ئەڤرۆ نیوز:
سەرۆکێ دەستەیا دەڤەرێن کوردستانی یێن دەرڤەی ئیدارا ھەرێما کوردستانێ، نووترین پێزانینان ل دەڤەرێ ئاشکرادکەت و ھوشداریێ د دەت ھەکە ب زووترین دەم ڕیفراندۆم ل وان دەڤەران نەھێتەکرن و ئەو دەڤەر نە ھێنە ب سەر ھەرێمێ ڤە، پێشبینی یا شەڕەکی د ناڤبەرا پێشمەرگەی و حەشەد شەعبی دا ل دەڤەرێ دکەت.
نەسرەدین سەعید سندی، سەرۆکێ دەستەیا دەڤەرێن کوردستانی یێن دەرڤەی ئیدارا ھەرێما کوردستانێ بۆ {ِۆژناما ئەڤرۆ گۆت” جھێ دلخوەشیێ یە نوکە پتریا دەڤەرێن کوردستانی یێن دەرڤەی ئیدارا ھەرێما کوردستانێ ل بن کونترۆلا پێشمەرگەی دانە، ل دووڤ ڤەکۆلینێن مە 90% ئەو دەڤەرە ھاتینە ئازادکرن، ب تنێ ھندەک جھێن دەوروبەرێن شنگالێ و دەشتا نەینەوا یێن ماین، ھەکە مووسل بھێتە ئازادکرن، ھەموو دەڤەرێن کوردستانی دێ کەڤنە بن کونترۆلا پێشمەرگەی دا، دیسا ل وان دەڤەران سنور یێن ھاتینە دانان، بابەتێ سەرەکی ژی ژ کولانا خەندەکێ، پرسا ئێمناھیێ یە و ڕێگریکرنە ل ھێرشێن داعشێ، بەلێ بابەتێ دیارکرنا سنورێ ھەرێما کوردستانێ ژی تێدا ھەیە”.
ل دۆر وێ چەندێ ئایا سەنتەرێ باژێرێ مووسل دکەڤیتە دناڤا وی سنوری دا، نەسرەدینی گۆت” مووسل بابەتەکێ ھەستیارە و چاڤەرێی وێ چەندێ نە پشتی ئازادکرنا وێ، دانوستاندن ل گەل خەلکێ مووسلێ بھێتەکرن تاکو ب دروستی سنور بھێتە دیارکرن”.
نەسرەدینی ھەمبەر کارێ دەستەیا دەڤەرێن کوردستانی یێن دەرڤەی ئیدارا ھەرێمێ، گۆت” وەک دەستە مە سێ کارێن سەرەکی یێن ھەین، دووڤچونا بجھئینانا مادێ(140) ، نوری مالکی لژنا تایبەت ب ڤێ مادێ ڤە ژ کاری ڕاوەستاندبوو و ھادی عامری وەک سەرۆکێ لژنێ دانابوو، ل دەمێ حەیدەر عەبادی ئێکجاری چو نەھاتیەکرن، حوکمەتا عیراقێ چو پێنگاڤان نەھاتە پێش، ئەڤە نەە سال بۆرین وپێدڤی بوو 2007 بابەتێ وێ مادێ ب دووماھی ھاتبا، حوکمەتا ھەرێمێ بێ ئومێد بوویە ژ ڤێ چەندێ و نوکە دانوستاندنێن حوکمەتا ھەرێمێ ل بەغدا ھاتینە ڕاوستاندن” خویاکر ژی” کارێ دویێ یێ مە پێشکێشکرنا پرۆژێن خزمەتگوزاری یە بۆ وان دەڤەران و ل سێ سالێن بۆری چو بودجە نەبوو بۆ وەزارەتان، لەوما پرۆژە نەبووینە، بەلێ مە سەرەدانا وان دەڤەران ژ شنگالێ ھەتا خانەقین یا کری و دووڤچونا پێدڤیێن وان یا کری ووەکو ڕاپورت بۆجڤاتا وەزیران یا بلندکری”.
