ئه‌ڤرۆ نیوز:
قادر ره‌زگه‌یی لیژنا كاروبارێن پێشمه‌رگه‌ی ئاشكرا كر، داخواز ژ حوكمه‌تا هه‌رێما كوردستانێ هاتیه‌كرن، د ده‌مێ بجهئینانا بڕیارا به‌لاڤكرنا پارچێن ئه‌ردی دا، پێشمه‌رگێن بێ خال ژی پارچێن ئه‌ردی وه‌ربگرن و گۆت”هژماره‌كا زۆرا ئه‌و پێشمه‌رگه‌ى هه‌تا نوكه مفادار نه‌بووینه و ئه‌رد وه‌رنه‌گرتینه”.
ئه‌ڤرۆ نیوز:
زانا عه‌بدولره‌حمان ئه‌ندامێ په‌رله‌مانێ كوردستانێ ل فراكسیۆنا كه‌سك، به‌رسڤا په‌رله‌مانتاران عه‌لى حه‌مه سالح و سۆران عومه‌ر دده‌ت كو د دیداره‌كا ته‌له‌فزیونى دا به‌حسێ پرسا گه‌نده‌لیێ و دیارنه‌مانا پاره و داهاتێ نه‌فتێ كربوو.
زانا عه‌بدولره‌حمان دیاركرژى: ب باوه‌را مه و خه‌لكێ كوردستانێ نابیت گوهداریا ئاخافتنێن ڤان په‌رله‌مانتاران بهێنه گرتن چونكه ده‌مێ ئه‌و په‌رله‌مانتاره بێ كار دبن، ل مال ده‌نگوباسێن نه‌دروست دروست دكه‌ن”.
زانا عه‌بدولره‌حمان زێده‌تر گۆت” ده‌مێ ئه‌و به‌حسێ گه‌نده‌لیێ دكه‌ن و حوكمه‌تێ ب دز ل قه‌له‌م دده‌ن، پا بۆچى شریك بوون و هاتنه ناڤ حوكمه‌تێ، ئه‌و ره‌وشا ب سه‌ر په‌رله‌مانى دا هاتى، ژ ئه‌گه‌رێ ئاخافتنا چه‌ند ئه‌ندام په‌رله‌مانێن نه‌به‌رپرس بوو كو ب ڤى شێوازى د ئاخفتن.
ئه‌ڤرۆ نیوز:
وه‌زاره‌تا ناڤخویا توركیا راگه‌هاند ته‌قینا ئه‌نقه‌ره ژ ئالیێ كچه‌كا ته‌مه‌ن 24 سالى ڤه هاتیه ئه‌نجامدان.
وه‌زاره‌تا ناڤخویا توركیا ئاماژه ب وێ یه‌كێ كریه كو ئه‌و كچه ل سالا 2013 په‌یوه‌ندى ب رێزێن پارتا كرێكارێن كوردستانێ ( په‌كه‌كێ) كریه.
ل دووڤ نووترین ئامار، ژ ئه‌گه‌رێ ته‌قینا ڤێ دووماهیا یا ئه‌نقه‌ره، 23 كه‌سان گیانێ خوه ژ ده‌ستداینه و 125 كه‌س ژى برینداربووینه كو برینا 19 ژ وانا یا دژواره.
ئەڤرۆ نیوز:
ژ چارچوڤێ یاریێن گەرا شەشێ ژ خولا پلا ئێک یا ھەرێما کوردستانێ یا تەپا پێ تیما سێمێل نەشیا بوو یاریا شەشێ ل دیڤ ئێک سەرکەفتنێ توماربکەت پشتی ئەڤرۆ ل یاریگەھا خوە وەکھەڤ بووی ل گەل یانا پێشمەرگا سلێمانیێ ب گولەکێ و مەترسیا وێ زێدەتر لێ ھات بۆ پاشڤەزفرینێ بۆ خولا پلا دو نوکە رێزا دووماھیێ دھێت د لیستەیا کوما ئێکێ دا ب سێ خالان و بتنێ دو یاریی ماینە پێدڤی سەرکەفتنێ یە ل یاریێن بھێت ئەگەر دێ پاشڤەزفریتە خولا پلا دو.
