ئەڤرۆ نیوز:
ھەلگرا ھەر ناسناڤێن وەرزێ بوری دخولا پلا نایاب یا کوردستانێدا یانا زێرەڤانی دیارکر ئەو گەھشتە رێککەفتنێ ل گەل دەستەیا کارگێریا یانا ھەولێرێ یێ بەرنیاس سەرھەنگ موحسن بۆ یاریێن بھێت دخولا کوردستانێ دا یاریێ بۆ تیما ئەوان بکەت .
ھەردیسان وەسا ژی ھاتیە دیارکرن کو سەرھەنگ موحسن ب شێوەیەکێ خواستن ژ یانا ھەولێرێ بۆ یانا زێرەڤانی ھاتیە ڤەگوھاستن .
ھەژی گوتنێ یە سەرھەنگ موحسن ئێک ژ بەرنیاسترین گولچیا ل سەر ئاستێ ھەرێما کودستانێ و پشکداری ل گەل یانا ھەولێرێد قارەمانیا ئاسیا و خولا عیراقی دا کری یە ھەردیسان یاری بۆ ھەلبژارتیێ کوردستان و ھەلبژارتیێ ئولومپی و ھەلبژارتیێ ئێکێ یێ عیراقێ ژی کری یە

ئەڤرۆ نیوز:
کورێ ئەکتەر و سەماکار بەرنیاس یا عیراقی و وەلاتێن عەرەبی مەلاین کەریم وەکو باشترین یایکەر ل ئەکادمیا یانا چێلسی یا تەپا پێ ل باژێرێ لەندەن یێ برێتانی ھاتە ھەلبژارتن.
مەلاین کەریم پوستەک ل ئینستگرامێ خوە یێ فەرمی بەلاڤەکری یە تێدا پیروزباھی ل کورێ خوە یێ بناڤێ عەلی کری یە و دیارکری یە کورێ من وەکو باشترین یاریکەر ل سەر ئاستێ پێگەھشتیان ئەکادمیا چێلسی ب باشترین یاریکەر ھاتە خەلاتکرن .

ھەژی گوتنێ یە مەلاین ئێک ژ بەرنیاسترین سەماکارایە ل وەلاتێن عەرەبی ل سالا ١٩٧٠ ل باژێرێ حەلە یێ باشورێ عیراقێ دایکبوویە و  پشکداری د چەندین زنجیرێن عیراقی و عەرەبی دا کری یە

ئەڤرۆ نیوز:
ستێرا ھێلا ناڤین یا ھەلبژارتیێ کرواتیا و یانا ریال مەدرید لوکا مودریتچ دبیت پشکداریێ ل گەل یانا خوە د یاریا بھێت دا نەکەت ئەوا بریارە ل گەل یانا لیڤانتی بکەت ژبەر ئەو ھنگافتنا د یاریا ئەتلەتیکو مەدرید دا توش بوویێ.
لوکا مودریتچ ل راھێنانێن ئەڤرۆ یێن یانا ریال مەدرید ئامادەبوو لێ نەشیا پشکداریێ ل گە ھەڤالێن خوە بکەت ژبەرکو نوژدارێن یانێ بۆ دەستەیا راھێنەریا یانێ وەسا دا بوو دیارکر ھنگافتنا وی یا ب ھێزە نەشێت ل یاریا بھێت دا ژی پشکداریێ ل گەل یانا خوە بکەت بەرامبەر لیڤانتی ئەوا بریارە سوباھی بھێتەکرن.

ئەڤرۆ نیوز، ھەژار مەعروف:
تیما تەپا پێ یا زاخۆ ل وەرزێ ئەڤ سالە بەردەوامی دا ئەنجامێن خوە یێن باش دخولا پلا نایاب یا عیراقێ دا و دوھی یاریا دێربیا کوردستانێ ژی د بەرژوەندیا خوە دا ب دووماھی بینت و بتنێ پێنگاڤەک مایە بۆ دەربازبوونێ بۆ خولا بژارە ئەوژی بریارە یاریا خوە یا حەفتیا بھێت ل گەل یانا بەغدا بکەت کو ب خالەکێ دێ دەربازبوونا خوە مسوگەر کەت.
تیما زاخۆ نوکە خودانا ٢٨ خالانە دڤێ کومێ دا ب وەکھەڤیێ د یاریا بھێت دا ل گەل بەغدا ئەوا بریارە ل یاریگەھا بەغدا بھێتەکرن دێ دەربازبوونا خوە مسوگەر کەت و دبیت زاخۆ ب خوسارەتیێ ژی دەربازبیت لێ ب مەرجەکی تیما شورتە یان وەکھەڤ بیت یان خوسارەت بیت بتنێ ئەڤ ھەردو رێیە ھەنە بۆ دەربازبوونا زاخۆ ژبەرکو دو یانا د کوما دوێ دا دەربازبوونا خوە مسوگەر کری یە ئەوژی جەویە و مینا و ھەر سێ یانێن زاخۆ بەغدا و شورتە ھەڤرکیێ ل سەر دو پلێتێن دەربازبوونێ کەن کو زاخۆ ٢٨ خال رێزا سێ دھێت بەغدا ٢٧ خالان رێزا چارێ دھێت و شورتە ب ٢٦ خالان رێزا پێنجێ دھێت.
ھەردیسان ژی ھەردو یانێن زاخۆ و بەغدا جەنسەکێ مەزن ژی ھەیە بۆ دەربازبوونێ ھەردو یانە ب وەکھەڤیێ و خوسارەتیێ ژبەرکو شورتە دێ یاریەکا ب زحمەت ھەمبەری یانا حدود کەت ئەوا رێزا بەری دووماھیێ دھێت کو ئەو یاری دێ بیتە یاریا مان و نەمانێ بۆ ھەردو لاینە حدود یاریێ کەت بۆ مانا خوە دخولا عیراقێ دا و ژبەرکو حدود باش زانیت ئەرکێ ھەڤرکا وێ یانا سیناعە یا ب زحمەت نابیت دەمێ ل گەل یانا کەربەلا کەت کو تیما کەربەلا مانا خوە دخولێ دا مسوگەر کریە .