ئەڤرۆ نیوز، زنار:
مالپەرێ مارکا یێ ئسپانی ئەڤرۆ راگەھاند کو ستێرا یانا ریال مەدرید و ھەلبژارتیێ ئسپانیا سێرجیو راموس توشی ھنگافتنەکێ بویە د پشتا وی دا د یاریا شڤێدی یا وەلاتێ خوە ئسپانیا ھەمبەر ئیتالیا دا ئەوا ب وەکھەڤی ب گۆلەکێ ب دووماھی ھاتی.
ڤی ژێدەری ئەو چەندە ژی دیارکر کو راموس د نیڤا ئێکێ دا ھاتە گوھۆرین و نەشیا بەردەوامیێ بدەتە یاریێ ژ ئەگەرێ ئێشانا پشتا وی و ئەڤرۆ ژی راھێنانێن ھەلبژارتیێ وەلاتێ خوە بجە ھێلایە و دھێتە چاڤەرێ کرن ژ بەر ڤێ ھنگافتنێ پشکداریێ یاریا وەلاتێ خوە ھەمبەر رومانیا دا نەکەت ل رۆژا ئێکشەمبیا بھێت لێ ھێشتا دیارنەبویە ماوێ ھنگافتنا وی چەند یان دێ شێت یاریا کلاسیکویێ ھەمبەر یانا بەرشەلونە کەت یان نە.

ئەڤرۆ نیوز، زنار:
داخواز دھێتە کرن چەندین گوھۆرین د شێواز و سیستەمێ قارەمانیا ئوروپا قارەمانێن خولان دا ئەوا ژلایێ ئێکەتیا ئوروپا یا تەپا پێ ڤە دھێتە رێکخستن بھێتە کرن و چەند گوھۆرین ب رژدی کار یێ بۆ دھێتە کرن.
ل دووڤ راپورتێن ئسپانی و ئنگلیزی قارەمانیا چامپیونس لیگ کەفتیە بەر چاکسازیەکا مەزن ب رێکا کێمکرنا یانێن پشکدار بۆ ١٦ یانا د دو کومان دا کو ئەڤە دێ شێوازێ نوو یێ قارەمانیێ بیت داکو زێدەتر یاریێن بھێز ناڤبەرا یانێن مەزن ل سەر ئاستێ ئوروپا بھێنە دیتن.
ژ گوھۆرینێن دی دو قارەمانیێن بچیک ژێر ناڤێ خولا سوپەر یا ئوروپا کو ئەڤە داخوازا یانێن ئنگلیزیە کو ئەڤ چەندە بھێتە کرن، ژلایێ خوە ڤە ئێکەتیا ئوروپا یا تەپا پێ دیارکریە کو ئەو نوکە نەشێت چو گوھۆرینان د شێوازێ قارەمانیا چامپیونس لیگ دا بکەت ژبەرکو گرێدای ھەڤبەستا یە ھەتا سالا ٢٠١٨ لێ ئەو دێ بەردەوام پەیوەندیان دا بن لگەل لایەنێن پەیوەندیدار بۆ گەنگەشەکرنا ھەمی بابەتێن گرێدای تەپا پێ یا ئوروپا ڤە و ھەر گوھۆرینەکا بھێتە کرن بۆ پێشخستنا یاریا تەپا پێ پێدڤیە رازەمەندیا یانا بھێتە وەرگرتن داکو ئەو ژی د ھەڤکاربن.
دیسان چاڤەرێ دھێتە کرن لژنا جێبەجێکار یا ئێکەتیا ئوروپا بریارەکێ ل دۆر ڤی بابەتی بەدەت بەری ب دوماھی ھاتنا سالا ٢٠١٦.

ئەڤرۆ نیوز، زنار:

یاریێن ھەڤالینی
١٠:٤٥ ھولەندا_ فرەنسا
١٠:٣٠ سلوڤاکیا_ لاتفیا
١٠:٤٥ ئێرلەندا_ سویسرا
١١:٤٥ پرتوگال _ بلگاریا
ڤاڤارتنێن قارەمانیا ئەفریقیا
٥:٣٠ گابون_ سیرالیون
٧:٠٠ نێجیریا _ مسر
٧:٣٠ کودیڤوار _ سودان
٨:٠٠ تونس _ توگو
١٠:٠٠ مالی _ غینیا
١٠:٣٠ جەزائێر _ ئەسیوبیا
ڤاڤارتنێن موندیالا روسیا ٢٠١٨ ئەمریکا ژێری
٣:٣٠ سوباھی سپێدێ بەرازیل _ ئوروگوای

ئەڤرۆ نیوز، زنار زوبێر:
پشتی بۆ ماوێ زێدەتر ژ ھەیڤەکێ پشکداری د خولا راھێنەران داکری بۆ دەستڤە ئینانا باوەرناما (ِA) ل سەر ئاستێ ئاسیا دا دوھی ب فەرمی راھێنەر سلێمان رەمەزان ئەڤ باوەرنامە ب دەست ڤە ئینا و دبیتە راھێنەرێ ئێکێ ل سەر ئاستێ پارێزگەھا دھۆکێ دشێت ڤێ باوەرنامێ دەستڤە بینت.
د ڤی دەربارەی دا راھێنەری سلێمان رەمەزان د داخویانیەکا تایبەت دا بۆ سایتێ ئەڤرۆ نیوز گۆت: پشتی ماندیبونەکا درێژ دوھی ب فەرمی خولا (ِA) یا راھێنەران ب دوماھی بینم کو ئەڤ خولە ل باژێرێ ھەولێرێ دھاتە ئەنجامدان ب سەرپەرشتیا ئێکەتیا ئاسیا یا تەپا پێ ب ھەڤکاری ل گەل ئێکەتیا تەپا پێ یا عیراقێ و وانەبێژێن ڤێ خولێ ژی باوەرپێکری بون ژلایێ ئێکەتیا ئاسیا ڤە و ئەڤ خولە بۆ ماوێ زێدەتر ژ ھەیڤەکێ ب وانێن پراکتیکی و تیوری ل گەل تاقیکرنا ھاتنە ئەنجامدان و ل دووماھی شیام ڤێ باوەرنامێ دەستخوە ڤە بینم.
بۆ زانین سلێمان رەمەزان راھێنەرێ ئێکانەیە ل سەر ئاستێ پارێزگەھێ ڤێ باوەرنامێ دەستخوە ڤە دئینت.