ئەڤرۆ نیوز:
پشتی بوراندنا ٢٧ حەفتیان ژ یاریێن خولا لیگا ئیسپانیا ھێشتا ھەڤرکی یا گەرمە دناڤبەرا رونالدو و سوارێزی ڤە بۆ ب دەستڤە ئینانا گولکەرێ خولێ ھەردیسان ھەر ئێک ژ مێسی و سوارێز ژی خوە نێزیکی سەرکێشێن گولکەرێ خولا ئیسپانیا کری نە تایبەت ستێرا ئەرژەنتینی پشتی د یاریا شڤێدی دا شیای ھاتریکێ توماربکەت
یاریکەرێ بەرشەلۆنا سواریز ب تومارکرنا ٢٥ گولان رێزا ئێکێ دھێت و ستێرا یانا ریال رونالدو ب ٢٣ گولان رێزا دوێ دھێت بن زیما ژ یانا ریال ١٩ گولان و لیونێل مێسی رێزا سیێ دھێن ب ١٩ گولان و نیمار ژ بەرشەلۆنا ب ١٨ گولان رێزا چارێ دھێت و ئەرتیز ژ ئەتلەتیکو بلباو رێزا پێنجێ ب ١٧ گولان و بورخا ژ ئیبار ل رێزا شەشێ دھێتب ١٦ گولان.

ئەڤرۆ نیوز:
ئێکەتیا فیفا یا نیڤدەولی دووماھیی لیستەیا ھەلبژارتیێن جیھانێ یا ھەیڤا مارس راگەھاند کو چو گوھورینن مەزن ل دەھـ ھەلبژارتیێن دەستپێکێ دا نەبوون کو ھەلبژارتیێ بەلجیکا سەرێ لیستەیا ھەلبژارتیێن جیھانێ پاراست .
ھەر ١٠ ھەلبژارتیێن دەستپێکێ ب ڤی رەنگی نە
بەلجیکا رێزا ئێکی ئەرژەنتین رێزا دوێ ئیسپانیا رێزا سیێ و ئەلمانیا رێزا چارێ شیلی رێزا پێنجێ و بەرازیل رێزا شەشێ پرتوگال رێزا حەفتێ دھێت و کولومپیا رێزا ھەشتێ دھێـت ئنگلتەرا رێزا نەھێ دھێت و نەمسا رێزا دەھێ.

ئەڤرۆ نیوز:
نوونەرا ئێکانا یا باکورێ کوردستانێ د کاسا تورکیا یا تەپا پێ دا نەشیا مێژویەکێ توماربکەت و دەربازی قوناغا پێش دووماھیا کاسا تورکیا بیت دەمێ ئەڤرۆ ل گەل سەرکێشا سوپر لیگا تورکیا و بەرنیاسترین یانا تورکی فەنەربخجە خوسارەت بووی ب ب دو گولان بێ بەرامبەر بەرامبەر گولەکێ دوێ یاریێ دا ئەوا بەری دەمەکێ کێم ل یاریگەھا فەنەربخجە ل باژێرێ ئیستەنبول ب دووماھی ھاتی ژ چارچوڤێ یاریێن قوناغا ھەشتێ ژ کاسا تورکیا.
د سەرجەمێ ھەردو یاریان ب پێنج گولان بەرامبەر سێ گولان یانا فەرنەربخجە دەربازی قوناغا پێش دووماھیا کاسا تورکیا بوو کو ھەردو یانە د یاریا ئێکێ دا ل یاریگەھا ئامەد ب سێ گولان وەکھەڤ بوون .

ئەڤرۆ نیوز:
یانا دالکورد یا کوردی ئەوا پشکدار دخولا پلا ئێک یا سوید دا یا بەردەوامە ل سەر ئینانا یاریکەرێن خودان ناڤ و شیان ل سەر ئاستێ وەلاتێ سوید بۆ ب ھێز ئێخستنا پێکھاتیێ خوە بۆ یاریێن وەرزێ نوو.
یانا دالکورد ل سەر مالپەرێ خوە یێ فەرمی راگەھاندی یە ب ھاتنا یاریکەرێ ھێلا ناڤین یێ یانا زیوریخ یا سویسری دوشان دوریچ دێ ھێزەکا دی دەتە پێکھاتیێ تیما ئەوان ژبەرکو ئەڤی یاریکەری شارازیەکا باش ھەیە ل سەر ئاستێ یاریێن نیڤدەولی و قارەمانیێن ئورۆپی.
دوشان دوریچ یاری ل ھەر ئێک ژ یانێن ھلموسوتد سویدی و فالنسیان فەرەنسی و زیرویخ یا سویسری کری یە ھەردیسان یاری بۆ ھەلبژارتیێ لاوان و ئولومپی و ھەلبژارتیێ ئێکێ سوید کری یە .