ناڤبری دیارکر ژی” ئێک ژ داخوازیێن مە ژ حوکمەتا ھەرێما کوردستانێ ئەوە کو چەند زووترە ڕیفراندۆم ل دەڤەرێن کوردستانی یێن دەرڤەی ئیدارا ھەرێمێ بھێـتەکرن دێ باشتر بیت، چونکی ھەر دەڤەرەکا دبن کونترۆلا پێشمەرگەی دا بیت، خەلک ھەست ب ئارامیێ و تەناھیێ دکەت، ئەو جھێ حەشد شەعی چوویە تێدا کوشتن و نەئارامی یا پەیدابووی، دەوروبەرَن کەرکووکێ و خانەقینێ و شنگال حەشد شەعبی یا لێ ھەی و ئەڤە مەترسیە بۆ دەڤەرێو پێدڤیە حوکمەتا ھەرێما کوردستانێ ب رژدی ل سەر ڤی بابەتی ب ڕاوستیت، چونکی پشتی چوونا داعشێ، حەشد شەعبی دێ بیتە کێشە بۆ وان دەڤەران”.
ل دۆر مەترسیا pkk و حەشد شەعبی ل دەڤەرێ، ناڤبری گۆت” ھەر دەڤەرەکا پتر ژ ھێزەکێ تێدا بیت، جھێ مەترسیێ یە، شنگالێ پێشمەرگە و پەکەکە و حەشد شەعبی یێن تێدا ھەین، گەلەک جاران من گۆتیە پشتی چوونا داعشێ مەترسیا ھندەک کارەساتێن دی ل سەر خەلکێ شنگالێ یا ھەی، لەوما پێدڤیە خەلکێ شنگالێ بڕیارا خوە بدەت و ھێز دناڤ باژێران دا نەمینیت و ھەکە ھندەک جھان بۆ شەڕێ داعشێ ھەبیت یا سرۆشتی یە”.
ل دۆر ئازادکرنا مووسلێ و ڕژدبوونا حوکمەتا عیراقێ ل سەر پشکداریکرنا حەشد شەعبی د کونترۆلکرنێ دا، گۆت” ھەر جھەکێ حەشد شەعبی چوویە تێدا ئەو جە یێ کاڤل کری و تایبەت دەڤەرێن عەرەبێن سونە، جڤاتا پارێزگەھا نەینەوا ژی پشکداریکرنا ڤێ ھێزێ یا رەت کری و دبینم دبەرژوەندیا خەلکێ مووسلێ دا نینە حەشد شەعبی پشکدار بیت، ھاتنا وان بۆ دەڤەرێ دێ بیتە جھێ نە رحەتیێ بۆ کوردستانێ ژی و دوور نینە پشتی چوونا داعشێ، شەڕ د ناڤبەرا پێشمەرگەی و حەشد شەعبی دا ل دەڤەرێ پەیدا بیت”.
ل دۆر دانوستاندنێن سەرکرداتیا کوردی و ھێزێن عەرەبێن سونی، ناڤبری گۆت” ل ھەولێرێ کونگرە دھێنە بەستن، سەرکرداتیا کوردی ب گشتی ل سەر خەتی نە ل گەل عەرەبێن سونە، ھەکە ئەم ل گەل سونێن دەڤەرێ ڕێککەڤین، مە چو ئاریشە نامینن، ھندی زووتر ڕیفراندۆم بھێتەکرن باشترە، دیسا ھەر زوو دانوستاندن بھێنەکرن دێ باشتر بیت، چونکێ ھەکە حوکمەتا عیراقێ یان سونە ل دەڤەرێ ب ھێز بکەڤن، ئەم دێ دزیاندار بین، چونکی گوندێن عەرەبان ل وان دەڤەران د ئاڤاکرینە و بەرۆڤاژی گوندێن کوردان ھەتا نوکە مە تشتێ ب وی ڕەنگی نەکریە و دبیت ھەر خەلکێ مە ل ئەڤان دەڤەران نەمابیت، لەوما دبینم ھندی گیرۆبیت نەباشە”.