ژلایەکێ دیڤە د یاریێن کوما سیێ دا نوونەرا دوێ یا پارێزگەھێ تیما سەرکەفتنا دوێ ل وەرزێ ئەڤ سالە تومارکر و شیا سەرکەفتنەکا گرنگ ل سەر یانا ھەلو توماربکەت ل یاریگەھا بلێ ب دو گولان بەرامبەر گولەکێ و تیما کەرکوک خالێن خوە گەھاندنە ٧ خالان و پێشڤە ھاتە رێزا دوێ و ھیڤێن خوە گەشکرن بۆ دەربازبوونێ بۆ چار گوشا زێرینا خولا پلا ئێک کو ل دو یاریێن بھێت پێدڤی سەرکەفتنێ یە داکو بشێت وەکو باشترین تیما رێزا دوێ شێت دەربازی قوناغا چار گوشا زێرین بیت.
ئەڤرۆ نیوز:
کچا باژێرێ دھۆکێ کەڤوک شەعبان ئەوا ل ماوێ بوری پشکداری د قارەمانیا FedCup یا ئاسیا دا کری ل وەلاتێ سریلانکا دا ل سەر ئاستێ یاریکەرێن ژیێ ئەوان کێمتر ژ ١٦ سالی وەکو ئێکەم پشکداریا نەشیا چو ئەنجامێن باش ب دەستخوڤە بینت و د یاریێن خوە دا ل گەل ھەڤالا خوە یا ھەلبژارتیێ عیراقێ و کچا باژێرێ ھەولێر جەنان ناسر سێ یاریان ل دیڤ ئێک خوسارەت بوون .
راھێنەرێ ھەلبژارتیێ عیراقێ و یانا دھۆک عیماد یونس د داخویانیەکا تایبەت دا بۆ ئەڤرۆ نیوز دیارکر ئاستێ قارەمانیێ گەلەک یێ ب ھێز بوو ل ھەر سێ یاریێن دەستپێکێ کچا باژێرێ دھۆکێ یاریێن ب زحمەت کرن ل گەل ھەلبژارتیێن قیرغستان نیپال و فێتنام کو ئەڤ ھەلبژارتیە ھەتارادەکێ مەزن پێشکەڤتی نە دڤێ یاریێ دا ل سەر ئاستێ ئاسیا و وەکو پشکداریا ئێکێ یا کەڤوک ئەو گەلەک ژ ئاستێ وێ یێ رازی یە و پاشەرۆژەکا گەش کچا باژێرێ دھۆکێ ھەیە و باوەریەکا مەزن ب شیانێن وێ ھەیە ل قارەمانیا بھێت دێ شێت ئەنجامێن باش ب دەستخوڤە ئینت سەرارای نە بەرھەڤیەکا باش ژی وەکو ھەلبژارتیێن دی د قارەمانیێ لێ کەڤوک شیا ھەڤرکیا ئەوان بکەت د یاریێ دا و نە پاریەکێ ب سانەھی بوو د قارەمانیێ دا.
زێدەتر راھێنەرێ ھەلبژارتیێ عیراقێ عیماد یونس دیارکر ل سەر ئاستێ کچان ھەلبژارتیێ عیراقێ نە ل ئاستێ پێدڤی بوو ژبەرکو ھەلبژارتیێن بەرامبەر ئەوان یاری کری ل ئاستەکێ پێشکەڤتی نە دڤێ یاریێ دا ل سەر ئاستێ ئاسیا و یاریکەرێن ئەوان بو جارا ئێکێ بوو پشکداری کری تایبەت یاریکەرا یانا دھۆک کەڤوک شەعبان ئەو سەرارای سێ خوسارەتیا لێ ژ ئاستێ وی گەلەک رازی نە و باوەریەکا مەزن ب کەڤوک ھەیە .
ئه‌ڤرۆ نيوز:
په‌يڤدارێ حكومه‌تا هه‌رێما كوردستانێ سه‌فين دزه‌يى ئاماژه ب وێ يه‌كێ دكه‌ت كو ل گه‌ل بلندبوونا بهايێ نه‌فتێ كێشا دانا مووچێن فه‌رمانبه‌ران نامينيت كو ئومێد يا هه‌ى ژ ئه‌ڤرۆ پێدا خشتێ دانا مووچێن فه‌رمانبه‌ران د ده‌مێ خوه‌دا جێگير ببيت.
