ئه‌ڤرۆ نيوز:
سه‌فين دزه‌يى په‌يڤدارێ حوكمه‌تا هه‌رێما كوردستانێ راگه‌هاند كارێ جدى دهێته كرن بۆ كێمكرنو كاراكرنا وه‌زاره‌تان و به‌رهه‌ڤى بهێنه كرن بۆ كێمكرنا رووتينا دام و ده‌زگه‌هێن حكومه‌تێ و گۆت: حوكمه‌تا هه‌رێما كوردستانێ د چارچوڤێ چاكسازيان دا، دێ ده‌ستكاريا هه‌يكه‌لێ ئيدارى يێ دام و ده‌زگه‌هێن گشتى و كێمكرنا وه‌زاره‌تان كه‌ت.
ئەڤرۆ نیوز،زنار تۆڤی:
ل مەیدانا تەحریر ل بەغدایا پایتەختێ عێراقێ ئەڤرۆ رۆژا ئەینی خۆ پیشاندەکا ئێک ملیۆنی ژلایێ رەوتێ سەدر ڤە هاتە ئەنجامدان و د وێ خۆ پیشاندانێ دا مۆقتەدا سەدر سەڕۆکێ رەوتا سەدر گۆتارەک بۆ خۆپیشاندەران خواند و تێدا دیاڕکر ئەڤ خۆپیشاندانە مە ل دژی گەندەلکاران ئەنجامدایە و دڤێت ئێدی رێ ل کارێ گەندەلیێ و گەندەڵکاران بهێتە گرتن و پێدڤێە حوکمەت چاکسازیان بکەت و نابیت ئێدی چاکسازی ب درۆشمان بهێنە ئەنجامدان و دڤێت بکریار بهێنە ئەنجامدان و نابیت ئێدی خەلکێ مە بهێتە خاپاندن و گۆت ژی:هەکە داخوازیێن خەلکی نەهێنە به بجهئینان ئەم دێ بەردەوام خۆپیشاندانان کەین و ژبەرکو ئەڤا ئەم دکەین مافێ خەلکێ یە و نابیت حوکمەت ب ڤی رەنگی سەرەدەریێ دگەل خەلکێ ڤی وەلاتی بکەت و دیارکر ژی،کو حوکمەتا عێراقێ یا کەفتیە دەستێ گەندەلکاران و دڤێت ئەو کەسێن گەندەلی کری بهێنە دادگەهکرن و مافێ خەلکێ ژێ بهێتە وەرگرتن.
ئەڤرۆ نیوز:
دوھی ل سەر رێکا بەردەرەش ھەولێر ترومپێلا رۆژنامەڤانێ وەرزشی یێ باژێرێ زاخۆ شڤان خەلیل وەرگەیا و ژ رویدانەکا ترافیکی یا مەترسی قورتال بوو، پشتی ترومپێلا وی دو جاران ل دیڤ ئێک وەرگریای یای ل سەر جادەیا گشتی یا دناڤبەرا ھەولێر و بەردەرەش دا.
ل دور ڤی رویدانی رۆژنامەڤانێ وەرزشی شڤان خەلیل د داخویانیەکێ دا بۆ ئەڤرۆ نیوز دیارکر دوھی ل دانێ سپێدێ ل گەل مالباتا خوە بەر ب باژێرێ ھەولێرێ ڤە چوون ل سەر جادەیا گشتی یا بەردەرەش ترۆمپێلا وی وەرگەریا پشتی ژ جادەیێ دەرکەفتی دو جاران ل دیڤ ئێک وەرگەیا لێ سوپاس بوو خودێ جو زیانێن مەزن نەبوون بتنێ زیان ب ترومپێلێ کەڤت .
ئه‌ڤرو نیوز،هه‌ژار مه‌عروف
ل یاریگەھا خوە تیما تەپا پێ یا دھۆک شیا ھیڤێن خوە گەشتر لێ بکەت بۆ دەربازبوونێ بۆ چار گوشا زێرین یا خولا پلا نایاب یا کوردستانێ پشتی د یاریا خوە یا ئەڤرۆ دا شیای سەرکەفتنێ ل سەر یانا برایەتی توماربکەت ب دو گولان بەرامبەر گولەکێ دوێ یاریێ دا ئەوا ئەڤرۆ ل یاریگەھا یانا دھۆک یا وەرزشی ھاتیەکرن و تیما دھۆک خالێن خوە گەھاندنە ١٦ خالان رێزا دوێ پاراست.
