ئەڤرۆ نیوز:
ھەر چەندە رێک ل زەلامێ ھاتیە دان ھەتا چار ژنا بینیت بۆ ھندێ حەزێن خوە یێن سیکسی پربکەت، بەلێ ھندەک گۆتن دناڤ چڤاکێ مەدا بەلاڤ بووینە بێ کو راستیەکا زانستی بزانن، چڤاکێ مە بۆ خوە کریە ئاخفتن ورۆژانە دھێنە بکارئینان، ئەرێ راستە شەھوەتا ژنان حەفت جاران ھندی یا زەلامی یە ئەڤ ژمارە ژ کیڤە ھاتیە و بوچی شەھوەتا ژنان پترە ژ یا زەلامی؟
عەبدولرەحمان سوبحی، چالاکڤانەکێ باژێرێ زاخۆ یە دیاردکەت، ھەر چەندە زەلام پتر ژ ژنان بزاڤێ دکەن حەزێن خوە یێن سکسی پربکەت وھەر دەلیڤەکا ب دەست بکەڤیت ژدەست نادەت، بەلێ ب دیتنا وی ئەڤ ئاخفتنە ژھندێ یا ھاتی کو ژن ھەستیارترە ژ زەلامی و ژن وەکو میلێ دەمژمێرێ یە، ھێدی ھێدی شەھوەتا وێ دھێت ھەتا تەڤاڤ نەبیت ڤی کاری ئەنجام نادەت، بەلێ بەروڤاژی زەلامی ھەر ژ دەستپێکێ وھەر دەمەکێ ھەبیت دڤێت ڤێ کاری ئەنجام بدەت، دیسا جیاوازیا ئامیرێ ھەردو رەگەزا یێ ژنێ ھەردەم یێ بەرھەڤە بەروڤاژی یێ زەلامی دەمێ کریارەکا سکسی ئەنجام دا پێدڤی ب دەمی یە بۆ جارەکا دی وئەڤ چەندە د سروشتێ خوە دا ھاتیە دروست کرن.
و گوت: ل دەمێ زارۆبوونی و زەحمەت و ماندیبوونا دگەل پەیدابوونا زارۆی ھەتا دھێتە سەر دونیایێ، بەلێ ژن جارەکا دی دەست ب ڤی کاری دکەت وھندەکا زیدەتر ژ 10 زارۆیان ھەنە ل دووڤ ئێک و ل دووڤ ڤەکولینێن ئەمریکی ئاشکرا کریە کو ژنێ ل دەمژمێر یازدە و بیست و ئێک دەقیقا ھەتا دو و نێڤێ شەڤێ دڤێت کریارا سکسی ئەنجام بدەت، بەروڤاژی زەلامی ل دەمژمێر پێنجی سپێدێ ھەتا روژ دچیتە ئاڤا.
وگۆتژی: دبنیات دا چو راستی بۆ ژمارا حەفت جاران نینە، بەلکو ل ھەر جھەکی و دەڤەرەکێ مرۆڤی جیاوازیا خوە یا ھەی، بۆ نموونە ل ئەفریقیا کچ ل دوازدە سالیێ تەڤاڤ دبیت، بەروڤاژی ل روسیا ل بیست و دو سالیێ.
د,ئاشتی عەبدولحەکیم، ل دۆر ڤێ چەندێ دیارکر کو ئەڤ ژمارەیە ئەز نزانم دناڤ جڤاکێ مەدا بەلاڤە و نزانم ژ کیڤە ئینایە، بۆجی نابیژن شەش یان ھەشت؟ راستە حەزا سکسی ل دەڤ ژنان پترە ژ یا زەلاما، بەلێ ئەڤ حەزە ناھێتە ھژمارتن یان کێشان و پیڤان دا ژمارەکێ بۆ بدانن، و گۆت:حەزا سکسی ل دەڤ ژنان پترە ل دووڤ ھزرا من داکو ب کاریت دویندەھەکا بۆش و ژمارەکا زارۆیا پەیدا بکەت، ل ھەمان دەم دا ھەداریا ژنێ و ل سەرخوبوونا وێ ل بەرامبەر بێ بەھربوونێ ژلایێ کریارا سکسی ژ یازەلامان پترە کو دبیت ئەگەرا ڤێ چەندێ بزڤریتە پەروەردەیا ئەو ل سەر رابووی ھەر ژ زاروکینیێ.
