێ (غەد) یێ سووری رەوشا سیاسی و ئەمنی یا دەڤەرێ گەنگەشەكر
- نێچیرڤان بارزانی و بالیۆزێ بریتانیایێ پەیوەندیێن دوقۆلی گەنگەشەكرن
- مەسرور بارزانی: گرنگە حوكمەتەكا ب هێز و ئێكگرتی و خزمەتگوزار بهێتە پێكئینان
- سەرۆكێ حوكمەتا هەرێمێ دوپاتیێ ل دابینكرنا مافێن كوردێن سووریێ دكەت
- د. ڤیان سەبری: هەكە بەغدا پێگیری رێككەفتنا ل گەل هەرێمێ ببیت، ئێدی گرفتا مووچەی دروست نابیت
- هەولێر و بەغدا ل دۆر هنارتنا پەترۆلا هەرێما كوردستانێ رێككەفتن
- بافل تالەبانی ل بەغدا بزاڤێن مەسرور بارزانی سەبارەت پڕۆژەیێ (هەژمارا من) بلند هەلسەنگاندن
سه‌ره‌كى Twitter
ڤيديۆ: دێ چاوان ل مالا خوه پارێن عيراقى يێن سه‌خته چێكه‌ى
ھاتنوچوون بو وەلاتێ تورکیا زێدە بوویە
زاخۆ، یوسف موسـا:
ژێدەرەکی ژ رێڤەبەریا پاسپۆرت و ئاکنحیبوونێ دیارکر د ماوەیێ ھەیڤا چریا دویێ دا ل دەرگەھێ ئیبراھیم خەلیل 172 ھزار کەسان ھاتنوچوون بۆ دەریێ فیشخابۆر کریە.
ل گۆرەیی گۆتنێن ژێدەرێ رێڤەبەریا پاسپۆرت و ئاکنجیبوونێ ب رێیا دەروازێ نیڤدەۆلەتیێ ئیبراھیم خەلیل 172 ھزار و 214 رێڤینگان ل دەریێ وان دا دەربازی وەلاتێ تورکیا و بیانیان بووینە گۆت: دگەل ھەیڤێن بەری ھینگێ رێژەیا ھاتن وچوونآ کێمتر بوویە، دبیت پشکەک ژ ڤەرێژا نەسەقامگێریا ریێن ھاتن وچوونا رێڤینگان بیت.
دێ دانوستاندنێ ل سه‌ر هاتنا له‌شكرێ توركيا كه‌ت
ئەڤرۆ نیوز، قائید میرۆ:
ژ ئەگەرێ نەچوونا پەرلەمانتارێن کورد کۆمبوونا ئەڤرۆ یا پەرلەمانێ عيراقێ ھاتە پاشخستن بۆ سوبە رۆژا چوار شەمبى و بڕیارە تێدا دانوستان ل دۆر ھاتنا سوپایێ تورکیا بھێتەکرن.
دکتۆر بەختیار شاوێس ئه‌ندامێ جڤاتا نوونه‌رێن عيراقێ ل سەر فڕاکسیۆنا ئێکەتیی بۆ ئەڤرۆ نیۆز راگەھاند” ژ بەر نەچوونا پەرلەمانتارێن کورد کۆمبوونا ئەڤرۆ یا پەرلەمانێ عيراقێ ھاتە پاشخستن بۆ سوبەھی دەمژمێر 1:00ى پشتی نیڤرۆ ئەم چاڤەڕێی گەشتێن فڕۆکخانێن ھەرێما کوردستانێ دکەین بۆ بەغدا”.
شاوێس گۆتژی” کۆمبوونا سوبە یا جڤاتا نوونه‌رێن عيراقێ ل دۆر ھاتنا سوپایێ تورکیایە بۆ عيراقێ و دانوستانکرن ل دۆر پڕۆژە قانوونا بودجێ گشتیێ عيراقێ بۆ سالا داھاتی”.
بارزانى: دخوازين رۆسيا كێشا بۆ هه‌رێما كوردستانێ دروست نه‌كه‌ت
ئه‌ڤرۆ نيوز:
پشتى ب دووماهى هاتنا كۆمبوونا د ناڤبه‌را سه‌رۆكێ هه‌رێما كوردستانێ مه‌سعود بارزانى و وه‌زيرێ ژ ده‌رڤه يێ ئه‌لمانيا شتاينمابه‌رد ب دووماهى هاتى كۆنگره‌كێ رۆژنامه‌ڤانى ئه‌نجام دا و تێدا سه‌رۆكێ هه‌رێمێ خواست كو رۆسيا كێشا بۆ هه‌رێما كوردستانێ دروست نه‌كه‌ت.
