ئه‌ڤرۆ نیوز: ڤه‌ده‌ر ره‌شاڤایی:
ماریلین ستێفانی نێڤاله‌ینێن ئه‌و كچا سوێدی یا 15 سالی یه كو ژ ئالیێ تیرۆرسته‌كێ داعش بناڤێ مۆختار موحه‌مه‌د ئه‌حمه‌د هاتبوو سه‌ردابرن، لێ ژ ئالیێن هێزێن تایبه‌ت یێن پێشمه‌رگه‌ی ڤه ژ ده‌ستێن داعش هاتیه رزگاركرن، ناڤهاتی به‌حس دكه‌ت كا چاوا گه‌هشتییه داعش.
ماریلین وه‌كی میدیا سوێدی به‌لاڤكری( د رێوه‌ره‌سمه‌كێ ئیسلامی دا داوه‌تا خوه كر بوو) بۆ وێ یه‌كێ بگه‌هیته جهێ ده‌ستهه‌لاتا داعش ب دوگیان ڤه وێ هه‌شت وه‌لات دگه‌ل مۆختار ده‌ربازكرن ، بێی كو بزانیت (داعش) یان (ئیسلام) چییه.
ماریلینێ خویاكر: ل ناڤه‌راستا سالا 2014 وێ مۆختار یێ یێ 19 سالی نیاسی بوو، پشتی وێ قوتابخانه هێلای وان په‌یوه‌ندی هه‌بوو، و پاشی پێكڤه ته‌ماشای فلمێن داعش دكرن، لێ ژبه‌ركو وێ چ ژ داعش و ئیسلامێ نه‌دزانی، تێنه‌دگه‌هشت ئه‌و چ ڤیدیۆ نه، پشتی موختار ژێ خاستی بچنه خه‌لافه‌تا داعش وێ گۆتێ “بلا چ ئاریشه نینه”.
پشتی ئه‌و ژ باژێرێ براس ل سوێد ده‌ركه‌فتی ، وان ئه‌لمانیا و سربیا و توركیا و سوریا ده‌رباز كرینه هه‌تا گه‌هشتییه ئیراقێ و بێی پاسپۆرت ئه‌و ژی برێیا به‌زاندنا سنۆران ب شه‌مه‌نده‌فران و پاسان و ل مووسل زارۆیه‌ك بوو.
ماریلین دیاردكه‌ت: ئه‌و ب پاسێ گه‌هشتنه توركیا پاشی شیان بچنه سوریا، پاشی داعش ب پاسه‌كێ دگه‌ل چه‌ند ژنێن دی ئه‌م برینه مووسل ل ئیراقێ، خانیه‌ك دا من، لێ چ تشته‌ك نه‌بوو، نه ئاڤ و نه كاره‌ب، گه‌له‌ك ژیانه‌كا ب زه‌حمه‌ت و بته‌مامی یا جودا بوو ژ ژیانا سوێد، ل سوێد من هه‌می تشت هه‌بوون، ل ناڤ داعش من چ نه‌بوو”
” ئه‌ڤجا ده‌می موبایله‌ك ده‌ست من كه‌ڤتی من تێله‌فۆنا دایكا خوه كر و من گۆتێ من دڤێت بزڤرمه سوێد ڤه.
میدیا سوێدی دبێژیت زه‌لامێ وێ د هیرَشه‌كا هه‌ڤپه‌یمانان دا هاتیه كوشتن و چاره‌نڤیسێ زارۆیێ وێ ناهێته زانین.
دایكا ماریلینێ برێیا پۆلیسێن سوێد په‌یوه‌ندی ب جڤاتا ئاساییشا هه‌رێما كوردستانێ كر بوو و پاشی ل دووڤ داخازا حكومه‌تا سوێد، د ئۆپه‌راسیۆنه‌كێ دا ل گونده‌كێ نێزیك مووسل ماریلین ژ ئالیێ دژه تیرۆرا هه‌رێما كوردستانێ ڤه هاته رزگاركرن، نها ل هه‌رێما كوردستانێ یه و بریاره بۆ سوێد بهێته هنارتن.
نيشاندان