نووترين نووچه
- مە بزاڤێن مەزن یێن كرین گرنگییەكا تایبەت ب كەرتێ چاندنێ و پیشەسازییا خوارنێ بدەین
- هیچ ئالییەكێ سیاسی نەشێت چاوانییا پەیوەندیێن د ناڤبەرا بەغدا و هەولێرێدا دیار بكەت
- تمامبوونا جۆتسایدێ شێخان – لالش، دێ ئاسانكارییەكا مەزن بۆ سەرەدانكەرێن لالش كەت
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
سهرهكى Twitter
چو بەلگە ل سەر قەبارێ پارێ چوویە دەرڤەی کوردستانێ نینن
ئه‌ڤرۆ نيوز:
برنا پارێ ھەرێما کوردستانێ بۆ دەرڤە پرسەکا گەرمە دناڤ وەلاتیێن ھەرێما کوردستانێ دا و دەستەیا دەستپاکیێ ژی ل ھەرێما کوردستانێ لژنەکا ڤەکۆلینێ بۆ ڕاستیا ڤی بابەتی پێکئینایە، چالاکڤانەکێ مەدەنی ژی خویا دکەت، پارە یێ چویە دەرڤەی ھەرێما کوردستانێ، بەلێ قەبارێ وی پارەی ناھێتە زانین و چو بەلگێن دروست ل دۆر وی بابەتی ل بەر دەست نینن.
رێباز یوسف، رێکخەرێ تۆڕا خەلک بۆ بەرگریێ ژ مافێن وەلاتیان بۆ ڕۆژناما ئەڤرۆ گۆت” مە وەکو تۆڕا خەلک و ھژمارەکا چالاکڤانێن مەدەنی، دەست ب بزاڤێن خوە یێن مەدەنی کرینە بۆ ئاشکراکرنا وی پارێ دھێنە بەحسکرن کو یێ چویە ژدەرڤەی ھەرێما کوردستانێ، بەلێ ھەتا نوکە چو بەلگە نەکەفتینە ددەستێ مەدا و ئەو ژێدەرێن ئەڤێ پرسێ ژی دئازرینن، چو بەلگێن ب ھێز ل سەر وێ چەندێ نینن، تنێ جارێ پرسەکا راگەھاندنێ یە و ژلایێ ھژمارەکا بەرپەرس و پەرلەمانتارێن کورد دھێتە بەحسکرن، بەلێ ئەم یێن گەھشتینە وێ باوەریێ کو پارە ل ھەرێما کوردستانێ یێ چویە دەرڤە و ب دروستی قەبارێ وی پارەی ناھێتە زانین، ئەو ھژمارێن دھێنە بەلاڤکرن ژی شاشی یێن تێدا ھەین و ب وی شێوەی شێوەی نینە، بەلکو پارەیەکێ کێمتر یێ چویە دەرڤەی ھەرێما کوردستانێ ژ وی پارێ دھێتە بەحسکرن و ئەم مژوولی دروستکرنا بۆچوونەکا گشتی نە ژبۆ وێ چەندێ گڤاشتن ل سەر حوکمەتێ بھێتە کرن کو ئەو کەس و قەبارێ پارێن برینە دەرڤەی ھەرێمێ ئاشکرابکەت”.
