ئەڤرۆ نیوز:
پشتی ستێرا ریال مەدرید و ھەلبژارتیێ پرتوگال ل سالا ٢٠١٥ ژ ھەڤالا خوە یا روسی ئرینا شایک جودابووی بەردەوام ھزر ل ھەڤالەکا نووی کەت ژ بوو وێ چەندێ ئەو ھەڤال وەکو ئرینا شایک بیت بەردەوام بیت د ژیانا وی دا ھەر چەند ل ماوێ بوری پەیوەندیێن وی ل گەل ھژمارەکا کچێن بەرنیاس ل ئورۆپا بوون لێ بتنێ بو کەیخوشحالی و روینشتێن یانێن شەڤێ ئاھنگابوون.
خوشکا کیم کارداشیان کەساتیا ئەمریکی یا بەرنیاس و نمایشکارا جلوبەرگان کیندال جینەر دەستخوشی ل رونالدوی کری یە ل ئنستگرامی وی یێ تایبەت پشتی تومارکرنا چار گولان د یاریا شڤێدی دا بەرامبەر سلتاڤیگو و لایک ل چەندین وێنەیێن رونالدوی داینە و ھەردیسان رونالدوی ژی ئەو فلوکری یە و ب رێیا نامەیا ئەوان پەیوەندی ب ئێکو دو کریە.
رۆژنامەیێن ئورۆپی وەسا ژی دایە دیارکرن رونالدوی کیندال جینەر خوشکا بچووک یا کیم کارداشیان داخوازی ئێک ژ یاریێن ریال مەدرید کریە کو ل یاریگەھێ ئامادەبیت داکو پتر نێزیکی ئیک بن و وێ ژی دلخوشحالیا خوە دیارکری یە کو ئەوژی وەکو رونالدوی نوکە لێگەریانا ھەڤالەکێ نووی دکەت پشتی ھەڤالێ وی یێ بەری نوکە خیانەت ل وێ کری .

ھەژی گوتنێ یی کیندال جینەر یا ٢١ سالی ئێک ژ کەسێن بەرنیاس ل سەر شاشێن ئەمریکی یێن ناڤودەنگ و نمایشکارا جلوبەرگانە ل ئەمریکا نوکە ئەو ل باژێرێ پاریس یێ فەرەنسی دژیت

ئەڤرۆ نیوز:
تیما زاخۆ یا پشکدار دخولا کوردستانێ دا دو یاریکەرێن تیما خولا عیراقێ ل تیما خوە زێدەکرن بۆ یاریێن بھێت ژ خولا فاستلینک یا کوردستانێ ژ بوو ب ھێز ئێخستنا پێکھاتیێ تیما خوە .
ئەو ھەردو یاریکەرێن ل تیما زاخۆ ھاتینە زێدەکرن ئەوژی ھەر ئێک ژ ئاریان موستەفا ل ھێلا ھێرشبەریێ و گولچیێ تیمێ دلوڤان مەھدی و دھێتە چاڤەرێکرن ژی ل ماوێ چەند رۆژێن بھێت ھژمارەکا دی ژی یا یاریکەران ل تیمێ زێدەبکەت تایبەت پشتی تیما خولا عیراقێ یا زاخۆ نەشیای دەربازی قوناغا بژارە بیت.
ھەژی گوتنێ یە تیما زاخۆ دێ یاریا بھێت ژ خولێ دێ ھەمبەری سەرکێشا کوما ئێکێ یانا ھەولێرێ کەت ل یاریگەھا خوە .

