ئه‌ڤرو نیوز:
پشتی هه‌ر چار یانێن دهۆک و پێشمه‌رگه هه‌ولێر و هه‌ولێر و زاخۆ ده‌ربازی قوناغا چار گوشا زێرین بووین ئێکه‌تیا ته‌پاپێ یا کوردستانێ خشته‌یێ یاریێن چار گوشا زێرین یا خولا فاستلینکا کوردستانێ ده‌ست نیشانکرن.
بریاره یاریێن چار گوسا زێرین ب شێوه‌یێ خول بهێنه‌کرن کو یاریێن حه‌فتیا ئێکێ دهۆک و زاخۆ دێ ل یاریا دێربیا دهۆک هه‌مبه‌ری ئێک بن ل یاریگه‌ها زاخۆ، هه‌ولێر و پێشمه‌رگا هه‌ولێری دی ل گه‌ل ئێک که‌ن.
ئه‌ڤێن خوارێ ژی هه‌می یاریێن قوناغا چار گوشا زێرین.
ئه‌ڤرۆ نيوز:
ب گۆره‌ى نوچه‌كێ مالپه‌رێ سى ئێن ئێن تورك نيڤرۆيا ئه‌ڤرۆ ته‌قينه‌ك ل مه‌يدانا ته‌قسيم ل ناڤه‌راستا سته‌مبۆل روودا و ژ ئه‌گه‌رێ وێ چه‌ندێ ژى دو كه‌س بريندار بوون.
ب گۆره‌ى مالپه‌رى ته‌قين يا خوه‌كوژى بوويه و ژ لايێ كه‌سه‌كى ڤه ئه‌نجامدايه كو ته‌قه‌مه‌نى ڤێ بوون.
ژ ئه‌گه‌رێ وێ په‌قينێ جاده و ده‌وروبه‌رێن ته‌قسيم هاتينه داخستن و خه‌لك ژ جهێ روودانێ يێ دره‌ڤن و ته‌رم ژى ل جهێ روودانێ هاتينه ديتن.
ئه‌ڤ ته‌قينه ژ پشتى حه‌فتيه‌كێ ژ ته‌قينا ئه‌نقه‌ره دهێت ئه‌وا ژ ئه‌گه‌رێ وێ 35 كه‌س هاتينه كوشتن و 120 كه‌س بريندار بووين.
ئه‌ڤرۆ نيوز:
گه‌له‌ك كه‌سان حه‌زا وێ چه‌ندێ يا هه‌ى ڤيديۆيان ژ مالپه‌رێ جڤاكى يێ فه‌يسبۆكى دانلۆد بكه‌ن و گه‌له‌ك جاران په‌نايێ ژى دبه‌نه به‌ر به‌رنامه‌يان و گه‌له‌ك ژ وان به‌رنامان ژى ڤايرۆس تێدانه و كێشا بۆ دروست دكه‌ن.
د ڤى چارچۆڤه‌ى دا ئێك ژ رێيێن نوو بۆ دانلۆدكرنا ڤيديۆيان به‌رچاڤ دكه‌ين بێى كو تو پێدڤى چ به‌رنامێن تايبه‌ت ببى، ب تنێ سێ په‌يڤ ته دڤێن و وه‌كو ل خوارێ دياركرى:
1- زێده‌كرنا پيتا M
ب تنێ ب زێده‌كرنا پيتا M، ل جهێ www دێ ته بۆ لاپه‌ره‌كێ دى ڤه‌گوهێزيت، دێ وێ ڤيديۆيێ هه‌لگريت، پاشتى دێ كليكا چه‌پێ لێده‌ى و دێ پاش ڤيديۆيێ سه‌يڤ كه‌ى.
2- زێده‌كرنا په‌يڤا bajar
ئه‌ڤه په‌يڤه‌كا ئسپانى يه و رامانا “دانلۆد” دهێت، دشيان دايه ڤێ بدانيه ب ره‌خ “facebook” ڤه، ل گه‌ل پرۆتۆكۆلێ https، پاشان دێ ته بۆ په‌ره‌كێ دى ڤه‌گوهێزيت، پاشان دێ ده‌ستێ خوه دانيه سه‌ر descargar بۆ دانلۆدكرنا هه‌ر ره‌نگه ڤيديۆيه‌كێ ل سه‌ر كۆمپيۆته‌رێ خوه.
