ئه‌ڤرۆ نیوز:
ل گۆر ئاماره‌كا رێڤه‌به‌ریا كه‌شناسی و بیڤه‌له‌رزا هه‌رێمێ، باران بارینا ئه‌ڤ ساله هه‌ڤبه‌ر سالار بوورى، زێده‌تر باران باریه، به‌لێ ل پارێزگه‌ها دهۆكێ كێمتر باران باریه هه‌ڤبه‌ر سالى بوورى.
ل دهۆكێ باران كێمتر ژ پار سال باریه
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
داعش نێزیكى به‌غدا دبیت
ئه‌ڤرۆ نیوز:
ژئه‌گه‌رێ چه‌ند هێرشین داعش بۆ سه‌ر چه‌ند ده‌ڤه‌ره‌كێن نێزیكى باژارێ به‌غدا، هێزه‌كا تایبه‌ت بۆ فرۆكخانا به‌غدا دهێته هنارتن.
دوهى چه‌كدارێن داعش هێرشه‌كا به‌رفره‌ه بۆ سه‌ر قه‌زا ئه‌بۆ غرێب ده‌ست پێ كر و شیان ده‌ڤه‌را كازم عه‌زاب كۆنترۆل بكه‌ت.
بۆ به‌ره‌ڤانیكرن ژ به‌غدا، موقته‌دا سه‌در رێبه‌رێ بزاڤا سه‌در، چه‌كدارێن بزاڤا خوه ئێخستینه د ئاماده‌باشیێ دا و پشكه‌كا چه‌كدارێن خوه ره‌وانه‌ى ئه‌بو غرێب كرینه.
توركیا ده‌ست ب چێكرنا بۆریا په‌ترۆلا هه‌رێمێ كر
ئه‌ڤرۆ نیوز:
وه‌زاره‌تا وزا توركیا دیاركر كو وان ده‌ست ب چێكرنا بۆریا ڤه‌گوهاستنا په‌ترۆلا هه‌رێمێ بۆ به‌نده‌رێ جه‌یهان یێ توركی كریه و پێشبینی كر دده‌مه‌كێ نێزیك دا ئه‌و بۆری بهێته چێكرن.
وه‌زاره‌تا توركی خویاكر ژی”مه ده‌ست ب چێكرنا زیانێن ب وێ بۆریێ كه‌فتین یا كری و هێزێن ئه‌منی ژی پێرابوونێن پێدڤی بۆ پاراستنا هێلا ڤه‌گوهاستنا په‌ترۆلێ یێن وه‌رگرتین”.
ل دووڤ ئاژانسا رویته‌رز، ڕاوه‌ستاندنا پرۆسا هنارده‌كرنا په‌ترۆلا خام یا هه‌ریچما كوردستانێ، دهێته هژمارتن درێژترین ده‌مێ ڕاوه‌ستاندنێ د هه‌ردو سالێن بۆری دا.
ئێكه‌تیا ئورۆپا بزاڤێن رزگاركرنا هه‌رێمێ ژ قه‌یرانا دارایى دكه‌ت
ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ پێشوازى ل پاتریك سیۆنت بالیۆزێ نوو یێ ئێكه‌تیا ئورۆپا ل عیراقێ و شاندێ ل گه‌ل دا كر، پاتریك سیۆنت سه‌رۆك بارزانى ل دۆر بزاڤێن ئێكه‌تیا ئورۆپا بۆ دیتنا رێیه‌كێ بۆ هاریكاریكرنا دارایى یا هه‌رێما كوردستانێ ئاگه‌هدار كر.
د دیداره‌كێ دا پاتریك سیۆنت راگه‌هاند، ئێكه‌تیا ئورۆپا په‌یوه‌ندیه‌كا تایبه‌ت ل گه‌ل هه‌رێما كوردستانێ یا هه‌ى و دێ به‌رده‌وام بیت ل سه‌ر به‌رفره‌هكرنا په‌یوه‌ندیان و گۆت:(ئێكه‌تیا ئورۆپا د وێ ره‌وشا دژوارا ئابوورى دگه‌هیت یا كو ژ ئه‌گه‌رێ مه‌زاختنێن شه‌رى و حه‌واندنا ئاواران و ئه‌رزانبوونا بهایێ په‌ترۆلێ ل هه‌رێما كوردستانێ په‌یدا بووى ).