رێبازی گۆت ژی” ل ڕۆژێن بۆری مە سەرەدانا دەستەیا دەستپاکیێ ل ھەرێما کوردستانێ کریە و ل گەل سەرۆکێ دەستەیێ ئەڤ پرس بەحسکریە و ناڤبری ئەو چەندە بۆمە خویاکریە کو دەستەیا دەستپاکیێ وەکو مە، چو پێزانینێن دروست و بەلگە ژی نینن ل سەر قەبارێ پارێ چوویە دەرڤە، بەلێ دەستەیا دەستپاکیێ ژلایێ خوەڤە لژنەک بۆ کۆمکرنا پێزانین و بەلگان پێکئینایە و ل سەر وی بابەتی کاردکەن، ب تایبەتی ل سەر ئاخڤتنێن دکتۆر بەرھەم سالح سەرۆکێ بەرێ یێ حوکمەتا ھەرێما کوردستانێ ل دۆر برنا پارێ ھەرێمێ بۆ دەرڤە و ھەردەمێ گەھشتنە ئەنجامەکی، دێ بۆ رایا گشتی ھێتە ئاشکراکرن و لێپرسین دێ ل گەل تۆمەتباران ھێتەکرن”.
ناڤبری دیارکر” ڕۆژانە ئەم وەکو تۆڕا خەلک د بەردەوامین دکارکرنێ دا ل سەر ڤێ پرسێ و ئەم درژدین ل سەر ئاشکراکرن و ڤەگەڕاندنا پارێ ھەرێما کوردستانێ بۆ خەلکی، ب تایبەتی دڤێ قۆناغێ دا کو ھەرێم د قەیرانەکا دارایی یا گران دا دەربازدبیت”.
ئەمریکا ئێدی ئنجیرلیکا تورکیا بکار نائینیت
ئەڤرۆ نيوز:
ل گۆر راپۆرتەکا مالپەرێ نێرینا ئازاد پشتی ئالۆزبوونا پەیوەندیێن تورکیا و ئەمریکا سەبارەت سووریێ سەرۆک کۆمارێ تورکیا چەندین جاران گەفا وێ یەکێ ل ئەمریکا کربوو کو ئەو دێ بنگەھێن سەربازی یێن ئنجیرلیک داخێن و ناھێلن کو ئەمریکا وی بنگەھی بکار بینیت، ل ھەمبەر گەفێن ئەردۆگانی ژی بەرپرسێن ئەمریکا بلەز دەست ب خەباتەکا مەزن کرن و فرۆکە رمیلانێ ل رۆژئاڤایێ کوردستانێ ھاتیە نووژەن کرن و دەمێ سەرەدانا نوونەرێ ئۆباما بۆ رۆژئاڤایێ کوردستانێ ژی بریار ھاتیە دان کو ئێدی ئەو بنگەھێ سەربازی بھێتە بکارئینان.
د بەردەوامیا راپۆرتێ دا ھاتیە دیار کرن کو گەفێن تورکیا یێن ل سەر رۆژئاڤایێ کوردستانێ و ھەلویستێ ئەمریکا ل ھەمبەر یەکینەیێن پاراستنا گەل ژی وێ یەکێ نیشا ددەت کو ئێدی ئەمریکا وەک بەرێ سەرەدەریێ ل گەل تورکیا ناکەت و ئەمریکا بۆ خوە ل ھەڤال و ھەڤپەیمانێن نوو دگەریت و ئێدی ئەمریکا دێ ب جھێ ئنجیرلیکێ فرۆکەخانا سەربازی یێ رمیلانێ بکار ئینیت و ئەو یەک بۆ پێگەھێن رۆژئاڤایێ کوردستانێ ژی گەلەک گرنگە.