3- زێده‌كرنا په‌يڤا descargarvidos
تو دشێى ڤێ په‌يڤێ ژى ب ره‌خ facebook ى ڤه بدانى و پاشان پرۆتۆكولێ https، پاشان ژى دێ ته بۆ لاپه‌ره‌كێ دى ڤه‌گوهێزيت و دێ پيچه‌كێ خوه گرتى هه‌تا ئايكونا descargar ديار دبيت ئانكو دانلۆد، پاشان دێ وێ كليك كه‌ى و دێ ڤيديۆ سه‌يڤ بيت ل ده‌ف ته.
ئه‌ڤرۆ نيوز:
ب مه‌ره‌ما پشته‌ڤانيكرن ل چاكسازيان و نه‌هێلانا گه‌نده‌ليێ، رێبه‌رێ ته‌ڤگه‌را سه‌در، داخوازا پشته‌ڤانيێ ل سه‌رۆكێ هه‌رێما كوردستانێ دكه‌ت و “مه‌سعود بارزانى” ژى به‌رسڤا وى دده‌ت.
موقته‌دا سه‌در، رێبه‌رێ ته‌ڤگه‌را سه‌در، ل سه‌ر فشارخستنا سه‌ر حوكمه‌تا عيراقێ هه‌تا چاكسازيێن گه‌هى بكه‌ت، يێ به‌رده‌وامه و د ڤێ ده‌رپارێ ژى دا، د. ئه‌رده‌لان نوره‌دين، ئه‌ندامێ جڤاتا نوونه‌رێن عيراقێ بۆ باسنيوز راگه‌هاند: ئامانجا سه‌در ژناڤبرنا حوكمه‌تا عيراقێ يه، دا كو حوكمه‌ته‌كا دى دروست ببيت.
ته‌كست ژى ل سه‌ر وێ چه‌ندێ كر كو حه‌يده‌ر عه‌بادى ژى بڕيارا چاكسازيان ل حوكمه‌تێ دايه، داخواز ژى ژ لايه‌نان كريه كو پشته‌ڤانيا وى ل سه‌ر ڤان چاكسازيان بهێته كرن.
ئه‌وى ئه‌ندامێ جڤاتا نوونه‌رێن عيراقێ ئاماژه ب وێ چه‌ندێ ژى كر كو هه‌تا نوكه نه‌هاتيه زانين كا دێ سه‌در ب گۆرانكاريێن عه‌بادى رازى بيت يان نه و داخواز ژ بارزانى ژى كريه كو پشته‌ڤانيا وى بكه‌ت و بارزانى ژى ئاماده‌يا خوه ده‌ربڕيه كو ب مه‌رجه‌كى د پێناڤى لێدانا سياسى دا نه‌بيت و پشكا كوردان يا پاراستى بيت.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 20ى ئادارا 2016ێ ئه‌سمان دێ ب درێژاهيا ده‌مى يێ باراناوى بيت و ل ده‌مێن شه‌ڤێ دێ بريسى ژى ل گه بن.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ ڤه‌كێشانا فشارێن نزمێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمان ب درێژاهيا ده‌مى يێ باراناوى بيت و ل ده‌مێن شه‌ڤێ دێ بريسى ژى ل گه بن.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 20 هه‌تا 30كم دا و هنده‌ك و ماوێ ديتنێ ژى دێ 6 بۆ 8 كم بيت، پلێن گه‌رمێ ژى دێ د ناڤبه‌را (1 بۆ 11) پلان دا بيت.
ئه‌ڤرۆ نيوز:
نێچیرڤان بارزانی، سه‌رۆكێ حوكمه‌تا هه‌رێما كوردستانێ د كۆنفرانسێ گه‌شتيارى دا ل هه‌ولێرێ پلانا حوكمه‌تێ بۆ كه‌رتێ گه‌شتيارى ئاشكراكر و راگه‌هاند: حكومه‌تا هه‌رێما كوردستانێ بۆ وێ يه‌كێ كار دكه‌ت كه‌رتێ گه‌شتيارى ل گه‌ل هه‌ردو كه‌رتێن چاندن و پيشه‌سازى ل جهێ كه‌رتێ نه‌فت و غازا سروشتى ببيته ژێده‌رێ داهاتى بۆ هه‌رێما كوردستانێ.
نيشاندان