ئەڤرۆ نیوز:
ئەردا توران یاریکەرێ تورک و یانا بەرشەلۆنا یا ئیسپانی د دیدارەکێ دا ل گەل رۆژناما ماندو یا ئیسپانی دیارکر ئەو گەلەک یێ کەیفخوشحالە ل گەل یانا بەرشەلۆنا ھەر چەندە ئەو د زوربەیا یاریێن یانێ دا ژی وەکو یاریکەرەکێ یەدەگە لێ ل گەل بوراندنا دەمی دێ شێت جھێ خوە وەکو یاریکەرەکێ سەرەکی ل گەل ڤێ یانێ بینت.
یاریکەرێ تورک ئاماژە ب وێ چەندێ ژی کر ئەو کەسەکێ موسلمانە و بتنێ باوەری ب دینێ ئیسلامی ھەیە چو جاران ناھێلیت نڤێژین وی ژ وی بچن بەردەوام سوپاسا خودێ کەت و قورئانا کەریم پەرتوکا وی یا سەرەکی و خوشتفیترین پەرتوکا وی یە .

ھەردیسان دیارکر ژی ھەکە ئەو گولەکێ د قارەمانیا یانێن ئورۆپا دا توماربکەت ئەو دێ پتر موسلمانیا خوە بۆ ھەمی جیھانێ و حەژێکەرێن یانا بەرشەلۆنا یێن موسلمان دیارکەت ئەوژی دێ دی خوە نزمینت بۆ خودایێ خوە و چیتە سجدێ ل نیڤا یاریگەھێ .

ھەژی گوتنێ یە بەری نوکە ژی ل گەل ئەتلەتیکو مەدرید یاریکەرێ ناڤبری پشتی تومارکرنا گولەکێ ل سەر یانا چێلسی د قارەمانیا یانێن ئورۆپا دا چوبو سجدێ ل ناڤا یاریگەھێ و دخوازیت ئەڤێ چەندێ ل گەل بەرشەلۆنا دوبارە بکەت

ئەردا توران ل دەمێ ل گەل ئەتلەتیکو مەدرید پشتی تومارکرنا گولەکێ سوپاسیا خودێ کر و ل دەمێ سجدێ ل ناڤا یاریگەھێ

ئەڤرۆ نیوز،ھەژار مەعروف:
ھەلگرا ھەر سێ ناسناڤێن وەرزی بوری دخولا کوردستانێ دا تیما زێرەڤانی بەردەوامی دا ئەنجامێن خوە یێن لاواز ل وەرزێ ئەڤ سالە دخولا فاستلینکا کوردستانێ دا پشتی ئەڤرۆ توشی خوسارەتیا چارێ بووی ل وەرزێ ئەڤ سالە ئەڤ جارە ل سەر دەستێ یانا ھندرین ب گولەکێ بێ بەرامبەر .
ب ڤی ئەنجامی تیما زێرەڤانی خالێن وێ ھەر مان ١٠ خال و پاشڤەزفریی رێزا شەشێ د لیستەیا کوما دوێ دا و کەڤتە د مەترسیا پاشڤەزفرینێ دا بۆ خولا پلا ئێک یا کوردستانێ و تیما ھندرین خالێن خوە گەھاندنە ٩ خال و یاریەک کێمتر ژ زێرەڤانی ھەیە، ژلایەکێ دیڤە ل یاریگەھا کەلار تیما زاخۆ توشی خوسارەتیێ بوو ل سەر دەستێ یانا شێروانە ب گولەکێ بێ بەرامبەر و رێزا دوێ ژ دەست دا پاشڤەزفریی رێزا چارێ ب ١٢ خالان و شێروانە خالێن خوە گەھاندنە ١٤ خالان.
ل یاریگەھا فەرەنسو حەریر یا ئێکێ تیما ھەولێر سەرکێشا کوما ئێکێ وەکھەڤ بوو ل گەل کەرکوک ب گولەکێ.
ھەلویستێ کوما ئێکێ پشتی یاریێن گەرا دەھێ ب ڤی رەنگی یە
ھەولێر ١٧ خال
شێروانە ١٤ خال
کەرکوک ١٢ خال
زاخۆ ١٢ خال
ئارارات ١٠ خال
زێرەڤانی ١٠ خال
ھندرین ٩ خال

ئەڤرۆ نیوز:
نوکە سیێ یاری ژ خولا فاستلینکا کوردستانێ یا پلا نایاب دھێنەکرن و نیڤا ئێکێ یا ھەر سێ یاریان ب دووماھی ھاتیە کو ھەردو نوونەرێن دھۆکێ خوسارەتن ل یاریگەھا ھندرین تیما ھندرین یا پێشکەفتی یە ل سەر زێرەڤانی ب گولەکێ بێ بەرامبەر و ب ھەمان ئەنجام زاخۆ ژی یا خوسارەتە ل گەل شێروانە ل کەلار و کەرکوک ب گولەکێ بێ بەرامبەر یا پێشکەفتی یە ل گەل ھەولێر ل یاریگەھا فەرەنسو حەریر.