ئەڤرۆ نیوز:

رۆژنانا سپورت یا ئیسپانی دیارکری یە یانا ریال مەدرید دخوازیت ل ڤەگوھاستنێن ھاڤینا ئەڤ سالە ھەڤبەستێ ل گەل ستێرا ھەلبژارتیێ پولەندا و یانا بایرن میونیخ یا ئەلمانی لیفاندوفسکی ئیمزابکەن و ھەمان رۆژنامێ وەسا دایە دیارکرن یاریکەرێ پولەندی نامەیەک بۆ سەرۆکێ یانا ریال مەدرید نارتی یە تێدا دیارکری یە ئەو دخوازیت یاریێ ل یانا ریال مەدرید بکەت لێ ئەو ناخوازیت یاریێ ل گەل رونالدوی بکەت ژبەرکو ئەو دخوازیت ل دەمێ پێکھاتیێ ریال مەدرید بیت ئەو وەکو ستێرەکی بیت و یاریا وی ل گەل رونالدوی ناگونچیت و کرنا یاریێ یا ھەردوکان ل ئێک پێکھاتیی دا دبیت ب خرابی ڤەگەریت ژبەرکو ھەر ئێکی ژ ئەوان شێوازێ خوە یێ تایبەت یێ یاریێ ھەی.
ھەردیسان ئەوێ رۆژنامێ ژی دیارکری یە فلورنتینو پێریز ھزر ل دو ستێرێن یانێ کری یە بەرامبەر ھەڤبەستێ ل گەل سێ نوو ئیمزابکەت ئەوژی دەستا ژ رونالدوی و کەریم بن زیما بکەت و ب کوژمەکێ باش ب فروشیت بەرامبەر ئەوان کوژمە ھەڤبەستێ ل گەل سێ یاریکەرێن نوو ئیمزابکەت ئەوژی لیفاندوفسکی ژ یانا بایرن میونیخ و ھازارد ژ چێلسی و موراتا یاریکەرێ ئەوان یێ بەری نوکە و یانا یوڤانتوس

ئەڤرۆ نیوز:
راھێنەرێ یانا بەرشەلۆنا لویس ئەنریکی ل ماوێ بوری دا شیا چەندین ناسناڤ و سەرکەفتنا ل گەل یانا کەتەلونی ب دەستخوڤە بینت و بریارە ئەڤرۆ یاریا خوە یا ١٠٠ ل گەل یانا بەرشەلۆنا بکەت دەمێ ل یاریگەھا کامپ نو ل گەل یانا لیفانتی بکەن ژ گەرا ٢٩ ژ خولا لیگا ئیسپانی.
لویس ئەنریکی ل ٩٩ یاریێن بوری دا شیا چەندین ناسناڤ و سەرکەفتنا ب دەستخوڤە بینت و ئێکەم یاریا بەرشەلۆنا ب سەرپەرشتیا لویس ئەنریکی ل ٢٤-٧-٢٠١٤ بوو دەمێ شیای سەرکەفتنێ ل سەر یانا لیتشی توماربکەت .
یانا بەرشەلۆنا ب سەرپەرشتیا لویس ئەنریکی ٥٩ یاری دخولا ئیسپانیا دا کری نە ١٩ یاری د قارەمانیا یانێن ئورۆپا ھەردیسان ١٦ یاری د کاسا شاھێ ئیسپانیا دا ل گەل دو یاری د قارەمانیا سوپر ئیسپانیا دا کو تێدا ل گەل ئەتلەتیکو بلباو خوسارەت بوو ، یاریەک د سوپر ئورۆپا دا ل گەل یانا ئەشبیلیا ل وەلاتێ جورجیا و دو یاری د موندیالا یانا دا ل یابان شیا ناسناڤی ب دەستخوڤە بینت.
ئەنریکی شیا پێنج ناسناڤان ب دەستخوڤە بینت ھەر پێنج قارەمانی ل سالا ٢٠١٥ بوون ئەوژی خولا ئیسپانیا و کاسا شاھێ ئیسپانیا ھەریسان قارەمانا خولا یا یانێن ئورۆپا و سوپر ئورۆپا و موندیالا یانا د ماوێ ٩٩ یاریێن خوە یێن بوری دا ٧٩ سەرکەفتن ب دەستخوڤە ئینای نە بەرامبەر ١١ یاریان وەکھەڤبوویە و ٩ یاریان خوسارەت بووی یە ئەڤە ژی بیتە رێژەیەکا گەلەک باش د مێژویا راھێنەرێن یانا بەرشەلۆنا دا و کارگێریا یانا بەرشا باوەریا خوە ب ئەنریکی ئینا و وەسا ھێتە چاڤەرێکرن بۆ ماوەکێ دی یێ درێژ ھەڤبەستا وی بھێتە درێژکرن.