چاڤدێرێن سیاسی یێن تورکیا ژی دیار دکەن کو ئەو پێنگاڤێن نھا ئەمریکا دھاڤێژیت ھەموو نیشا ددەن کو ئێدی ئیدارا ئۆباما ژ تورکیا دلگرانە و پشتا خوە ب تورکیا گەرم ناکەت و ژ بەر ھندێ ژی ئێدی تورکیا نەشێت مەترسیێ ل سەر رۆژئاڤایێ کوردستانێ دروست کەت و کورد نھا باشترین ھەڤال و ھەڤپەیمانێ ئەمریکا نە و قارەمانیا کوردان ل عیراقێ و سووریایێ ل دژی داعشێ کری وەسا کر کو ئەمریکا و وەلاتێن رۆژئاڤا خوە پتر نێزیکی کوردان بکەن.
ل تورکیا خونیشاندانا کارتێن سور ھاتەکرن
ئەڤرۆ نیوز:
ھژمارەکا مەزن یا جەماوەرێ یانا ترابزون سپور یا تورکی خونیشاندان ل سەر جادەیێن وی باژێری کرن ژبەر ئەو بریاریێن دادڤانێ تورک دەنیز یلماز ئەوێ چەندین بریارێن نەدروست دژی یانا ئەوان داین ل یاریا حەفتیا بوری ل گەل گەلاتەسرای کو دوێ یاریێ دا چار یاریکەرێن ترابزون سپور ب کارتا سور دورخست بوون ھەردیسان دو پەنەلتیێن دروست بۆ یانا ئەوان نە ھژمارتن بۆ کو دادڤان ببو ئەگەرێ خوسارەتیا یانا ئەوان.
جەماوەرێ ترابزون ل خونیشاندانان دا وەکو یاریکەرێ خوە سالح دورشان ئەوێ کارتا سور پێشکێشی دادڤانی کری دوێ یاریێ دا و جەماوەرێ وێ یانێ ژی ب کارتێن سور بلندکرن و ناڤێ دادڤانی ئینا دیارکر ئەو ھەژی کارتا سور بۆ نە یاریکەرێن ئەوان .
ھەردیسان جەماوەری داخوازی ژ ئێکەتیا تەپا پێ یا تورکیا کر مفای یانا ئەوان نە ھێتە بەرزەکرن کو زولمەکا مەزن ل یانا ئەوان ھاتیەکرن ژلایێ دادڤانێ تورک دەنیز .
ھەژی گوتنێ یە گەلاتەسرای شیا بوو سەرکەفتنێ ل سەر ترابزون سپور توماربکەت ب دو گولان بەرامبەر گولەکێ گولا یا گەلاتەسرای ب لێدانەکا پەنەلتی ھاتبوو توماکرن ل دقیقا ٨٩ کو ئەو پەنەلتی نەیا دروست بوو ھەردیسان بەری وێ پەنەلتی سێ یاریکەرێن یانا ترابزون ب کارتا سور ھاتبونە دورخستن
بزانە سیمیونی و کوکو بۆ یاریا ئەڤ شەڤە چو گوتیە
ئەڤرۆ نیوز:
بریارە ئەڤ شەڤە بەردەوامی ب یاریێن قارەمانیا چامپیونس لیگ یا ئورۆپا بھێنەکرن کو ئەیندھوڤن دێ ل یاریگەھا خوە مێڤانداریا ئەتلەتیکو مەدرید کەت دیناموکێف یا ئوکورانی مێڤانداریا مانچستەر سیتی کەت.
د گونگرێ رۆژنامەڤانی یێ ھەردو راھێنەرێن ئەتلەتیکو و ئەیندھوڤن دا راھێنەرێن ھەردو یانا ئارمانجا خوە کریە سەرکەفتن دیيگو سمیونی راھێنەرێ ئەتلەتیکو دیارکر ئەوی باوەریەکا مەزن ب یاریکەرێن خوە ھەیە دێ شێن سەرکەفتنێ ب دەستخوڤە ئینن ژبەرکو تیما وی نوکە د رەوشەکا باش دا بوریت و چو کێماسی ل پێکھاتیێ وی نین ھەر چەندە ئەو دێ یاریێ بەرامبەر تیمەکا مەزن کەن ل سەر ئاستێ ئورۆپا و ھولەندا لێ د شیان دایە ئەو بشێن سەرکەفتنێ توماربکەن و رێیا خوە ب سانەھی بکەن بۆ قوناغا ھەشتێ بەری یاریا دوێ ل یاریگەھا وێ .
