ئەڤرۆ نیوز، ھەژار مەعروف:
نوونەرێن یانێن باکورێ کوردستانێ دخولێن پلا دو و سیێ یێن تورکیا دا ئەڤرۆ نەشیان سەرکەفتنێ د یاریێن خوە یێن خولێ تومابکەن .
دخولا پلا دو دا تیما ئامەد سپور توشی خوسارەتیەکا نە چاڤەرێکری بوو ل سەر دەستێ تیما تارسوس سپور ب سێ گولان بێ بەرامبەر و ھیڤێن وێ ب زحمەت کەفتن بۆ دەبازبوونێ بۆ خولا پلا ئێک .
د یاریێن خولا پلا سیێ دا ژ چارچوڤێ کوما دوێ دیاربەکر سپور وەکھەڤ بوو ل گەل یانا یەموریا سپور ب گولەکێ و نوونەرا باکورێ کوردستانێ سەرارەی ڤێ وەکھەڤیێ رێزا سیێ د کوما دوێ دا پاراست ب ٤٤ خالان.
د یاریێن کوما سیێ دا ژ خولا پلا سیێ ھەر سیێ نوونەرێن باکورێ کوردستانێ نەشیان سەرکەفتنێ توماربکەن کو دێرسیم سپور دەڤەی یاریگەھا خوە وەکھەڤ بوو ل گەل ئەسکەندەرن ب گولەکێ و باتمان پەترول ل یاریگەھا خوە ل گەل سەرکێشا کومێ قەستەمون سپور ب دو گولا بەرامبەر گولەکێ و ڤان سپور ژی ل گەل ٢٤ ئەزرین جان سپور ب سێ گولان بەرامبەر گولەکێ خوسارت بوون

ئەڤرۆ نیوز:
خوسارەتیا ریال مەدرید ل سەر دەستێ ئەتلەتیکو مەدرید د یاریا دێربیا مەدرید دا بوویە مانشێت و گرنگترین نوچەیێن رۆژنامەیێن ئیسپانی .
رۆژناما سپورت کەتەلونیا دیارکری یە پاپورە ریال مەدرید نقوم بوو

پاپورا تایتانیک یا مەدرید ل سەر دەستێ زەلامێن سیمیونی نقوم بوو.
جەماوەرێ ریال بۆ جارا دوێ ل وەرزێ ئەڤ سالە داخوازا دەست کارکێشانا فلورنتینو پێریز کر
رونالدو دیارکریە ھەکە ھەمی یاریکەرێن ریال وەکو من یاری کربا نوکە ئەو سەرکێشێن خولێ بوون
زێدان دڤێت بتنێ پشت بەستنێ ل سەر قارەمانیا یانێن خولا یا ئورۆپا بکەت.

رۆژناما مارکا
ئەتلەتیکو مەدرید بۆ ئەگەرێ ئاگری و ئاریشە دناڤ یانا ریال مەردید زێدەتر لێ بکەت
جەماوەر نە ئارامیا خوە بەرامبەر سەروکێ یانێ دیارکر
زێدان دان پێدان ب وێ چەندێ کر ریال پێدڤی یە بتنێ ل ماوێ بھێت پشت بەستنێ ل سەر قارەمانیا ئورۆپا بکەت.

رۆژناما ئاس
ئەتلەتیکو کونترولا پایتەختی کر
ریال مەردید ئاستەکێ نە چاڤەرێکری و نە ل ئاستێ پێدڤی بوو
دادڤانێ یاریێ پەنەلەتیەک ل دقیقەیێن دووماھیێ بۆ دانیلوی نە ھژمارت
داخویانیێن رونالدوی بۆ ئەگەرێ تێکدانا دناڤبەرا یاریکەرێن تیمێ دا پشتی دیارکری ھەکە ھەمی یاریکەر ل ئاستێ من بان نوکە ریال ل سەرێ لیستەیا خولێ بوو.
زێدان: بەرپرسیا خوە ژی ڤێ خوسارەتیێ دیارکر و چاڤەرێنەتکر یاری دی ب ڤێ شێوەی بیت