د هه‌مبه‌ر دا، سه‌رۆك بارزانى به‌حسێ گه‌فێن تیرۆر و توندره‌ویێ بۆ سه‌ر جیهانێ كر و رۆناهى به‌ردانه سه‌ر وان مه‌زاختنێن مرۆڤى و ئابوورى یێن كو ژ ئه‌نجامێ شه‌ر و هاتنا ئاواران و ئه‌رزانبوونا بهایێ په‌ترۆلێ به‌رۆكا هه‌رێما كوردستانێ گرتین و گۆت:( جڤاكێ نێڤده‌وله‌تى و حوكمه‌تا عیراقێ د هاریكاریكرنا هه‌رێمێ دا بۆ ئاواران كار ب پێگیربوونێن خوه نه‌كریه).
هه‌روه‌سا سه‌رۆك بارزانى پێشوازى ل خانم ئێڤا درداكۆڤا قونسلا كۆمارا چیك ل هه‌ولێرێ كر.
د دیداره‌كێ دا، قونسلا چیك راگه‌هاند كۆمارا چیك دێ یا به‌رده‌وام بیت ل سه‌ر پشته‌ڤانیكرنا هه‌رێما كوردستانێ و پێشمه‌رگه‌ى و سه‌رۆك بارزانى ل دۆر بڕیارێن وه‌لاتێ خوه ئاگه‌هدار كر بۆ پێشكێشكرنا هاریكاریێن سه‌ربازى و دابینكرنا هاریكاریێن نوشدارى بۆ پێشمه‌رگه‌ى و ئاواران و دیسا هاریكاریكرنا زانستى و ته‌كنیكى د وارێ گۆرێن ب كۆم و نوشدارى دا.
د هه‌مبه‌ر دا، سه‌رۆك بارزانى سوپاسیا گه‌ل و حوكمه‌تا كۆمارا چیك كر كو پشته‌ڤانێن گه‌لێ كوردستانێ و هێزا پێشمه‌رگه‌ى نه و داخواز ژى كر كو دوستاتیا گه‌لێ كوردستانێ و گه‌لێ كۆمارا چیك كوورتر لێ بهێت.
رێككه‌فتنا هه‌رێمێ و به‌غدا ل سه‌ر مووسل ئاشكرا دبیت
ئه‌ڤرۆ نیوز:
جه‌بار یاوه‌ر په‌یڤدارێ وه‌زاره‌تا پێشمه‌رگه‌ى ل حوكمه‌تا هه‌رێما كوردستانێ راگه‌هاند رێككه‌فتنه‌ك د ناڤبه‌را حوكمه‌تا هه‌رێمێ و به‌غدا هاتیه ئیمزاكرن بۆ بنه‌جه‌هكرنا هێزێن سوپایێ عیراقێ ل مه‌خمور و خوه‌به‌رهه‌ڤكرن بۆ شه‌رێ ئازادكرنا مووسل.
په‌یڤدارێ وه‌زاره‌تا پێشمه‌رگه‌ى ل حوكمه‌تا هه‌رێما كوردستانێ راگه‌هاند رێككه‌فتین ب وى ئاوایى یه كه ئه‌و هێز ب تنێ ل سه‌ربازگه‌ها مه‌خموور بن و گۆت” ب تنێ رێ ب فرقا 15 یا سۆپایێ عیراقێ هاتیه دان ل وێ ده‌ڤه‌رێ بنه‌جه ببیت و چ هێزه‌كا دى رێ پێ ناهێته دان ل وێ ده‌ڤه‌رێ بمینیت”.
19 كیلو ژ ده‌ست داینه
دێ چاوا بێهنا زناخه‌تێ ژ مریشكێ به‌ى
ئه‌ڤرۆ نیوز:زه‌رى نه‌وزاد
خالا هه‌ره گرنگ ئه‌وه كو تو بزانى دێ چه‌وا سه‌ره‌ده‌ریێ دگه‌ل مریشكێ كه‌ى ژ به‌ركو ئه‌گه‌ر تو مریشكا به‌ستیكرى بكار بینى دڤێت ل ده‌مێ كرینێ تا ده‌مێ ب كار ئینانێ د هه‌مان پلا ته‌زیاتیێ دا بپارێزى.
هشیاربه مریشكێ نه‌كه د ناڤ ئاڤێ دا بو ده‌مه‌كێ درێژ چونكى ئه‌ڤ كریاره دبیته ئه‌گه‌ر كو بێهنا زناخه‌تێ ل وێ مریشكێ زێده ببیت و ل ده‌ست پێكێ هنده‌ك خه‌لێ دگه‌ل ئارى ب مریشكێ وه‌ركه و دناڤدا تێكڤه‌ده پاشى ب ئاڤێ مریشكا خوه بشو و له‌یمونه‌كێ بگڤێشه سه‌ر ب ڤێ چه‌ندێ دێ باشترین بێهن و تام بده‌ست خوه‌ڤه ئێخى.