ژلایەکی دیڤە ل یاریگەھا گارە تیما تەپا پێ یا گارە بەردەوامی دا ئەنجامێن خوە یێن باش و سەرکەفتنا سیێ ل دیڤ ئێک تومارکر ئەڤ جارە شیا سەرکەفتنەکا گرنگ ل سەر ھەڤرکا خوە یانا نەوروز توماربکەت ب گولەکێ بێ بەرامبەر دوێ یاریێ دا ئەوا ئەڤرۆ ل یاریگەھا یانا گارە ھاتیەکرن ژ چارچوڤێ یاریێن گەرا پێنجێ و بەری دووماھیێ ژ کوما دوێ ب ڤی ئەنجامی گارە خالێن خوە گەھاندنە ١٥ خالان ھیڤێن خوە گەشکرن بۆ ھەڤرکیا دەربازبوونێ بەرامبەر تیما نەوروز ھەمی ھیڤێن خوە ژ دەست دان بۆ ھەڤرکیا چار گوشا زێرین .
ژلایەکێ دیڤە ل یاریگەھا پێشمەرگا ھەولێر ل پیرمام تیما پێشمەرگە شیا سەرکەفتنێ ل سەر سولاڤ توماربکەت گولەکێ بێ بەرامبەر ڤی ئەنجامی پێشمەرگە خالێن خوە گەھاندنە ١٧ خالان سەرێ لیستەیا خولێ پاراست و سولاڤ رێزا دووماھیێ و دێ چاڤەرێ تیما دووماھیا کوما ئێکێ بیت بۆ دەست نیشانکرنا یاریەکا چارەنڤێسی بۆ پاشڤەزفرینی .
ئەڤرۆ نیوز، ھەژار مەعروف:
تیما ته‌پاپێ یا زاخۆ هیڤیێن خوه گه‌شکرن بۆ ده‌رباز بوونێ بۆ خولا بژاره یا عیراقێ پشتی شیای سه‌رکه‌فتنه‌کا گرنگ لسه‌ر یانا نه‌جه‌ف توماربکه‌ت ب دو گولان بێ به‌رامبه‌ر ژی چارچوڤێ یاریێن گه‌را حه‌فتێ ژی قوناغا دوێ یا خولا عیراقێ.
ب ڤی ئه‌نجامێ تیما زاخۆ خالێن خو گه‌هاندنه ٢٦ خالان پیشه هاته رێزا سیێ د لیسته‌یا کوما دوێ دا.
ئه‌ڤرۆ نيوز:
سه‌رۆكێ زانكۆيا دهۆك، پ. د.مصلح دهۆكى سه‌باره‌ت وێ نڤيسارا ئه‌ڤرۆ يا به‌حسێ كێمكرنا بوهايێ خواندنا په‌رالێل بو كچ و كورێن ماموستايێن زانكويێ دكه‌ت، رۆنكرنه‌ك به‌لاڤكريه و دياركريه: ئه‌ڤه نه برياره به‌لكو به‌رى نوكه ل سه‌ر داخازا چه‌ند ماموستايێن زانكۆيا دهۆك بوويه كو بوهايێ خواندنا په‌رالێل بو كچ و كورێن ماموستايێن زانكويێ بهێته كێمكرن و جڤاتا زانكۆيێ ژى كومبوون ل سه‌ر كريه و ل دووڤ داخازا وان ماموستايان كريه نڤسيار و بۆ وه‌زاره‌تا خاندنا بلند هنارتيه و ب تنێ پێشنيازه و بۆ وه‌زاره‌تێ هاتيه هنارتن، نه‌بوويه بريار.
ئه‌ڤرۆ نيوز:
د.ئيبراهيم سمو سه‌رۆكێ لژنا په‌روه‌ردێ و خواندنا بلند ل په‌رله‌مانێ كوردستانێ ل دۆر وێ نڤيسارا زانكۆيا دهوك ده‌رێخستى ل دۆر كێمكرنا بهايێ خواندنا پارالێل، رۆنكرنه‌ك به‌لاڤكريه و دياركر كو ئه‌و بريار هاته لادان و كار پێ ناهێته كرن.
پشتى به‌لاڤبوونا ڤێ نڤيسارێ نه‌رازيبوونه‌كا ئێكجار زور ل فێسبوكێ په‌يدابوو و ب ناڤ و نيشانێن ( بريارێن چاكسازيێ يێ دهێته بجهئينان، باى باى چاكسازى) وه‌لاتيان ره‌خنه ژ ڤێ بريارا زانكۆيا دهۆك گرتن.
نيشاندان