ه‌يڤدارێ حكومه‌تا هه‌رێما كوردستانێ سه‌فين دزه‌يى ئاماژه ب وێ يه‌كێ كر كو ژ ئه‌گه‌رێ راگرتنا هنارتنا نه‌فتێ هه‌رێمێ بۆ ماوێ 24 رۆژان، زيانێن گه‌هشتيه هه‌رێمێ ب 350 مليار ديناران دهێته خه‌ملاندن و د هه‌مبه‌ر دا توركيا 150 مليار دينار ب قه‌رز داينه هه‌رێمێ.
دزه‌يى دياركر ژى ئه‌گه‌ر بهايێ نه‌فتێ بگه‌هته 50 دولاران، كێشا دانا مووچێن فه‌رمانبه‌ران نامينيت و دشياندايه پشكه‌ك ل وى پاره‌ى ب كۆمپانيێن نه‌فتێ و بجهئينانا پرۆژان بهێـته دان.
ئه‌ڤرۆ نيوز:
ژێده‌ره‌كێ ژ وه‌زاره‌تا دارايى و ئابوورى تايبه‌ت بۆ خه‌ندان دياركريه كو به‌رێ هاتنا جه‌ژنا نه‌وروزێ دێ مووچێ هه‌يڤا دوو يێ هه‌موو وه‌زاره‌تێن حكومه‌تا هه‌رێما كوردستانێ هێته دان.
شڤێدى وه‌زاره‌تا دارايى د راگه‌هاندنه‌كا بله‌ز دا داخواز ژ هه‌موو فه‌رمانگه‌ه و دام و ده‌زگه‌هێن حكومى كر كو ب زووترين ده‌م ليستا مووچان ئاراسته‌ى خه‌زينان بكه‌ن ب مه‌ره‌ما خه‌رجكرنا مووچان و ل دووڤ پێزانينان ئه‌ڤرۆ چه‌ند جهان مووچه يێن ليستێن خوه برين مووچه وه‌رگرتينه.
ژبه‌ر قه‌يرانا دارايى يا هه‌رێم ڤه‌گرتى، هه‌رێم سيسته‌مه‌كێ پاشخستنێ ئێخستينه د مووچێ فه‌رمانبه‌ران دا كو 15 تاوه‌كو 75% ژ مووچێ فه‌رمانبه‌ران هاتيه پاشخستن .
ئه‌ڤرۆ نيوز:
د نووترين بريارا وه‌زاره‌تا دارايى دا هاتيه كو ئه‌و پارێ وه‌ك پاشخستن ل ده‌ف حكومه‌تێ مايه، دڤێت دده‌مێ به‌رده‌ستبوونا داهاتى ئه‌و پاره ب وه‌لاتيان بهێته دان، و فه‌رمانبه‌ر ب پێشينا ئاڤاهيان و يا هه‌ڤژينيێ هاتينه لێبورين هه‌تا كو ره‌وشا مووچان چاره دبيت و چه‌ندين بريارێن دى ده‌ركرينه.
ئه‌ڤرۆ نيوز:
نێچيرڤان بارزانى سه‌رۆكێ حوكمه‌تا هه‌رێما كوردستانێ د رێوره‌سمێن ڤه‌كرنا زانكۆيا ئه‌مريكى ل دهۆكێ به‌حسێ پلانا حوكمه‌تێ كر بۆ دابينكرنا مووچه‌ى و گۆت: ئه‌م دژوارییا ئه‌ڤێ ڕه‌وشێ دزانین، لێ د هه‌مان ده‌مێدا ئه‌ڤ قه‌یرانه، بۆ مه ده‌رفه‌ته‌كا زێڕین و وانه‌یه‌كا گه‌له‌كا گرنگه، داكو باشتر كێماسی یێن خۆ ببینین و، ده‌ست ب چاكسازییه‌كا جددی ل هەرێما كوردستان بهێتە كرن. بۆ ڤێ چه‌ندێ مه یێ ده‌ستپێكری و، مه پلانه‌كا هه‌مه‌لایه‌ن یا ئاماده كری، ب تایبه‌تی ژی د هه‌ردو وارێن كارگێڕی و كارگێڕیا داراییدا، داكو داهاتێ هه‌رێمێ زێده و، خه‌رجیا ژی كێم بكه‌ین.