ئه‌ڤرۆ نیوز:
پارتى دیموكراتى كوردستان و ئێكه‌تیا نیشمانى كوردستان بڕیاردان ب كریار پێنگاڤ بۆ ئاسایى كرنا ره‌وشا هه‌رێمێ و كاراكرنا په‌رله‌مانێ كوردستانێ بهێنه‌ هاڤێتن و رژدى ل سه‌ر هه‌ڤپه‌یمانى و هه‌ماهه‌نگیا د ناڤبه‌را هه‌ردو ئالیان دا هاته‌ كرن.
رۆژا 6 ئادارێ ، ب سه‌رپه‌رشتیا مه‌سعود بارزانى سه‌رۆكێ هه‌رێما كوردستانێ هه‌ردو مه‌كته‌بێن سیاسیێن پارتى و ئێكه‌تیێ ل پیرمام كۆمبوون، ل دووڤ راگه‌هاندنه‌كا كۆمبوونێ، به‌حسێ قه‌یرانێن هه‌رێما كوردستانێ هاتیه‌ كرن ب تایبه‌ت قه‌یرانا سیاسى و چاره‌كرنا وێ ب بنه‌مایه‌ك بۆ بده‌ستڤه‌هاتنا ئێكهه‌لویستیێ د چاره‌كرنا قه‌یرانا ئابوورى و ئێمناهی و ئیدارى دا زانیه‌.
دیسان هه‌ردو ئالیان رژدى ل سه‌ر هه‌ڤپه‌یمانى و هه‌ماهه‌نگیا د ناڤبه‌را وان و پارتێن دى یێن كوردستانى كریه‌ و ل سه‌ر وێ بنه‌مایێ بریار هاته‌ دان رێێن چاره‌سه‌ركرنێ بهێنه‌ دانان و ب هه‌ڤكاریا هه‌موو لایه‌ك و ب ئێك هه‌لویستى پێنگاڤێن كریارى بۆ ئاسایى كرنا ره‌وشا هه‌رێمێ و بكارخستنا په‌رله‌مان و بهێزكرنا كاروبارێن حكومى یێن حوكمه‌تێ  بهێنه‌ هاڤێتن.

ئه‌ڤرۆ نيوز:

ئه‌حمه‌د عه‌بدولا زوبێر، به‌رپرسێ راگه‌هاندنێ ل رێڤه‌به‌ريا گشتيا په‌روه‌ردێ ل پارێزگه‌ها دهۆكێ راگه‌هاند: سوبه‌هێ‌ ژڤانێ‌ چاڤپێكه‌فتنێ‌ یه‌ بو به‌ربژێرێن پوستێ‌ رێڤه‌به‌رێن په‌روه‌ردێن قه‌زا رێڤه‌به‌ریا گشتی یا په‌روه‌ردا پارێزگه‌ها دهوكێ‌ ئه‌وان به‌ربژێران ئاگه‌هداردكه‌ت كو ناڤێن وان ده‌رچووین بو ( چاڤپێكه‌فتنێ‌ ) ب مه‌ره‌ما وه‌رگرتنا پوستێ‌ ( رێڤه‌به‌ریا په‌روه‌ردا قه‌زا سێمێل – رێڤه‌به‌ریا په‌روه‌ردا قه‌زا به‌رده‌ره‌ش).

زێده‌تر گۆت: “سوبه‌هی رێكه‌فتی 7/3/2016 ل ده‌م ژمێر ( 10:00 ) سپێدێ‌ سه‌ره‌دانا رێڤه‌به‌ریا گشتی یا په‌روه‌ردا پارێزگه‌ها دهوكێ‌ بكه‌ن ب مه‌ره‌ما چاڤپێكه‌فتنێ‌ دگه‌ل لیژنا تایبه‌ت بو تمامكرنا پروسا ده‌ست نیشانكرنا كه‌سێ‌ خودان شیان بو وان پوستان لدویف وان مه‌رج وپیڤه‌رێن هاتینه‌ دانان”.