سه‌رۆك بارزانى گۆت: “من هه‌ر بزاڤه‌كا دژى داعش پێخۆشه، به‌لێ راگرتنا گه‌شتێن ئه‌سمانى يێن فرۆكخانێن هه‌ولێر و سلێمانيێ ژ ئه‌گه‌رێ مووشه‌كێن رۆسيا كێشه و ئاريشه بۆ هه‌رێما كوردستانێ دروست كرينه و زيانان دگه‌هينيته مه”.
سه‌رۆكێ هه‌رێما كوردستانێ گۆتژى: “دڤێت كێشه بهێته چاره‌كرن و داخواز ژ رۆسيا دكه‌ين كێشا بۆ ئه‌سمانێ هه‌رێما كوردستانێ دروست نه‌كه‌ت”، دا زانين ژى كو به‌رده‌وام يێ ل گه‌ل به‌غدا و رۆسا د دانوستاندنێ دا بۆ چاره‌كرنا كێشێ.
ده‌رباره‌ى هاريكاريێن رۆسيا ژى بۆ پێشمه‌رگه‌ى بارزانى گۆت: “هه‌كه رۆسيا بهێت مه‌شقێ ب پێشمه‌رگه‌ى بكه‌ت پشته‌ڤانيێ لێ دكه‌ين، به‌لێ ب وى ره‌نگى نه‌هاتيه، ب تنێ هنده‌ك چه‌ك و ته‌قه‌مه‌نيێن كێم يێن هنارتين”.
شه‌ڤا دوشه‌مبى 6ى كانوونا ئێكێ 2015 ده‌سته‌لاتا فرۆكه‌ڤانيا مه‌ده‌نى ل عيراقێ بۆ جارا دويێ هه‌موو گه‌شتێن ئه‌سمانى يێن هه‌رێما كوردستانێ بۆ ماوێ 48 ده‌مژمێران راگرتن ژ ئه‌گه‌رێ هێرشێن ئه‌سمانى يێن رۆسيا بۆ سه‌ر باره‌گايێن داعش ل سوريا و پێشتر ژ به‌ر هه‌مان مه‌ره‌م ژى ل 23ى چريا دويێ 2015 هاتنبوونه راگرتن.
كورد بوونه ئه‌گه‌رێ پاشخستنا كۆمبوونا جڤاتا نوونه‌رێن عيراقێ
ئه‌ڤرۆ نيوز:
كۆمبوونا ئه‌ڤرۆ يا جڤاتا نوونه‌رێن عيراقێ بۆ سوبه‌هى رۆژا چارشه‌مبى هاته پاشخستن ژ ئه‌گه‌رێ ئاماده‌نه‌بوونا رێژا دروست يا نوونه‌ران.ئه‌ڤرۆ رۆژا سێشه‌مبى رێكه‌فتى 8ى كانوونا ئێكێ 2015 جڤاتا نوونه‌رێن عيراقێ روونشتنا خوه يا 42 پاشخست ژ ئه‌گه‌رێ ئاماده‌نه‌بوونا رێژا قانوونى يا نوونه‌ران.
ئه‌ندامه‌كێ جڤاتا نوونه‌رێن عيراقێ ژ فراكسيۆنا پارتى ديموكراتى كوردستان بۆ ئه‌ڤرۆ نيوز گۆت: “بڕيار بوو ئه‌ڤرۆ رۆژا سێشه‌مبى پشكداريێ د كۆمبوونا 42 يا جڤاتا نوونه‌رێن عيراقێ دا بكه‌ين، به‌لێ ژ به‌ر ئه‌گه‌رێ راوه‌ستيانا هێلێن ئه‌سمانى يێن فرۆكخانێن هه‌رێمێ نه‌شياين به‌ر ب به‌غدا بچين”.
حاكم سه‌رحان زێده‌تر گۆت: “ژ به‌ر نه‌چوونا نوونه‌رێن كوردان ل هه‌رێما كوردستانێ كو 72 نوونه‌رن و نه پشكداريكرنا چه‌ند په‌رله‌مانتارێن دى روونشتنا جڤاتا نوونه‌ران بۆ سوبه‌هى هاته پاشخستن”.