ژلایەکێ دیڤە راھێنەرێ یانا ئەیندھوڤن یا ھولەندی فلیپ کوکو دیارکر کرنا یاریێ ھەمبەری یانەکا وەکو ئەتلەتیکو مەدرید یا ب سانەھی نابیت و دێ یاریەکا ب زحمەت بیت بۆ ھەردو یانا و یانا ئەتلەتیکو خودان راھێنەرەکێ خودان شیان .
ھەردیسان کوکو د کونگرێ رۆژنامەڤانی دا ئاماژە ب وێ چەندێ ژی کر یاریکەرێ وی یێ مەکسیکی گواردیولا بۆ ڤێ یاریێ دێ بەرھەڤبیت و پشت بەستنەکا مەزن ل سەر ئەوی کری یە
راھێنەرێ ھولەندی فلیپ کوکو
ره‌وشا سه‌قايێ سوبه‌هى
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا پێنجشه‌مبى رێكه‌فتى 25ى شۆباتا 2016ێ ئه‌سمان دێ ئه‌ور بيت و ل ده‌مێن سپێدێ زوو دێ ده‌ليڤا بارانێ هه‌بيتو پاشان دێ بۆ ئه‌وره‌كێ ناڤه‌ندى هێته گوهۆڕين.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن نزمێن ده‌ريا ناڤه‌راست و فشارێن نزمێن گزيرتا عه‌ره‌بى بۆ سه‌ر هه‌رێما كوردستانێ دهێته پێشبينيكرن ئه‌سمان دێ بيت و ل ده‌مێن سپێدێ زوو دێ ده‌ليڤا بارانێ هه‌بيت و پاشان دێ بۆ ئه‌وره‌كێ ناڤه‌ندى هێته گوهۆڕين.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10 كم دا و هنده‌ك و ماوێ ديتنێ ژى دێ 8 بۆ 10كم بيت، پلێن گه‌رمێ ژى دێ د ناڤبه‌را (8 بۆ 14) پلان دا بيت.
سه‌در داخازا خونیشادانه‌كا ملیونى دكه‌ت
ئه‌ڤرۆ نیوز:
موقته‌دا سه‌در سه‌رۆكێ بزاڤا سه‌در د به‌یاننامه‌كێ دا داخاز ژ لایه‌نگرێن بزاڤا خوه و هه‌موو وه‌لاتیێن عیراقێ كریه، رۆژى ئه‌ینیا بهێت، ل باژێرێ به‌غدا و هه‌موو ده‌ڤه‌رێن عیراقێ خونیشادانه‌كا ملیونى ساز بكه‌ن و روو ب روو گه‌نده‌لكار و زولما سته‌مكاران ببن.
موقته‌دا سه‌در سه‌رۆكێ بزاڤا سه‌در داخاز ژ خونیشادانان كریه كو ب ره‌نگه‌كێ ئاشتیانه خونیشادانان بكه‌ن و داخازا چاره‌كرنا قه‌یرانا دارایى و ره‌وشا ئێمناهیا عیراقێ بكه‌ن.
سه‌فین دزه‌یى: مه هوشدارییا دایه په‌كه‌كێ
ئه‌ڤرۆ نیوز:
سه‌فین دزه‌یى په‌یڤدارێ حوكمه‌تا هه‌رێما كوردستانێ راگه‌هاند، ئه‌و په‌كه‌كێ به‌رپرسیار دزانن به‌رامبه‌ر ته‌قاندنا بوریا نه‌فتا هه‌رێما كوردستانێ و به‌رى چه‌ند رۆژان په‌یڤدارێ كه‌جه‌كێ زور ب ئاشكرا گه‌ف ژ رێككه‌فتنا د ناڤبه‌را هه‌رێما كوردستانێ و توركیا كریه ب تایبه‌ت د بیاڤێ غازا سروشتى دا و گۆت” مه هوشدارییا دایه په‌كه‌كێ و مه یێن ئاگه‌هداركرین كو ئه‌و كارێن ئه‌و دكه‌ن یێ شاشه و ده‌ستدرێژیكرنه بۆ سه‌ر قویتى خه‌لكى.