ئەڤرۆ نیوز، کاروان باعەدری:
دیاریا شڤێدی یا خۆلا ئیسپانی دا یانەیا ریال مەدرید سەرکەڤتنەکا مەزن ل سەر یانەیا سلتاڤیگۆ تومارکر ب حەفت گولان بەرامبەر گولەکێ، و دوێ یاریێ دا ستێرا ریال کریستانو رونالدو شیا چار گولان توماربکەت و جەماوەرێ یاریگەھێ ھەمی ب تومارکرنا ئەوان چار گولان کەیف خۆشیا خو دەربری ، لێ بتنێ کوڕێ کرستیانۆی ھاژ یاریێ نەبوو ب موبایلا خۆڤە یێ مژوول بوو .
دچەندین تورێن جڤاکی یێن جیھانی دا بوویە جھێ کەنگەشێ و دیاردکرن کو کروێ رونالدو یاریا تەپا پێ دکر ب ب موبایلێ ئەوژی یاری ب مێسی دکر .
دھێتە زانین دچەندین دیداران دا کوڕێ رونالدوی دیارکربوو کو ئەو حەژیکەرێ مێسی یە و حەژ یاریا مێسی دکەت .

ئەڤرۆ نیوز:
پشتی ھەر ئێک ژ یانێن نەفت وەست زەورا،نەفت و تەلەبە ژ کوما ئێکێ  و جەویە، مینا،شورتە و بەغدا ژ کوما دوێ دەربازبووینە خولا بژارە یا عیراقێ و ئێکەتیا تەپا پێ ھەر ئەڤرۆ کومبوونەک گرێدا ژبەر دەست نیشانکرنا یاریێن خولا بژارە و شێوازێ خولێ ل گەل نوونەرێن ھەر ھەشت یانا .
د وێ کومبوونێ دا ئێکەتیا تەپا پێ بریار دا ئەو یانە جھێ خولێ دەستنیشان بکەن ل سەر رازەمەندیا خوە کو دو باژێر ھاتبوونە ژێگرتن ئەوژی بەسرا و بەغدا پشتی چەندین گەنگەشێ ل دووماھیێ بوو دەنگدان دناڤبەرا نوونەرێن یانا و د وێ دەنگدانێ دا یانێن بەغدا کونترول کر ئەوژی ھەر شەش یانێن بەغدا دەنگێ خوە دا خول باژێرێ بەغدا بھێتەکرن و ھەردو یانێن مینا و نەفت وەست دژی ئەڤێ بریارێ بوو، ئێکەتیا تەپا پێ ژی بریار دا ب فەرمی یاریێن خولێ ب شێوەیێ خول ئێک قوناغا ل ھەر چار یاریگەھێن شەعب و ئەمانە بەغدا و سیناعە و کەرخ یێن باژێرێ بەغدا بھێنە برێڤەبرن.

ئه‌ڤرۆ نيوز:

كريستيانو رونالدو، هێرشبه‌رێ ريال مه‌دريد ب چار گولان به‌رسڤا ره‌خنێن راگه‌هاندنێ و ياريكه‌رێن به‌رامبه‌ر وى دا.

ئەڤرۆ نیوز:
ئێکەتیا تەپا پێ یا کوردستانێ د کومبوونا خوە یا حەفتیانە دا بریار دا یاریێن مای یێن کوما ئێکێ ژ گەرا ١١-١٢-١٣ ل ماوێ ھەشت رۆژان دا ب دووماھی بینن و یاریێن ھەر سێ گەرا دەستنیشانکرن ئەوژی یاریێن گەرا یازدێ ل رۆژا پێنج شەمبیا بھێت ل ١٠-٣-٢٠١٦ بھێنەکرن و گەرا دوازدێ ل رۆژا دوشەمبیێ ١٤-٣-٢٠١٦ و گەرا سێ زدێ ل رۆژا ھەینێ ١٨-٣-٢٠١٦ بھێنەکرن .
ئێکەتیا تەپا پێ یا کوردستانێ ئەڤ بریارە دایە ژ بوو ئەوێ بشێن ب زیترین دەم یاریێن ڤێ کومێ ب دووماھی بینن کو پشتی یاریێن کوما دوێ ب دووماھی ھاتین.
ھەژی گوتنێ یە نوکە ھەڤرکی یێن کوما ئێکێ یا بەردەوامە ل سەر دەربازبوونێ ھەردیسان پاشڤەزفرینێ کو دو نوونەرێن پارێزگەھا دھۆکێ دڤێ کومێ دا پشکدارن ئەوژی زاخۆ و زێرەڤانی.