یانا زاخۆ خودانا باشترین ھێلا بەرەڤانیێ یە ل عێراقێ
ئەڤرۆ نیوز،ھەژار مەعروف:
تیما تەپا پێ یا زاخۆ ئەوا ل وەرزێ ئەڤ سالە ژ ھەر ھەمی سالێن بوری ئەنجامێن وێ ھەتارادەکێ مەزن باشترن و ھەتانوکە ھێلا بەرەڤانیا یانا زاخۆ ب باشترین ھێلا بەرەڤانیێ ل سەر ئاستێ خولا عیراقێ دھێـتە ھژمارتن کو ل ١٦ یاریێن بوری دا بتنێ ھەشت گول ل سەر تیما زاخۆ ھاتینە تومارکرن کو ل قوناغا ئێکێ ٦ گول ھاتبونە تومارکرن .
ل یاریێن قوناغا دوێ بەرەڤانێن زاخو ب ھێزتر لێ ھاتینە ژ حەفت یاریێن بوری بتنێ دو گول سەر ھاتینە تومارکرن کو ل پێنج یاریێن بوری ل دیڤ ئێک بتنێ گولەک ھاتیە تومارکرن .
ھەژی گوتنێ یە زوربەیا یاریێن ئەڤ سالە پێکھاتیێ سەرەکی یێ ھێلا بەرەڤانیا زاخۆ پێکھاتیی یە ژ عەباس قاسم و لیگا یێ رومانی و لایێ چەپێ جاسم محەمەد حاجی و دیار یاخ و گەلەک جاران یاری ب سەفا ژی ل ھێلا بەرەڤانیێ دھێتەکرن.
ئاسایشا هه‌ولێرێ: چ هێرش بۆ سه‌ر مه‌لبه‌ندێ سێ یێ ئێكه‌تیێ نه‌هاتینه كرن
ئه‌ڤرۆ نیوز:زه‌رى نه‌وزاد:
د رونكرنةكىَ دا ئاسایشا هه‌ولێرێ دیار دكه‌ت كو چ هێرش و ته‌قه ل مه‌لبه‌ندێ 3 یێ ئێكه‌تیێ نه‌هاتیه كرن به‌لكو دو كه‌سان ژ ئه‌نجامێ كێشه‌یه‌كا كه‌سایه‌تى ته‌قه ل ئێك و دو كریه ل به‌رامبه‌ر ئوتێلا گاردنیا و ته‌قه ل ئوتێلێ ب خوه ژى كریه و ئه‌و دو كه‌سه ژ لایێ پولیسێن هه‌ولێرێ هاتینه ده‌سته‌سه‌ر كرن و ل شه‌ڤا ل دوڤدا ل به‌رامبه‌ر هه‌مان ئوتێل كو دكه‌ڤیته نێزیك مه‌لبه‌ندێ 3 یێ ئێكه‌تى نشتمانى ژ لایێ كه‌سه‌كێ سه‌رخوش ته‌قه هاتیه كرن و ئێكسه‌ر پاسه‌وانێن مه‌لبه‌ندى ته‌قه ل هه‌وایی كرینه.
تێته زانین كو مه‌لبه‌ندێ 3 یێ ئێكه‌تى نشتمانى د راگه‌هاندنه‌كێ دا دیار كریه كو ل ڤان هه‌ردو شه‌ڤان ژ لایێ هنده‌ك كه‌سێن نه نیاس ته‌قه ل مه‌لبه‌ندێ وان هاتیه كرن.
پشتى پێنج رۆژێن خوه‌سۆتنێ ئه‌ڤرۆ گیانێ خوه ژ ده‌ستدا
ئه‌ڤرۆ، كاروان باعه‌درى:
كچه‌كا خه‌لكا كۆمه‌لگه‌ها دێره‌بوونێ پشتى 5 رۆژێن خوه سۆتنێ ئه‌ڤرۆ ل 28/2/2016 جانێ خۆ ژ ده‌ستدا .
شه‌مال هه‌وێرى كه‌سه‌كى نێزیكى ڤێ كچێ بۆ مالپه‌رێ ئه‌ڤرۆ نیوز گۆت: ئه‌ڤرۆ ل ریكه‌ڤتى 28/2/2016 كچه‌ك بناڤێ (ئاوات خێرى كرۆ) ل كۆمه‌لگه‌هه‌كا دیره‌بوونێ پشتى 5 رۆژێن خوسۆتنى ل نه‌خوشخانێ جانێ خو ژ ده‌ستدا و نه هاتیه زانینه كا بوچى خوه سوتیه.
نيشاندان
WP Facebook Auto Publish Powered By : XYZScripts.com