سه‌فین دزه‌یى ئاماژه ب وێ یه‌كێ كر كو كارێن وان یێت ده‌ستپێكى دابینكرنا مووچێ فه‌رمانبه‌رانه و گۆت” پشكه‌ك ژ قه‌یرانان ده‌رڤه‌ى ده‌ستهه‌لاتا هه‌رێما كوردستانێ نه.
رۆژا 17 ڤێ هه‌یڤێ ژ ئه‌گه‌رێ په‌قاندنا بوریا نه‌فتا هه‌رێما ل سه‌ر ئاخا توركیا، پرۆسا هنارتنێ بۆ به‌نده‌رێ جه‌یهان هاته راوه‌ستاندن و هه‌تا نوكه نه‌هاتیه چێكرن كو رۆژانه هه‌رێم 620 هزار به‌رمیلێن نه‌فتێ دهنارتن.
په‌رله‌مانتاره‌كا كورد خه‌لاته‌كێ نێڤده‌وله‌تى وه‌ردگریت
ئه‌ڤرۆ نیوز:
په‌رله‌مانتارا كورد ڤیان ده‌خیل خه‌لاتێ نێڤده‌وله‌تى یێ به‌ره‌ڤانیكرن ژ مافێن ئافره‌تان یێ سالا 2016ێ وه‌رگرت.
خانما ڤیان د چارچوڤێ پشكداریكرنێ د كۆنگرێ گۆپیتكا جنێڤ دا یێ مافێن مرۆڤ و دیمۆكراسیێ بۆ سالا 2016 خه‌لاتێ نێڤده‌وله‌تى یێ به‌ره‌ڤانى و پارێزه‌ریێ ژ مافێن ئافره‌تان وه‌رگرت و په‌یڤه‌ك پێشكێشكر و ئاماژه دا وێ چه‌ندێ كو ئه‌و ژ پێخه‌مه‌ت به‌ره‌ڤانیكرنێ ژ مافێن هه‌موو ئافره‌تێن زولم لێ هاتیه‌كرن د ئاخڤیت.
ژنه‌كا سویدى ژ ده‌ستێن داعش دهێته رزگاركرن
ئه‌ڤرۆ نيوز:
د ئۆپه‌راسیۆنه‌كا تایبه‌ت دا كو د ناڤ سنوورێ ژێر ده‌ستهه‌لاتا داعش دا ل ده‌ڤه‌ره‌كا نێزیكى مووسلێ هاتیه ئه‌نجامدان، هێزه‌كا تایبه‌تا دژى تیرۆرێ 17/2/2016 شیایه ژنه‌كا سویدى ژ ده‌ستێن تیرۆرستێن داعش رزگار بكه‌ت.
د راگه‌هاندنه‌كێ دا ئه‌نجۆمه‌نێ ئاسایشا هه‌رێما كوردستانێ ئاشكرا كر كو د ئۆپه‌راسیۆنه‌كا تایبه‌ت دا كو د ناڤ سنوورێ ژێر ده‌ستهه‌لاتا داعش دا ل ده‌ڤه‌ره‌كا نێزیكى مووسلێ هاتبوو ئه‌نجامدان هێزه‌كا كوردى یا دژى تیرۆرێ شیان ژنه‌كا سویدى ب ناڤێ (مارلین ستیڤانى نیڤه‌رلاین) د ژیێ 16 سالیێ دا رزگار بكه‌ن.
نيشاندان
WP Facebook Auto Publish Powered By : XYZScripts.com