ب گۆره‌ى ئه‌و پێزانينێن ل به‌ر ده‌ست ئه‌ڤرۆ نيوز ئه‌ڤرۆ به‌رى روونشتن بهێته پاشخستن بۆ سوبه‌هى رۆژا چارشه‌مبى بۆ ماوێ نيڤ ده‌مژمێرێ ژى هاتبوو پاشخستن، به‌لێ هه‌ر رێژا قانوونى ئاماده نه‌بوو.
دا زانين ژى هه‌كه گه‌شتێن ئه‌سمانى يێن هه‌رێمێ نه‌هێنه ڤه‌كرن، سوبه‌هى ژى ئه‌و وه‌كو نوونه‌رێن هه‌رێما كوردستانێ نه‌شێن پشكدار بن و گۆت: “هێشتا چو پێزانين ل به‌ر ده‌ست نينن، كا دێ بۆ سوبه‌هى گه‌شتێن ئه‌سمانى يێن هه‌رێمێ هێنه ڤه‌كرن يان نه”.
ره‌وشا زێر و زيڤى ل بازارێن دهۆكێ
دۆلار هاته خوار و يورۆ بلند بوو
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 8ى كانوونا ئێكێ يا سالا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1215 |
| 1 يۆرۆيێ ئه‌ورۆپى | 1315 |
| 1 ليرێ توركى | 400 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
سەدر گەفان ل پەرلەمانتارەکێ کورد دکەت
ئەڤرۆ نیوز، قائید میرۆ:
سەرۆکێ رەوتا سەدر گەفان ل پەرلەمانتارەکێ کورد ل بەغدا دکەت و پەرلەمانتارێ کوردژی دبێژیت، فەرمانبەرێ سەدر نیمە ھەتا من سزا بدەت.
شاخەوان عەبدولا، پەرلەمانتارێ پارتی دیموکراتی کوردستان ب ئەڤرۆ نیۆز راگەھاند” لسەر داخویانیەکێ ژلایێ موقتەدا سەدر سەرۆکێ رەوتا سەدر گەف لێھاتینەکرن و داخوازا سزادانا من ھاتیەکرن ژلایێ پەرلەمانێ عێراقێ ڤە، بەلێ ئەز فەرمانبەرێ سەدر نیمە ھەتا من سزابدەت.
شاخەوانی گۆتژی” ئەف گەفێن سەدر پشتی وێ داخویانیا من دھێن لدۆر ھاتنا لەشکرێ تورکیا بۆ عێراقێ، چونکو من راگەھاندبوو ھەر وەلاتەکێ بخوازیت ھاریکاریا مە بکەت بۆ شەڕێ داعش دێ پێشوازیێ لێبکەین ھەتا ئەگەر ئیسڕائیلژی بیت.
پلانا رێگرتنا ھەڤژینیا پێشوەخشت ھاتە راگەھاندن
ئەڤرۆ نیوز، نەوزاد زادە ھلوری:
جڤاتا بلندا کاروبارێن خانمان و رێکخراوا UNFPA پلانا ئێک سالی بۆ رێگرتنا ھەڤژینیا پێشوەخت ئەڤرۆ سپێدێ ل ھەولێرێ ھاتە راگەھاندن.
تاڤگە عومەر رەشید رێڤەبەرا گشتیا دەستەیا مافێ مرۆڤی ل کوردستانێ بۆ ئەڤرۆ نیوز گۆت: “مە وەکو جڤاتا بلندا خانمان ب ھەڤکاریا رێکخراوا UNFPA و ئەم شیاین پشتی ھەول و بزاڤەکا زۆر پلانا ئێک سالی یا رێگرتنا ھەڤژینیا پێشوەخت رابگەھینین”.
رێکخراوا UNFPA رێکخراوەکا سەربەخۆیە و د وارێ مافێن مرۆڤی دا وەکو دەزگەھەکێ نیشتمانی ل ھەرێمێ کار دکەت.
زێدەتر گۆت: “ئەڤ پلانا ئێک سالی پێنگاڤەکا نوو و گرنگە بۆ دووڤچوون و رێگرتنا ھەڤژینیا پێشوەخت ل کوردستانێ ژ بەر کو ب راستی ئەڤ یەک ل کوردستانێ بوویە دیاردە و مەترسیا وێ زۆر یا کاریگەرە”.
نيشاندان
WP Facebook Auto Publish Powered By : XYZScripts.com