ئەڤرۆ نیوز:
ل پارێزگەھا دھۆکێ د ماوێ دو رۆژێن بوری دا زێدەتر ژ ٨٠ یاریکەر و راھێنەرێن پارێزگەھێ ب کەمەرێن جودا جودا ھاتنە خەلاتکرن کو ئێکەتیا تاکواندویا ئاسیا سەرپەرشتیا وێ کر و وانەیێن ڤێ خولێ ژلایێ شارازیا ئیرانی مەھناز حەیرانی ڤە ھاتنە گوتن
ل دور ڤێ خولێ و تاقیکرنا پشکداران سەروکێ ئێکەتیا تایکواندویا پارێزگەھا دھوکێ عیماد یونس داخویانییەکێ دا بو سایتی نوونەریا دھوک یا لیژنا ئۆلۆمپیا کوردستانێ گوت : مە ب فەر دیت تاقیکرنا کەمەرا ل پارێزگەھا دھوکێ ڤەکەین ژبەرکو مە ھژمارەکا مەزن یا یاریکەرێن ڤێ یاریێ یا ھەی و ئاستێ وان یێ بلندە لەورا مە داخوازت ب گەھنە پلەیێن باشتر ژبەرکو ماڤێ ئەوان یاریکەران بوو کەمەرێن باشتر ب دەستخوڤە بینن .
ھەردیسان ناڤبری دیارکر شارازایا ئیرانی مەھناز حەیرانی شارازیەکا باش د بوارێ ڤێ یاریێ دا ھەیە و پشکدارێن ڤێ تاقیکرنێ مفایەکێ باش وەرگرتی یە ھەردیسان ئەو پشکدارێن کەمەریێن رەنگاو رەنگ ھاتینە خەلاتکرن ژ یانێن (دھۆک، زێرەڤانی، گارە، سێمێل، زاخو ،شێخان، ئامێدیێ و ئاکرێ ) ھەردیسان زێدەباری چار بنگەھێن لاوان ئەوژی دھۆک،زاخۆ، سێمێل و دومیس.
ھەروەسا سەروکێ ئێکەتیا تاکواندویێ ل دھۆکێ ئاماژە ب وێ چەندێ ژی کر ل رۆژا دوێ خولەکا ب ھێزکرنێ بۆ پشکدارن ھاتە ڤەکرن و دیڤدا د ھەمان رۆژا دا قارەمانیەکا ھەڤالینی وەکو بەرھەڤکرن بۆ قارەمانیێن بھێت بۆ یاریکەران ھاتە ڤەکرن .

ئەڤرۆ نیوز:
راھێنەرێ ھەلبژارتیێ عیراقێ یێ تەپا پێ یەحیا حەلوان ٢٦ یاریکەر بۆ پێکھاتیێ ھەلبژارتیێ عیراقێ کرن بۆ ھەردو یاریێن بھێت یێن گرنگ یێن ھەلبژارتیێ عیراقێ ژ ڤاڤارتنێن موندیالا جیھانی .
د لیستەیا دەستپێکی دا راھێنەرێ ھەلبژارتیێ عیراقێ سێ کورد بۆ ھەلبژارتیێ عیراقێ داخوازکری نە ئەوژی ھەر ئێک ژ ھەردی سیماند یاریکەرێ ھێلا بەرەڤانیا یانا ھەولێر و ئوسامە رەشید پیشەکارێ کورد ل یانا فارینزی یا پرتوگالی ئەوا پشکدار دخولا پلا ئێک دا و ئەحمەد یاسین یاریکەرێ یانا ئایک یا سویدی.
ھەردو یاریکەرێن کورد یێن پیشەکار پشکداریێ د کەمپا راھێنانی یا ھەلبژارتیێ عیراقێ دا ناکەن ئەوا نوکە ل ھەولێرێ و بریارە ل ٢٠-٣-٢٠١٦ پەیوەندی ب ھەلبژارتیێ عیراقێ بکەن ل باژێرێ تەھران ژبەرکو یانێن ھەردو یاریکەران رێکێ پێ نادەن ژبەر یاریێن ئەوان یێن گرنگ دخولێ دا .
ھەژی گوتنێ یە راھێنەرێ ھەلبژارتیێ ئێکێ یێ عیراقێ یەحیا عەلوان دیارکری یە بەری ئەو بەر ب باژێرێ تەھران ب رێکەفن ل کەمپا راھێنانی یا ھەولێرێ دێ ناڤێ سێ یاریکەران ژ لیستەیا دەستپێکێ دورخیت و ٢٣ یاریکەران دێ بەر ب وەلاتێ ئیرانی بەن بۆ پشکداری کرنێ د ھەردو یاریێن بھێت یێن ڤاڤارتنا و بریارە ل ١٧-٣-٢٠١٦ یاریەکا ھەڤالینی ل ئیرانی ھەمبەری ھەلبژارتیێ سوریا کەت و پاش یاریا گەرا پێنجێ یا ڤاڤارتنا دێ ل گەل تایلەند کەت ل ٢٧-٣-٢٠١٦ دێ یاریا خوە یا گەرا شەشێ ل گەل فێتنام کەت.