ئەڤرۆ نیوز ، نەوزاد زادە ھلۆری:
پشتی چەندین سالان و ھەشت جار خوە بەربژێرکرنێ بو دەستڤەئینانا خەلاتێ ئوسکارێ و بێی سەرکەفتن ، ئێدی کەس نکاریت یاریان ب لێوناردو دیکاپریو زارڤەکەر ” ئەکتەرێ ” ھولیودێ بکەن کو خودانێ ئوسکارێ نینە ژبەرکو ل دوماھیێ دا دیکاپریو زارڤەکەرێ سەرەکیێ فلمێ The Revenant بوویە خودانێ ھەشتێ و ھەشتێ یێ خەلاتێ ئوسکارێ و بویە باشتریین زارڤەکەر.
دیکاپریویێ 41 سالی بەری نھا خەلاتێ ” گولدن گلوب و بافتای ” لسەر ھەمان رولی د فلمێ ناڤبری دا وەرگرتیە ژبەرڤێ دھاتە چاڤەرێکرن بو دەستڤەئینانا خەلاتێ ئوسکار ، و فلمێ ناڤبری ژ دەرھێنەریا ” ئالیخاندرو گنزالێز ئیناریتو ” یە و بەحس ل چێروکەکا راستی دکەت کو تێدا ” ھیوگلاس ” کو دیکاپریو رولێ وی دبینیت ، و دچیتە ڤەکولین و راڤێ بەلێ ل وی جھی بجە دھێلیت و ئەو کەسێن کو دگەل وی نە وەسا ھزر دکەن کو ئەو یێ مری و بتنێ مرن لسەر وی زالبوویە.
ل دەما وەرگرتنا خەلاتێ ناڤبری دا ” لێوناردو ” وتارەک پێشکێشکر و د وتارا خوەدا بەحس لسەر گورانکاریێن کەش و ھەوای کر لسەر توپا زەڤیێ و دیارکر کو گورانکاریێن کەش و ھەوای گەلەک ب مەترسینە بۆ سەر رەگەزێ مروڤاتیێ.
فلمێ The Revenant د چارچوڤێ ھەشتێ و ھەشتێ یا خەلاتێ ئوسکارێ دا شیا ژبلی خەلاتێ باشترین زارڤەکەر خەلاتێ باشترین ” سینەماتوگراف” و باشترین دەرھێنان ژی دەستڤە بینیت.
لێونادور دیکاپریو بەری نھا د ھەر ئێک ژ فلمێن Whats Eating Gilbert Grape ) و (Blood Diamond و The Wolf و of Wall Street و The Aviator بەربژێر بو بو وەرگرتنا خەلاتێ ئوسکارێ بو باشترین زارڤەکەر بەلێ د چوو سالان نەشیا خەلاتی دەستخوڤە بینیت و چوونەمابوو ببیتە جھێ یاریپێکرنا تورێن جڤاکی.
گرنگیدانا زور یا دیکاپویو ب رولێن خوە بویە سەدەم کو ببیتە جھێ راکێشانا سەرنجا پرانیا کەسان ، و دھێتە گوتن کو د چارچوڤێ رولێ خوەدا ” دیکاپریو “چەند کارێن نەشیرین ئەنجام بدەت وەکو خوارنا مێلاکا سار یا گامێشان و نڤستنا ل گەل گیانەوەران.
ھەر د چارچوڤێ مەراسیمێدا خەلاتێ باشترین خانما زارڤەکەر دایە ” بریی لاسون ” کو دژیێ 26 سالیێ دا بوو بو فلمێ Room.
ھەروەسا ” ئەلیخاندرو گونزالێزا ” مەکسیکی خەلاتێ باشترین دەرھێنەر وەرگرتن بو فلمێ (The Revenant ، و ئەڤە دووەم جارە لسەر ئێک ” ئەلیخاندرو گونزالێزا ” خەلاتێ ئوسکارێ دەستخوڤە دئینیت.

خەلاتێ باشرین فلمێ سالێ دایە فلمێ Spotlight
خەلاتێ باشترین فلمێ ” ئەنیمەیشن ” دایە فلمێ Inside Out
و فلمێ Son of Sul خەلاتێ باشترین فلمێ نیڤ دەولی وەرگرت
خەلاتێ باشترین موزیک و ستران دایە ھونەرمەند ” سام سمیت ” بو سترانا The Writings on the wall د فلمێ سپیکتەر دا.