ئەڤرۆ نيوز:
پەیڤدارێ وەزارەتا ئەوقاف و کاروبارێن ئایینی یا حوکمەتا ھەرێما کوردستانێ بۆ ئەڤرۆ ئاشکرا کر کو ھەتا نوکە 500 کەس ژ ھەرێما کوردستانێ چووینە د ناڤ رێزێن رێکخراوا تیرۆرستیا داعشێ دا و پتریا وان ھاتینە کوشت، ژ وان ژی ب تنێ چار کەس یێن سنوورێ پارێزگەھا دھۆکێ نە.
مەریوان نەقشبەندی پەیڤدارێ وەزارەتا ئەوقاف و کاروبارێن ئایینی یا حوکمەتا ھەرێما کوردستانێ ئاشکرا ژی کر، ئەو چار کەسێن ل سنوورێ پارێزگەھا دھۆکێ چوونە ناڤ داعشێ دا فەرمانبەرێن وەزارەتا ئەوقافێ نینن و گۆت: “ئەو چار کەسە خەلکێ قەزایێن ئاکرێ و بەردەرەشن و ژییێ وان د ناڤبەرا 15 بۆ 20 سالیێ دال نە، ھەروەسا کێمترین کەس ل سنوورێ پارێزگەھا دھۆکێ چووینە ناڤ داعشێ دا”.
ناڤھاتی ئاماژە ب وێ چەندێ ژی کر کو رێڤەبەریا ئەوقافا پارێزگەھا دھۆکێ ب رەنگەکێ نموونەیی کارکریە و خزمەتا ئایینێ پیرۆزێ ئیسلامێ و گەل و وەلاتێ خوە کریە و گۆت: “کێمترین گەندەلی ل سنوورێ ئەوقافا دھۆکێ ھەیە، لەو ئەم وەکو وەزارەت گەلەک ژێ درازینە”.
دەربارەی داھاتێ ئەوقافا دھۆکێ ژی نەقشبەندی گۆت: “ئەڤ سالە داھاتێ مۆلکێن ئەوقافا دھۆکێ گەلەک زێدەبوویە و بوویە ملیارەک و 300 ملیۆن دینار”.
ھەتا نوکە چه‌ند کەس ژ ھەرێمێ گەھشتینە داعش و چه‌ند يێن دهۆكێ نه؟
نيشاندان