شێخان، بارزان مزورى:
ئه‌ڤرو ل ده‌مژمێر 5:30 خوله‌ك ئێڤارى 23/11/2015 ل سه‌ر رێیا سه‌ره‌كیا شێخان بو باعه‌درێ رویدانه‌ك دناڤبه‌را ترومبێله‌كا تایبه‌ت دوج و ئوپا ڤیكترا رویدا و د ئه‌نجام دا كه‌سه‌ك ب دژوارى بریندار بوو و هاته‌ ڤه‌گوهاستن بو نه‌خوشخانا شێخان.
نپێشه‌نگ به‌درخان محه‌مه‌د سه‌لیم،به‌رپرسێ پشكا هاتنوچونا شێخان بو ئه‌ڤرو نیوز دیار كر كو هه‌ردوو ترومبێل كه‌فتینه‌ به‌رامبه‌رى ئێك ، ترومبێله‌ك ژوان كونترول ژ ده‌ستا ده‌ركه‌فتیه‌ و چویه‌ سایدێ ترومبێلا دى و توشى لێكدانێ بوینه‌.
ناڤبرى گوت ژى كو دهه‌مان روژدا ل ده‌مژمێر 7:15 خوله‌ك ب شه‌ڤ ل سه‌ر رێیا قه‌سروك ترومبێله‌ك ژ جورێ ئوپل ڤیكترا خو ل پشتا شه‌فه‌له‌كێ ده‌ت، د ئه‌نجام دا دوو كه‌س ب دژوارى بریندار بون، زێده‌بارى زیانێن مادى ب ترومبێلێ كه‌فتن .
ناڤبرى لدور ئه‌گه‌رێن رویدانێ گوت كو شه‌ڤه‌ل یا بێ روناهى بو ترومبێلا ئوپل لدوڤ له‌زاتیا خو هاتیه‌ شه‌ڤه‌ل كه‌فتیه‌ به‌رامبه‌ر نێزیك بویه‌ و پاش دیتیه‌ له‌وا نه‌شیایه‌ كونترولێ ل سه‌ر له‌زاتیا خو بكه‌ت و توشى لێكدانێ دبیت .