بارزانى ديسا گۆت: د بابه‌تێ داهاتیدا و، ب تایبه‌تی ژی داهاتێن نه‌فتێ، شه‌فافیه‌ته‌كا هێژ زێده‌تر په‌یره‌و بكه‌ین، به‌لكو هه‌لمه‌تاكا ب ئه‌ڤى ناڤى، دژى هه‌رێمێ دهێته كرن و، ناڤمالا كوردستانێ هه‌ژاندیه، كێم بكه‌ت.
بۆ ده‌ربازكرنا ئه‌ڤێ قۆناغێ، نێچيرڤان بارزانى گۆت: ئه‌م هه‌وجه‌ى هه‌ڤكاریه‌كا دلسۆزانه و هۆشیارانه‌ینه ل ناڤبه‌را خه‌لكێ هه‌رێمێ و حكوومه‌تێ. ئه‌م سپاسییا خه‌لكێ خۆ دكه‌ین، نه‌خاسمه ئه‌وێن لسه‌ر مووچه‌ى دژین، كو ئاسته‌كێ بلندێ پێگیریێ و هه‌ڤكاریێ و خه‌مخۆریێ نیشان داینه و، من دڤێت ب ناڤێ حكوومه‌تا هه‌رێما كوردستانێ، سوپاسییا ئه‌وان ئێك ب ئێك بكه‌م. بلا هه‌می فه‌رمانبه‌ر و مووچه‌خۆر ژى پشتڕاست بن كو مافێ كه‌سێ به‌رزه نابیت. ئه‌وا هاتیه كرن، ژ نه‌چارى بوویه، بۆ ده‌ربازبوونێ بوویه ژ ئه‌ڤێ قه‌یرانا مه‌زن، مه باوه‌رییه‌كا موكوم هه‌یه ئه‌ڤێ قۆناغا گران، وه‌كی گه‌له‌ك ته‌نگاڤی و قۆناغێن خرابتر و زه‌حمه‌تتر، دێ ب شێوه‌یه‌كێ سه‌ركه‌فتی ده‌رباز كه‌ین. ملله‌تێ مه گه‌له‌ك نه‌خۆشی و ته‌نگاڤی یێن دیتین، لێ هه‌می جارا ژی ب خۆڕاگری، ده‌رباز كرینه. مه هیڤییه‌كا مه‌زن یا ب سه‌ركه‌فتن و پاشه‌ڕۆژا گه‌شا كوردستانێ هه‌ی
ئەڤرۆ نیوز:
پشتی دوھی وتورمبێلەکا بومبەکری ل ھەمبەر پارکێ گوڤەن یێ باژێرێ ئەنقەرە تەقیایە و نێزیکی ٣٥ کەسان مرین و زێدەتر ژ ١٤٠ کەسان برینداربووین بوویە جھێ مانشێت ھەمی رۆژنامەیێن جیھانی و دناڤا ئەوان کەسێن ل وێ تەقنا ئەنقەرە دا بابێ یاریکەرێ ھەلبژارتیێ تورکیا و گولکەرێ یانا گەلاتەسەرای ئوموت بولوت ژی دناڤدا بوو .
رۆژنامەیێن تورکی وەسا بەلاڤەکری یە یوسف بولوت بابێ ئوموت بولوت پشتی یاریا گەلاتەسراری ل گەل ئەسکشەھیر ب دووماھی ھاتی ل باژێرێ ئەنقەرە ئەو بەر ب بازاری ڤە چوو د رێدا ئەو بومبە تەقیە و گیانێ خوە ژ دەست دایە ئەڤ نوچە بوویە نە ئارامیا ھەمی یاریکەرێن یانا گەلاتەسرای و چەندین ستێرێن بەرنیاس سەرەخوشی ل یاریکەرێ یانا گەلاتەسرای کر و بریارە سوباھی شاندێ یانا گەلاتەسرای ب یاریکەرێن خوە یێن پیشەکار و نافخوی بەر ب باژێرێ قەیسەری بجن بو ڤەشارتنا جەنازێ بابێ ئوموت بولوت کو ناڤبری خەلکێ وی باژێری یە.
نيشاندان