بەرگێ سەرەکی یێ رۆژناما دیبورتیفو کەتەلونی ب ڤی شێوەی بوو
شەر دناڤبەرا پولیس و جەماوەرێ یانێ دا پەیدابوون ژبەركو جەماوەری داخوازا دورخستنا فلورنتینو پێریز کر سەروکێ یانێ

بەرگێ سەرەکی یێ رۆژناما ویلوبا دیارکری یە
ئەنریکی: ناسناڤێ خولا ئیسپانیا حەسم بوو بتنێ مایە نەمرێن پیڤای و ئەنجامێن باشتر توماربکەین.

ئەڤرۆ نیوز:
ملیاردێرێ ئیرانی یێ بەرنیاس ئەردەوان فەرھاد مشیری گەھشتە رێککەفتنێ ل گەل خودانێ یانا ئیفەرتون بۆ کرینا رێژەیەکا مەزن ژ یانا وی ئەوژی ب رێژەیا ٤٩.٩ شیا وەکو رێکەفتنا دەستپێکێ بکریت و بۆ ھەڤپشک ل گەل سەروکێ یانێ ئەوێ ل سالا ١٩٩٩ ب تمامی کری .
بێل کینرات ئەوێ ل سالا ١٩٩٩ ب ٢٥.٤ ملیون یورۆیا یانە کری بۆ دەزگەھێن راگەھاندنا برێتانیا وەسا دایە دیارکر ئەو ماوەکێ درێژە ل ھەڤپشکەکی دگریت بھێت ل گەل وی دا و پشتی یێ ئیرانی ئەردەوان حەزا کرینا رێژەیەکا یانی کری ئەو ژی رازیبوو ژبەرکو ئێک ژ بازرگان و میلیاردێرێن بەرنیاس ل سەر ئاستێ ئورۆپا جیھانی .
ئەردەوان فەرھادی ژلایێ خوڤە دیارکری یە ژبەر حەژێکرنا وی بۆ ڤێ یانێ ئەوی ئەڤ چەندە کر .
ھەژی گوتنێ یە رێژەیا ملیاردێرێ ئیرانی ل گەل یانا ئیفەرتون  ٤٩.٩% کو بریارە ئێک ملیار و ٦٥٠ ملیون یورۆیا پێشکێشی یانێ بکەت

ئەڤرۆ نیوز:
جەماوەرێ ریال مەدرید پشتی خوسارەتیا ل گەل ئەتلەتیکو مەدرید ئێکسەر پشتی یاری ل ناڤ یاریگەھێ و دەرڤەی یاریگەھێ ب دەنگەکێ بلند دخوازا ژی سێ کەسان کر یانێ ب جھـ بھێلن ژبەرکو نە ئارامیا خوە ژ ئەوان دیتی یە.
ھژمارەکا مەزن یا جەماوەری داخوازی ژ سەروکێ یانێ فلورینتینو پێریز کر کو دەست ژ پوستێ سەروکاتیا یانێ بەردەن و دەلیڤەیێ ب دەتە ئێکێ دی ژبەرکو دو سالە رەوشا یانێ ل سەر دەستێ وی پاشڤەزفری یە ھەردیسان جەماوەری داخوازا دورخستنا ھەردو یاریکەرێن یانێ یێن ھێلا ناڤین ئیسکو و رودرێگیز کر ژبەر ئاستێ وان یێ ھونەری چەندین یاریا پاشڤەزفری یە .
ھەژی گوتنێ یە ب خوسارەتیا شڤێدی یا ریال مەدرید ل گەل ئەتلەتیکو مەدرید ھەتا رادەکێ مەزن یانا ریال مەدرید ژ ھەڤرکیا خولێ بێ باربوویە ژبەرکو ھەڤرکا وێ بەرشەلۆنا ٩ خالان بەری وێ یە و یاریەکێ کێمتر دبیت ئەڤرۆ جوداھی بنە ١٢ خال و ھەردیسان ئەتلەتیکو ژی ب جوداھیا ٤ خالان رێزا دوێ ژی ریال مەدرید دھێت.