ئەڤرۆ نیوز، زنار زوبێر:
سکرتێرێ لژنا کاروبارێن یاریکەران ل ئێکەتیا تەپا پێ یا عیراقێ دیارکر دو یاریکەران سکالایەک ل سەر یانا دھۆک تومارکریە و تێدا داخوازا کوژمێ ١٠٠ ملیۆن دیناران کریە.
زێدەتر کازم سەدام د داخویانیەکێ دا بۆ مالپەرێ کورە یێ عەرەبی دیارکریە کو ھەردو یاریکەران ئەوس ئیبراھیم سکالایەک ل ئێکەتیا وان تومارکریە و تێدا داخوازا کوژمێ ٥٥ ملیۆن دیناران دکەت کو بھایێ ھەڤبەستا وی ل یانا دھۆک و ھەتا نوکە نە ھاتیە ئەداکرن دیسان یاریکەر عەلی قاسم ژی ژلایێ خوە ڤە سکالایەک تومارکریە و تێدا داخوازا کوژمێ ٤٥ ملیۆن دیناران ژ بھایێ ھەڤبەستا خوە ل گەل یانا دھۆک کریە و سەرجەمێ گشتی دبنە ١٠٠ ملیۆن دینار کو پێدڤیە کارگێریا یانا دھۆک ڤی کوژمەی ئەدا بکەت و بەروڤاژی دێ توشی چەندین سزایێن دی بیت.
دھێتە زانین بەری نوکە یانا دھۆک بریار دابو خوە ژ ھەڤرکیێن خولا عیراقێ یا تەپا پێ ڤەکێشیت پشتی تیم د یاریا ھەمبەر جەویە دا توشی چەندین گەفێن کوشتنێ و کریارێن دور ژ گیانێ وەرزشی بوی.

ئەڤرۆ نیوز، زنار زوبێر:
چاڤەرێ دھێتە کرن ئەڤرۆ دو یاری ژ گەرا چونێ یا قوناغا چارگوشا زێرین یا خولا ھەرێما کوردستانێ یا تەپا پێ بۆ یانێن نایاب بھێنە کرن و تێدا یانا زاخۆ دێ ل یاریگەھا خوە یاریا دێربیا پارێزگەھێ ئەنجامدەت و ھەولێر ژی دێ بیتە مێڤانا یانا پێمەرگا ھەولێر ل پیرمام ھەردو یاری دێ ل دەمژمێر سێ نیڤ ئێڤاری ھێنە کرن.
د یاریا ئێکێ دا ئەوا دێ ناڤبەرا یانا زاخۆ و دھۆک دا ھێتە کرن ل یاریگەھا نیڤدەولەتی یا زاخۆ دھێتە پێشبینی کرن یاریەکا بھێز و دێربیا پارێزگەھێ ب گیانەێ وەرزشی بھێتە ئەنجامدان و ھەردو تیم دێ تنێ یاریێ بۆ بلند راگرتنا گیانێ وەرزشی ناڤبەرا ھەردو یانا و جەماوەرێ وانا دا بھێتە کرن.
ل دۆر ڤێ یاریێ راھێنەرێ یانا دھۆک ئاشتی مستەفا بۆ ئەڤرۆ نیوز گۆت: چ جوداھی نینە کیش تیم سەرکەفتنێ توماربکەت د یاریا ئەڤرۆ تنێ یا گرنگ ئەوە یاری ب گیانەکێ وەرزشی ب دوماھی بھێت.
دیسان ناڤبیر ل دۆر ڤێ یاریێ ئەو چەندە ژی گۆت: بۆ یاریا ئەڤرۆ ئەوان باش خوە بەرھەڤ کریە بۆ دەستڤە ئینانا سێ خالێن یاریێ و چو کێماسی د پێکھاتیێ تیمێ دا نینن سەرەرای دەستڤە ئینانا سەرکەفتنێ ل یاریگەھا زاخۆ یا ب ساناھی نابیت و ژبەرکو جەماوەرەکێ باش ھەیە لێ چو تشت مەحال نینە د یاریا تەپا پێ دا.
ژلایێ خوە ڤە پێشمەرگا ھەولێر دێ ل یاریگەھا خوە پیرمام مێڤانداریا یانا ھەولێرێ کەت کو ئەو چی دێ یاریەکا گەلەک ب زەحمەت و بھێز بیت بۆ ھەردو تیمان ژبەرکو باشترین یاریکەر بۆ ڤان ھەردو تیمان دکەن ل سەر ئاستێ کوردستانێ ل ڤی وەرزی.

ئەڤرۆ نیوز، زنار:
بریارە ئەڤرۆ ئێڤاری دەمژمێر پێنج ھەلبژارتێ عیراقێ یێ تەپا پێ یاریەکا چارەنڤیسی ل گەل ھەلبژارتیێ تایلەند بکەت ل یاریگەھا باس ل تەھرانا پایتەختێ ئیرانێ ژ ڤاڤارتنێن دەربازبونێ بۆ قوناغا دویێ یا یا موندیالا روسیا ٢٠١٨ و کاسا ئاسیا ٢٠١٩.
ھەلبژارتیێ عیراقێ د ڤێ یاریێ دا پێدڤی تنێ ب سەرکەفتنێ یە ل سەر ھەڤرکا خوە ھەلبژارتیێ تایلەند پێخەمەت دەربازبونێ ژبەرکو ھەلبژارتیێ عیراقێ د کوما خوە دا یا شەشێ ل رێزا دویێ دھێت ب ھەشت خالان و ھەلبژارتیێ تایلەند ل رێزا ئێکێ دھێت ب ١٣ خالان.
د کونگرەکێ رۆژنامەڤانی دا راھێنەرێ ھەلبژارتیێ عیراقێ یەحیا علوان دیارکر تنێ دێ یاریێ بۆ سەرکەفتنێ کەن ژبلی ڤی ئەنجامی دێ ژ ھەڤرکیان دورکەڤن لەورا وان باش خوە بۆ ڤێ یاریێ ئامادە کریە و ھەمی یاریکەر بەرھەڤن بۆ یاریا ئەڤرۆ تنێ یاریکەرێ پیشەکار یاسر قاسم نەبیت ئەوێ ژ ئەگەرێ ھنگافتنێ نەشێت پشکداریێ بکەت دیسان وان کار ل سەر خالێن لاواز و ھێزا ھەلبژارتیێ تایلەند کریە کو و تنێ پێدڤی ب چەنسی ھەنە بۆ تومارکرنا گۆلان بۆ یاریا ئەڤرۆ.